رواية رائعة بقلم دنيا محمد ج١
زايد يعني لازم تتجوز بنت عمك عشان تاخد نصيبك من الميراث
ادم وينظر ل سام بخبث ماشي
سام بإبتسامه وانا موافقه
زايد مش بنت عمك دي بنت عمك وليد الي في مصر
سام پصدمه نعممم و لييي مش انااا ادم ميعرفهاش يعرفني اناا
كوثر بعصبيه هو مش كفايه كاتبلو الشركه والمخزن كمان هيجوزك بنتو عافيه
ادم احنا ملناش علاقه بيهم من وانا صغير اي الي فكرو بيهم
كوثر بتفكير معرفش معرفششش كل الي اعرفو ان لازم نكون في مصر بكره
..
وليد مش عايز اك
حنين يا حبيبي انت مكلتش حاجه من الصبح
وليد مليش نفس والله يا حنين
حنين طيب انت هتفضل على الحال ده
وليد بلوم كان نفسي اشوفو لو بس مكنتش شد..
حنين بتسرع اوعا اوعا يا وليد تلوم نفسك انت معملتش حاجه غير انك طالبت بحقك وهو الي كان اناني وخد ورث ابوك كلو وسافر واتهمك ظلم و بالباطل وجي عليك اوي يا وليد
حنين وتلاحظ عدم قبوله لسامعها
حنين وتاخد نفسها بهدوء انا عارفه انو مش وقتو الكلام ده بس انا مش هسمحلك تلوم نفسك على غلط مش غلطك
______________________________________
سام بقلق انت ممكن تتجوزها يا ادم انت متعرفهاش متوافقش انا اولى بيك منها والله لو اتجوزتها يا ادم انا ممكن اموت نفسي
ادم بضيق خلق هو انتي شايفاني رايح اتجوزها دلوقتي
سام طيب هتعمل اي
ادم انا مش فايق لاي حاجه دلوقتي
سام تيجي نخرج نفك شويه
ادم على فين
سام المكان الي بنروحو علطول
_______________________________________
و بعد مرور اسبوع في مصر
زينه بإبتسامه حب مش مصدقه ان هشوفك بعد طول السنين دي فاكر لما قولتلي بحبك واحنا صغيرين ساعتها مردتش عليك
وتقلب في الصور
زينه لما اشوفك هقولك وانا كمان وانا كمان بحبك يا ادم انا متأكده انك ملهوف تشوفني زي ما انا ملهوفه ان اشوفك كنت ديما تقولي انتي حلوه اوي لما نكبر هتجوزك
وتكمل بضحك ياترى لسه عنيد زي ما انت ولا
حنين زينه يحبيبتي
زينه وتقفل الموبايل نعم يا ماما
حنين ابن عمك ادم ومامته تحت
زينه بإبتسامه طيب نزليني بسرعه
حنين ياسلام اي الفرحه دي ولا سمعتي اسمو والابتسامه اترسمت
زينه بخجل ياماما بقا
حنين بضحك خلاص هتعمليلي فيها مكسوفه ما انا عارفه كل حاجه
زينه ياا ماااماا
_.
وليد تتجوز بنتي
ادم بإبتسامه اه دي وصيه بابا ان اتجوز بنتك يا عمي هو حضرتك مش موافق
وليد بعدم تصديق ويبتسم لي لا مش قصدي بس انت مشوفتهاش بقالك كتير و اول ما تيجي من سفر تيجي تطلب تتجوزها طيب شوفها الاول
كوثر بثبات ونظراتها طول الوقت على وليد ادم هيتجوز بنتك وبكره
وليد بكره !!
ادم بصوت منخفض بكره ازاييي
ويقاطعهم زينه وحنين
زينه بضحكه رقيقه وتقدم ايديها تسلم على ادم
زينه ادم عامل اي
ادم ويستبعد فكرتو عنها ويمد ايدو تمم
وليد ويبتسم لزينه زينه يا بنتي ادم طالب ايدك رأيك اي
زينه و ملامحها كلها فرح وعدم تصديق بجددد يا ادم !! انا موافقه طبعا
ادم وينظر ل كوثر پصدمه هي دي الي هتجوزهاا دي مشلوله!!!
