بقلم ايمان شلبي

  رواية رائعة بقلم إيمان شلبي

#البارت_الاول

- بتعرف تقرأ وتكتب ؟
- افندم؟!

- بص حضرتك انا في كليه تربيه وشرط عشان اتخرج اني اعلم واحد مش بيعرف يقرأ ويكتب القرايه والكتابه ويدخل امتحان محو الاميه ولو نجح فأنا هنجح لو سقط انا هسقط وحسبي الله ونعم الوكيل في الكليه ها بقي مقولتليش بتعرف قول لا وحياه امك قول لا انا بلف من الصبح علي حد أعلمه والله بص اعمل نفسك جاهل وانا أعلمك

ضحك  وهو بيحط أيده في جيبه وبيهز رأسه بحيره ...

- يعني بذمتك ده منظر واحد جاهل ؟

هزيت راسي بنفي وانا بتنهد بضيق وتعب ..

- انا اسفه عطلتك 
- ثواني طيب 
- نعم ؟
- ا احم هو لازم المشروع ده يعني مفيش بديل ؟
- للاسف اصل كليه كامبردج فرع الشاطبي اللي احنا مش هتعتمد تخرجنا غير بالمشروع ده
- اممممم شكلك بتلفي من بدري 
- بقالي يومين وحياتك كل الناس بقت متعلمه دلوقتي ومعاها شهادات من كليه الطب ..

- طب تحبي اشوفلك حد ؟
- وحياه امك ؟

ضحك تاني بس المره ديه بصوت اعلي ..
في الحقيقه ضحكته حلوه اوي خط.فت قلبي هو شخصياً دخل قلبي !

- وحياه امي 
- ا احم انا اسفه بس انا تلقائيه بقي هههه اسفه ايه الهبل اللي انا بعمله ده ا احم طب بص حضرتك رقمي اهو لو لقيت حد هحبك

- ياريت والله

- ېحرق لساني عايز قطعه كده ا احم قصدي هدعيلك هدعيلك يالا سلام باي بونسوار تشااااو ...

قولت كلامي وجريت من قدامه وانا مش عارفه انا بعمل ايه ؟ 
مش عارفه ليه اول ما شوفته اتوترت قولت كلام مش مفهوم مع  اني مش كده ابدا 
أنا حد عاقل جدا احم بصراحه مش اوي يعني هو انا ساعات ببقي مجنونه انا بكذب اصلا ياجماعه انا معروفه بين شلتي بالهبله ...

- ها عملتي ايه لقيتي حد ؟
- لا ياماما لا انا تعبت بجد 
- معلش ياحبيبتي أن شاء الله خير 
- يارب ها بقي ياست الكل عامله اكل ايه ؟

بصتلي باستغراب وهي بټضرب كف فوق التاني پجنون

- عوض عليا عوض الصابرين يارب 
واحده عندها مشروع تخرج ومش لاقيه حد والدنيا بتخرب فوق دماغها وبتسألني عامله اكل ايه؟

- الاه يعني أمتنع عن الاكل والشرب عشان الكليه الكاريزما يعني ولا ايه ؟ ياكش تولع الكليه اهم حاجه صحتك يارايق

- لا وانتي الصادقه صحتك جميله كل يوم عند الدكتور ..

- انا اصلا استاهل اني واقفه بتكلم معاكي بعد كده جيبي حد يجيب حد يكلمني عشان انا مش قليله في البلد ديه

- امشي من هنا

- حبيبي يابا الله يخلييييك

ومع آخر جمله لقيت شبشب طاير في وشي لا ياجماعه عادي ده شبشب ماما حصل خير ....

..........................................................................

- طب وانت هتعمل ايه ؟
- مش عارف بصراحه 
- وانت ايه اللي ورطك الورطه ديه يابني ؟

اتنهدت وانا بسندي ايدي علي المكتب وبفتكر شكلها ..
عيونها الخضراء ،شعرها الاصفر الطويل ،ملامحها البريئه 
عفويتها ...

ضحكت من غير وعي وانا بفتكر شكلها وهى بتحكيلي عن الكليه بسخريه ...

- هيييي روحت فين يابني ؟
- هه ولا حاجه 
- طب هتعمل ايه يافالح انت تعرف حد اُمي ؟!
- اممممم لا هفكر 
- ايه يامعلم هي الصناره غمزت ولا ايه؟؟
- مش عارف 
- ايه لا متقولش لا لا مؤمن بييييه بجلاله قدره عجبته بنت لا انا مش مصدق نفسي ياجدع

- بس بس ايييه بلاعه واتفتحت
- حلوه؟ شكلها عامل ازاي هنروح نخطبهالك أمتي احضر البدله ؟

- ايييييه كل ده قوم يالا امشي من هنا

- يابني ده انا مصدقت حلوه؟!
- حلوه بس ديه قمر 
- طب ايه
- ايه.
- هتعمل ايه يعني
- مش عارف بس عايز اشوفها تانى عايز اتكلم معاها وأعرفها اكتر

- الموضوع مش بالساهل كده لازم تخطيط 
- طب اعمل ايه تصدق انا ثانيه وكنت هقولها انا جاهل عشان تعلمني 
- اممممم طب ما تعمل كده 
- اعمل كده ازاي ياغبي هي عرفت اني مش جاهل 
-  انت مش قولتلها هتشوفلها حد ؟
- اه 
- اشطا احنا نغير شكلك نهائياً ونطلع شهاده انك مش متعلم وتكلمها تقولها ابن عمي مش متعلم وعايز يتعلم وبكده تقدر تقرب منها وهي مش هتشك لأن شكلك هيتغير ولو شكت هتقولها أنا وابن عمي زي بعض !

- يابن اللعيبه ايه الدماغ ديه ؟
- اي خدمه يامعلم يالا كلمها
-  تمام

مسكت الفون بتاعي عشان ارن عليها ..كنت متوتر اوي لاول مره اكون متوتر كده ...
طول عمري مش بفكر في الحب طول عمري لما اشوف بنت كنت بمشي من مكان تاني عندي عقده من الحب والجواز بسبب اهلي ...

لحد ما شوفتها لاول مره اشوف بنت مغيرش طريقي لقيتني مشدود ليها بشكل مش طبيعي لقيتنى بروح نحيتها ومن وقتها وصورتها مش مفارقه خيالي !...

- الو 
- الو مين معايا؟
- مش عارفه صوتي 
- اللهم طولك ياروح بقولك ايه يا اخ انا خلقي ضيق ومش طايقه نفسي هتقول انت مين ولا اقفل في وشك ؟

- اهدي بس اهدي انا اللي قابلتك الصبح 
- مين برضو انا قابلت الصبح صحابي وبعدها روحت لعم عبده بتاع الفول وبعدين روحت الكليه قابلت الأمن اللي يسدوا النفس وبعدين دفعتي كرتونه البيض في حد ذاتها و....

- بس بس اصبري انا اللي سألتيه بتعرف تقرأ وتكتب ولا لا

- اااااه افتكرتك

- احم انا لقيت حد عشان تعلميه

- اُحلف 
- هههههههه اه والله بصي هو ابن عمي وانا عرضت عليه الموضوع و وافق

- طب تمام حلو جدا جدا اتفق معاه علي معاد وياريت يكون في اقرب وقت اللهي تنستر هسقط ..

- بكره الساعه ٦ كويس 
- طب مش تسأله الاول ؟
- هه م ماهو قاعد قدامي اهو وموافق 
- طب تمام بكره أن شاء الله في كافيه *** الساعه ٦ 
- تمام باي يا انسه 
- شهد اسمي شهد 
- تمام ياشهد باي

يُتبع
# إيمان_شلبي

بارت_2

-أنسه شهد؟؟
- والله علي حسب هتخطفني وټنتقم مني زي ابطال الروايات ولا جاي تستظرف ؟!

