رواية شيقة للكاتبة فيروز يحيي الجزء الثامن
المحتويات
جزء مني بتجري في دمي صعب تكون لحد غيري آآآآآآآآآه
يارب إلهمني الصواب من عندك يا رب لو كنت غلط في حاجه نور بصرتي أنا تعبان حاسس ان حيلي أتهد مش قادر علي كل ده لوحدي يا رب متسبنيش يا رب أنزع حب لارين من قلبي علشان أرتاح نفسي أعيش زي أي أنسان طبيعي
انطلق أيهم بعدها الي منزله وهو لايعرف كيف يتقبل وضع لارين مع أخيه!! عاد إالي منزله في ساعة متأخر من الليل وجد والدته بانتظاره شعر بثقل في صدره ككان يود ان يجد من في المنزل في سبات عميق
إتأخرت ليه يا أيهم وكنت فين
كنت علي النيل يا ماما بشم هوا حرام ولا إيه !
لا يا حبيبي مش حرام بس أنا أمك وحاسة بيك وعارفه أنت بتفكر في أيه
محدش حاسس بيا يا أمي حتي أنتي كل الي همك رهف وباسل وبس لكن انا لا مشاعري ايه لا مريت بيه بردوا لا
أيهم يا حبيبي انا اكتر واحده حاسة بيك انا أمك لكن اخوك معذور بنته متعلقه بيها بشكل غير طبيعي
يا ماما انتي مش عارفه ليان دي تبقي
قاطعته فريده هي لارين طلقتك
عارفه يا امي !
ايوه وبعدين انت مسمعتنيش ان اخوك هيتجوز لارين يعني معناه اني عارفه
سوري يا ماما مركزتش انا تعبان اووي اووي حاسس ان حيلي اتهد خلاص يا ماما
بعد الشړ عنك يا حبيبي متقولش كده انت لسه صغير وبكره ربنا يرزقك بولاد حلوين كده شبهك
تفتكري!
ربك كبير يا أيهم قادر علي كل شئ بس عاوزك توافق لحد البنت ما تشد حيلها وندور علي مربيه كويسه تنسيها لارين وساعتها اخوك هيفسخ الخطوبه هو ميقدرش يعمل حاجه تزعلك يا ايهوم
حاضر يا أمي هوافق وربنا يعدي العزومة علي خير ونخلص من الهانم دي بقي
فريده لنفسها يا رب نخلص من الحربايه الي فوق مش البلسم الي كنت متجوزها
تتلون الحرباء بكل لون لكن حرباتنا لونها المميز والمفضل هو الأسود لون قلبها فالقلب يملأه الحقد والكره والأنتقام
انطلقت ساحرتنا ذات القلب الأسود إلي أخيها لتدبر لبطلتنا الحسناء مكيده لتطيح بيها لتنفرد بزوجها المصون وإلي الأبد فعلاقتها بأيهم في مهب الريح
فهي من جعلتها علي وشك الانتهاء ټلعن غبائها وسوء تصرفها للأمور في كل وقت
ذهبت إلي مفرق الجماعات وهادم اللاذات فهو الأفعي الكبري الملقبه بالاناكوندا
ممكن أعرف مالك
اتخنقت انا وأيهم
هو أنتي لحقتي يا بنتي
كله من تحت راس الزفته لارين
وهي عملتلك ايه يا بنتي
عملها أسود زي وشها
ليه يعني يا بنتي
مش طيقها رجوعها مخليني مش طايقه نفسي ونفسي أولع
فيها بجاز أسود علي دماغها بس أنت بدافع عنها ليه ان شاء الله !
علشان لارين قريب هتبقي مراتي
نعم يا سي عاصم سمعني كده تاني
علي ما أظن انك سمعتيي أنا قولت إيه
انت عاوز تشليني ملقتش غير دي وعاوز تجوزها
ممكن اعرف عيبها إيه لارين
مبحبهاش بكره مكرهتش حد في حياتي زيها
كل ده علشاني سي روميو بتاعك فضلها عليكي
ردت بنبره حاده عاصم ايه فضلها عليا دي
ايه مش الحقيقه ولا الحقيقة اليومين دول بتوجع وأنا مش عارف
انت عاوز تشيلني يا عاصم
رد ببرود ليه أشلك
علشان ملقتش غير دي وتتجوزها
انتي عبيطه مش فاهمة أي حاجه
ليه بقي !!!
علشان بتبصي تحت رجليكي لارين دلوقتي علي قلبها فلوس متلته نص الشركة بإسمها ده غير المجموعه بتاعة أبوها غير الفلوس الي في البنك عاوزني أسيب كل ده علشان حضرتك بتكرهيها ما تولعي يا شيخه
بقي كده يا عاصم
ايوة طبعا يعني انتي عاوزني اعيش طول عمري تابع وخدام عند غيري ولا هو حلال ليكي وحراام عليا
وأيهم هتقوله أيه
ملكيش دعوة أنا هتصرف معاه
انت حر كل الي بيشيل أربة مخرومه بتنزل علي دماغه
دقت الساعات لتعن عن بدء يوم جديد ممتلئ بالاحداث والمشاحنات استيقظت بطلتنا لتذهب إلي عملها بقلب منفرط متهالك فهي تضعف أمام سحر عينيه العسليتين كيف ستواجهه بعد مشاجرتهم في غرفتها ! لكنها تسخط من حالها وتوبخها قائلة انت أقوي دلوقتي انت في مركز قوة مش هو خليكي قوية متبقيش ضعيفه أيهم ميقدرش يعمل ليكي أي حاجه هذه الكلمات كانت بدايه لتأهيل نفسي لمواجهة الصقر العنيد انضمت إلي أسرتها لتناول فطارهم الشيق لتخبر الاطفال الصغار بوجود نهلة ليعاملوها بكل حب واحترام
لارين صباح الخير علي الحلوين ريحه الاكل تجنن يا جماعة
فارس صباح الخير
متابعة القراءة
