رواية رائعة للكاتبة ليدي الجزء السادس

رواية رائعة للكاتبة ليدي الجزء السادس
الحلقة 16
في الوقت المخصص للراحه ذهب خالد الي الكافيتيريا وجلس ولم تأت ياسمين انتظر قليلا ثم ذهب الي مكتبها لم يكن يدري لماذا يفعل ذلك ذهب اليها دون تفكير 
وقف امام المكتب ونظر بالداخل وجد ياسمين جالسه بمفردها 
طرق الباب فانتبهت ياسمين لوجوده ظلت ناظره اليه غير مصدقه انه اتي من اجلها 
تسارعت دقات قلبها وارتجفت يداها ولم يستطع لسانها النطق بأيه كلمه
خالد ممكن ادخل 
اشارت له برأسها فدخل وجلس امامها
خالد مالك خير انتي تعبانه
ياسمين لا مش تعبانه بس متضايقه شويه
خالد متضايقه من ايه
ياسمين يعني اولا موضوع صلاح ده خاېفه تحصل مشاكل ومش عارفه اعمل ايه معاه
خالد ماتقلقيش من صلاح خالص عمر هايكلمه
ياسمين عمر
خالد ايوه هو اصر انه هو اللي يكلمه اصلي اخر مره اتكلمت معاه اتخانقنا وضړبته ودماغه اتفتحت وموضوع كبير كده بس المهم انه هايبعد عنك ولو ما بعدش مستعد اضربه تاني وتالت كمان
ياسمين ميرسي اوي بس انا مش عايزاك تدخل في مشاكل بسببي
خالد ولا يهمك ..... بس انتي قلتي اولا موضوع صلاح . طب ثانيا ايه بقي 
ياسمين فيه واحد متقدملي وانا مش موافقه واهلي مقتنعين بيه اوي مش عارفه اعمل ايه
خالد ربنا يوفقك ان ممكن اقدر افيدك في موضوع صلاح لكن الموضوع التاني ده لا ههههههه
ياسمين بص انا اتجوزت قبل كده ومريت بتجربه صعبه جدا مكملتش سنه جواز 
كان انسان معندوش لا ضمير ولا اخلاق بهدلني وعڈبني لحد مااتطلقت 
ومن ساعتها وانا صممت اني مش هاتجوز الا الراجل اللي انا بحلم بيه 
وده من حقي 
انا نفسي اعيش مع انسان حنين وطيب واقدر اعتمد عليه في كل حاجه في حياتي 
انسان يحبني ويحس بي واعمل المستحيل عشان اريحه واخليه اسعد راجل في الدنيا حتي لو هاسيب شغلي ده عشانه 
مش عايزه واحد عايز يتجوز عشان الجواز والاستقرار وخلاص وماتفرقش معاه اي واحده
ثم قربت يدها من يده التي كان واضعها علي المكتب ولكنها تظاهرت انها غير منتبهه لذلك
ابعد خالد يده ووقف معلش ماتزعليش كل مشكله وليها حل بعد اذنك عشان عمر منتظرني تحت
ياسمين اتفضل
ذهب خالد الي الكافيتيريا ليحتسي قهوته اليوميه ثم عاد الي مكتبه وبعد انتهاء اليوم خرجت ياسمين ووقفت امام مبني الشركه واضعه يدها علي رأسها 
خرج خالد هو الاخر وعندما رآها هكذا ذهب اليها
خالد مدام ياسمين مالك انتي تعبانه 
ياسمين لا لا انا كويسه شويه دوخه وهايعدو
خالد تحبي اوصلك 
ياسمين لا متشكره مش عايزه اتعبك انا هاخد تاكسي
خالد تاكسي ايه بس انتي شكلك تعبانه اوي يلا هاوصلك اركبي
ذهبت ياسمين الي السياره مع خالد وركبت بجانبه وادار خالد السياره وانطلق
ياسمين علي فكره عربيتك حلوه اوي ولونها تحفه بجد 
اصل اللون الازرق ده انا بمۏت فيه
خالد انا كمان بيعجبني اوي الازرق
ياسمين مش معقول احنا الاتنين بنحب السمك وكمان بنحب نفس اللون دا احنا دماغنا واحده بقي
خالد فعلا
ياسمين بس خلاص هانزل هنا بقي متشكره اوي ياباشمهندس
خالد العفو علي ايه بس الف سلامه عليكي
ياسمين الله يسلمك
نزلت ياسمين واتجهت الي بيتها ثم عاد خالد الي البيت 
دخل وجد علا تعد الطعام في المطبخ فطبع قبله علي خدها
علا خضتني ياخالد
خالد سلامتك ياجميل
علا انا خلاص كلها خمس دقايق واخلص الاكل
دخل خالد الغرفه ليبدل ملابسه واذ بهاتف علا يرن اخذه خالد ونظر اليه ونادي علا تليفونك بيرن واحده اسمها مدام امل
جاءت علا مسرعه واخذت الهاتف وردت
علا السلام عليكم
امل وعليكم السلام ازيك يادكتوره
علا الحمد لله خير يامدام امل
امل احنا عرفنا من المستشفي ان الاستاذ حسن الدكتور كتبله علي خروج بكره قلت ابلغك يمكن تحبي تكوني موجوده وهو خارج
علا معلش يامدام امل مش هاقدر اكون موجوده .اكيد هايكون حد من الدار موجود عشان يرجعه
امل اكيد طبعا يادكتوره
علا متشكره اوي . مع السلامه 
امل الله يسلمك
اغلقت علا الهاتف وخرجت لتعد المائده ثم جلست تتناول الغداء مع خالد 
وفور انتهائهما جلس خالد امام التلفاز بينما اخذت علا الاطباق ودخلت المطبخ لتنظفه وتغسل الاطباق 
ثم صنعت الشاي وذهبت الي خالد ووضعته امامه وجلست
خالد تسلم ايدك ياحبيبتي . بس انا هاخد الشاي وادخل المكتب