زينه و ملامحها تتحول للحزن
كوثر وتنظر لي بعدم علم
حنين برفع حاجب قصدك اي
كوثر مش قصدو حاجه صح يا ادم
ادم وهو متنح ل زينه ايوا
كوثر زي ما اتفقنا يا وليد بكرا يلا يا ادم ياحبيبي
ادم ويمشي معاها وهو لسه مصډوم
_.
زينه بحزن ماما هو نسيني
حنين لا يحبيبتي منسكيش
زينه اومال قال لي كد
حنين بتبرير مقصدش يا بنتي هو بس عشان مشافكيش مكنش يعرف وهو لو ناسيكي كان طلب ايديك
زينه وتبتسم لا
حنين طب اي مش ننام بقا عشان عايزين نصحى بدري
زينه ماشي
حنين وترفعها على السرير بشويش
حنين عايزه حاجه
زينه لا
حنين وتخرج من الاوضه
زينه بإبتسامه وتسرح بتفكيرها معقوله طلبت ايدي كل الي كنت بتخيلو هيتحقق مش مصدقه نفسي بس غريبه عايز تتجوزتي بكرا لدرجادي مش قادر تستنا وملهوف عليا زي ما انا كنت حاسه ااه يا قلبي خاېفه اكون بحلم وانام واصحى على حلم
ادم بزعيق وانا ذنبى اي اتجوز واحده زي ديي
كوثر ادم فوق لو مجوزتهاش مش هناخد حاجه من حقنا في ابوك
ادم وانا مش عايز حاجه منو
كوثر انت اټجننت هو اي الي مش عايز دده حقك هتسيبو كده و ياخدو اخواتو وانت الاحق
ادم بتجاهل مش هاممني
كوثر بعصبيه بصلي هنااا هو اي الي مش هامك هنطلع من
المولد بلا حمصك عشان البنت مش عجباك انت لو مجوزتهاش هنعيش باقي حياتنا فقر انا مش بقولك حبها اتجوزها وناخد حقنا و طلقها لو عايز
ادم وانتي فاكره الموضوع بالسهوله دي
كوثر اه بالسهوله دي و انا مقبلش ان دي تبقي مراتك انت تستاهل احسن منها مليون مره بس انت لو مجوزتهاش لا انت ابني ولا اعرفك
______
يوم الخميس الساعه 709 بتوقيت القاهره
بارك الله لكم وجمع بينكم في خير
ادم بيقوم ويمشي من قدامهم
وليد ادم رايح على فين
ادم ميردش
كوثر بتوتر مبروك يا زينه اي مش يلا بينا يا حبيبتي
زينه هو ادم راح فين
كوثر هتلاقيه مستنيكي في العربيه
حنين بدموع يعني هو كان لازم تتجوزو بدري كده
زينه يا ماما والله هعيط ومش همشي معاهم
حنين لا لا خلاص
وتمسح دموعها
كوثر بإبتسامه يلا يا حبيبتي
زينه وتبتسم ليها وتهز راسها بمعنى ماشي
وليد لسه هيمسك الكرسي
كوثر عنك ارتاحو انتو انا هاخدها بنفسي وتمسك الكرسي وتحركها
كوثر ارتاحو انتو متقلقوش عليها
وتخرج من بيتهم وتركبها العربيه
ادم وينظر لها بندم وعدم قبول
.