- أفندم؟!
- ا أحم اسفه ايوه انا انسه شهد مين حضرتك ؟

لقيته قعد علي الكرسي اللي قدامي وهو بيقول ببرود :

- طب مش أما تقوليلي اقعد الاول ؟
- مانت قعدت ياكابتشن وبعدين ايه ده ثواني مش انت انا حاسه اني شوفتك انت

لقيته اتوتر وهو بيقول بسرعه 
- انا وابن عمي مؤمن  شبه بعض اوي 
وبعدين كابتشن انتي متأكده انك في كليه تربيه اللي بيشتغلوا فيها مدرسين وكده ؟
- جرا ايه يا استاذ انت جاي تاخد وتدي بشكل ودي  ولا ايه بقولك ايه انا مش فيقالك تمام ؟ تمام أن شاء الله  

-معاكي اللي مستنياه " محمد"

قال جملته وهو بيمدلي أيده ببرود 
مديتله ايدي وانا ببصله بذهول  بدايه من ملامحه الوسيمه ،عيونه السوداء ،وشعره الاسود الطويل نوعاً ما ،استايل لبسه اللي يخطف القلب وخاصه قلبي لاني بحب الاستايل ده ،جسمه الرياضي ...

معقوله ده شكل واحد مش متعلم ؟ طب ازاي؟

- هييي روحتي فين يا انسه؟!
- هه ا اسفه ط طب حضرتك متأكد يعني ؟
- متأكد من أيه بالظبط!
- متأكد انك مش متعلم ؟! 
- وانا هكذب عليكي ليه ؟!
- ا أحم هو في ايه ياعم انت مالك مش طايق نفسك ليه ؟

لقيته  وبيقول بصوت رجولي خشن هادي في نفس الوقت :

- ممكن نبدأ الدرس عشان عندي مشوار ؟ 
- ا اكيد ا اكيد طبعا يالا

فتحت الاسكتش وبدأت اشرحله ..
كنت متوتره اوي ،لاول مره وانا بشرح اكون متوتره كده ،مع اني دايما بشرح للطلاب بتوعي بكل هدوء وتأني وثبات ...

كنت بقف  بكل ثقه وثبات أشرح لزمايلي في الكليه يوم العملي ...
مش فاهمه اشمعني هو الوحيد اللي اتوترت قدامه ،كنت بطلع الكلمه بالعافيه وكأني طفله لسه بتتعلم الكلام ...

- انتي كويسه يا انسه؟!
- هه ا انا تمام تمام 
- اوك يالا نكمل 
- انت فاهم حاجه اصلا؟؟
- جدا فاهم جدا ياريت كل المدرسين زيك ..

قال كلامه وهو بيبص في عيني بعيونه اللي كأنها مغناطيس ...
معقوله في حد بالجمال والوسامه والكاريزما ديه !
حقيقي الظروف صعبه اوي الدنيا مش عادله أبداً لشخص زي في كل المواصفات الحلوه لكن ناقصه أهم صفه ...

خلصت شرح وانا طول الوقت بحاول مبصش في عينه عشان بتوترني نظراته 
كنت طول الوقت باصه في الورقه وانا بشرح وحاسه بعيونه مفارقتش ملامحي 
مكانش مركز في الشرح اكتر ما هو مركز معايا ...

- وبعدين بقي يامحمد؟!

بصلي وقال ببراءه: انا عملت ايه ؟
- ركز لو سمحت مينفعش كده 
- طب مانا مركز ،مركز اوي

قال جملته وهو بيسند ايده علي الطربيزه بهيام ...

نفخت بضيق وانا بهبد القلم  علي الطربيزه وبقول بعصبيه ...

- لا بص بقي عشان نبقي متفقين كده شغل التسبيل  ده مش بحبه احنا مش جاين نتجوز انت جاي تتعلم عشان تستفاد وانا جايه أعلمك عشان اتنيل اتخرج من جامعه كامبردج فرع الشاطبي تمام؟!!

حط رجل علي رجل وهو بيبصلي ببرود : طب وهو انا عملت ايه دلوقتي انا كنت مركز معاكي جدا

- لا واضح كل شويه تبص يمين وشمال وتسبلي لا واضح جدا انك كنت مركز ...

- انتي عصبيه كده علي طول 
- ميخصكش 
- طب تمام عموما لو حابه تتأكدي اني كنت مركز انا ممكن اسمعلك كل حرف قولتيه

- هه في المشمش 
- مش مصدقه 
- صراحه لا وشكلك كده هتسقط وتسقطني معاك

- طب هسمعلك ..

قال جملته وبدأ يسمع كل حرف قولته بالتفصيل وانا ببصله بذهول وأحراج في نفس الوقت ...
الظاهر اني فهمت غلط ...

- ها لسه مُصره علي رأيك ؟!
- احم احم برافو احنا كده خلصنا النهارده بكره ان شاء الله نتقابل في نفس المعاد

- تمام وبالمناسبة شكلك حلو وانتي مټعصبه بصراحه عمري ما شوفت ميس قمر كده باي باربي ...

قال جملته الآخيره وهو بيغمزلي بعينه وبياخد الفون والمفاتيح بتاعته وبيمشي من قدامي بعد ما حط حساب اللي طلبته ...

اما عني وشي كله بقي احمر ،قلبي كان بيدق بطريقه غريبه وانا ببص لآثره وبقرب ايدي من مناخيري وانا بشم ريحه البرفيوم بتاعته اللي طبعت في أيدي لما سلم عليا ...

- فوقي ياشهد فوقي مينفعش 
............................................................................
-ها عملت ايه شكت في حاجه ؟!
- عيب عليك وانا عبيط ولا ايه 
- طب عملت ايه احكيلي ؟!

- تعرف باربي؟!

لقيته بيرفع حواجبه وعلامات الاستفهام واضحه علي ملامحه وهو بيقول ببلاهه :
-باربي العروسه ؟
- ايووون بالظبط 
- مالها عايز واحده تلعب بيها ولا حاجه ؟!
- ظريف يالا 
- مانا مش فاهم ايه علاقه باربي بالموضوع حضرتك ؟!
- هي يا " مروان" هي شبهها اوي انا مستغرب ازاي ربنا حط الجمال ده كله في شخص واحد 
انت متخيل وانا قاعد قدامها كنت بعمل حركات مراهقين ،انا مؤمن الزناتي اللي مكنش حد بيهزه جت هي من غير ترتيب شقلبت حالي في ثواني !!

كنت بحكي بشغف وانا ساند بأيدي علي المكتب وبفتكر العيون اللي سحرتني بجمالها 
بفتكر اول ما شوفتها ازاي قلبي دق ازاي همسلي اروح عندها ..

- انت حبيتها يامؤمن ولا ايه ؟!
- باين كده 
- بس متنساش ان احنا بنكذب عليها 
- تفتكر لما تعرف الحقيقه هتكرهني؟!
- اكيد هتضايق 
- طب اعمل ايه ؟!
- ما تعترفلها بكره 
- ايه انت بتهزر 
- أومال هتفضل مكمل في لعبه انت مش عارف نهايتها ايه ؟!
- حاسس انها هتحبني 
- حتي لو حبتك لما تعرف الحقيقه هتبعد عنك 
- انت ليه بتقفلها في وشي يامروان ؟!
- عشان خاېف تحبها يامؤمن خاېف هي متبادلكش نفس الشعور ساعتها مش هستحمل اشوفك تعبان بسببها ..

اتنهدت وانا بسند ظهري علي الكرسي وبغمض عيني ..
بحاول اطرد الأفكار ديه من دماغي،بحاول اتخيل انها هتحبني وبس هتسامحني لما تعرف اني عملت كده عشان انا حبيتها ...

- مش هتسامحك هتكرهك اكتر وخاصه انك هتخليها تسقط
- ومين قال كده انا هزور الشهاده وهدخل الامتحان
- مش خاېف حد يشوفك في الأمتحان ويعرفك؟!
- مش خاېف من حاجه المهم عندي هي 
- للدرجادي ؟!
- واكتر يامروان واكتر لما تجرب الحب هتفهم

- وانا لسه هجربه مانا عارف 
- عارف ايه ؟!
- هه م مفيش 
- مروان انا عارف علي فكره 
- ع عارف ايه بالظبط 
- عارف انك بتحب " مايا" اختي 
بس احب اعرفك حاجه حاول تنساها عشان انا مش هجوزهالك يامروان

لقيته بصلي پصدمه وعيونه اتملت بالدموع وهو بيسألني بذهول. 
- ليه يامؤمن ؟ انا وحش في ايه
- انت مش وحش بس مايا بتحب واحد زميلها في الكليه وجاي يتقدملها ...

