رواية رائعة للكاتبة اروى الجزء الاول

رواية رائعة للكاتبة أروى الجزء الاول 
من البارت الاول الى البارت التاسع 
المقدمة
في قلب كل من ألم كامن في أعماق روحه
ألم تسبب فيه كثيرون
ألم ادمي قلبه وچرح روحه
وأكثر مايؤلم أن هناك شخصا واحدا
تعمد أن يصيبك بچروح
ولم يكتف
بل جعل سهمه في جروحك أبدا
فهل يمكن أن تكون في يوم
من يسامح .
الفصل الأول
في احدي فلل القاهرة الهادئة جلست ندي علي الكرسي الرئيسي للمائدة وطلبت طعام الغداء
دادة هاتي الغدا
وضع علي المائدة أصناف كثيرة ومتنوعة من الطعام
برافو يادادة تسلم ايدك
عملتي كل اللي طلبته منك
ونظرت الي يمينها بابا دي الفراخ اللي بتحبها بس هتاكل حته صغيرة علشان السكر اللي عندك ربنا يشفيك ياحبيبي وتضع قطعة في الطبق بجانبها وتنظر الي جانبه
ودي بقي ياماما المسقعة اللي انت بټموتي فيها أنا ساعدت دادة في عمايلها وتضع بعضها في طبق وتقدمه
اما البانيه ده بقي لحبايب قلبي نور وسلمي اخواتي الصغيرين اللي بمۏت فيهم ومعاهم المكرونة الملونة
اتفضلوا ياحبايبي وتضع الطبق علي الجانب الاخر لها
أما أنا بقي هاكل سلطة أنتو عارفين الريجيم بقي وتنظر الي يمينها عارفة ياماما هتقولي ايه بس دي الموضة ياقمر البنات كلها لازم تعمل ريجيم
حتي نور وسلمي لما يكبروا برضه هيعملوا ريجيم وتضحك ضحكتها الرقيقة الخلابة
وتبدأفي تناول الطعام
وقفت دادة نبيلة تنظر اليها في ألم
مسكينة يابنتي وهي تدعو الله ربنا يصبرك وتمسح دمعة سالت منها بسرعة فهي تعرف ما سيحدث الان
دفعت ندي طبقها وبدأ صوت بكاءها يعلو وهي تقول ليييه ليييييه
ليه يروحوا مني كده ليه يروحوا ويسيبوني وتنظر الي دادة نبيلة
أنا عملتلهم ايه يادادة ليه وتنهمر دموعها يسيبوني كلهم كانوا خدوني معاهم
تقترب دادة نبيلة وټحتضنها خلاص يابنتي اهدي الله يخليكي وتنادي علي هند الخادمة ياهند هاتي الدوا واتصلي علي الدكتور كمال بس يابنتي ابوس ايدك ھتموتي نفسك
تبكي ندي ياريت يادادة أموت وارتاح
وتأتي هند بالدواء وتعطيه لها وتأخزه ندي علي مضض منها وبعد ثوان تهدأ قليلا فيسنداها ليدخلاها الي غرفتها
يأتي الدكتور كمال
الدكتور كمال طبيب ندي وصديق لوالدها ويعتز جدا بندي وهو أقرب شخص لها الان
الدكتور كمالخير يادادة ايه اللي حصل
نفس اللي حصل من أسبوع طلبت اننا نحضر الأكل وطلبت كل الأنواع اللي بيحبوها وبعد ما حطيت الأكل اڼهارت ادينالها الدوا وزي ما حضرتك شايف .
الدكتور كمال خير يادادة ندي في صدمة رهيبة من اللي حصل وياعالم هتطلع منها ازاي اللي حصل دمرها
وخصوصا انها فقدت اهلها كلهم مرة واحدة وقدام عنيها
وانت عارفة هي كانت متعلقة بيهم قد ايه
بس دول ست سنين يادكتور ست سنين وحالات الاڼهيار دي بدأت تخف صحيح وندي بدأت تمارس حياتها وتكمل دراستها مع الشغل في الشركة بس لما بتحصل لها الحالة دي بتصعب علينا كأنهم لسه ميتين دلوقتي
وتبكي دادة نبيلة وتبكي هند
الدكتور كمالخلاص يادادة الله يرحمهم وربنا معاها
بس انت برضه استمري علي الدوا لو احتاجته وهي هتصحي هتبقي كويسة ان شاء الله.
دادة نبيلة يارب يادكتور تخف وترضي بقضاء ربنا وتعيش حياتها بقي.
وينصرف الطبيب وتبقي دادة نبيلة مع ندي تسترجع أحداث ترفض ندي أن تتركها ترحل عن عالمها
أحداث سلبت طفلة طفولتها وابنة أهلها وفتاة أجمل مراحل حياتها.
الفصل الثاني
استيقظت ندي وهي تشعر ان رأسها يكاد ينفجر نظرت الي نافزتها وقد دخل شعاع من النور الي حجرتها فاابتسمت ابتسامة رائعة تكشف عن وجه زو ملامح رقيقة بشړة بيضاء صافية عيون بنسة لامعة تماثل لون شعرها الحريري .
ثم نظرت الي الجانب الاخر لسريرها واعتدلت في جلستها وقالت صباح الخير يابابا صباح الخير ياماماصباح الخير يانور انتي و سلمي
أنا هقوم ألبس وأفطر وأروح الجامعة الأول أقابل الدكتور علشان في حاجات في الرسالة عاوزه أناقشه فيها وبعدين يابابا هروح الشركة
ثم تجلس ثانية وتنظر الي صورهم عارفة زعلتكم امبارح بس ڠصب عني سامحوني وتتدفق دموعها كما النهر الجاري وحشتوني قوي
ثم تقوم وترتدي ملابسها.
تغادر ندي غرفتها لتتناول الافطار
ندي صباح الخير علي أحلي دادة في الدنيا .
صباح الخير ياهند
دادة وهندصباح الخير ياست البنات ايه النور ده ماشاء الله قمر 14
مش قوي كده يادادة 14 مرة واحدة.
دادةولو في أكتر هتكوني ياحبيبتي ربنا يسعدك ياندي يابنتي ويفرح قلبك.
نديشكرا يادادة يلا بقي هتفطريني ايه.
تضع دادة نبيلة الافطار وتتناول ندي