حنين ربنا يستر
وليد على اي
حنين على بنتي مش مطمنه لجوازتهم الي جت بسرعه دي بس هي بتحبو وموافقه
وليد بتفكير اه ربنا يسعدهم
وبعد نص ساعه ويكونو وصلو بيتهم
زينه بإبتسامه ياااه اخر مره دخلت ييتكو من 18 سنه كان عندك 8سنين يا ادم فاكر
ادم وهو ماسكها وماشي وراها
ادم بزهق مم
ادم ويدخلها اقرب اوضه ويخرج
زينه ادم
ادم وينظر لها
زينه رايح فين
ادم بلامبالاه اوضتي
زينه انت مش هتنام هنا وبعدين انت لي بتتكلم معايا عادي كده وكأنك كنت معايا امبارح هو انا مش وحشاك مش عايز تتكلم معايا ونحكي لبعض كل واحد حصلو اي طول الوقت ده انا عندي كلام كتير عايزه اقولهولك واكيد انت كمان عندك كلام عايزني اسمعو
ادم اه انا عندي كلام عايزك تسمعي مسألتيش نفسك لي اتجوزتك بالسرعه دي
زينه عشان بتحبني
ادم وينظر لها من أعلى ل أسفل هحبك امتي ولا ازاي
زينه و ضحكتها تبدء تختفي اومال لي
ادم بعصبيه وخنقه انا مجبور عليكي و دي وصيه ابويا عشان نبقى من اولها كده انسي ان انا ممكن المسک او ان يبقى في بينا حاجه انا متجوزك بس مصلحه فا بلاش العشم ياخدك لبعيد
ويقرب ليها و وشو في وشها متنسيش نفسك ده انتي معاقه
زينه بدموع وكسره ادم !!
ادم بيسيبها ويخرج ويقفل باب الاوضه وراه
زينه پصدمه ودموعها تنزل زي السيال وتستوعب كلامو مجبور عليا !! وانا الي كنت فاكره انك بتحبني لا لا يارب اكون بحلم هو ده الكلام الي كنت مستنيه اسمعو منك يا ادم
وټنهار اكتر بكلمته الي بتتردد في مخها متنسيش نفسك ده انتي معاقة
زينه وقلبها يوجعها انا وهمت نفسي انا غبيييه هو عندو حقق هيحبني امتي ولا ازااي
وټضرب بإيديها على رجليها عشمتتت نفسيي على الفاضي طول السنين دي برفض الكل عشانك على أمل أنك هترجع يا ادم وتبقي ليا ومعايا واهو رجعتلي وبقيت معايا بس مجبور عليا
_.
زينه وتمسح دموعها وتنسي كل الي قالو لا انا مش هسيبك انا بحبك حتى لو مش بتحبني انا مش هضيعك من ايدي تاني كفايه السنين الي فاتت كفايه بعدي عنك الوقت ده كلو انا مش هسمح لاي حاجه تبعدني عنك تاني انت دلوقتي تبقي جوزي وهخليك تحبني اكتر ما اتخيلت
ادم الو
مؤمن الو يا ادم ازيك عامل اي
ادم كويس كنت عايزه اسألك عن شغل بابا عشان لسه نازل مصر من كام يوم
مؤمن اه حاضر يا ابني والبقاء لله يحبيبي
ادم في حياتك الباقيه انت عارف بيتنا الي هنا هستني حضرتك يوم ما تبقى فاضي تنورنا عايزه اعرف كل حاجه عن الشغل
مؤمن تمام
_.
