ابن ليل ل أميرة أسامة

هاممها راحته ولما هو كده يا حنينه روحتي ليه طلبتي كل ده
دره....بضحك مش عارفه بس حبيت نرخم عليه ونفسي نشوف وشه وهما البياعين بيقراوله لستت الطلبات
دعاء....مش بنقولك مفتريه يلا اطلعي غيري هدومك عشان هنتعشوا مع بعض انهارده
دره.....هنا
دعاء...امال هناك اصل انا نسيت نقولك اتحايلت على بلبله اننا نتعشوا كلنا مع بعض وهي سكتت
دره.....بإبتسامه بسيطه ومكسوره لا بلاش يا دعاء انا مش عايزه اضايقها ولا اضايقهم بوجودي كفايه انهم سكتوا على قعدتنا هنا لسه بدري على ما الدنيا تهدى بينا
دعاء....يابت بنقولك سكتت مقالتش لأ
دره....ولا قالت اه يا دعاء
دعاء...اسمعي لما نقولك اللي حصل بينكم امبارح انا واثقه انه فوقهم كلهم 
الصبح عبدالله كان هادي ورد عليا الصباح ولما سألته تحب تاكل ايه قال اي حاجه مسكتش وطنشني وعمل فيها مقموص وابوكي الصبح لما عرف انك نازله لوحدك انتي والبنات قلبه كلو وسمعته وهو بيكلم السواق بيوصيه عليكم وبيقوله رجلك على رجلهم وتخلي بالك منهم ابوكي يابت خاف عليكي احسن كرم يتجنن ويمشي وراكي انتي وبناتك مع انه عارف ومتأكد انه ميعملهاش وامك معترضتش يا بت وكل ده كفايه اوي عشان تعرفي ان الدنيا بدأت تهدى
دره.....ايوه بس انا خاېفه يضايقوا من وجودنا
دعاء....لا هيضايقوا ولا حاجه بطلي بقى تفكري بطريقتك دي متخنقنيش انتي وهما انا سكت عليكم بقالي سنين ودين محمد اللي ما هيسمع فيكم الكلام لا هنشوفوا شغلنا معاه
دره....بضحك احيه قلبتي عليا يا واطيه
دعاء....احيه ما انا زهقت منكم وجضيت 
دره....خلاص يا ستي هننزل بنقولك ايه صحيح
دعاء....قولي
دره....مش انا شوفت مها وسونه 
دعاء....احيهعملوا ايه
دره.....سمعوني كام كلمه ومها هددتني بصراحه انها مش هتسيبني في حالي شكلهم كده متفقين عليا
دعاء.....مها وسونه لا مستحيل اطمني الاتنين يطيقوا العما ولا يطيقوا بعض اصلا مها من زمان مبتكلمش سونه ويوم ما تشوفها لازم تسمعها ربع
دره....ربع ايه يابت اللي تسمعولها بنقولك الاتنين متفقين مع بعض وكانوا واقفين واحده تغني والتانيه ترد
دعاء....احيه دول بينهم مصانع الحداد ايه اللي لمهم على بعض
دره....مش عارفه
دعاء....ودي عايزه زكاء اكيد اتفقوا عليكي ونقطعوا دراعي لو مكانت مها اللي راحت وعرضت عليها حفظاها اكتر من روحي 
دره....كان نفسي احضنها يا دعاء وحشتني اوي
دعاء.....واكيد يا اختي انتي كمان وحشتيها ان شاء الله الدنيا تهدى بس لحد ما ده يحصل خدي بالك بقى منهم عشان الجوز دول يتفات لهم بلاد وادام اتفقوا بعد العمر ده كله مع بعض يبقى

ناوينلك على نيه مش حلوه 
دره.....وانا ناقصه طيب يستنوا شويه عليا لحد ما نستقر
دعاء....هيضيعوا عليهم الفرصه يعني تبقى بتحلمي 
دره....ربنا يستر يلا انا طالعه نشوف البنات