- ده علي چثتي فاهم علي چثتي اختك مش هتتجوز حد غيري خليها حلقه في ودنك وودنها ...

قال كلامه الاخير وهو بيهبد علي المكتب وبيخرج من الأوضه كلها ...

اما عني فسندت ظهري علي الكرسي وانا بضحك بخبث

- ولما انت بتحبها بتعاند ليه ياغبي كان لازم يعني اعمل كده عشان تنطق 
........................................................................... 
- ها ياشهد قابلتي الشاب اللي هتعلميه!
- اه 
- طب عملتي ايه فهم وكده 
- اه فهم 
- ولا هيسقطك
- هيسقطني اه 
- يابت مالك في ايه اه ولا لا ؟!

فوقت من شرودي وماما بتهزني من كتفي وانا بقول بهدوء : ايوه فهم ياماما فهم

- مالك ياشهد
- ماما ه هو ممكن حد يحب حد تاني من اول مقابله 
- من اول نظره يا شهد مش من اول مقابله الحب بيجي خطفه كده بس ليه بتسألي السؤال ده ؟!

- هه ل لا مفيش اصل يعني صاحبتي قالتلي أن هي هترتبط بواحد قابلته مره واحده وأنها بتحبه فأنا استغربت بس

- لا متستغربيش لما تحبي هتعرفي أن كلامها صح

- صحيح بقولك ايه اعملي حسابك خالتك جايه هي وابنها النهارده عشان يتقدمولك

- ايه لا متهزريش 
- وانا ههزر ليه ابنها بيحبك من زمان والعيله كلها حاسه انك معجبه بيه يبقي ايه لزمتها النظرات والغمزات !

- بس انا مش بحبه ا انا بحب واحد تاني ياماما وهو جاي يتقدملي بكره ...

يُتبع
# إيمان_شلبي

#احببت_جاهل
#البارت_الثالث

نعم ياختييي بتحبي واحد تاني ؟!!!

-احم ا ايوه ياماما هو الحب عيب ولا حرام ؟!
- لا انا مقولتش كده انما لما تحبي وترتبطي من ورا اهلك يبقي حرام طبعا وعيب ...

- بس هو جاي يتقدم 
- يبقي  ابعتيله رقم ابوكي يحدد معاه معاد عشان  يتقدم  انما قسماً بالله لو عرفت انك بتكلميه من ورانا تاني هقول لابوكي وهو يتصرف معاكي ،قليله الربايه ....

قالت كلامها وخرجت من الأوضه وهي بتهبد الباب وراها ...

روحت قعدت علي طرف السرير وانا دموعي متعلقه في عيني ..
طول عمر ماما كده مش بتسمعني ،طول عمرها شايفه أن اي كلام بابا وأهلها بيقولوا عليه كأنه مقدس ..

العيله كلها شايفه أن الحب عيب وحرام وان الجواز لازم يكون صالونات وان البنت لازم تتجوز اي حد حتي لو مش علي مزاجها بس ميتقالش عليها معنسه ..

طول عمرهم تفكيرهم رجعي 
حتي ماما زيهم ،تفكيرها زيهم ،مش بتسمعني ...

نفسي اكون زي البنات اللي مصاحبه أهلها ،نفسي احكي لماما كل حاجه من غير خ*وف حتي لو غلط بس احكيلها لاني عارفه انها هتسمعني وتعرفي الصح من الغلط ...

بس للاسف ماما ابسط ما عندها تروح تحكي لبابا تروحي تقول العيله كلها بنتي عملت كذا وكذا وتخلي الكل يلومني وتخليني اندم اني حكيت  وفضفضت معاها ...
عشان كده بقيت بسكت بكتم كل حاجه جوايا....

بس في النهايه هي امي وانا بحبها ،عارفه انها كمان بتحبني 
عارفه انها پتخاف عليا بس حبها صعب شويه يمكن في نوع من الق*سوه لكنه حب ام لبنتها الوحيده في النهايه ....

تاني يوم

كنت واقفه قدام المرايه بسرح شعري بشرود وحزن وانا محتاره هعمل ايه في الورطه اللي حطيت نفسي فيها 
منين هجيب حد يمثل أنه بيحبني ويخطبني عشان أهرب من جوازي من ابن خالتي ...

الشخص السمج ،ابتسامته الخ*بيثه كفيله  ټعصبني ،نظراته المُريبه بتخلي كل ذره فيا تتنفض ...

منين اخترعوا اني معجبه بيه 
منين وانا كل ما اشوفه أهرب في أي مكان واقفل الباب عليا من الړعب !

اخدت شنطتي والفون بتاعي وخرجت من البيت ..
نزلت اخدت اوبر ووصلت قدام الكافيه ودخلت قعدت وطلبت قهوه 
كنت مستنيه " محمد" يوصل وانا بفكر بشرود ...

- اتأخرت عليكي انا اسف

- ولا يهمك اتفضل 
- انتي كويسه ؟
- انا تمام تحب نبدء دلوقتي ولا ترتاح من السكه شويه ؟

- بس أنتي شكلك مش كويسه خالص 
- خلاص بقي انت هتصاحبني ؟! كويسه ولا مش كويسه انت مالك

قولت كلامي بكل عصبيه وقله ذوق وهو قاعد يبصلي بهدوء ...

- خلصتي ؟!
- خلصت ايه بالظبط ؟!
- ولا حاجه عموما انا اسف اني اتدخلت في اللي مليش فيه يالا نبدء

قال كلامه بنبره حزن وانا ضغطت علي ايدي بندم وانا بمنع نفسي اعيط قدامه ..
كنت مخنوقه اوي ،كنت محتاجه اعيط واحكي لحد اللي انا حاسه بيه ..

مليش صحاب ولا حتي ليا أهل تسمعني ..
مليش غير ربنا

اخدت نفس عميق وانا بحاول اكون ثابته وبدأت اشرح وهو كعادته مش مركز غير فيا !!

وقفت شرح مره واحده وانا بسأله بتلقائية ...

- تتجوزني 
- هه 
- بقولك تتجوزني 
- انتي بتكلميني انا ؟
- ايوه بكلمك انت تتجوزني 
- ب بس 
- بص يا محمد احنا مش هنتجوز يعني 
- اومال ايه مش فاهم ؟!
- انت هتيجي تتقدملي  ونتخطب لفتره معينه  ونفركش ..
- ليه ؟
- ب بص بصراحه كده في عريس متقدملي وانا مش موافقه عليه والعريس ده يبقي ابن خالتي 
وانا قولت لماما أن في واحد زميلي هيتقدملي وان احنا بنحب بعض 
ومش عارفه اتصرف ازاي ،انا معرفش حد ولد غيرك فلو سمحت تساعدني ...

- بس انا مش متعلم !
- ما احنا هنكذب عليهم ونقولهم انك معايا في الكليه وفتره نقول أن احنا متفقناش

-طب افرضي حبتيني؟

قال جملته  وهو بيرفع حواجبه بكل غرور وهو بيحط رجل علي رجل

- احبك ؟!
- مالك مستغربه ليه ؟

ضحكت  وانا بقول بسخريه : 
لا متقلقش مش هحبك اوعي انت اللي تحبني لأن مشاعرك ملهاش لازمه اوعي تنسي اني الميس بتاعتك ياريت تفتكرر ده دائما ...

- هو انا ليه حاسس انك بتذليني؟! هو في  حد اختار حياته 
- لا محدش بس احنا لازم نبص علي قدنا برضو كل واحد وليه شبيه ..
ها موافق ولا اشوف غيرك !!

