بقلم شهد محمد ج٣
شغلها بس هيا عقلها بيفكر ف الكلام بتاع الشاب ده طيب ازاي انا مااختش بالي الفتره دي كلها انا يادوب لسه واخده بالي من كام يوم .
انا ماكنش ينفع اقؤلها كدا طيب ليه ردت عليا بالقساوة دي ممكن يكون ف حد ف حياتها لا لا دي محترمه اومال ايه بس انا ھموت لو هيا لغيري.
شهد نزلت من الشغل مروحه وقالت لنفسها اشوف هو عاوز ايه لو كلمني بس نزلت ماشيه ورايحه نفس المكان لقيته فعلااا واقف مستنيها عملت نفسها مش واخده بالها مش عارفه هيا ليه عاوزه تسمعه
انسه شهد
نعم
كنت عاوز بس اسألك انتي ف حد في حياتك يعني لو اتقدمت لحضرتك يعني و
اولا مافيش حد ف حياتي ثانيااا الواحد بيدخل من الباب وبعدين يعرف اذا كان ف قبول ولا لأ
طيب ممكن نقعد ف الكافيه شويه
بس انا
عارف انها عمرها ماحصلت وانا واثق جدا من اي كلام منك بس حابب اتكلم معاكي
راحو قعدو تحبي تشربي ايه
مش مهم نتكلم علطول احسن
ياستي لتقولي عليا بخيل
لا ابدا والله مش مستاهله
ياستي ماتخفيش انا الي هدفع
مااقصدش خلاص عصير مانجه
لو سحمت ٢عصير مانجه
اصلي بحبها اوووي
هيا ايه
المنجه
اهخير بقي كنت عاوز تتكلم في ايه
بصي اولاا انا اسمي كريم شغال محاسب في الشركه الي انتي بتشتغلي فيها شوفتك قبل كدا وانتي بتركبي بقيت اقف ف المكان ده كل يوم عشان اشوفك وبمشي بدري من الشغل اقف ف نفس المكان عشان اوصلك لبيتك من بعيد وبرضه امشي من بعيد وراكي لغاية مااتفاجئت انك بتشتغلي ف نفس الشركه وسألت عليكي الكل شكر ف ادبك واحترامك والتزامك مع كل كلمه كنت بسمعها كنت بتشد ليكي اكتر كنت بحس انك مخلوقه عشاني انا ماينفعش اقؤلك كدا غير قدام باباكي. بس كنت كل يوم بشوفك زعلانه ده قلقني اكتر اني اتقدم قبل مااسمعك لغاية الصبح لما رديتي عليا كدا بس برضه مايأستش عاوز اسمع منك حتي لو هتقولي لأ واعتبري دي اخر مره هظهر ليكي واوعدك اي كلمه هتقؤليها مش هتطلع بره عن المكان ده
انا اه اول مره اشوفك بس مش عارفه اقؤلك ايه
قولي الي جواكي وانا سامعك ليه انتي حزينه
انا بنت وحيده لبابا وماما وبابا عنده اخوات وكلهم ليهم ورث والمفروض يتقسم عليهم كلهم عمي بيقول لبابا نجوز شهد لحمدي وتاخد ورثك ان غير كدا مالكش حاجه عندنا وبابا مش عاوز يخليني اعمل حاجه ڠصب عني. وانا مش برتاح ليه ولا عاوزه اتجوزه وفي نفس الوقت زعلانه عشان بابا .وكل يوم حمدي يرن عليا ويقول فكرتي ياعروستي ويجي عندنا ومش بحب اطلع من الاوضه كل يوم ع كدا ويقول مش همل لغاية ماتوافقي يامراتي غير مواقف كتير ومش برضي اقول لبابا ع مدايقاته ليا .بابا طيب ومش بيحب المشاكل وحمدي ده من النوع الي بيحط حاجه ف دماغه بيعملها حتي لو كانت ايه ده سبب حزني ومش عارفه ليه قؤلتلك ولا اتكلمت معاك
طيب ممكن تهدي وتمسحي دموعك وحياتك عندي ماهخليه يقرب منك ولا يدايقك تاني ودموعك دي مش عاوز اشوفها تاني ابدا سيبي الموضوع ده عليا بس حابب اطمن يعني لو جيت لباباكي هتوافقي
احم والله ردي بابا يقوله بس برضه هصلي استخاره عشان اطمت اكتر
يعني مطمنه ليه
ان شاء الله
ياله عشان تروحي وانا هوصلك زي كل يوم بس حاولي ماتفكريش ف موضوع حمدي تاني
شهد روحت وكريم ماشي وراها زي كل يوم واطمن عليها وروح زقاعد بيفكر في كلام شهد والڠضب بيطلع من عينيه من كلام شهد والۏجع الي هيا فيه وصمم انه يروح بكره يتقدم ليها
افتحي ياشهد الباب الجرس بيرن من ساعتها اصل بابا
حاضر ياماما حاضر يالي بره حاضر
ايه ياشهد مافيش اتفضل
انت جاي هنا ليه دلوقتي
دي مقابله برضه
اقصد ا
ممكن تندهي لوالدك ولو مش موجود انزل استناه تحت
مين ياشهد
دا واحد عاوز حضرتك يابابا
اهلا ياابني اتفضل تعالا ادخل خير
السلام عليكم ياحج انا كريم شغال ف نفس الشركه الي شغاله فيها الانسه وكنت حابب اتقدم لها
انت حاولت تقؤلها كدا ف الشركه
لا ابدا والله ياحاج كل الي حصل اني طلبت انها تسمعني بس واشوف رأيها يعني كنت بشوف هيا
