اسكريبت رائع لسولييه نصار

تديني حقي لاما مش هخليك لا انت ولا الست الوالدة تشوفوا مراد ...أنا مش مضطرة استحمل الوضع ده ..
معرفش كان مالي أنا كنت برمي نفسي عليه بس حبيته وبقيت بغير عليه اوووي ليه يحبها هي ...دي حتي مقدرتش تجيبله اولاد ...
ايه حصلك انتي مش كده ...قولتلك مقدرش ابقي معاكي لاني بحب مروة ..وانا مبيتلويش دراعي يا مايا عايزة تمشي امشي وربنا يسامحك علي اللي هتعمليه لكن أنا مش هكسر مراتي ..
وبعدين سابني ومشي ....
قعدت علي الأرض وانا ببكي كنت مقهورة اني قللت من نفسي. . متضايقة اني اترفضت وانه مقدرش يحبني .. ليه مش قادر يحبني ليه ....أنا متعلمة اكتر منها واجمل منها واقدر اخلف كمان وهي لا ...فيها ايه زيادة عني عشان يحبها ....كرهتها في الوقت ده عشان فارس حبها وانا لا. ..مسحت دموعي وقررت أعمل حاجة ....
.....
كانت مروة واقفة في شقتها بتطبخ لما جه فارس من وراها 
خضتني يا عم 
ابتسم فارس بحنان وقال 
انا بحبك 
وانا كمان وديت الهدية لمراد 
سكت فارس وقال بعد شوية وهو بيحاول يغير الموضوع 
ما تيجي نسافر يا مروة 
نسافر فين 
اي حتة المهم نبقي مع بعض نغير جو شوية ونرتاح من الضغط ...
بصتله مروة ومسكت أيده وقالت
موافقة يا حبيبي ..
طيب جهزي شنطة صغيرة لينا تمام ....
 كنت قاعدة مع حماتي لما جه فجأة فارس ماسك أيد مروة عشان يتكلم معاها من غير يبصلي 
امي أنا ومروة بكرة مسافرين 
حسيت ان الكلمة وقعت علي قلبي زي الجبل ...مسكت نفسي بالعافية وعيوني دمعت بس لقيت حماتي بصتلي بخبث وقالت
وماله سافروا يا حبيبي بس مش واجب برضه واحد مراتك التانية معاك ومراد يعيني هما من مۏت محمود حبيبي الله يرحمه مخرجوش
حسيت ان مروة اتضايقت فقولت 
لا يا حماتي مش عايزة ازعجهم باين ان مروة مش عايزة 
بصتلي مروة پصدمة فابتسمت ليها ببرود وحسيت اني كسفتها ...
بصتلها حماتي وقالت بحزم
لا ازاي تروحي معاهم يا مايا انتي وابنك حرام فسحوا العيل الصغير ده وانتوا مراته زيها ولا ايه يا مروة هانم 
سكتت مروة بس فارس بصلي بتحدي وقال 
وانا مش هاخدها يا امي للأسف حجزت تذكرتين بس 
وبعدين اخد مروة ومشي 
بصيت لحماتي پغضب وقولت
شوفتي اهو ...مفيش فايدة 
ابتسمت حماتي وقالت
الصبر بس 
جه الليل وجالي فارس وكان مراد نايم ...وطلب يتكلم معايا ...
عايز ايه 
قولتها ببرود فبصلي وقال
بعد ما اجي من شرم هنتطلق وهتأخدي حقوقك كلها وتقدري تتجوزي وتعيشي حياتك أنا مش همنعك ...
دموعي نزلت وقولت بصوت مخڼوق
بس أنا بحبك انتي 
بصلي بحزن. قال
انا آسف أنا بحب مراتي ولسه هيمشي مسكت فيه وقولت
مستحيل اسيبك أنا بحبك وهخليك تحبني!!
يتبع
الجزء التالتشكرا علي تفاعلكم السكربقلم سولييه نصار
ابعدي كده 
زعق فيا فارس وهو بيزقني ...بعدين مسك دراعي وقال
فوقي من اللي بتعمليه ده مش هحبك بالطريقة دي بالعكس هحتقرك اوووي ...
دموعي نزلت فطبطب عليا وقال
انا عارف اني ضايقتك وانا اسف علي اللي عملته ..بس انا بحب مراتي والله مقدرش اخسرها أنا آسف والله انا مش شايف غيرها عارفة أنك اتظلمتي بجوازه زي دي واهو أنا بحررك وملكيش دعوة بأمي أنا هتصرف معاها ...
بس أنا عايزاك انت 
وانا مش شايفك الا اختي سامحيني...ومتقلليش من نفسك ...اتجوزي اللي يحبك واللي يقدرك ...ده حقك يا مايا وان كان علي امي متقلقيش أنا هقف معاكي ...
وبعدين سابني ومشي ...قعدت علي الانتريه وانا مڼهارة رفضني للمرة التانية ...وده كسرني اوووي كنت متغاظة كبريائي اتجرح عشان رفضني وكنت ناوية اعمل المستحيل عشان يبقي ليا ....
......
فارس