لقيته بصلي من فوق لتحت وهو بيقول بكبرياء  وثقه..
- موافق بس كلامك هيتغير لما تحبيني هتضطري تنزلي لتحت ..

- مغرور وثقتك مش في محلها علي الاطلاق ياحمو 
- مش حكايه غرور كل الحكايه ثقه ساعات ناس كتير مش متعلمه بس بتفهم اكتر منكم يامتعلمين يابتوع المدارس والكليات ...

اتنهدت وانا بقول بهدوء : نكمل الدرس  افضل ؟!
- نكمل ..

كملنا شرح وانا في صراع وخو*ف  جوايا مش بينتهي أبداً ...

طول عمري تفكيري اني لازم اتجوز واحد متعلم زي ..
عمري ما كنت اتخيل ان قلبي يميل لشخص زي محمد ..

كنت خاېفه احبه 
ساعتها هيبقي في صراع بين الحب والمستقبل ...
القلب والعقل

ساعتها هتعب هضطر اختار بين حاجتين اسوء من بعض ...
لكن في النهايه لازم اختار يا اضحي بحبي  عشان مستقبلي  يا اضحي بمستقبلي  اللي خططت كتير عشانه من وانا صغيره  عشان حبي !!

ساعتها عذرت الناس اللي بشوفها بتختار شريك حياتها لأجل الحب  حتي لو مش زيهم في كل حاجه حتي لو هما يستحقوا الأفضل...

- علي فكره لو مش قادره تكملي ممكن نكمل بكره شكلك محتاره وعايزه تقعدي مع نفسك تفكري شويه

اتنهدت وانا بسيب القلم وببصله وبقول بثبات : هديك رقم بابا تكلمه وتقوله انك جاي تتقدم ..

- تمام 
- هتجيب اهلك طبعا 
- اكيد
- بس..
- عارف مټخافيش هفهم اهلي كل حاجه 
- وهما هيوافقوا ؟؟
- متقلقيش 
- تمام ا احم شكرا 
- العفو تحبي نقوم نمشي؟!
- نقوم ؟!
- ا احم قصدي يعني لو تحبي اوصلك 
- لا شكرا يا محمد انا عارفه الطريق وصحيح اتفضل

حطيت ايدي في شنطتي وخرجت فلوس منها وانا بمدله ايدي

- ايه ده ؟!
- ديه فلوسك انت امبارح حاسبتلي علي القهوه

بصلي من فوق لتحت وهو بيضحك بسخريه وبيطلع فلوس من جيبه وبيحطها علي الطربيزه ...

- عن اذنك

قال جملته ومشي وانا واقفه ابص لآثره بذهول !

..................................................
وصلت البيت وكنت لسه هدخل اوضتي لقيت بابا بيناديني

- نعم يابابا 
- كنتي فين ؟
- كنت مع الشاب اللي بعلمه 
- امممم وانتي يعني ملقتيش غير شاب مكانش ينفع اي واحد كبير في سني مثلا ؟

- أحم اللي لقيته يابابا وبعدين الشباب دلوقتي بيحتاجوها في حاجات كتير 
متقلقش بنتك بميه راجل 
- مش قلقان انا واثق فيكي يا شهد ..
- ربنا يخليك ليا يابابا 
- مامتك قالتلي 
- ا أحم علي ايه بالظبط

قولت جملتي وانا بفرك ايدي بتوتر وهو ابتسم وقالي بتفاهم استغربته ...

- الحب مش عيب ياشهد
- هه
- الحب مش عيب بس في حدود الاحترام 
- صح 
ها بقي الباشا هيجي يتقدم امتي 
- ه هو اخد رقمك مني لما ماما قالتلي انها هتحكيلك بطلت اتكلم معاه ..

- يعني انتوا كنتوا بتتكلموا ؟؟
- لا لا احنا يعني كنا بنتكلم في حدود الدراسه بس 
- اممممم طيب ماشي عموما انا مستني يكلمني عشان نحدد معاد واقابله

- أن شاء الله 
- مالك ياشهد حاسك مش مبسوطه يابنتي ؟!

- بابا هو انا ممكن أسألك سؤال ؟؟
- اسألي ياحبيبتي
- بابا انا ليه ساعات بحسك بتفهمني وساعات تانيه لا ؟
- مين قال كده ياشهد انا طول الوقت بفهمك أنا ومامتك

- لا يابابا لا مش طول الوقت انا بخاف اتكلم معاكم 
-پتخافي مني انا ياشهد ليه يابنتي  انا عمري قس*يت عليكي؟!

هزيت راسي بنفي  وانا عيوني مليانه دموع ..

- لا بس في افكار في دماغ حضرتك انت وماما مش بتتغير 
- زي ايه؟؟
- زي مثلا الارتباط هو الارتباط حرام يعني لما واحد يحب واحده حرام !

- ومين قال كده بس ؟ انا لسه قايل الحب مش حر*ام ،لكن الارتباط من ورا اهلك ح*رام ياشهد ،اللي بيحب حد بيدخل البيت من بابه مش بيفضل يكلمه من ورا أهله وشويه ويبعد كل ده تضيع وقت واس*تنزاف مشاعر وشويه ذنوب بتاخديها عشان أشخاص حابه تضيع فراغ تحت مسمي الحب !!

اللي بيحب حد بيحب يظهره قدام الكل مش يرتبط بيه في السر ...

- بس ساعات بتكون في ظروف مانعه الشاب أنه يتقدم

- يبقي يروح يحكي الظروف ديه لأهل البنت يديلهم وعد أنه هيعمل المستحيل عشان يتجوزها ينحت في الصخر عشانها اللي بيحب حد بيتعب عشانه يا شهد لازم يعافر ..

- بس مش كل الأهل بتوافق يابابا !
- مش كل الناس تفكيرهم زي بعض ياشهد
- يعني معقوله في ناس ممكن تفضل الفلوس علي سعاده بنتهم

-بيبقي في اعتقادهم أن الفلوس هتسعدها 
- بس الفلوس مش كل حاجه 
- طبعا اهم حاجه الحب اهم حاجه الارتياح 
- بابا لو انا كنت حبيت شخص و...
- لو مكانش جاهز وجه وحكالي ظروفه  وعطاني وعد أنه ميتكلمش معاكي ويراعي ربنا في حبه ليكي وأنه هيعمل المستحيل عشانك صدقيني مكنتش هرفض أبداً ...

- بس ماما كانت هترفض 
- انا لا طبعا

بصتلها وانا بقول بنبره صوت كلها دموع 
- ماما انا بخاف احكيلك حاجه 
- ليه ياشهد ليه ياحبيبتي ده انا امك ياضنايا

- الام بتبقي صاحبه بنتها ياماما بتبقي سرها انا عمري ما حسيت انك سري
كل أسراري بتروحي تحكيها للناس
،لما بعمل حاجه غلط بخاف احكيلك 
مش بتسمعيني 
،دايما بتتسرعي دايما خاېفه من غير أسباب عارفه انك پتخافي عليا بس للخوف حدود ياماما ...

لقيتها قربت مني وحضنتني وهي بټعيط ...

- انا اسفه يا شهد اسفه حقك عليا والله انا بحبك وبخاف عليكي من الهواء الطائر يمكن فعلا خ*وفي كان غلط حقك عليا يابنتي من هنا ورايح اي حاجه هتحكيها هتبقي في بير

- بير مخروم يابت متحكيش للست ديه حاجه تعالي احكيلي انا ...

ضحكت علي كلام بابا وانا بدفس نفسي في حضڼ ماما وبغمض عيني براحه وأمان ...

كنت مبسوطه اوي من جوايا أن أخيراً بدأت ماما تفهمني وبابا كمان ...

الفون بتاع بابا رن 
انتفضت من مكاني وقلبي بيدق برع*ب وخوف ...

رد عليه وثواني ولقيته بيبصلي وبيضحك

- ايوه انا والد الأنسه شهد مين معايا

رد عليه " محمد" ودقايق وبابا قفل وهو بيبصلي بابتسامه هادئه وانا وشي كله احمر بتمني الأرض تنشق وتبلعني في اللحظه ديه ..