دعاء....ماشي ارتاحوا شويه وكلوا حاجه خفيفه انا عملالكم شويه اكل هتاكلوا صوابعكم وراه
دره....تسلم ايدك يا احلى دودو في الدنيا
دعاء....بنحبك يا بت
دره....وانا بم وت فيكي
ابتسمت دعاء وقفلت وراها الباب ولفت وراها لقت نبيله
دعاء....احيه
نبيله....ايه يابت واصلة الحب دي كلها
دعاء....انا ااااا يالهويييييي نسيت اوطي الڼار على الاكل
نبيله....اهربي اهربي يا بت الرفدي ماشي يا دعاء ليكي روقه 
مسكت موبايلها تتصل على كرم
وانت يا اخويا اما نشوف هترد عليا ولا لا المرادي
نبيله.....الووووو
كرم....ايوه يا بلبله
نبيله....بركه يا اخويا انك فاكر اسمي 
كرم....عايزه ايه يا بلبله عالمسا رن رن مبتفصليش دماااااغنا
نبيله....انت بتكلمني انا كده ياولا والنبي ننزل نحييك بربع في قلب الشارع
كرم.....لا وعلى ايه
مش ناقص انا الربع بتاعك عايزه ايه يا بلبله
نبيله....انت ياولا زعلان مني
كرم....وهنزعلوا منك ليه انتي عملتي حاجه
نبيله.....ايوه عملنا وقفت في وشك لأول مره بس كان لازم نعمل كده عشان تكتم انت وعبدالله ماهو انا مش كل شويه هنشوفوكم ماسكين في بعض يا ولا
كرم.....ايه خۏفتي عليا انا وعبدالله ولا خۏفتي عالسنيوره مني
نبيله....لا يا اخويا مخوفناش على السنيوره عشان انا عارفه ياولا انك مش هتقدر تأذيها
كرم....ليه عويل دي بتك متخادش في ايدي غلوه 
نبيله....لا يا اخويا مش عويل بس زي ما قولنالك متقدرش يا ولا
كرم....طيب اتكلي على الله يا بلبله عندي شغل
نبيله.....اه يا واطي يا تربيه الشوارع ما انا هناخد منك ايه غير قلة الادب يا ابن نجوى
كرم.....ابتسم كرم بهدوء شكرا
نبيله....العفو يا اخويا ولا يا كرم
كرم......خييييير تاني
نبيله....مش زعلان مني يا ولا
كرم....سكت ثواني وبعدين ابتسم بحب قولنالك يا بلبله منقدرش نزعلوا منك ابدا
نبيله....ربنا ما يحرمني منك ابدا يلا روح شوف شغلك واياك نتصلوا بيك تاني ومتردش انا بنقولك اهو وإلا انت عارف هعمل ايه
كرم....بضحك هتسمعينا ربع في وسط الشارع عموما ماشي يا ستي هنرد عليكي
نبيله....بحب سلام يا حبيبي
كرم....سلام يا بلبله
.................
في المساء اتجمع الكل في شقة زكريا عشان يتعشوا مع بعض
وفي بيت رفاعي نجوى ومها كانوا بيجهزوا العشاء.
اما عند كرم راح يعدي على المحلات اللي دره دخلتها عشان يعرف كانت طالبه ايه ويشتريه منهم وميقطعش رزقهم.
بكر.....رجعت تاني انت وابليس لبعض وانا بنقول ايه سر الابتسامه والفرحه اتاريك كنت بتتفق مع البياعين
كرم....هي مش قالت انها قاعده ومش رايحه تاني تتحمل بقى
بكر....طب ادخل يلا يا اخويا خلينا نشوف طلبت ايه من البايعين عشان نشيلوا ونحملوا معاك
كرم....هتكون طلبت ايه يعني دي بقت تربيه اجانب واكيد طلبت اللي محتجاه بس 
بكر.....طيب يلا يا اخويا.
دخل كرم هو وبكر مع بعض وراح لاول بياع.
