رواية ابن ليل بقلم اميرة اسامة ج٣
عرفوا من المستشار القانوني بتاعه انه بره البلد
كرم.....بره فين يعني بره امريكا
دره...ايوه بس مقالش فين قال بس انه هيجي بعد يومين
كرم....اممم نفهم من كده انك بدأتي
دره...ما انا قولتلك اني طلبت من چاك
كرم....طيب تمام خير ان شاء الله
دره....يارب المهم هتعمل ايه الوقت
كرم.....ولا حاجه هنشوفوا الشغل وهنستناكي تخلصي
دره.....خلاص ياحبيبي اول ما نخلص هنقولك
كرم....ماشي يا عمري خلي بالك من نفسك
دره....تمام يا حبيبي يلا باي
كرم....باي
.....................
عدي كام ساعه البنات رجعوا وطلعوا علي فوق عشان يبدأوا يجهزوا هيما مكانش عارف اي حاجه ولا كان فاكر حتي انه عيد ميلاده لان مفيش حد فكره ولا قاله كل سنه وانت طيب.
..............
في شقه سونه.
من وقت كلامها اللي حصل مع كرم اخر مره وهي ساكته وباين عليها الحزن الطاقه والحركه بتوعها اختفوا تماما طول الوقت لا قاعده في اوضتها ونايمه علي السرير لا فاتحه التلفزيون وسرحانه ومش باصه عليه.
سماح كانت مستغربه الحاله اللي
هي فيها معرفتش اللي حصل بينها وبين كرم بس كانت عارفه انها مضايقه من بعد ما قالتلها ان كرم راح وراء دره وفضل معاها كانت صعبانه عليها ومش عارفه تعملها ايه لكن في نفس الوقت عايزاها تواجه ۏجعها عشان تفوق لنفسها.
لبست سماح فستان اسود اسود عملت ميكب وظبطت شعرها كان شكلها جميل حطت شنطه سوده فيها لون فضي خرجت لسونه تاخد رأيها في شكلها النهائي.
سماح....سونه سونه
سونه....ايوه
سماح ...ايه رأيك طالعه حلوه
سونه....بابتسامه بسيطه اه زي القمر
سماح....بحب بجد ولا بتجامليني
سونه....وهنجاملوكي ليه بس والله زي القمر
سماح.....طبعا مش طلعالك
سونه....لا انتي احلي
سماح....بحب راحت قعدت جنبها ومسكت ايدها هتفضلي زعلانه كده كتير
سونه......ونزعل ليه بس ما انا زي الفل اهو
سماح....عليا انا يا سونه يعني انا منعرفكيش
سونه....يابت انا كويسه صدقيني
سماح....لا مش مصدقاكي من يوم ما عرفتي ان كرم راح وراء دره وانتي حالك متشقلب بقي هي دي سونه اللي مش بتبطل كلام ولا ضحك ولا مرازيه في خلق الله هي دي سونه اللي وشها كان ديما مبتسم و واخده بالها من روحها ده انتي بقالك يومين حابسه روحك في اوضتك او قاعده وساكته
سونه....عيزاني نعملوا ايه
سماح....ولا حاجه عيزاكي بس ترجعي زي الاول عيزاكي تحطي وراء ضهرك وتكملي طريقك زي ما انا اتعودت نشوفك عايزه اشوف سونه القويه الجامده مش الضعيفه الحزينه ياما كرم مش اخر راجل في الدنيا
سونه.....ڠصب عني يا بت وبالنسبالي كرم هو فعلا اخر راجل في الدنيا
سماح....عشان مفكرتيش تدخلي قلبك غيره بجد عشان مفكرتيش تشوفي حد غيره يا سونه انتي موقفه محور حياتك كله علي كرم من يوم ما وعيت علي الدنيا وانا بنشوفك تقومي تعملي اللي وراكي عشان تخلصي بسرعه وتروحي تقعدي في البلكونه وتفضلي باصه عليه وهو بيشتغل حياتك كلها روتين حتي حبك لكرم روتين عشان ترتاحي لازم تطلعي روحك بره الروتين ده
سونه....انتي مش فاهمه حاجه ولا هتقدري تفهميني مهما اتكلمنا
سماح....مين اللي قالك كده ده انا اكتر حد ممكن يفهمك في الدنيا انا مبقتش صغيره يا سونه وحاسه بيكي كويس اوي بس انتي غلط يا سونه عشان احب حد و نوقف حياتنا عشانه لازم يكون بيدني اضعاف الحب اللي بندهوله منبقاش انا بس اللي بنحب وبنضحي ونوقف حياتي وهو ولا هنا زي ما بندي يا سونه لازم ناخد وانتي راضيه بكل حاجه بتحصل في حقك راضيه تدي بس من غير ما تاخدي عارفه ان كرم قلبه مع غيرك ومع ذلك مش فارق معاكي شايفه أنه أهو عندك كرم يعيش معاكي وتبقي علي ذمته ومش مهم قليه يبقي مع غيرك
سونه.....اللي بتحب بجد يا بت بترضي بأي حاجه حتي لو هتتوجع.
