قصة سارة

وبعدين انا ما صدقت الاقي حد يكلمني واتكلم معاه بدل ما انا قاعده لوحدي وسط اربع حطان..
وليد پحده
هو انا يعني مش مالي عينك يا هانم ما تتنيلي تتكلمي معايا كنت قصرت معاكي في ايه...
ساره بحزن 
بس انا مش قصدي كده انت بتكون في الشغل وسعات بتسيبني وتنزل مع صحابك وبترجع بعد نص الليل وكل ده انا بكون لوحدي..
وليد بعصبيه 
هو انتي ما بتسمعيش الكلام ليه طيب اللي قولته يتسمع يا ساره ومش عايز كلام تاني في الموضوع ده..
قامت ساره وهي بټعيط وقالت
طيب يا وليد اللي انت عايزه انا هعمله بعد اذنك انا داخله انام..
وليد 
غوري ده انتي وليه بومه وتجيب الهم ايه القرف ده..
_ وتاني يوم بعد ما وليد راح الشغل باب شقة ساره خبط راحت وفتحت ولقيت دينا اللي كانت واقفه مبتسمه وقالت..
دينا 
ممكن ادخل اقعد معاكي شويه..
اتوترت ساره وقالت
انا اا ايوه طبعا اتقضلي ادخلي..
_ودخلت دينا وقعدو مع بعض يتكلمو والوقت خدهم ورجع وليد واول ما دخل البيت قامت دينا وقالت..
دينا 
وليد عامل ايه وايه اخبارك بقالي كتير ما شوفتكش..
وليد 
كويس الحمد لله بعد اذنكم انا داخل جوه..
وسابهم ودخل وقالت دينا
انا همشي بقي يا ساره عشان تشوفي جوزك ولينا كلام تاني وقعده تاني ان شاء الله بس المره الجايه هتكون في شقتي..
ساره بقلق
ايوه ان شاء الله يا دينا مع السلامه..
مشيت دينا وطلع وليد وهو متعصب وقال
انتي بتكسري كلامي ومش بتسمعيه انتي لو كنتي شيفاني راجل ما كنتيش هتعملي كده..
ساره 
ابوس ايدك اهدي ووطي صوتك لتسمعك وانا هفهمك كل حاجه...
وليد بعصبيه 
هتفهميني ايه يا ست ساره انا قولتلك الست دي ما تجيش هنا وانتي جبتيها معناه ايه ده غير انك مش عملالي قيمه لا ليا ولا لكلامي..
ساره 
والله العظيم ما حصل انت قيمتك فوق راسي يا حبيبي بس كل الحكايه انا اتكسفت اقولها لا ما تدخليش بس شويه شويه وانا هخليها ما تجيش هنا تاني..عشان خاطري بس انت ما تزعلش مني...
وليد 
ماشي يا ست ساره اما نشوف اخرتها معاكي ايه..
_وبالليل كانت ساره نايمه وقام وليد من جنبيها وهي بيتسحب ورااح طلع بره الشقه وراح عند شقة دينا خبط علي الباب وهي فتحتله وقالت..
دينا 
انت تاني يا وليد ده انا فكرت انك بما هتتجوز هتنساني..
وليد 
بقولك ايه انا مراتي دي بنت ناس ومحترمه وانا بحبها فابعدي عنها احسن..
دينا 
طيب انت واقف كده ليه علي الباب تعالي ادخل جوه نتكلم..
وليد 
لا بينا كلام ولا وسلام واللي حصل بينا زمان تنسيه..
دينا 
لا مش هنسااه انت ليا اما وبس يا وليد ويا تيجي تدخل يا هقول لمراتك علي انك حتي لما كان جوزي عايش كنت بتغفله وتيجي عندي وبيحصل..
وليد 
اسكتي خالص انتي ايه ما عندكيش اي احساس انا غلطت وندمت وروحت اتجوزت عشان احمي نفسي من المعصيه وبدعي ربنا يسامحني. 
دينا 
هو انت هتعملي فيها شيخ لا بقولك ايه انا ما صدقت ان جوزي الراجل العجوز اللي اكبر من ابويا اتكل علي الله الله يرحمه واروح اخد الورث بتاعه من البلد ارجع الاقيك اتجوزت..
وليد 
انتي عايزه ايه مني دلوقتي يعني..
دينا قربت منه 
تتجوزني حتي لو في السر بس انا عايزاك جنبي علي طول..
وليد بحزن 
بس ساره ما تستاهلش اني اتجوز عليها..
دينا 
خلاص بشوقك يا حبيبي انا هروحلها واقولها علي كل اللي كان بينا بالتفصيل..
وليد 
هفكر واقولك بس
ايااكي تقربي منها تاني ساره مش شبهك وانا بخاف عليها ومش عايزها تختلط بحد..
