بقلم سمر علي لين وعمر

الغدا
لف بس مسكت إيده_ أنا مش جعانه
بصلي بحيرة فااتنهدت وبصتله_ أنا بقيت أحسن شوية الظاهر خدت برد من التكييف 
بصلي بشك وحط إيده التانيه علي دماغي وبعدين إبتسم _طيب كويس
بصيت لإيده اللي لسه ماسكاها وبعدين بصيتله لقيته لسه بهدوم الشغل 
بصيتله بصدمة_أنت مغيرتش من الصبح 
لف عينيه _ولا خلصت الشغل ولا اتغديت ولا.. 
_كمان متغدتش الساعه ٨!!
قاطعته بدهشه
بصلي واتنهد_المدير كلفني بشغل كتير بما إني طلبت اجازة ودا مستحيل فكلفني أعمل الشغل هنا
بصيتله ثواني وضغط علي إيده اللي في إيدي قبل ما اسيبها وأدخل المطبخ 
_لين أنا ممكن اطلب أكل متعمليش حاجه أنت تعبانه
_ممكن تسكت! أنا طول النهار في السرير لما زهقت وبعدين اعتبرها رد الجميل ليك أنا مبحبش حد يعملي حاجه مجانا
لف عينه تاني الظاهر العاده دي اتنقلتله مني 
_كان ممكن تقولي شكرا وخلاص علي فكرة
حضرت الاكل وجه شاله معايا وبعد ماخلصنا قعدنا سوا علي الرغم اني مش جعانة بس أنا اتعودت اقعد معه دايما وقت الأكل
بصيتله وهو بيأكل كان واضح إنه جعان وفي نفس الوقت منهك
_عمر 
_همم 
_شكرا
بصلي وابتسم_تفتكري في شكر بين اتنين متجوزين 
رفعت كتفي ونزلته_معرفش بس شكرا 
ابتسم أكتر_ العفو ياستي 
فضلت بصاله مش قادرة أحرك عيني من عليه الموضوع دا بقي بيحصل كتير اللي عمله النهارده لمس جزء كبير جوايا وفيه حاجه اتغيرت مش عارفة إيه هي!
طول عمري بقول
لا أنا قد الشوق وليالي الشوق
لا أنا قد الشوق وليالي الشوق
ولا قلبي قد عڈابه عڈابه.. 
________________
_الكتب ولا الروايات 
_الروايات 
_الكتب 
جاوبنا في وقت واحد 
_دي خامس مرة منتفقش في حاجة الروايات زي الافلام بالظبط ايه الممتع فيها 
رفعت حواجبي _ما أنت بتحب المروخية عن البامية ومتكلمتش
اتنهد _طيب بيقولك هنا بتحطي البسكوت في الشاي ولا في لبن!
قرأ من الموبايل ورجع بصلي وقال _١٢٣ 
_الشاي 
_اللبن 
بصتله بدهشه _بسكوت ايه اللي بيتغمس في اللبن 
_ياسلام ما البسكوت بيمرر الشاي! 
بصيتله بغرابه_ مريب!
_بصي دي آخر حاجه وأعتقد لازم نتفق فيها
سكت وبعدين قرأ 
_بتبلي الفرشة قبل ماتحطي المعجون ولا بعده 
بصلي علشان نجاوب 
_قبل 
_بعد
_أنت إزاي بتبلها بعد 
رمي الموبايل علي الكنبه من الجنب التاني 
_هو دا الصح إنما السؤال ازاي بتبليها قبل ولا ليه اصلا 
_عمر أنت بتعمل حاجات غريبة وبتحب حاجات أغرب ممكن تقولي يعني إيه بتحب المحشي الكوسة أكتر من ورق العنب هو في حد في الكوكب كله مش بياكل ورق العنب
رفع إيده بإستسلام _طيب ماشي تمام هي أراء مش أكتر ولا أقل 
عقدت ايدي في بعض وبصيتله _لحد ورق العنب مبقتش اراء دا بقي قلة زوق في الأكل
قام ومشي
_أنا اللي غلطان إني اقترحت الموضوع دا أصلا طلع فاكس
ميلت راسي وقلت بصوت عالي _مفيش حد بيحب الخوخ أكتر من المانجا!! 
رجع مال برأسه من ورا الحيطة 
_ومفيش حد بيقشر الموز من تحت لفوق.. 
كنت هرد بس قاطعني_لا استنى فيه!
بصيتله بإنتصار _مش قلتلك 
_القرود! 
فتحت عيني بوسع وقبل ما ارد عليه كان مشي
ابتسمت وحضنت المخده اللي جمبي في الأوقات اللي زي دي بحس بدفا غريب مش دفء في الجسم لا دفء في القلب وفي نبضاته
ياما الحب نده على قلبي ما ردش قلبي جواب
ياما الشوق حاول يحايلني واقول له روح يا عڈاب
ياما عيون شاغلوني لكن ولا شغلوني
إلا عيونك إنت دول بس اللي خذوني خذوني
وبحبك أمروني
_____________
_طيب اهدي يارحمة بس مش فاهمه أحمد عمل إيه 
كانت بټعيط على الموبايل ومش فاهمه منها حاجه
_هيمشي ويسيبني يالين 
عقدت حواجبي بتعجب_هيمشي فين 
سكتت شوية وحاولت تهدي _جاله مأمورية في مكان بعيد عن هنا وبيقول هيقعد ٣ شهور 
اتنهدت_بابنتي ما أنت متجوزاه وعارفه إنه ظابط مينفعش كدا بعييطك دا هتنكدي عليه وهو ماشي!
سمعت شهقاتها_بس أنا مقدرش