سمر مين يا مؤمن
مؤمن ده ادم ابن خليل بيه
سمر يييه وده عايز اي
مؤمن عايز يعرف كل حاجه عن الشغل شكلو راجع يمسك شغل ابوه
سمر وتلطم يالهوي كده هيعرف ان الشركه كانت بتكسب ومش بتخسر زي ما مفهمهم وهيسألك عن الملاين الي كسبتهم الشركه ده غير الناس ال رفعو قضايا على الشركه لما عرفو انك بتغشهم
مؤمن اخرصيي يا بوز الفقر ما انتي السبب في كل دده
زينه ليي يا اخويا هو انا الي قولتلك اضحك على الناس الي بتشاركهم
مؤمن مش
انتي الي كنتي بتلعبي في مخي وتقنعيني انصب على الراجل الي مأمنلي واقولو ان الشركه بتخسر وهي كانت بتكسب
سمر يااا سلام وانت مكنتش بتعمل كده بمزاجك انا اه قولتلك قولو انها بتخسر بس مش تضحك على الناس كنت بقولك خلاص كفايه كده وانت تقولي لييي ما ربنا مباركلنا في الفلوس واهي ضاعت عشان كانت فلوس حرام
مؤمن پخنقه انااا مش عارف هعمل اييي
سمر بتفكير بص ميتهيأليش انو يعرف او يهمو حوار ان الشركه كانت بتكسب ولا بتخسر ولو على القضايا انا هقولك تعمل اي فيها
920 AM
ادم بيصحي علي صوت هو عارفو
سام بإبتسامه ادم
ادم بخضه انتي جيتي امتي
سام من شويه يحبيبي
وتضحك مالك اټخضيت كده لي
ادم صاحي من النوم ملاقيكي فوق دماغي عايزاني اعمل اي
سام وتخبطو بالمخده على دماغو والله
ادم بيقوم من على السرير وعرفتي بقي مكان البيت ازاي انتي عمرك ما جيتي هنا قبل كده
سام ما انا اول ما نزلت من الطياره كلمت مرات عمو وبعتتلي اللوكيشن وجيت
ادم اممم طب يلا اخرجي عايز اغير
سام
وتخرج من الاوضه بسرعه وتسمع صوت ضحكتو عليها
سام لما تخرج يا ادم
زينه انا لازم اغير الفستان ده مش هينفع اخرج من الاوضه كده
وبتحرك بأيدها الكرسي وتقرب ناحيه شنطه هدومها وتطلع بچامه لونها احمر وبرفن وليب بلص والليب لاينر وتتحرك لحد الحمام وتغسل وشها و تغير الفستان وتلبس البچامه وتقرب ناحيه المرايا و ترجع شعرها الاسود الناعم ورا ضهرها على هيئه نص دايره وتحدد شفايفها الوردي بالليب لاينر و تحط الليب بلص الاحمر وتحط ايديها على شفايفها و تحركها على خدودها وتبتسم لنفسها ولجمال ملامحها البارزه وغمزتها الجذابه
زينه بحب وعيونها تلمع انا فعلا حلوه اوي زي ما كنت بتقولي يا ادم وانت صغير انت مكدبتش
_.
سام بيتكو حلو اوي يامرات عمو
كوثر كل حاجه في البيت ده انا الي مختاراها
سام بغمزه ما انا بقول برضو الحلاوه دي متجيش الا منك
كوثر يابت
سام اكدب يعني الله
كوثر بتعرفي تطبخي يا بت يا ساميه
سام وتهز راسها بمعني لا
كوثر جتك نيله زي امك الله يرحمها
سام بتبتسم بحزن ومتردش
كوثر اطلعي غيري هدومك و حطي شنطتك في اوضه من الي فوق وتعالي ساعديني
سام حاضر
وتطلع فعلا
زينه بتخرج من اوضتها وتلاقي كوثر في المطبخ قصادها
زينه بإبتسامه وتقربلها صباح الخير
كوثر بإبتسامه مزيفه صباح النور
زينه اساعدك في حاجه
كوثر وده ازا.. قصدي لا يحبيبتي متتعبيش نفسك
زينه بإحراج طيب هو ادم لسه مصحيش
كوثر مش عارفه روحي شوفيه اهي اوضتو
زينه وتتحرك لناحيه الاوضه وتفتح الباب وتدخل ومتلاقيهوش
زينه بإستغراب راح فين ده
