بقلم زهرة عصام
بلا شركة بلا بتنجان بقي انا مش عارفه كان ايه اللي رماني على المر دا ما كنت عايشة ملكة زماني مستنية قرة عيني انا اللي وقفت و قولت لازم أشتغل و اعتمد على نفسي و شوحت بايدي كدهون
فتون بضحك _ طبعا مش عاوزه تبقي اندبتت استرونج ومن
سالي_ مين دي انا ابدا دا الست ملهاش غير بيت جوزها
فتون _ طيب يا ستي ربنا يرزقك بابن الحلال انا هطير عشان زمان بطوط مستنياني
فتون أخدت فاطمة و سافرت اسكندريه اللي أول ما وصلت ليها الدموع لمعت في عنيها و افتكرت اللي عملوه فيها أخواتها و مرات أبوها و اللي المفروض يكون سند ليها
فتون _ وصلنا يا بطوط و انتي طبعا عارفة أول حاجة هعملها فهوصلك و اطير على النادي اعمل اشتراك فيه
فاطمة_ عارفه يا قلب فاطمة انك بتحبي الرياضة جدا ربنا ينورلك طريقة يا قلب امك
فتون وصلت فاطمة للبيت بتاعهم اللي كان عبارة عن فيلا صغيرة على قدهم و باست اديها و طارت بعربيتها على النادي عملت اشتراك و غيرت و راحت تجري شوية لكن و هي بتجري ماخدتش بالها و خبطت في حد
ايه دا انتي اټجننتي وإلا اتعميتي عشان تخبطي فيا كدا !
فتون پغضب .....
يتبع
الكاتبة
Zährä Ęssäm
همسات ليله
حكايات آخر الليل
خادمة بقصر أبي
بقلم زهره عصامخادمة بقصر أبي ٧
ايه دا انتي اټجننتي وإلا اتعميتي عشان تخبطي فيا كدا !
فتون پغضب _ والله مش أنا اللي ماشية بصة في الموبايل يعني الغلط من عندك و بتبجحي كمان
انتي إزاي تتكلمي معايا كدا انتي مش عارفه أنا مين وإلا اية مش عارفه النادي إزاي يدخل اشكالك دي هنا
فتون ببرود _ زي ما دخل اشكالك برضوا
شاهي اتعفرتت و زعقت بصوت عالي جمع الناس حواليهم
شاهي_ إنتي واحدة مش متربيه على فكره انتي ازي تتكلمي معايا كدا انا شاهي محمود النمر واحدة زيك تتكلم معاها كدا
فتون اټصدمت منها و لكن رجعت لبرودها تاني و قالت_ حصلنا القرف منشرفناش
شاهي جت تمد ايديها عليها فتون مسكتها جامد
فتون بنظرة تحدي_ جربي تعملها تاني لو عاوزه تقعدي شهر في الجبس
شاهي اترفزت و قالت بصوت عالي_ فين الأمن انتوا ازي تسمحوا للژبالة دي تدخل هنا هو النادي بقي بيلم وإلا اية
فتون رفعت حاجب ليها و قالت_ والله انا داخلة بفلوسي و هو فعلا النادي بيلم من زمان مش عملتي كارنية عضوية فيه
شاهي لسة هتتكلم لقت اللي واقف جمبها و بيقول في حاجة يا شاهي
شاهي بهدوء_ أهلا عمران و بصت على فتون و كملت مفيش حاجه غير إن واحدة محتاجة تتعلم الأدب
فتون رفعت حاجبها و ضحكت ببرود و قالت_ اممم صح أصل في أهالي مكنتش فاضيه تربي عيالها و سيباهم كدا حتي مهتموش يعلموهم أمور دينهم مش