سماح....بانفعال غلطانه ياسونه اللي بتحب بجد ما بيهونش عليها حبها اللي بتحب بجد ما تقبلش ان قلب اللي بتحبه يكون متعلق بواحده تانيه بالعكس وقتها بتختار البعد و بيبقي اهون عليها تبعد وتفضل دافنه الخب ده جواها ولا انها تعيش مع نص راجل عايش معاها بجسمه مش بقلبه انتي تستاهلي تعيشي و تكملي حياتك مع راجل كامل يا سونه راجل يعيش معاكي بقلبه وعقله قبل جسمه صدقيني يا سونه اللي انتي فيه ده مسمهوش حب . ده وهم كبير بټدفني روحك فيه وانتي الوحيده اللي هتفوقي من الوهم ده بس وانتي خسرانه اللي في قلبك من ناحيه كرم مش حب يا سونه صدقيني دي تملك ووهم وعند رضا لتقبل الحقيقه وهو ان كرم مش ليكي انتي مش
قادره تصدقي الحقيقه دي للاسف والاهم يا سونه انك فاكره ان معافرتك طول السنين دي مع كرم عشان يحس بيكي شايفه انه حب بس للاسف معافرتك دي مش حب دي شحاته وتقليل من روحك الحب مبيتشحتش يا سونه ده شعور بيطلع مننا بدون مقابل للي بنحبهم ويوم ما يطلب يا سونه عمرك ما هتصدقيه لانه هيبقي مش طالع من القلب .
صدقيني يا سونه انا يصعب عليا اشوفك في الحاله دي انتي ست الناس كلها وتستاهلي كل حاجه حلوه اوعي تهون عليكي نفسك ولا ترخصي قلبك
ابتسمت سونه ومسحت دموعها
سونه.....طب يلا قومي يا بت وبلاش رغي عشان متتأخريش
سماح...بحب حاضر يا سونه بس اعملي حسابك مش هنبطلوا كلام معاكي لحد ما نشوفك بتحبي نفسك شويه
بصتلها سونه وسكتت.
...............
خلصوا البنات لبس وظبطوا نفسهم في الوقت ده هيما واحمد ومحمد كانوا قفلوا وطلعوا عشان يجهزوا وطبعا كانوا مع حسن علي الموبايل في كل خطوه عشان يمشوا قبل ما ينزلوا
الثلاث بنات هما كمان لبسوا فساتين زي سماح
دارين...لبست فستان نصه أبيض ونصه اسود بكم فوق ركبتها بشويه و كولون وكوتشي ابيض
دانه لبست فستان اسود زي سماح وفيه خطوط خفيفه باللون الرمادي وعليه شال صغير علي كتفها
ديما كانت لابسه فستان بدرجات البينك فاتح وغامق
شكلهم كان يجنن وانوثتهم ظاهره والسويت شيرت اللي بيلبسوا في الجامعه.
كلمهم حسن عشان يستعجلهم وثواني كانوا نازلين علي طول علي تحت حسن كان حاطت العربيه قدام المدخل بالظبط وفاتحلهم الباب عشان يركبوا علي طول
وفعلا نزلوا ركبوا علي طول قبل ما هيما يشوفهم ركب حسن وراح قدام بيت سونه وقف ثواني ونزلت سماح بسرعه ركبت وخرج حسن من الشارع بعد ما المهمه تمت
وللحديث بقيه..