ولسه هتخرج بتسمع صوت باب بيتقفل وتبص وراها تلاقيه خارج من الحمام وشعرو مبلول وعضلاتو بارزه والفوطه على رقبتو
ادم بتعملي اي هنا
زينه بإبتسامه وتتنح في
ادم يابنتي
زينه متردش
ادم بعلو الصوت انتيييي!! اي طارشه
زينه هاااه
ادم بزعيق اي الي مدخلك اوضتي
زينه متزعقش طيب
ادم هي دي طريقتي في الكلام واتعودي على كده
زينه بتكبير دماغ هوووف ماشي
وتمسك ايدو بإيد والايد التانيه تتحرك بالكرسي لناحيه السرير
زينه اقعد
ادم برفع حاجب لي
زينه مش هاكلك اقعد بقي ده انت لسه عنيد زي ما انت متغيرتش
ادم بيقعد
زينه بإبتسامه لطيفه امبارح انت اتكلمت وانا سمعتك ممكن اتكلم وانت تسمعني
ادم بلامبالاه من غير ما تتكلمي كلامك هيبقي ملوش فايده
زينه ماشي ممكن اتكلم بقي هما 5 دقايق بس
ادم اخلصي
زينه قبل اي حاجه هو انت مش فاكر اي حاجه بينا واحنا صغيرين
ادم مش عايز افتكر
زينه بإبتسامه مش مهم الايام بينا هتفكرك احم انا عارفه ومقدره انك يمكت نسيتني طول السنين الي كنا بعاد عن بعض فيها بس انا منستكش ولا نسيت اي ذكرى بينا لسه محتفظه بكل صورنا و ذكرياتنا وكل حاجه انت جيبتهالي
وتبتسم بحب كنت بتحب تديني ورد وكنت بتجيبلي نوع معين
ادم بإبتسامه الياسمين
زينه بفرحه ايوااا افتكرت
ادم لا الجنينه بتاعتنا مكنش فيها غير ياسمين اكيد فا كنت بجيبو
زينه وتمسك ايدو وتبتسم لي زمان يا ادم قولتلي انا بحبك ولما نكبر هتجوزك ساعتها كنت بزعقلك واقولك انا مش هكبر هفضل صغير ومش هتجوزك
وتكمل بضحك واهو دلوقتي متجوزاك
ادم متنسيش انها مصلحه مش اكتر
زينه مش هاممني المهم ان انا معاك دلوقتي وبحبك
وتكمل بملامح بريئه ايوا بحبك والله استنينك كتير ترجعلي يا ادم
عشان اقولك انا قد اي بحبك رغم انك مكنتش معايا عشان تبادلني الحب ده بس كنت شايفاك معايا و في خيالي طول الوقت انا مش عايزه منك غير انك تديني فرصه اخليك تحبني صدقني انت لو لفيت الدنيا دي كلها مش هتلاقي حد يحبك قدي
ادم بتفكير ولسانه يعجز عن الرد ويبص لإيديها الي ماسكه ايدو
سام اي يا ادم كل د..
سام بإستغراب وتستوعب الموقف ايي دهه مين ديي وماسكه ايدك كده لي
وتقرب ناحيتهم بغيره وتشيل ايديها من على ايدو
زينه بعدم استيعاب اي الي انتي عملتيه ده انتي مين اصلا وبتعملي اي هنا
سام بنظره تكبر وترجع شعرها لورا انا ابقى بنت عمو و خطيبتو يحبيبتي انتي الي مين وبتعملي اي في اوضتو
زينه ساميه
سام وعرفتي اسمي منين
زينه عشان انا ابقى بنت عمك
سام وتنظر لها من أعلى لاسفل انتي بقي زينه
زينه وتكمل بثقه ومرات ادم
سام بإنفعال نعممم ادددم هو دده الوعد مش قولت هترجعع عشااان الشغل وبسسس مش قولتلييي كددده ردددد علياااا
ادم اهدي
سام بعصبيه والله اي برود الأعصاب الي انت فيه ده انت مش سامعها بتقول اي
ادم بيشدها من ايديها ويخرج من الاوضه ويقفل الباب
ادم بتشويش انا مبحبهاش بحبك انتي متنسيش ان لازم اتجوزها عشان اورث
سام بجد يا ادم
ادم ايوا
سام بتكشيره وانا اي الي يضمنلي انك متحبهاش
ادم و هحبها ازاي دي
سام ما انت عينك زايغه وبتبص لاي واحده
ادم وهو الي يشوفك يقدر يبص لغيرك
سام وتربع ايديها ماشي يا ادم لما نشوف اخرتها اي
_.