ضحكت دينا بسخريه وقالت
هههههههه عليا انا برضو الكلام ده تلاقيك مقفل عليها خاېف يحصلك زي اللي حصل لجوزي ويجي راجل غريب يبقي مع مراتك من ورااك..
وليد پحده 
اسكتي خالص ساره اشرف من الشرف ولا عمرعا تعمل كده ابدا..
دينا 
خلاصة الكلام سا بكره بالليل تكون عندي بالمأءون يا انا اللي هقول لمراتك كل حاجه يا وليد امشي بقي من قدام الشقه انا مش عايزه حد يشوفنا..
_قالت كلامها وقفلت الباب في وشه وهو رجع بيته وكان مدايق جدا من اللي حصل زمان بينه وبين دينا وتاني يوم راح الشغل الصبح بدري قبل ما ساره تصحي وبالليل كلم ساره في التلفون وقالها..
وليد 
ايوه يا ساره عامله ايه يا حبيبتي..
كانت ساره قاعده مع ناهد في الصاله وقالت
الحمد لله يا حبيبي انت اتاخرت ليه مرات عمي عندنا هنا وانا بكلمك مش بترد..
وليد 
طيب كويس خليها بقي تباات معاكي عشان انا هرجع بكره لازم ابات في الشغل النهارده..
ساره
ماشي يا وليد خلي بالك من نفسك وهات اكل واتعشي ماشي..
وليد 
ماشي يا ساره مع السلامه...
قفل معاها وهي قالت لناهد
انا اسفه اوي يا مراات عمي والله بس وليد مش راجع النهارده وبيقولي تباتي معايا..
ناهد 
شوفتي بيحبك وبيخاف عليكي ازاي المهم انا هدخل جوه اغير هدومي والبس حاجه من بتوع امي الله يرحمها انام بيها وانتي اعمليلي حاجه اكلها..
ساره
حاضر يا مرات عمي من عينيا...
_ وراحت ساره وقفت في المطبخ وحست انها دايخه ومش قادره تقف علي رجليها وفقدت الوعي..
_وفي الوقت ده كان وليد عند دينا وقعدت جنبيه علي السرير وقالتله..
دينا 
هو في ليه من لما كتبنا الكتاب وانت قالب خلقتك عليا كده..
وليد بحزن 
لاول مره احس اني بحب مراتي كده انتي ازاي قبلتي اني اتجوزك وانا مش بحبك..
دينا 
بس انا بحبك وعايزاك معايا علي طول وهعرف ازاي اخليك تحبني يا قلب دينا انت واكتر منها كمان..
وقبل ما تقرب منه موبيله رن ورد بسرعه وكانت ناهد اخته اللي قالتله..
ناهد 
الو ايوه يا وليد تعالي بسرعه..
وليد بقلق
في ايه يا ناهد انتي وساره كويسين..
ناهد 
الحقني يا وليد مراتك وقعت من طولها وما بتنطقش...
_قام وليد بسرعه وطلع بره الشقه بتاعت دينا اللي فضلت قااعده مټعصبه من حبه لمراته..
_وراح عند سارة اللي كانت نايمه في اوضتعا بعد ما نقلتها ناهد وقال لناهد...
وليد
خير يا ناهد سارة مالها فيها ايه وايه اللي خلاها يغمى عليها كده
ناهد باستغراب
ايه يا وليد هو انت مش المفروض انك بايت في الشغل يعنى المفروض انك تتأخر عن كده على ما توصل هنا ايه اللي جابك بسرعه كده
وليد. ارتبك ومش عارف يقول لها ايه وقال 
اصل انا اااا خلينا بس نشوف سارة مالها يا ناهد عايزين نحاول نفوقها
وفعلا سارة فاقت وقالت
وليد انت هنا انت رجعت امتى من الشغل
وليد.
انا جيت لما ناهد اتصلت عليا وقلقتني عليكي جيت بسرعة جدا
ناهد بصتله باستغراب وقالت 
اه فعلا ده جالك بسرعة اوي ده انا حتى استغربت انتي عارفة لو كان جاي بطيارة كان رجع متأخر عن كده
وليد
الله في ايه ياناهد انا جيت بسرعة البرق من قلقي على سارة
سارة
يعني بجد يا وليد انت قلقت عليا ربنا ما يحرمني منك يارب يا حبيبي
وليد
ولا يحرمني منك يا حبيبتى قوليلي بقي ايه اللي حصللك واغمى عليكي ليه كده احنا لازم نروح لدكتور عشان نطمن عليكي
ناهد 
وعلى ايه دكتور ومصاريف يا اخويا انا هدخل المطبخ اعملها كوباية نعناع وتقوم وتبقى زي الفل
وليد
بس لازم نطمن
عليها برضو يا ناهد روحي انتي بس المطبخ واعملي لها حاجة تشربها يلا
_وفي الوقت ده تليفونة رن وكانت دينا ووليد شاف رقمها مرضاش يرد سارة قالتله بقلق...
ساره
ماترد على تليفونك يا وليد انت