قصة سارة

السلام عليكم يااحلي متابعين في الدنيا يارب تكونوا بخير وسعاده وراحة بال انهارده جيبالكم قصة احداثها حقيقيه وحصلت بالفعل بس في الاول نصلي علي رسولنا الكريم اللهم صل وبارك عليك ياشافيعي يا رسول الله ومننساش الايك ياحبيبي قلبي ودلوقتي يلا بينا نبدا حكاينتا
وقبل ما نبدأ حكايتنا اعرفكم علي بطلتنا النهارده واللي اسمها ساره وعندها 20 سنه بنت حلوه اووي ورقيقه جدا..
وفي يوم كانت قاعده مع عمها في بيته وهي لابسه اسود وحزينه اووي وقالها عمها عادل بهدوء..
عادل 
والله يا بنتي مش عارف اقولك ايه انتي بنتي وزيك زي ااحمد وكريم ولادي..
ساره 
عارفه يا عمي ربنا يخليك لينا وما يحرمناش منك ابدا
عادل
تسلمي يا بنتي المهم انتي في عريس متقدنلك..
ساره 
عريس ايه بس دلوقتي يا عمي وانا لسه في الجامعه..
طلعت ناهد مرات عمها من المطبخ وقالت
جامعة ايه دي اللي بتصرفي فيها شئ وشويات لا بقولك ايه احنا ما نقدرش نعلم وبعد سنه ولا اتنين نجوزك كمان وخصوصا ان ابوكي وامك راحو وما حلتهمش لا ابيض ولا اسود ده حتي الشقه اللي كنتو عايشين فيها كانت ايجار
عادل 
ما تزعليش من مرات عمك يا ساره بس هي الظروف يا بنتي وبعدين انتي شايفه وحدك اهو ولاد عمك اللي في الثانويه مصاريفهم عامله ازاي..
ساره بدموع
وحضرتك عايز ايه دلوقتي يا عمي اللي حضرتك عايزه انا هعمله...
عادل 
بصي يا بنتي اخو ناهد مرات عمك متقدملك وهو عايش لوحده اهو مالوش حد وانا بصراحه موافق عليه..
ناهد 
اومال يا ابو كريم هو انت هتلاقي احسن من وليد اخويا فين بس
عادل 
يبقي علي بركة الله وعشان ابوكي وامك ربنا يرحمهم من قريب فمش هنعمل فرح..
ناهد
واهو نوفر في المصاريف شويه اديكي شايفه الاسعار عامله ازاي وعمك يا حرام ظروفه وحشه اووي..
ساره بحزن
حاضر يا مرات عمي..
_ وبعد شهر اتجوزت ساره وليد اخو مرات عمها اللي كان عنده 32 سنه ويوم صبحيتهم قام وليد وزعق فيها وقال..
وليد 
ساره انتي ياا بت يا سااااااره..
ساره بفزع
نعم يا وليد مالك واقف كده ليه..
وليد 
قومي جهزيلي فطار واعملي في حسابك اني كل يوم زي دلوقتي الاقي الفطار جاهز..
ساره
حاضر يا وليد بس بالراحه هو انت بتزعق ليه كده..
وليد
هو انا كده وكلامي كده هو انتي هتعلميني اتكلم معاكي ازاي ولا ايه..
ساره 
انا مش قصدي انا بس اللي اقصده اننا لسه متجوزين وانا لسه بعرف طبعك وهمشي عليه ما فيش داعي تزعقلي كده وانا مش هقولك علي حاجه لا..
وليد 
يووه انتي رغايه اووي كده ليه قومي يا بت جهزي الفطار واخلصي
_قامت ساره وهي عارفه ان ما فيش فايده من الكلام معاه دلوقتي وجهزتله الفطار وقعدو ياكلو وهو قالها..
وليد 
هو انتي مش محجبه ليه يا ساره..
ساره 
عادي انا فكرت البسه بس مستنيه الوقت اللي البسه فيه وما اقلعوش تاني..
وليد 
بصي يا ساره مهما كانت شخصيتي انا عصبي وبزعق بس الحق حق انتي مسلمه ودينك امرك بالحجاب والحجاب مش انك تداري شعرك وبس لا لبسك وكلامك الحجاب ده بيكون حاجه بتحمي اي بنت من الفتن في اي مكان تكون فيه ..
ساره ابتسمت وقالت
حاضر يا وليد انا هنزل اجيب حجاب والبسه لان كلامك صح بجد...
وليد 
هتنزلي فين انا هبقي اجيبلك وما فيش نزول غير معايا انا راجل بغير علي اهل بيتي..
ساره بضيق
حاضر يا وليد اللي تشوفه..
_ وبالليل جه عندهم عمها ومراته ناهد اخت وليد اللي اخدت ساره وقعدو جوه لوحدهم..
ناهد 
ها يا بت طمنيني وليد كويس معاكي..
ساره 
ايوه يا مرات عمي كويس وحنين بس يعني...
ناهد 
بس ايه يا بت اتكلمي علي
طول ما تقلقنيش علي اخويا..