زينه بزعل ياربي اي حظي ده ده انا كنت لسه هفرح انها بنت عمي تطلع بتحبو
ادم بيدخل ويقفل الباب وراه
زينه بلهفه ادم هي الي قالتو ده صح
ادم ااه وهو انا مش قولتلك اخرجي من اوضتي.
زينه طيب وكلامنا انا لسه مخلصتش
ادم احنا مفيش بينا كلام هو انتي اي معندكيش ډم بقولك متجوزك مصلحه وانتي برضو لازقه واحده غيرك كانت طلبت الطلاق
زينه بإبتسامه يعني انت شايف كده طب طلقني
ادم بتفكير هاه!! مش دلوقتي طبعا لما اخد حقي
زينه بس يبقى طول الوقت تسيب نفسك ليا
ادم بعدم فهم قصدك اي
زينه قصدي ان طول الفتره دي انا هخليك تحبني
ادم بتريقه وده بالسحر ولا بالشعوذه
زينه بإبتسامه بمجهودي
ادم وياخد نفس طويل متحاوليش انا بحب سام
زينه بتفكير للحظات قصدك ساميه
ادم ويهز راسو بمعنى اه
زينه وانا بقي هنسيك اسمها
ادم واي الثقه العمياء دي
زينه بتحدي وتشوف
ادم بإنبهار من ثقتها نشوف
زينه اتفقنا
ادم يلا اخرجي برا اوضتي
زينه بزهق كل شويه اخرجي اخرجي اخرجي هو في ايي
ادم مش ملاحظه مثلا ان مش حابب وجودك معايا
زينه لا انا هخرج عشان انت بدأت تلطش بالكلام
_______________________________________
كوثر يعني الواد ميخدش حقو عشان خاطر عيون حضرتك
سام بقمص ومالها عيوني يعني
كوثر لا انتي هبله بقي
سام هبله فعلا عشان بحب ابنك
كوثر انتي تطولي
سام استغفر الله العظيم خلاص يا مرات عمو
كوثر عايشه عشان ټحرقي دمي وبس
وبيقاطعهم صوت زينه
زينه اي ده مفطرتوش لي
كوثر مستنينك انتي و ادم
زينه ممم ادم جاي ورايا
ويخرج من اوضتو فعلا
كوثر تعالي ياحبيبي افطر
ادم لا انا رايح اقابل واحد صاحبي
كوثر بإستغراب وصحبتو امتي ده
ادم اعرفو من زمان
زينه زياد
ادم بإستغراب وانتي تعرفيه منين
زينه ده كان صاحبك الوحيد وانت صغير مش بقولك انا فاكره كل حاجه ومش ناسيه
ادم بتجاهل همشي انا ياماما
سام ترجع بالسلامه يحبيبي
ادم بيبتسم ليها ويمشي
كوثر طيب انا هطلع انام خلي بالك على زينه يا ساميه ها يحبيبتي انتو ولاد عم مش غرب
ساميه بإبتسامه خبيثه دي في عيني
سام عينيها بتفضل عليها لحد ما تطلع اوضتها وتسمع صوت الباب اتقفل
سام بغل وتمسك السکينه الي قصادها وتبص لزينه بقي انتي يا مشلوله يا خطافه الرجاله تاخدي حبيبي مني انا هوريكي
زينه بتمثيل الخۏف هتعملي اي هتضربيني بيها
سام وتحرك السکينه يمين وشمال مش عارفه بس لو ده الحل الوحيد هعملو
زينه سيبي اللعبه دي ايدك لتعورك
سام پخنقه عارفه لولا اني واثقه في ادم انو بيحبني وهيرجعلي انا في الاخر كان زمانك بتتحاسبي دلوقتي
زينه بتجاهل انا جعانه اوي انتي مش جعانه
سام بااااردده
زينه بإبتسامه ميرسي
سام بقولك اي
زينه والاكل في بوقها ممم
سام انتو اتجوزتو امتي
زينه امبارح
زياد وحشتني يااا جدع
ادم ويضربو على قفاه وانا لو وحشتك فعلا مجتليش لي