- لا واسمه حلو كمان

استغربت جدا وانا برفع حواجبي وبسأله باستغراب: هو مين ؟

- العريس ياشهود
- اسمه ايه ها ها اسمه ايه يابو شهد 
- مؤمن

- مؤمن؟؟؟؟

قولتها بيني وبين نفسي پصدمه وانا مش قادره  افهم مين مؤمن ده !

ده محمد بس مغير اسمه يعني ؟ ولا ده شخص تاني اسمه مؤمن وجاي يتقدملي ..

مكنتش فاهمه اي حاجه ..

- عموما جهزي نفسك عشان جاين بكره يتقدموا

- حاضر

استأذنت منهم ودخلت اوضتي ورنيت علي محمد ..

- الو 
- هو مين مؤمن ؟
- ابن عمي 
- ونت  ليه غيرت اسمك يعني ده من ضمن الخطه !
- توء انا اصلا مش هعمل الخطه 
- نعم يعني ايه ؟
- يعني انا اتفقت مع مؤمن ابن عمي هو اللي يعمل الخطه مكاني 
وهو وافق ،ابن عمي اللي انتي شوفتيه ده اكيد فكراه يعني!
متعلم وصاحب شركه يعني ممكن الموضوع يقلب جد معاكي وتحبيه  ...

- حب ايه وزفت ايه انا متفقه معاك انت ؟
- وانا فكرت وخۏفت 
- خۏفت تحبني !!!
- توء خۏفت انتي تحبيني في فرق
- هه ت*باً لاحلام البسطاء بجد واخد مقلب في نفسك غريب

- عموما انتي مش هيفرق معاكي اي واحد كده كده شهر ولا اتنين وهتفركشي وانا زي مانا بتعلميني عشان تنجحي وانا كمان استفاد من الشهاده !

-تمام بس ياريت تخلي بالك كويس اوي بعد كده التعامل ما بينا هيكون بالشوكه والس*كينه ..

- وماله نخليه بالمعلقه والطبق كمان 
- هه ظريف اوي سلام يا يامحمد ...

قولت كلامي وقفلت الفون في وشه وهبدته علي السرير وانا بجز علي اسناني ب*عن*ف وپصرخ بصوت مكتوم ...

- قال أيه فاكرني هحبه 
انا ايه اللي ورطني بس يارب اعمل ايه عشان أخرج من المصيب*ه ديه ...

كنت قاعده بفكر طول اليوم في حل للورطه اللي ورطت نفسي فيها لحد ما غلبني النوم ..
............................................................................
- وافرحي ياعروسه
- انا العريس 
- ياعروسه ياعروسه
- انا العريييس
- اخوياااا وكمان مره اخويا احلي عريس كده كده 
- هههههههه احلي مايا كده كده 
- ها بقي احكيلي عرفتيها منين وازاي شكلها عامل ازاى و ...

- ايه ايييه بالعه راديو اهدي 
- لا مش قادره مش قادره احكيلي 
- طب ياستي هحكيلك 
- اهم حاجه حلوه ؟!
- حلوه بس ؟ ديه قمر

قولت كلامي وانا بسند ظهري  علي السرير  وبحط ايديا تحت راسي وببص في السقف وانا بفتكر " شهد"

- تعرفي النجوم!!

لقيتها قربت مني وقعدت علي السرير وهي بتربع رجلها وبتسند  ايديها علي خدها ..

- مالها؟
- هي القمر اللي ساكن جنبهم 
- اه بدأنا جو الك*لبوبات 
- بتقولي حاجه ؟
- هه لا لا كمل ياسطا 
- تعرفي السكر!
- اه اللي بيبقي في الحكك بتاع العيد ده ماله؟!
- هي سكر 
- لا لا مش قادره مرارتي انفج*رت
-مش سامع بتقولي ايه
- يابا كمل انا مقولتش حاجه اصلا 
- تعرفي ال...
- لا مؤمن حبيبي احنا بننام بدري لخص عرفتها منين ؟
- تصدقي ؟ هتصدقي أن شاء الله انا مش هقولك حاجه اصلا

- طه ليه كده طه 
- هو كده ومش هوافق كمان علي الواد مروان

عيونها طلعت قلوب ،وشها كله بقي احمر وهي بتفرك ايديها من التوتر ..

- ه هو اتقدم ؟!
- بتحبيه؟
- ا انا 
- مايا انا عارف انك بتحبيه زي ماهو بيحبك بس هو عنيد وج*بان ..
لقيت عينيها بتدمع وهي بتقولي :

- انا نفسي افهم خاېف من ايه بس ؟
- خاېف عليكي يامايا  
- ليه ؟!
- متنسيش اللي حصل لأهله بسبب شغله القديم 
- بس ديه صفحه وانتهت وهو حاليا بيشتغل معاك 
- بس لسه في شويه أع*داء في حياته بس أنا متأكد أن أول ما يحس انهم اختفوا مش هيسيبك تروحي من أيده ..

اتنهدت وهي بتهزلي رأسها بابتسامه حزينه ..

- يارب 
- احم يالا يابت روحي نامي يالا
-لااااااا انت بتخم وانا مش بحب الخم 
- بخُم؟؟ انتي بتجيبي الكلام ده منين يابت 
- من عند عمو بتاع الكلام تحب اجيبلك كيلو 
- هه لا وكمان ظريفه ؟

قولت جملتي وانا بضربها كف علي قفاها ..

مايا وهي بتحك رقبتها : حسبي الله ونعم الوكيل ربنا علي الظ*الم والم*فتري 
انا مش عايز اعرف منك حاجه بس هعرف كل حاجه من العروسه يا ياميمو ..

قالت جملتها وقامت تجري برا الأوضه وانا بحدفها بالمخده بغيظ لاني مش بحب اسم ميمو ده علي الاطلاق ....

اما عني  سندت راسي علي المخده وانا مُبتسم بفرحه لكن خوف في نفس الوقت ...
خوف من " شهد" لما تعرف الحقيقه ساعتها موقفي هيكون ايه 
ساعتها هتكون  ايه  رد فعلها ..هتك*رهني وتسيبني؟ ولا هتفهم اني عملت كده عشانها 
عشان انا حبيتها معرفش ازاي وامتي لكن حبيتها في النهايه !

يُتبع

#إيمان_شلبي

#البارت_الرابع

صحيت تاني يوم الصبح ..
اخدت شاور سخن ولبست هدومي ونزلت الكليه 
كان لازم احضر النهارده ...

وصلت ودخلت من باب الكليه ،كان لسه بدري اوي 
روحت قعدت علي السلم وحطيت الهاند فري في ودني وانا قاعده ابص علي البنات ...

كانوا شله بنات كتير واقفين  ...
ابتسمت بحزن وانا بشبك ايدي في بعض بحاول احسس نفسي اني مشي بالرغم اني دايما لوحدي !...

يمكن انا خجوله شويه ؟! 
يمكن بخاف اقرب من الناس واحبهم 
يمكن بخاف من فراق حد غالي عليا !

مكنتش قادره افهم نفسي ،طول الأربع سنين كليه مصاحبتش حد 
مش فاهمه العيب مني ولا منهم ؟!

- انتي قاعده لوحدك ليه طيب ؟؟

لفيت لمصدر الصوت باستغراب وثواني وضحكت وانا بهز راسي بحيره ...

- عادي اتفضلي

لقيتها قعدت جنبي وهي بتمدلي ايديها بمرح : اسمي سما

- وانا شهد 
- عارفه باربي

ضحكت وانا بسألها باستغراب : مين باربي ؟!