كرم.....نعم يا اخويا انت بتشتغلني طلبت كل ده ليه هي ناويه تعزم الخلق
الشاب....والله يا معلم كرم ده اللي طلبته هي في الاول لما دخلت طلبت حجات بسيطه بس رجعت بعد شويه فكرناها هتطلب تاني نبيعولها لقيناها بتقول نكتب وراها الطلبات دي ولما تجهز نبغلها صح يا حاج شعراوي
صاحب الماركت....ده اللي حصل يا كرم يا ابني انا قولت للولا ميبعلهاش بس لما رجعت وقالت نكتب الطلبات خدناها على قد عقلها وطلبت كل ده
كرم....الله يخربيتك يا دره زي ما هتخربي بيتي طيب حضر الطلبات لحد ما نعدوا على باقي الدكاكين
الشاب.....طياري يا معلم
خرج كرم وفضل يعدي على المحلات وكل شويه ېتصدم من تغييرها للطلبات بطلبات اكتر وبكر واقف جنبه مېت من الضحك.
كرم....وهو واقف في الفرن بطل ضحك بدل ما نرقدك
بكر.... مش قادر انت حفرتلها حفره وقعتك انت فيها
كرم....انا بس عايز نعرف هي طلبت كل ده ليه
بكر.....مش عارف بس صراحه شاكك في حاجه
كرم....حاجه ايه يا اخويا قسم وسمعني
بكر....بضحك ما هي ملهاش حل غير انها استغربت لما الكل رفضوا يبيعولها فا اتصلت وسألت دعاء اختي واكيد هي اللي قالتلها واتفقوا عليك
كرم.....انتوا مبيجيش وراكم غير المصاېب انت واختك اللي منها لله
بكر....طيب وانا مالي دعاء اللي سوحتك
كرم....والتانيه حبت تردهالي ماشي يا دره ودين محمد لو ده اللي حصل فعلا لا هنردهالك. بس اللي مجنني الوقت كل الطلبات دي ماشي هنركنوها ليها عوزه بس هنعملوا ايه بكل الخبيز ده
فطس بكر من الضحك وبعد عنه قبل ما يتهور
بكر....احنا نطلعوا المدافن ونوزعهم رحمه ونور على روح الميتين
كرم.....بطل ضحك عشان مش طايق روحي بدل ما نوزعوهم على روحك انت واختك
بكر.... خلاص سكت تعيش وتاخد غيرها
كرم....امشي من قدامي ودين محمد هنشقك نصين يا بكر 
بكر.....خلاص خارج طلع الصاجات وراء بعض يا يسطا ومتنساش تكون طازه دي راحه على روح اموات
ابتسم كرم ڠصب عنه ....امشي يا بكر الله يهديك.
نجوى.....احيه ايه كل ده يا ولا هو صاحب الفرن بيوزعهم ببلاش ولا بيصفي الدكان بتاعه وبيبيع بالرخيص
بكر....بضحك لا دي صفقه 
كرم....بصله بغيظ
بكر.....سكتنا خلاص
هيما....هو في ايه 
بكر....بصوت واطي هنقولك بعدين
مها.....صحيح يا كرم ايه كل ده يا اخويا انت شكلك جعان وريحة الخبيز جوعتك اكتر
كرم.....اللهم طولك يا روح ياستي الحاجه طالعه حلوه فا قولنا نجيبولكم كل واحد فيكم ياخد شويه في بيته
هيما....شويه ايه احيييييه ده احنا هنقعدوا اسبوعين منشتريش من الفرن حاجه
كرم....يبقى اريح بردوا يلا ناكلوا بقى
رفاعي....بضحكه حاول يخفيها يلا يا ولاد 
بص كرم لابوه وفهم انه قفش الحكايه وبعدين بص لبكر 
بكر.....وانا مالي طيب
كرم....ليك روقه متبقاش تزعل مني بقى ودين محمد ما هنسيبك انت واختك إن ما سوحت عليها مها اختي منبقاش كرم 
فضل بكر يضحك لحد ما عينه دمعت وبعدين راحوا على السفره.
وللحديث بقيه........