اخر مره بعتلك
زياد يا عم هو انا كل سنتين هسفرلك كام يوم فلوسي خلصت
ادم يكدااب على اساس انك انت الي بتدفع ما كل حاجه بتبقي عليا
زياد بصراحه كده انا مبحبش اركب الطياره بس كنت بركب عشانك عشان بس تعرف انا قد اي بضحي
ادم ماشي يا عم المضحي هتودينا على فين
زياد اركب العربيه بس وملكش دعوه
ادم بضحك بتعرف تسوق ولا هيجو ياخدوني من المستشفى انهارده
زياد ويبادلو الضحك لا هيخدوك من المستشفى
مروه وايديها علي وسطها هو اي الي مفيش مفتاح عربيه
سمر هو كده مفيش مفتاح عربيات
مروه يا ماما بقي هروح الجامعه ازاي
سمر معاكي فلوس اركبي مواصلات
مروه بعلو الصوت نعممم هروح الجامعه بمواصلات
سمر بت متعليش صوتك وبعدين مالها المواصلات يعين امك ما كنتي بتروحي بيهم
مروه ده كان زمان وانا في سنه اولى دلوقتي انا في سنه رابعه
سمر حلو يعني دي اخر سنه كمليها مواصلات بقي
مروه ماما هاتي المفتاح بقي هتأخر
سمر قولت مفيش زفت مفاتيح وابوكي هيبعها
مروه بفرحه بتهزري وهيجيلي موديل السنادي
سمر لا يروح امك هيبعها عشان محتاجين فلوس
مروه بحزن ولوم يا سلامم وانا مالي ما تخدو عربيه حسين ماهو مبيعرفش يسوق ولا انتو بتحبو تيجو عليا انا وبس
سمر بتريقه اه بنحب نيجي عليكي بأمره مدخلينك احسن جامعه خاصه وبتلبسي احسن لبس وبتروحي وتيجي براحتك
مروه وتدب برجليها على الاوض وتمشي من قدامها هوووف
سمر متنفخيشش و خدي هنا
مروه اي تاني
سمر رايحه على فين
مروه هروح بزفت مواصلات
سمر اتكلمي عدل
مروه بهدوء وعلى وشك العياط هروح بمواصلات حلو كده
زينه يا بابا متنساش تعدي عليه وتجيبو معاك
وليد ماشي يحبيبتي
زينه وانا بعتلك اللوكيشن وريه للشوفير ومتسوقش انت ياحبيبي عشان انت تعبان
وليد حاضر
زينه تمام يحبيبي يلا سلام
زينه وتنظر لسام عايزه اي
سام بفضول كنتي بتكلمي مين
زينه وانتي مالك
سام انا تمام الحمد لله
زينه بإبتسامه مم عماله تلفي في البيت زي النحله في ايي عايزه اي
سام پخنقه بصراحه زهقانه
وتكمل بإبتسامه مزيفه وللأسف مفيش غيرك الي قصادي
502PM المغرب
زياد بص بقي المكان ده هتشرب في احلى عصير مش زي الي عندكو اطلب عصير يطلع طعمو ملوخيه
ادم بضحك لو تشوف شكلك ساعتها
زياد اضحك اضحك
ادم وانت بتطلب لي حاجه متعرفش اسمها
زياد ما انا قولت اكيد هتبقي حلوه زي اسمها
ويكمل بتعبير مضحك حقيقي متحكمش على الكتاب من الغلاف
ادم بضحك يا ابني بقي
زياد اه والله
ادم طيب انا هروح الحمام لحد ما العصير الواو بتاعك يجي
_.
ساره يبنتي استني
مروه بقولك اي اخلصي انا مخنوقه لوحدي
ساره انتي شداني كده ليي القهوه هتدلق يمتخلفه
مروه وتبص عليها وترجع تبص قدامها بس متلحقش
مروه بزعيق يمتخلفف العصيرررر
ادم ويبص للتيشيرت الي اتبهدل عصير
ادم بعصبيه العصير كلو ادلق عليا وانا الي متخلف !!