- انتي الدفعه كلها مسمياكي باربي 
- انا ؟!
- ايوه يابنتي انتي شبه باربي جدا

ضحكت جامد  وانا بهز راسي بحيره

- تشبيه غريب والله 
- بالعكس تشبيه يليق بيكي جدا 
بس انتي طلعتي لطيفه اهو اومال الناس ديه بتقول عليكي ر*خمه ليه؟؟

بصتلها بحزن والدموع بتلمع في عيني : هما مين ؟

بصتلي بندم وهي بتحط ايديها علي ايدي : ا انا اسفه اوي

- ولا يهمك بس انا مش رخ*مه ولا حاجه 
انا مش بحب اقرب من حد 
معظم البنات اللي هنا مش بتحبني من غير أسباب،  والباقي بيحاولوا يتقربوا مني عشان انا دحيحه في نظرهم !..

هزت راسها وهي بتقول بمرح : سيبك ديه ناس  انتي قمر ولطيفه وانا حبيتشك خلاص وهنبقي صحاب

- ده شرف ليا ياجميل 
- ياخرابي ياناس هو في حد قمر كده؟
- اه انتي 
- روحي الهي تنستري انا اخر مره حد قالي كلمه حلوه من ٧٣ باين

ضحكت جامد علي رده فعلها باين عليها بنت لطيفه ...
فضلنا نحكي وقضينا اليوم مع بعض لحد ما خلصنا المحاضره

- يالا بقي ياستي نروح ناكل 
- لااااا انا عندي مهمه قوميه لازم اعملها

بصتلي وهي بتقفل عينيها نص قفله وبتقول باستغراب : مهمه !

هزيت راسي وانا بقول بضيق : الشاب اللي بعلمه عشان محو الاميه

- اااااه صحيح ده انتي فكرتيني انا النهارده هبدء اول درس لعمو بتاع الفراخ ...

بصتلها وثواني واڼفجرت من الضحك وانا يسألها من بين ضحكي: عمو بتاع الفراخ ؟

هزيت راسها وقالت بتلقائية: ده انا طلع عيني عشان اقنعه يتعلم والله

- طب واقتنع؟!
- عيب عليييكي طبعا قولتله لو اتعلمت هتقدر تفهم لغه الفراخ أن كانت تع*بانه ولا زعلانه ....

- هههههههه وهو اقتنع؟!
- وحياتك صدق 
- طب كويس والله كل الدعم

ضحكت وهي بتقرب مني وبتسلم عليا

- يالا بقى يامزه اسيبك انا ورقمي معاكي ها ابعتيلي وانا اسجلك

- خلاص ياقمر تمام 
- بااااي

خرجت من باب الكليه ولسه هركب العربيه لقيت " مؤمن" واقف وساند علي عربيته وهو لابس نظاره سوده ...

قربت منه وانا مكشره حواجبي باستغراب !

- ا انت ؟
رفع راسه من علي الفون بتاعه وهو بيشيل النظاره من علي عينه وبيضحك وهو بيقولي بهدوء

- ازيك يا باربي 
- باربي !!

قولتها باستغراب اكبر وهو واقف مربع أيده وبيهزلي رأسه بتأكيد

- طبعا باربي 
- انت عرفت ازاي

ضحك وهو بيهزلي رأسه يتساؤ ل: عرفت ايه ؟!

اتوترت وانا بفرك ايدي وبقوله بضيق مصطنع: هو انا ممكن أعرف ايه اللي جابك هنا ؟

- ايه جاي اشوف خطيبتي واوصلها !

فتحت بوقي ببلاهه وانا بشاور علي نفسي وعليه : قصدك انا وانت توصلني قدام بيتي وكده ؟؟

هز رأسه بابتسامه وهو بيقول بتلقائية: ايوه مش نبقي خطيبك ؟!

رفعت صوابعي وانا بجز علي اسناني وبحذره بغيظ: لا أسمع بقي انا مش خطيبتك ديه كلها مجرد لعبه انت قبلت تدخل فيها بدل ابن عمك يعني جو  خطيبتك وجو اوصلك ونروح نتغدي سوا والكلام الفاكس ده نووووو انا مش بتاعه الكلام الفارغ ده اوكي ولا تحب اعيد الكلام تاني !!!

كان مربع أيده وهو بيبصلي بغموض وابتسامه سمجه مرسومه علي وشه ..

اسيبك انا وامشي عشان الحق اجهز نفسي سلام يا ياحرمي المستقبلي ...

قال كلامه دفعه واحده وسابني ومشي وانا واقفه مصدومه ..وشي كله احمر ،قلبي بيدق بشكل مُريب وكأنه هيقف ...

بالرغم من توتري وخجلي وخۏفي إلا أنه احساس لطيف اوي احساس الغزل ،احساس أن حد يحسسك انك جميله ،يحسسك انك مميزه لطيف بيروي روحنا وكأنه بيزرعها ورود ....

فوقت من شرودي علي صوت كلاكس عربيته وهو بيشاور برأسه اني ابعد عن الطريق عشان يكمل طريقه ويمشي

بعدت شويه وهو مر من جنبي وخرج رأسه من العربيه وهو بيرفع رأسه وبيقولي بمشاكسه

-خلي بالك من نفسك ياباربي لحسن حد يفتكرك عروسه لعبه وياخدك ..

قال جملته وكمل طريقه وانا حطيت ايدي علي بوقي وضحكت بخجل .....

ثواني واخدت نفس وانا بكمل طريقي للكافيه عشان اقابل محمد ..

وصلت ودخلت طلبت قهوه وقعدت انتظره ...

بصيت في ساعه ايدي وانا بتنهد بغيظ وضيق 
أتأخر ،لاول مره يتأخر كده ..

خلصت القهوه وهو لسه مجاش ..
مسكت الفون بتاعي ورنيت عليه

ثواني وسمعت صوته وهو بيرد بتعب : ا الو 
- محمد انت مجيتش ليه ؟

- كح كح اسف يا شهد بس انا ت*عبان اوي النهارده كح معلش خلينا بكره ..

حسيت قلبي وجعني اوي من نبره صوته وكأني انا اللي تعبانه مش هو ..

رديت بصوت مهزوز وانا بمنع مشاعري ټفضحني : ا الف سلامه عليك

- الله يسلمك
- ط طيب بكره أن شاء الله نتقابل 
- تمام سلام 
- س سلام خد بالك من نفسك

سمعت صوت تنهيدته وهو بيقول بنبره ممزوجه بضحك : حاضر

قفلت معاه وانا بحط ايدي علي قلبي وباخد نفسي وكأني كنت بغطس  في بحر غويط وطلعت علي الشاطئ   ،ج*سمي كله جاب عرق ،مش قادره افهم انا ليه كنت خاېفه عليه اوي كده ؟

مين " محمد " عشان اخاڤ عليه وكأنه جوزي أو حبيبي مثلاً !!!

هزيت راسي ودموعي متعلقه في عيني وانا بمنع قلبي يدق ،بمنع عقلي يعترف بحاجه زي كده....

لا مش هينفع ،انا ومحمد مش زي بعض ،كل واحد فينا مختلف عن التاني في كل حاجه ...

نفضت راسي من الأفكار الصعبه اللي بتراودني من يوم ما شوفت محمد وانا بقوم من مكاني وبمشي علي البيت ...

وصلت البيت ..
كان في حاله من الهرج والمرج ،حاله من الفوضي ..

ماما والجيران وعيالهم قالبين الشقه وبينضفوها ...

ضحكت وانا ببص علي منظر كل واحد فيهم اللي واقف علي سلم وبينضف النجف واللي ماما موقفاه علي طرف الكنبه بيركب اللمبه اللي بقالها سنين بنتحايل عليها تركبها ...

اللي بينضف الارض واللي بيمسح وكلهم وشهم مليان طينه وكأنهم بيلعبوا في التراب !!

- يا اهلا بالعروسه لولولولولولولي

قالتها واحده من الجيران وهي بتقرب بتلقائية وفرحه ...

ضحكت  والكل قرب مني وباركولي ...

ماما وهي بتتنهد بتعب : يالا يالا يا شهد غيري هدومك وتعالي معانا

- لااااااا تيجي معانا ايه هي عروسه متعملش حاجه هي تدخل دلوقتي تجهز نفسها تاخد دوش كده وتنزل الكوافير تكوي شعرها وتظبط حالها اااه احنا بنتنا عروسه ولازم تتدلع ..

