رواية رائعة للكاتبة ليدي الجزء الرابع

الدنيا وانا ضهري مكشوف 
كنت بخاف من نظرات الناس اللي بتبقي مره شفقه ومره شماته ومره طمع فينا واحنا من غير سند يحمينا
انت سيبتلي غصه في قلبي بتعذبني ومش قادره اخلص منها 
مابقاش عندي ثقه في حد
كانت علا تحاول مسح دموعها التي كانت تفيض من عينيها كالبحور حتي تستطيع اكمال حديثها
علا حتي لما ربنا اراد انه يعوضني وبعتلي الانسان الوحيد اللي حبني بجد وحاول يسعدني
وحسيت انه الوحيد اللي ممكن الايام الجايه معاه تعوضني عن اللي فات
مااقدرتش اسعده ولا اديله السعاده ولا احسسه بحبي ليه 
وانت برضه السبب
يعني ډمرت حياتي في الاول ورجعت عشان تدمرها في الاخر
خلتني اتمني المۏت زمان وانا صغيره واتمناه دلوقتي
عشان كده عمري ماهسامحك عمري
ثم تركته وذهبت مسرعه الي الخارج ومازال شلال دموعها يفيض من عينها لا يتوقف
دخلت الي بيتها واتجهت الي الحمام لتغتسل آمله ان يطهر الماء ما بداخلها من هموم
خرجت وارتدت ملابسها وبدأت في تحضير الطعام وفور انتهائها دخلت غرفتها لتأخذ قسطا من النوم فلم تذق طعم النوم من ليله البارحه 
فڠرقت في النوم سريعا
استيقظت علي صوت الباب فعلمت ان خالد قد عاد اسرعت اليه
خالد السلام عليكم
علا وعليكم السلام ...... انا حضرت الغدا علي ماتغير هدومك اكون سخنت الاكل
دخل خالد الغرفه دون رد
اعدت علا المائده وجلسا سويا يتناولان الطعام في صمت 
وفور انتهائهما اخذت علا الاطباق الي المطبخ بينما جلس خالد امام التلفاز
جاءت علا وجلست امامه
علا اظن ممكن نتكلم دلوقتي
خالد هاتقولي ايه ياعلا اي مبررات مش هاتغير اللي حصل
علا انا باعترف اني غلطت ومش بنكر بس والله ساعتها مخي وقف عن التفكير اول ماسمعت اسم بابا وانه موجود عند الراجل ده 
وقالي لو مشيت مش هاجي تاني ومش هاتعرفي والدك فين وكمان قالي معلومات عن بابا اكدلي انه فعلا يعرفه 
وقال انه مريض وبيتعالج ماعرفتش افكر ساعتها وروحت معاه
خالد عذر اقبح من ذنب ياعلا 
فيه حاجه اخترعوها اسمها موبيل كان ممكن تتصلي بي وكنت هاجيلك في ثانيه واحده 
لكن انتي لغيتي وجودي وتجاهلتيني 
واتصرفتي وكأنك حره في نفسك ولا كأن ليكي زوج له حقوق عليكي ومن واجبه انه يحميكي 
روحتي ركبتي مع راجل غريب العربيه وروحتي بيته معاه لوحدك من غير مااعرف 
تقدري تقوليلي لو كان الراجل ده نصاب وكان خطڤك او عمل فيكي حاجه كنتي هاتدافعي عن نفسك ازاي وانا كنت هاعمل ايه
علا انا اسفه ياخالد سامحني اوعدك مش هاتتكرر 
بس صدقني الراجل ده محترم جدا وانا روحت معاه وقفت بره وهو دخل جاب بابا ومشيت علي طول 
الموضوع مااستغرقش خمس دقايق
خالد انا مش بتكلم استغرق قد ايه .. انا بتكلم انك تجاهلتي وجودي واتصرفتي من نقسك من غير ماترجعيلي ياعلا
بكت علا ولم تستطع الرد عليه فرق قلب خالد لها ولم يستطع رؤيتها وهي تبكي مره ثانيه فحبها مازال يملأ قلبه وعقله ووجدانه