مروه والله انت لو تفتح وانت ماشي مكنش ادلق عليك يا سكر
ادم بتسرع بيرفع ايدو ويضم كفه بقوه ويفتكر انها بنت
مروه بإستفزاز اي هتضربني
ادم لولا انك بنت كنت ظبطلك وشك الحلو ده
ساره بصوت منخفض مروه انتي الي غلطانه
ادم بيسيبهم ويمشي
مروه بعلو الصوت خد هنا استني والعصيرر
ادم بيتجاهلها ويكمل مشي
ساره يلا يا مروه يا حبيبتي
مروه ابدأ هستنااه يخرج ويجيبلي عصير غيرو
ساره پجنون يالهوي من امتي مخك صغير كده هجبهولك اناا يا مروه استنيني هنا
كوثر بعدم استيعاب انتو بتعملو اي
سام بصي يا مرات عمي عملت اي
زينه وتبصلها برفع حاجب
سام وتفهم نظرتها يعني هي قالتلي وانا عملت دوقي كده دي وقوليلي رأيك
سام بإبتسامه هاا حلوه صحح
كوثر وتهز راسها بمعنى اه ممم
سام بإبتسامه لما تسمع صوت خبط الباب ده أكيد ادم
وتجري تفتح الباب بس يطلع مش هو
سام پصدمه وفرحه بيبوووو
بهاء بإبتسامه عامله اي يروحي
وبيدخل بهاء و وليد وحنين بهاء انا كويسه الحمد لله معقوله اول ما انزل مصر اشوفك علطول انا فرحانه اوي
كوثر بإبتسامه وتمد ايديها تسلم اهلا يا وليد ازيك يا حنين
حنين و وليد في نفس الوقت الحمد لله
زينه بإبتسامه جدو عامل اي
بهاء ويقر قلب جدو انا كويس طول ما شايفك قدامي يا حبيبيتي
كوثر بتشويش سلمي على عمك
سام بإبتسامه ازيك يا عمو وليد
وليد الحمد لله يبنتي انتي عامله اي و طمنيني عن ابوكي
سام لو عليا انا تمام اومال ابويا من امتي وحضرتك بتطمن عليه على العموم هو
اخوك برضو لو عايز تطمن عليه اطمن بنفسك
وليد بفهم ان شاء الله يكون بخير
مروه مبسوطه اني شوفتك
زياد لو على كده بقي انتي تشوفيني علطول
مروه بتسرع وضحك لا لا انا بهزر
ادم وهو واقف ورا مروه
ادم بقولك اي ياله بينا
مروه بتشبه على صوتو وتلف لي
مروه وتوجه كلامها لزياد هو انت تعرفو
زياد دده صاحب عمري وبعدين ثواني انتي المفروض تكوني عارفاه انتي كمان
مروه انا اعرف المتخلف ده
ادم بضيق خلق ما تحترمي نفسك
زياد احم ده ادم ابن صاحب الشركه الي باباكي شغال فيها
ادم والله يا زياد
ادم ويبتسم ل مروه حلو ده يبقى عرفني عليه عشان شكلي هصفي ناس
مروه پصدمه ااحيه
سام بلوم وهي في انت لي يا بيبو سيبتنا اخر تلات سنين وجيت هنا كنت وحشني اوي.
بهاء وانتي كمان وحشتيني اوي يا ساميه
سام بقمص يوووه مش كنت بتناديني بسام
بهاء بضحك اومال فين ادم حبيبي واحشني
زينه راح مشوار مع صاحبو
بهاء بقي كده تتجوزو بالسرعه دي حتى منغير فرح
زينه بإبتسامه معلش يا جدو بس انا مبحبش الزحمه والصوت العالي والجو ده
سام بإبتسامه ونظره شفقه قصدك خاېفه حد يشوفك وانتي بتتحركي على الكرسي كده اصل يعيني منظرك صعب برضو
زينه ونظراتها على أهلها و للحظه بتحس بإحراج والدموع تتجمع في عينيها
يتبع