ضحكت علي رده فعلها وانا بهز راسي بموافقه ،في الحقيقه كنت مبسوطه اوي بالتجمع ده بالرغم أن جيراني مش بيتجمعوا كتير وكل واحد في حاله بس وقت الفرح أو الحزن الكل بيتجمع ايد واحده وخاصه في الفرح بحس الكل فرحان من قلبه لبعض ..

جيران طيبين لا ب*يأذوا حد ولا بيتكلموا علي حد ،ناس في حالها وعايشه يومها بالطول والعرض ....

لو سألتوني اكتر حاجه محظوظه ليها ايه هقولكم جيراني ...

فات اليوم والشقه بقت زي الفل والكل بارك وهنا ودعالي بالسعاده وراحوا لبيوتهم ...

الساعه ٧ بليل

كنت واقفه قدام المرايه بظبط نفسي وبحط لمستي الأخيرة وانا بتنهد بحيره ...

كنت في حيره وصراع يطول شرحه بالمعني الحرفي ...

مش عارفه ايه مستقبلي مع شخص معرفهوش مشوفتهوش غير مرتين من الاساس وفي المرتين اتكلمنا كلمتين بالتقريب !

كنت مستغربه هو ليه عمل كده ؟ ليه اصلا يوافق علي لعبه زي ديه ..

استغربت وجوده النهارده قدام الكليه ..
معقوله يكون معجب بيا وعاجبه الحوار ..
ممكن لو طلبت اسيبه يه*ددني أنه هيقول لأهلي الحقيقه واننا مش بنحب بعض من الاساس !!

فوقت من شرودي علي دخول ماما وهي بتقولي استعد عشان اطلع ...

اخدت نفس طويل وخرجت من الأوضه وانا حاطه وشي في الأرض ...

- تعالي ياشهد تعالي سلمي ..

قربت من أهله وسلمت عليهم وانا مبتسمه بأهتزاز وتوتر ...

اول ما قربت منه سلمت عليه وانا بتجنب احط عيني في عينه ...

- قمر والله

قالها بخفوت وانا برقت عيني وبلعت ريقي بتوتر وانا ببصله بتحذير وبقول بهمس ..

- احترم نفسك ...

قولت كلامي وروحت قعدت ..

وبعد التعارف والاتفاقات وانا مش معاهم ...

كنت حاسه اني في دنيا تانيه ،دنيا مفيهاش غير انا ومحمد ..

الظاهر أن اللي كنت خاېفه منه طول حياتي حصل ..
حصل وحبيت شخص مش مناسب !

كنت دائماً بلوم علي الناس اللي بتحب اشخاص جاهله بالمعني الحرفي مع انهم متعلمين ...

كنت دائما استغرب ازاي ؟ كنت بسألهم بكل سخريه ووقا*حه ...

فاكره مره واحده ردت عليا رد مقدرتش اقتنع بيه  غير دلوقتي ..

" ساعات الحب بيخليكي تتغاضي عن حاجات كتير اوي بيخليكي تتنازلي عن حق من حقوقك مفيش مبادئ في الحب ياشهد "

غمضت عيني وانا بمنع نفسي اعيط بمنع نفسي من التفكير ...

مينفعش اتنازل عن مبادئ لازم اكمل عشان اوصل لكل اللي عايزاه مينفعش حاجه توقفني عنها حتي لو كان الحب ...حتي لو هدوس وهق*سي علي قلبي

عمري ما كنت قاسيه اوي كده علي نفسي بس لازم اتعلم اكون كده 
لازم اتعلم اختار اللي يناسبني ...

فوقت من شرودي علي صوت بابا وهو بيسألني ...

- ها ياعروسه ايه رأيك ..

فركت ايدي وانا ببص لمؤمن اللي في كتير من محمد حتي صوته !

حتي ريحه البرفيوم بتاعته وكأنهم توأم ...

هزيت راسي وقرينا الفاتحه وقربت مني أخته مايا ..

- مبروك يا عروسه

ضحكت ضحكه مصطنعه وانا برد بلطافه ...

عقبالك ياقمري

رفعت ايديها لفوق وهي بتقولي بهمس

- ياااارب المتعوس علي عينه يحس و يتقدم انا ثانيه كمان ثانيه وهروح أقوله عمر تتجوزني

- هههههه هو اسمه عمر ؟
- لا مروان بس انا هعمل زي تامر حسني وهو بيقول سلمي تتجوزيني

ضحكت علي كلامها بصووت عالي وهي بتهز رأسها بضيق وبتقول بخفوت ...

- روح يامروان يابن ام مروان الهي اشوف فيك عشرين يوم ..

- احم يالا ياجماعه نسيب العرسان شويه مع بعض...

خرج الكل من المكان وانا قاعده بفرك ايدي بتوتر وبتنفس بسرعه رهيبه ...

فكره وجودي مع شاب في مكان لوحدنا بت*رعبني حرفيا ...

قام مؤمن وقرب مني وهو بيقعد جنبي ...

- مبروك يا باربي

نفخت بضيق وانا ببصله وبرفع ايدي في عينه : لو سمحت متقولش الاسم ده انا اسمي شهد

- طب خلاص خلاص اهدي ياشهد

قال جملته وهو بيشاور لي بأيده الاتنين اني اهديوانا غمضت عيني واخدت  نفس طويل وانا بقول ببصله وبقول بنبره صوت حاولت تكون طبيعيه ...

- ب بص يا مؤمن

- عيون مؤمن

اتجاهلت  كلامه وانا ببلع ريقي بتوتر ..

- ا احنا اسبوع او اتنين ونسيب بعض ونقول كل شيئ قسمه ونصيب ...

- هه في المشمش ياقطتي ..

بصتله بغيظ وانا بجز علي اسناني : يعني ايه في المشمش ؟!

- يعني انا مش هسيبك

قال كلامه وهو بيحط رجل فوق التانيه بكل برود وده اللي خلاني اتعصب وانا بقوم من مكاني وبشده من قميصه بعصبيه ...

- انت مچنون ولا ايه ؟ أنت مفكر اني ممكن اقبل بالوضع ده !

نزل رأسه شويه وهو بيبص في عيني وانا بتنفس بړعب و ...

اتكلم بهمس قدام عيوني : هتقبلي عشان بتحبيني ...

قال كلامه بهمس ونبره صوت كلها حب ...

وانا بعدت عنه ببطئ وانا ببلع ريقي بتوتر وبقول بضيق : ح حبك برص هو انا اعرفك اصلا

- جدااا

- هو ايه اللي جدا انت عايز ت*جنني؟!

قرب مني وانا بعدت خطوه لورا ودقات قلبي بتعلي واحده ورا التانيه وكأن محمد هو اللي واقف مش مؤمن !!

- هتعرفيني مع الوقت هتعرفيني

زقيته من قدامي وانا بجري من الأوضه وبدخل الحمام وانا بقفل الباب وبسند ظهري عليه وبتنفس پعنف ...

- في ايه مالك ياشهد ايه اللي جرالك قلبك بيحب مين فيهم محمد ولا هيحب مؤمن اتشقلب حالك ليه !!!

خرجت من الحمام لقيت العيله كلها متجمعه وقعدت معاهم شويه تحت نظراته اللي بتوترني وشويه واستأذنوا ومشوا ....

فات اليوم بدون احداث تُذكر ..

دخلت اوضتي وكنت قاعده شارده كالعاده ...

كنت مستغربه الشبه الكبير ما بينهم ..

خرجني من شرودي صوت الفون بتاعي بيرن وكان رقم غريب ...

- ا الو 
- نمتي ؟!

شيلت الفون من علي ودني وانا ببص علي الرقم باستغراب وحطيته تاني وانا بقول باستغراب ..

- محمد انت بتكلمني من رقم غريب ليه ؟

- بس انا مش محمد انا مؤمن 
- لا بتهززززر !!!

-ليه مش فاهم مش انا خطيبك !
- بس انت وهو صوتكم كوبي من بعض

- احنا اصلا شبه بعض انا  ومحمد واحد مفيش ما بينا فرق ..

