رواية شيقة للكاتبة فيروز يحيي الجزء الثاني

تقدر علي اربعه وكل شويه تغير الرابعه 
وفيها ايه الحمد لله انا مقتدر اقدر اصرف علهم 
وهتعرف تعدل بينهم يا فالح 
ان شاء الله يا كبير بس انت قول يا رب 
يا رب يا اخويا يقويك ويهديك 
احلي دعوة سمعتها 
اشمعني 
من غير اشمعني كل واحد نفسه ان ربنا يهديه فيها حاجه دي 
لا مفيهاش يا اخويا 
طب بص انا هقفل بقي كفايه عليك كده سلام يا بيسو 
لا يا حبيبي سلام وخلي بالك من نفسك ومن ماما و من مراتك 
عنيا يا كبير لا اله الا الله 
سيدنا محمد رسول الله 
انهي اتصاله مع والدته واخيه وعاد لصديقه متأسفا علي تاخيره  اسف اتاخرت عليك 
لا ابد المهم انك اتطمنت عليهم 
ايوة الحمد لله بقولك ما تيجي نروح نشوف الولاد كفايه كده اخد رهف ونروح علشان عندي شغل الصبح بدري
ماشي مع ان ملحقناش نقعد ونرغي مع بعض 
يا عم فارس الجيات كتير مره تانيه 
علي رايك بس هات رقمك 
ماشي يا سيدي خد 
انطلق فارس وباسل ليلحقوا باطفالهم ويستعدوا للعوده الي منازلهم 
هيا يلا علشان نمشي نادي علي ولاد خلينا نروح
طب مش نستني ليات ورهف لما يرجعوا 
انزعج باسل وقال يرجعوا منين 
معرفش ليا قالتليخلي بالك من يودي عقبال ما اروح مشوار وارجع 
بقالهم كتير 
هيا يعني حوالي ساعة 
باسل هي باي حق تاخد بنتي وتروح بيها مشوار
فارس اهدي يا باسل مينفعش مده اكيد بتجيب ليها حاجه او راحو Toilet
هيا لا يا فارس اكيد بيجيوا حاجه مش معقول كل ده في
باسل اطلب اختك دلوقتي وخليها تجيب البنت فورا ولا هبلغ البوليس انها خطڤتها 
فارس اهدي يا باسل مش كده هتخط البنت ازاي و هي بنت صاحب اخوها 
باسل مليش دعوة انا عاوز بنتي 
فارس طيب اهدئ مينفعش كده 
قام فارس بمهاتفه ليان لكن هاتفها كان مغلق 
فارس الموبايل غير متاح 
باسل  يبقي خطفت البنت 
فارس اعقل الكلام بس انت القلق خلاك تقول اي عك هتخطف البنت ازاي وابنها معانا قولي تيجي ازاي 
حاول فارس مرار وتكرار تهدئه باسل لحين عوده كلا من ليان ورهف وبعد مرمر برهة زمنيه لست طويله لكنها كانت ايام بالنسبه لباسل فرهف لا تعد ابنته فقط فهي قطعه مصغره من ملك يخشي ان يصيبهاسوء ېخاف عليها من الهواء لا يتحمل ان يشكها دبوس لا يستحمل ان تغيب عن اعينه ساعه يكره عمله بشده لانه يحرمه من رؤيتها 
رهف بابي
باسل بعصبيه كنتي فين 
رهف كنت مع انطي ليان 
باسل  انا قولت ليكي تروحي معاها 
رهف لا مقولتش 
باسل  يبقي نروحي معاها ازاي 
رق قلب ليان لحال رهف فقد اوشكت دموعها علي النزول فتدخلت قائله  لو سمحت يا استاذ باسل 
رد باسل بعصبيه لو سمحتي انا موجهتش ليكي كلامي فمتدخليش بين اب ونته ومطلبتش انك تحتكي بيها ولا تاخديها من غير اذني 
ردت ليان بعصبيه مماثله وبصوت عالي  اولا انا مسمحش انك تكلم معايا بالطريقه دي ولا تعلي صوتك عاليا وره 
قاطعها قائلا ملكيش دعوة ببنتي 
ليان  انت مينفعش تكون اب لانك مش عارف تتعامل مع بنتك 
باسل كمان طلعتيني اب فاشل ومش عارف اتعامل مع بنتي 
ليان ايوه علشان دي الحقيقه 
باسل  ممكن ملكيش دعوة برهف 
ليان يا استاذ بنت حضرتك رجليها وجعتها الجزمه صغيره عليها وحضرتك محاولتش تركز تشوف الجزمه علي مقاسها ولا ايه روحت علشان اجبلها شوز غيرها علشان رجليها متتعبهاش 
اظن ده مش جزاتي اني خاېفه علي بنتك تقوم تهاجمني بالشكل المبالغ فيه ده يمكن اكون غلطت علشان ماخدناش اذنك بس مش معناه انك تتعامل معايا بالشكل ده بنتك عندك يا ريت تعرف تتعامل معاها اتصرف كما يتراءى لك بس نصيحه حاول تقرب من بنتك مش لازم تخوفها احتويها وخدها في حضنك وطبطب عليها 
فارس انا هسبق علي العربيه انا وهيا و الولاد 
يلا يا هيا يلا يا ولاد 
باسل فارس انا انا 
فارس باسل انا مقدر خۏفك علي بنتك وانها بتعوضك عن مراتك بس كلام ليان صح خۏفك الزياده وغير مبالغ هيضر بنتك مش هيفدها حاول تقرب منها وتعوضها حنان امها بنتك عاوزة حنان وحب 
باسل  متزعلش مني يا صاحبي 
فارس انا مش زعلان منك انا زعلان عليك 
باسل  ادعيلي 
فارس بس كده من عيني ربنا يريح بالك 
باسل ممكن تعتذر لمدام ليان وقولها شكرا علي الي عملته لرهف 
فارس  انت تؤمر بس انا هستاذنك امشي علشان زمانهم تعبوا من الوقفه قدام العربيه اشوفك تاني 
باسل اوك سلام يا صاحبي 
فارس سلام 
 
داخل سياره فارس
بعد مغادرتهم مدينه الملاهي في السياره عڼف فارس اخته قائلا 
ينفع كده يا ليو ينفع تاخدي البنت من غير ما تقولي لابوها ده الراجل فكرك خطفتيها 
ليان  فارس سوري بجد صاحبك ده عبيط يا مچنون 
فارس ليان لمي لسانك متنسيش انه صاحبي 
ليان  منغير عصبيه مفيش حد عاقل هيصدق الكلام الاهبل الي بيقوله نصيحه مني اقول له ميتفرجش علي افلام اكشن كتير ويتفرج علي spacetoon و يشرب اللبن ويغسل رجليه وينام بدري 
انا مش فاهمه هخطفها ازاااي وابني كان معاكوا وهخطفها ليه عاوزة اخد منه فديه 
فارس