رواية رائعة للكاتبة ليدي الجزء الخامس

في اقرب وقت بعد الاطمئنان عليه بشكل كامل
وفي اليوم التالي كان خالد جالسا في مكتبه مع عمر 
ولكنه وجد ياسمين تطرق الباب
ياسمين باشمهندس خالد ممكن كلمه لو سمحت 
خرج خالد اليها ووقف امامها
خالد خير في حاجه 
ياسمين انا اسفه اني دايما بتعبك بس انا مش عارفه حد غيرك هنا ومش عارفه اعمل ايه
خالد خير انا تحت امرك
ياسمين ميرسي اوي ... اصل في واحد هنا بيضايقني ومش سايبني في حالي وانا مش عارفه اعمله ايه ومش بحب المشاكل قلت اقولك يمكن تكلمه يبعد عني هو اسمه صلاح
خالد ااه.. صلاح تاني ........ طب ماتقلقيش وانا هاتصرف معاه
ذهبت ياسمين الي مكتبها ودخل خالد غاضبا
عمر ايه يابني كانت عايزه منك ايه 
خالد صلاح ياسيدي بيضايقها .ماانت عارفه وعارف سفالته
عمر ااه .. واشمعني بتشكيلك انت 
خالد عادي ياعمر اللي حصل ... هاتكلمه انت ولا اكلمه انا
عمر لا ياعم خليني اكلمه انا احسن احنا مش ناقصين المره اللي فاتت عدت علي خير .. عايز تموته المره دي
خالد الحيوان
عمر قولي بقي ايه الحكايه
خالد حكايه ايه 
عمر حكايه البت دي .. علي طول قاعد معاها في البريك وبتفطروا سوا ومش بتكلم غيرك في الشركه وتيجي تشكيلك انت بالذات من صلاح وانت متضايق اوي عشانها
خالد والله ولا حكايه ولا حاجه دي مجرد زميله
عمر علي عمو عمر برضه اعترف انت معجب بيها 
خالد انا معجب بشخصيتها بس مش الاعجاب اللي انت تقصده
عمر يعني ايه مش فاهم 
خالد يعني تلقائيه كده وبشوشه ورقيقه وشها علي طول بيضحك
بصراحه الوقت اللي بتكلم معاها فيه بيبقي وقت جميل . بس مش اكتر