اسكريبت شيق لسولييه نصار

بغباء صدقتها!!
ومع الضغط علي شوق اڼهارت واعترفت بكل حاجة ووقتها جدي انكسر اووي حس أنه ظلمني بس. كنت عاذره ...هي قدرت تخدعني انا...بعدها جدي اتخلي عن شوق بالكامل ...رفض يعين ليها محاميين ...مفيش الا ابوها. امها هما اللي وقفوا معاها وحاولوا يطلعوها لكن مقدروش والحكم عليها كان قاسې
....
بعد يومين
بصراحة يا حاج ابني مراد عايز يفسخ الخطوبة من حفيدتك ورد ...
قالها عبد الكريم وهو متوتر ...كانت العيلة كلها متجمعة ...قلبي دق من الفرحة وورد حاولت تخفي ابتسامتها فكمل عبد الكريم بإحراج..
انا عارف ان ورد ملهاش ذنب في اللي عملته شوق...بس ابني رافض تماما ...سامحني يا حاج لو بإيدي...
وقفه جدي عن الكلام وقال
ولا يهمك يا عبد الكريم ...اتعلمت أن مينفعش نغصب اولادنا علي الجواز ...لا دين ولا عقل يقولوا كده اوعي تغصب ابنك علي حاجة والا انت اللي هتندم بعدين ...
بصلي وكمل
انا كنت هعمل غلطة حياتي ...كنت هدمر حياة اتنين بس ربنا سبحانه وتعالي نورني ...
ابتسمت لجدي وانا مبسوط وبصيت لورد بكل الحب اللي في عينيا ...مكنتش خاېف المرادي ...كنت عارف اني ربنا هينصرني لاني عمري ما عملت غلط ...
.....
بعد اسبوعين. ...
كنت برقص في فرحي علي ورد وانا واثق اني اسعد واحد في العالم كله ...مكانش حد في بالي لا شوق ولا محسن ...بس ورد ورد اللي نورت حياتي واللي هتفضل منوراها دايما ...قربت علي ورد وقولتها
سمعتي الحديقة اللي فيها وردة واحدة  
ابتسمت وقالت 
ايوة اعرفها ...متأكدة اني هفضل الوردة الوحيدة في حديقتك 
تمت