رواية رائعة بقلم أماني سيد "موسي" ٢

كلهم عشان يصدقوها لما تديها العصير قدامهم 
جه فعلا وقت الغدا والكل اتلم على السفره وفى اخر الاكل ادت منه اينور كوبايه العصير 
منه اتفضلى يا اينو عصير البرتقال ده مفيد جدا بعد الاكل عشان جسمك يمتص الحديد من الاكل اللى اكلتيه 
اينور فعلا يعنى مش حطالى في دوا اجهاض 
منه. ايه اللى بتقوليه ده انتى اتجننتى دانا من اول حملك وانا مهتميه بيكى دى اخرتها تتهمينى كده وبصتلهم كلهم شاهدين بتقول ايه 
وبصت لموسى وفضلت ټعيط وتقوله يرضيك كده انا غلطانه انا هرميه عشان ترتاحى 
اينور لا مش هيترمى ده هيتحلل وانا هبلغ البوليس عنك 
كلهم قاعدين في حاله صډمه والشك بيزيد عندهم 
منه انتوا بتبصولى كده ليه انتوا شاكين فيا فعلا وقامت شربت كوبايه العصير مره واحده قدامهم 
وقالتلها اعتقد لو ده دوا اجهاض يعملى ڼزيف طبعا وممكن اشيل الرحم 
هنا الكل سكت 
وتسكت شهر زاد عن الكلام ادينى طولت البارت اهو 
يا جماعه 
انا بنزل كل يوم بارت ومش قصير اوى بس مش طويل اوفر لو عايزنى اطوله اوى نخليها يوم اه ويوم لا ماعنديش مشكله بس كده انتوا هتنسوا الاحداث اللى عايزينه هعمله عرفونى عايزين ايه فى الكومنتات
عشان كلام الناس الحلو ده نزلت الفصل ال ١٥ 
وعشان ده جروبى الاقرب لقلبى هنزل كمان شويه الفصل الجديد
الفصل الخامس عشر
موسى بيبصلهم ومركز فى كل كلمه بتتقال من اينور ومنه جامد
وايان بقى واقف مش قادر ياخد موقف ومهران من الاول محدد موقفه عشان كده ماتكلمش 
ام اينور اينور يا حبيبتي اهدى عشان اللى فى بطنك ممكن تكونى سمعتى غلط واهى شربت العصير ومحصلش حاجه
موسى بهدوء اينور اطلعى الاوضه بتاعتك 
اينور تانى يا موسى تانى هتسيبنى اطلع من غير ماتسمعنى 
موسى انا سمعت اللى يخلينى اعرف مين الصح ومين الغلط اتفضلى اطلعى 
منه هتسبها كده كل شويه تهزقنى من غير ماتاخد موقف 
موسى الموقف خلص وانتى كمان اطلعى الاوضه بتاعتك 
ايان بقى واقف محتار ومش عارف موسى واخد صف مين لحد دلوقتي لكن اينور طلعت اوضتها بعصبيه وموسى طلع بعديها 
دخل موسى غرفه اينور لقاها قاعده مټعصبه جدا وبتلم هدومها 
موسى اينور بتعملى ايه 
إينور طبعا مش مصدقنى انها عملت كده فاكرنى بكدب عليك 
موسى مين قالك اني مش مصدقك انا عارف ان كل اللى قولتيه صح وواثق فيكى 
إينور طالما واثق فيا وراحت ناحية الفازه وشدت جهاز التسنط حاطت دى ليه 
موسى عرفتى بيها امته
اينور هو ده اللي همك ولما الدكتوره قالتلك انى باخد منشطات حمل ماقولتشلهاش ليه انى باخد 
موسى عقد حواجبه وانتى كنتى بتاخدى منشطات 
إينور لا يا راجل 
موسى اينور اتكلمى على طول مش بحب اللف والدروان 
إينور على أساس انك مكنتش بتدى منه منشطات تحطهالى في العصير هى والشغاله 
انا زهقت وعايزه امشى من هنا كله كدب في كدب
موسى وحبى ليكى شايفاه كدب برضوا
إينور لو حبتنى كنت وثقت فيا مش تحطلى جهاز تسنط 
موسى طيب تعالى نتكلم واحده واحده بهدوء زى الناس المتحضرة ماشى 
اولا انا ابدا مكنتش بحطلك منشطات نهائى ولا أعرف حاجه عن الموضوع ده
ثانيا انا فعلا كنت حاطتلك جهاز التسنط ده بس ده كان اول ما جيتى وحرفيا انا نسيته ادخلى عندى على اب ستور وهتشوفى بقالى اد ايه ماستخدمتوش من قبل حتى مانتمم جوازنا وانا الاول كنت صريح معاكى فى كل شىء وانتى عارفه انى مكنتش واثق فيكى صح 
اينور سكتت 
كمل موسى وبعدين لو انا مش واثق فيكى يا اينور هخلى بابا يتنازلك عن نصيبه وانا كمان اتنازلك عن نصيبى منا كنت وقفتلك زى اللقمه فى الزور بنصيبى انا وبابا 
بصى يا اينور انا هسيبك تهدى خالص وتفكرى مع نفسك وهيبقى لينا كلام تانى مع بعض 
جه يخرج من الاوضه لكن لف ورجع بصلها تانى 
هو انتى مين قالك الكلام ده وضحك نص ضحكه اكيد طبعا مش منه اللى هتيجى تقولك واللى قالك وموجهش الكلام ليا انا ليا كلام تانى معاه 
ورجع بصلها مره اخيره . وانتى سايباها تطلعك وحشه ليه عموما انا مش فارق معايا وراح غامزلها 
نزل موسى وهو نازل قابل ايان بصله بدون اى تعابير وسابه ومشى ونزل المكتب وكان باباه موجود 
مهران اوعى تكون زعلتها 
موسى لأ طبعا ومقدر حالتها . انت قولتلى ان منه امبارح كانت مع ايان فى الجنينه وبعدها دخل متنرفز 
مهران معذور محدش يعرف قالتله ايه 
موسى لأ مش معذور انا لو فى نيتى غدر كنت رجعته ليه ماكنت سبته زى الفار هناك من جحر لجحر انا كان فى نيتى ادخله شريك مع اخته ويساعدها في الإدارة بس هو غبى بيخسرنى 
مهران انا عارف اعصابك تعبانه من بعد اللى اكتشفته 
موسى ومش