ساره 
لا هو عصبي حبتين وديما بيزعق فيا..
ناهد بسخريه
وانتي يا اختي عرفتي ده من اول يوم جواز بينكم اما عجايب..
ساره 
انا بقولك اللي حصل والله هو من لما صحي من النوم وفضل يزعق فيا من غير ما اعمله حاجه..
ناهد 
اتعودي علي طبع جوزك واوعي تزعليه وخليكي فاكره ان هو اللي بقي ليكي في الدنيا دي راجلك وسندك بعد ربنا..
ساره 
طيب انتي وعدتيني انك هتكلميه وتخليه يخليني اكمل دراستي في الجامعه..
ناهد 
يا بت اصبري ده انتو لسه اول يوم بينكم انا شويه شويه هكلمه واخليه يخليكي تروحي..
ساره 
ماشي يا مرات عمي بس ياريت بسرعه قبل الترم التاني ما يبدأ...
_ وعدي اسبوع في التاني وكانت ساره متحمله عصبية وليد معاها وساكته وفي يوم كانت قاعده في اوضتها بټعيط ودخل عندها وليد وقال..
وليد 
خلاص بقي يا ساره وبعدين لو انتي بتسمعي الكلام انا ما كنتش همد ايدي عليكي..
ساره پبكاء
وانا ما سمعتش كلامك فين يا وليد ما انا كل حاجه انت عايزها او مش عايزها بقولك عليها حاضر ومش برضي ازعلك ودلوقتي والله نسيت البس الطرحه وانا رايحه انشر الغسيل تقوم تعمل فيا كده ده انا جسمي كله بقي بيوجعني حرام عليك...
وليد 
انا ما كنتش هتكلم وكنت هقولك البسي الطرحه وبس كل الحكايه 
ساره 
خلاص يا وليد ممكن تسيبني لوحدي دلوقتي انا مخنوقه ومدايقه ومش قادره اتكلم
وليد قعد جنبيها
لا لا انا مش هسيبك وانتي مدايقه كده تعالي يلا هنخرج نتعشي بره وانا هاجي انشرلك باقي الغسيل..
ساره بحزن
حاضر يا وليد دقيقه هقوم اغير هدومي ونخرج..
_ وبعد كان شهر وفي يوم كان وليد في الشغل والباب بتاع شقة ساره خبط راحت وفتحت ولقيت بنت حلوه اووي واقفه قدامها وماسكه طبق في ايدها وقال..
دينا
انتي ساره مش كده انا دينا جارتك انا وجوزي الله يرحمه كنا صحاب جوزك انا كنت عند اهلي ولما رجعت عرفت ان وليد اتجوز قولت لازم اجي ابارك..
ساره
اهلا وسهلا بيكي اتفضلي نورتينا..
_دخلت دينا وحطت الطبق اللي في ايدها علي الترابيزه وقعدت قدام ساره وقالت..
دينا 
ده كيك انا عملااه بنفسي مش بحب الجاهز فقولت لازم اجيبلكم حاجه ايديا اتمني تعجبك..
ساره 
تسلم ايدك ده كفايه تعبك والله بس هو انتي عايشه هنا لوحدك
دينا 
للاسف ايوه امي متجوزه وانا بروح ازورها كل فتره بس جوزها مش بيحبني ولنا جوزي ربنا افتكره اخوه ابن حلال سابلي الشقه اقعد فيها عشان عارف الحال وكده..
ساره 
ربنا يرحمه جوزك ويصبرلك قلبك يااارب المهم انا هقوم اعملك حاجه تشربيها..
دينا قامت وقالت 
لا لا شكرا يا حبيبتي انا هقوم بقي امشي عشان عندي شغل..
ساره
هو انتي بتشتغلي ايه اصلا..
دينا 
انا بعمل اكل وابيعه جاهز يا حبيبتي لو احتاجتي حاجه في اي وقت قوليلي وما تشليش هم حاجه انا حاسه والله اننا هنبقي صحاب..
ساره
ياريت والله ده انا هنا هطق من الزهق والقعده لوحدي..
دنيا 
خلاص اتفقنا انا كل يوم اجي اقعد. معاكي شويه المهم تدوقي الكيك ده وتقوليلي ايه رئيك فيه بصراحه..
ساره 
عينيا يا حبيبتي وشكرا جدا علي الزياره الجميله دي..
_مشيت دينا وبعد شويه رجع وليد من الشغل وكان بياكل في الكيك وقال..
وليد 
الله الكيك ده حلو اووي يا ساره ابقي اعمليلي منه علي طول.
ساره 
بس ده مش انا اللي عملااه يا حبيبي ده عملااه دينا جارتنا بتقول انك كنت تعرفهم هي وجوزها الله
يرحمه..
ساب وليد الاكل وقالها
والله طيب ياريت تقللي كلام مع البنت دي ويستحسن ما تخليهاش تيجي هنا تاني ولا تاخدي منها حاجه..
ساره
ليه كده دي باين عليها بنت محترمه اووي وطيبه