- ده ازاي يعني ؟!
- لا متاخديش في بالك انا كنت بكلمك اتطمن عليكي يالا تصبحي علي خير ..

قال جملته وقفل  وانا ببص الفون بذهول ...

- عب*يط ده ولا ايه ؟

..................................................
فات اسبوع ..
كنت كل يوم بقابل محمد ،كل يوم بحاول أتجنب ابص في عينه اللي أصبحت بتجذبني ليها من غير ما احس ..

كل يوم كنت بحاول أتجنب ارد علي مؤمن ..
بالرغم اني محستش ابدا أنه شخص مش لطيف ،كان يشبه محمد في كل حاجه بالتقريب ...

النهارده الامتحان اللي هيحدد مستقبلي ومستقبل محمد ...

كنت واقفه قدام اللجنه متوتره بشكل ..
قررت اكون معاه النهارده بناء علي طلبه ...
كنت مستغربه ليه يطلب مني حاجه زي كده ،قالي عندي ليكي خبر حلو بعد الامتحان ...

كان عندي فضول كبير اعرف ايه هو ؟ 
بالرغم من خۏفي من الخبر بالرغم من احساسي أن في حاجه هتحصل النهارده بس مش مهم المهم اني اعرف ...

كنت واقفه سرحانه لدرجه اني محستش بيه وهو بيخرج من اللجنه وبيقرب مني ...

- هيييي روحتي فين ياقطه

- هه محمد عملت ايه طمني حليت كويس ولا ه*تسقط وتس*قطني جالك ايه ع..

- بس بس ايه بالعه راديو اهدي أنا حليت كويس جدا ..

اتنهدت وانا بحط ايدي علي قلبي براحه ...

- الحمد لله 
- شكرا علي كل حاجه يا شهد

قالها وهو بيبص في عيني بعيونه اللي أصبحت مؤخراً بحب ابص فيها ...

هزيت راسي بجمود وانا بمنع مشاعري تبان وټفضحني ...

- ا انا كمان بشكرك يامحمد اتمنالك الخير

- شهد أنا كنت عايز اقولك حاجه

بلعت ريقي وانا بهز راسي پخوف

- ا اتفضل 
- ش شهد أنا بحبك

غمضت عيني جامد وانا بضغط علي ايدي وبتنهد بتعب ودموعي رافضه ترحمني ...

- شهد مالك انتي كويسه ؟؟

فتحت عيني وانا بقول بنبره أوشكت علي البكاء : مينفعش يامحمد مينفعش عن اذنك ..

قولت جملتي وانا بلف ظهري وبمشي من قدامه وانا بسمع لدموعي تنزل علي خدي ...

- حتي لو قولتلك ان مؤمن ومحمد واحد !

وقفت مكاني وانا ببرق عيني وبلف وانا بساله باستغراب

- يعني ايه ؟!

قرب مني وهو بيقول بهدوء : يعني انا مش محمد انا مؤمن انا اللي عملت كل ده يا شهد

- ل ليه؟ ليه يامحمد

- مؤمننن

قالها وهو بيقرب وشه من وشي وبيضغط علي حروف اسمه وكأنه بيحفظهوني !!

عيوني دمعت اكتر وانا بساله بذهول : ل ليه

- عشان بحبك 
- بتحبني ؟ بتحبني تقوم تكذ*ب عليا ك*ذبه زي ديه تقوم تضيع مستقبلي..

- مستقبلك مضاعش انا ظبطت كل حاجه انا دخلت الامتحان باسم موظف عندي في الشركه يعني شخص موجود في الحقيقه ...

- طب ليه ؟ ليه عملت كده ليه تتعب قلبي و و..

- حبتيني ؟
- رد عليا الاول ليه عملت كدددده ؟؟

قولت جملتي وانا پصرخ وبض*ربه في ص*دره جامد ض*ربه رجعته لورا ...

- عشان حبيتك ياشهد
،عشان اول ما شوفتك خط*فتيني لقيتني بقولك اساعدك لقيتني بفكر فيكي طول اليوم
وقررت اتقرب منك باي شكل حتي لو هكون جاهل بس تحبيني انا عملت حاجه مكنتش اتوقع اعملها أبداً  انتي خلتيني احب ياشهد انا اسف لو عايزاني امشي همشي لو مش عايزه تشوفي وشي تاني مش هوريهولك بس اللي عايزك تتأكدي منه اني بحبك ...

- امشي يا مؤمن

- متأكده 
- امشييي

اتنهد وهز رأسه وهو بيق*رب مني وبيب*وس راسي وهو بيقول بحزن

- خلي بالك من نفسك .

قال جملته ومشي من قدامي وانا واقفه حاسه كأن روحي اتسحبت ...

هيمشي ؟!
مش هشوفه تاني ،الشخص الوحيد اللي خلي لحياتي طعم تاني بوجوده ،الشخص اللي حسسني اني اتحب اني مميزه الشخص الوحيد اللي قلبي أعلن أنه حبه ...

معقوله هيمشي ويسيبني ،حياتي هترجع فارغه تاني ،هعيش وحيده تاني !!!

لا مش هسمحله يمشي مش هسمحله يسيبني لوحدي ...

- مؤمنننننن

قولتها بأعلي صوتي في نص المكان وهو علي وشك يركب عربيته من بعد ما وقف ثواني ساند ظهره عليها مستني مني اي رد فعل لحد ما يأس ...

كنت بجري بأقصي سرعه اتكعبلت اكتىر من مره وانا بقرب منه ومش قادره اشوف من كتر الدموع ..

- مؤمن مؤمن متمشيش اوعي تمشي انا بحبك

قولت جملتي بصوت مهزوز وانا بتعرش وهو واقف يبصلي بذهول ...

- هه 
- بقولك متمشيش يا مؤمن ا أنا بحبك 
- بالله عليكي تقوليها كده تاني

اتنهدت وانا بضحك برقه  وبسحب أيده الاتنين بين ايدي وانا ببص في عيونه : شهد بتحبك يا مؤمن قلبها بيحبك من اول مره شوفتك فيها ...

- ياشييييخه لقد هرمنا من أجل هذه اللحظه يا اهل البلددد يا اهل المكاااان شهد بتحبنااااااااي ياخللللق حد يزغرط يابنااااات

- لولولولولولولي

لفيت پصدمه لمصدر الصوت وانا ببص علي الناس اللي كانت واقفه تتفرج علينا بفرحه وكأنهم بيتفرجوا علي فيلم كوميدي ...

- نهار اسو*وود

مؤمن وهو بيبلع ريقه بتوتر : شاهد قبل الحذف مؤمن الزناتي يعترف بحبه لفتاه في منتصف الشارع هبقي حديث السوشيل اجري يامجدددي

قال جملته وهو بيفتحلي باب العربيه وبيدخلني وبيلف يركب وهو بيسوق بأقصي سرعه ...

- هههههههههه مش قادره قادره هههههههه
- اتمني تكوني مبسوطه 
- اوي اوي ياحسن

: بحبك ياميس شهوده

ضحكت بفرحه وانا بطبطب علي أيده برقه وبتنهد بفرحه: وانا بحبك ياتلميذي العزير

قبلك حبيت ..🖤
كنت بفكر إن أنا حبيت 👌
أول ما قابلتك صدفه قولتى تعالا... قولت تعالى 
وقابلنى جنانك حبيته ودى مش شخصيتى ولا طباعى

أيوا بحبك ومفيش أسباب ... 
دنيتى قبلك مكتوبه غياب

أوعدك إن أنا عمرى مخون الوعد المقطوع وهتكونى تملى فى تفكيرى صلب الموضوع

هتفضلى دايما كل أصحابى وونسى وبنتى ودنيتى 
وهفضل دايما سندك وعيلتك وأبوكى وأخوكى وأول الحاضرين ف شده أو أمر عصيب .

ومفيش أسباب 👌
كان لازم أحبك لما قابلتك 💙

تمت 
#إيمان_شلبي
 

..................................................