رواية رائعة للكاتبة ياسمين علاء الدين الجزء الثاني

رواية رائعة للكاتبة ياسمين علاء الدين الجزء الثانى 
من البارت السادس الى العاشر 
البارت السادس
سبحان الله وبحمده سبحان الله العظيم
اولا الفطااار
مرت ليلة صعبة على نيلى فخناقتها مع جدها اثرت فيها جدا و تعليمات ادهم اللى بټخنقها بس هى قررت تسايره بس الفترة دى
رن منبه  الساعة السادسة علشان تقوم تفز من سريرها فكرامتها متسمحش ان ادهم يهزأها تانى اخدت شاور سريع و جهزت نفسها و اتجهت بكل عزيمة و ارادة و فتحت التلاجة و طلعت البيض و قالت تعمل اومليت و جبن و مربات و الفطار يعدى على خير
و بكل الثقة حطت البيض المخفوق فى الطاسة من غير زبدة و محطتش لا ملح ولا فلفل و بطبيعة الحال البيض لزق فى الطاسة و طعمه كان بسم الله ماشاء الله و حاولت تشيله من الطاسة بس منفعش فقررت تقدمه على هذا الحال على السفرة و طلعت مربى و جبن و حطت زيتونتين على الجبنه و حطت العيش فى طبق على جنب
نزل ادهم من غرفته متجه للسفرة بعد ما اتأكد انها سبقته علشان تجهز الفطار و قعد على السفرة و منظر البيض مش مريحه نفسيا ولا عصبيا بس قال يجبر بخاطرها مد ايده و جه يدوق اول لقمة و بلعها و هو قرفان و غمض عنيه
نيلى ببراءة البيض عجبك
ادهم ابتسم تبسامة سمجة اووووماااال حتى دوقى كدة
نيلى فرحت و اتحمست و مدت ايديها تدوق و اول ما حطت اللقمة فى بوقها رجعتها ايه دة يييع دة مقرف اوى
ادهم اكيد انتى مدوقتيهوش اقولك احلى حاجة فى فطارك دة الزيتونتين
نيلى انت بلعته ازاى 
ادهم  علشان تدوقى منه و انتى متحمسة كدة
هههههههههههه
نيلى كشرت وشها بقى كدة
ادهم طب يلا علشا افطرك قبل ما نروح الشغل
نيلى اتحمست و جهزت نفسها فى ثوانى و هى متأكدة انها مش هتهون عليه و هيفطرها فى مكان حلو جدا و دى اقل حاجة لبست بدلة بنطلون و جاكيت رمادية و قميص بيبى بلو و نزلت لادهم جرى
ادهم اول ما شافها ضحك و لنفسه حماسك دة و فرحتك دى هتتمحى  مش يلا يا نيلى
نيلى بحماااااس يلااااااااااااا
ركبوا العربية ادهم قالها هكافأك علشان علشان صحيتى بدرى و عملتى الفطار اه فطار نص كم بس هتتكافئى
نيلى بجد شفت انى قد المسؤولية
ادهم ابتسم على براءتها مكملا قدها و قدود يلا ووصلنا
نزلوا من العربية و نيلى بتتلفت يمين و شمال اومال فين المطعم
ادهم خلع نظارته الشمس و شاور على عربية فول اهو
نيلى لااااا لا لا لااا احنا هناكل فى الشارع
ادهم هتفطرى احلى فطار فى الدنيا
نيلى انا نيلى الشرقاوى اكل على عربية فول و بعدين هى دى المكافآة
ادهم انتى دوقتى اكلك بنفسك و قرفتى و اظن ان العربية دى اكلها انضف من اكلك و يلا يا اما مش هتاكل ولا لقمة النهاردة و دة امر مش طلب يا نيلى
نيلى وشها احمرر و اتعصبت و اتنرفزت  طييييب بس مش هاكل الاكل دة هاتلى اومليت و جبنة بس
ادهم ضحك بصوت عاالى اومليت انا مسمعش منك كلمة اومليت دى تانى كنتى تسلقيه على الاقل يا نيلى
نيلى ضحكت على غباءها جوة نفسها انت مقلتليش بتاكله ازاى
ادهم هتفرق اوى باكله ازاى طب يلا علشان نلحق نفطر
و اتوجه على العربية و بصوت مدوى ازيك يا عم ابراهيم عامل ايه يا راجل يا بركة
عم ابراهيم يا اهلا وسهلا بادهم باشا نورتنا يا ابنى
ادهم اتنين من طلبى المعتاد يا عم ابراهيم بس بسرعة مستعجلين
عم إبراهيم مين القمر دى
ادهم بضحك ايييه يا عم ابراهيم مش كدة دى مراتى و بنت عمى
عم إبراهيم  بسم الله ماشاء الله الف مبروك يا بنى الف مبروك اقعدوا انتو وانا هجيبلكوا احلى طلب
ادهم مسك ايد نيلى و شدها و قعدها على ترابيزة جنب العربية
نيلى انت متأكد ان اكلهم نضيف
ادهم انضف من البيض بتاعك
نيلى بزعل مش هتنساها و لا هتعديها
ادهم انا اقدر انسى على العموم هتاكلى صوابعك ورا الاكله دى
عم ابراهيم نزل الاكل و نيلى اشمئزت من شكل الفول
عم ابراهيم مالك يا بنتىدة فول مسمار البطن
ادهم طبطب على كتف عم إبراهيم  لا يا عم ابراهيم عادى
عم ابراهيم ولا تكون حاملالف الف مليون مبرو
نيلى برأت و ادهم ضحك حامل ايه بس يا عم ابراهيم هتفضحنا و ربنا روح شوف شغلك
عم إبراهيم باستسلام بالهنا والشفا
ادهم بصرامة يلا كلى و خلصى اكلك كله و متقرفيش كدة دوقى الاول
و لنفسه اومال هتعمل ايه اما اكلها كوارع و ممبار لا و كمان كرشة ههههههههههه
نيلى مسكت العيش انا عاوزة شوكة و سکينة
ادهم ضحك هههههههههههههههه شوكة و ايه يا ختى
و شاور على الناس اللى بتاكل و هى واقفة و بتاكل بايدها  شايفة دول
نيلى اه
ادهم ببساطة اعملى زيهم
بدأ ادهم ياكل و نيلى بتبص و متنحة
نيلى انا معرفش انك فولجير اوى كدة
ادهم رفع حواجبه كلى يا نيلى