رواية رائعة للكاتبة ياسمينا الجزء الثالث

يا بسمه خليكى فى نفسك
. هنا رد هشام .
هشام اهلا يا طه اذيك
طه محى كلمنى دلوقتى وقالى ان نورهان اتجوزت
هشام نورهان اختنا 
طه هو فيه غيرها
هشام طيب اهدى يا طه فى ايه انت متعصب كده ليه
طه يا برودك يا اخى
هشام مش فكرة برود بس عصبيتك دى بتخليك تاخد ردود فعل مش عقلانيه وبعدين اهدى عشان مينفعش مراتك تعرف حاجة زى كده
طه هى تقريبا عرفت 
هشام شوفت اخر عصبيتك وتسرعك
طه احنا لازم ننزل مصر
هشام ماشى انا هروح دلوقتى اجيب تأشيرة خروج وهاحجز على اقرب رحله نازله مصر
طه ماشى وانا كمان هعمل كده وكلمنى لما تحجز
هشام ماشى وقفلوا
بسمه هى نورهان اتجوزت !!
طه انت مالك انت بتدخلى ليه
بسمه انا قصدى اطمن عليها
طه اطلعى من دماغى يا بسمه دلوقتى مش فايقلك
ياسمينا
الجزء قبل الأخير..
فى بيت نورهان .....
. نورهان رجعت من عند انس وشيرين وهى فى حاله اڼهيار تام لدرجة انها مقدرتش تفكر حتى مع نفسها انس جه عليها وفتح الشقة ب نسخته .
انس نورهان انا اسف يا حبيبتى
نورهان حبيبتك !! ابعد عنى يا انس
انس والله كنت مضطر اقولها كده عشان ولادى
نورهان انت ازاى كده !! ازاى مستحمل نفسك ب كل الكدب والخيانه والنفاق ده ازاى تبقى بتقولى بحبك وتقول عليا نزوه 
انس والله ڠصب عنى 
نورهان بزعيق مفيش حاجة اسمها ڠصب عنك فى حاجة اسمها انت جرحتنى ووجعتنى وكسرتنى عملتلى مشكله على الحمل ولما لقيتها حامل فرحت ودعيت ان ربنا يكملها على خير
انس انا ممكن اعملك اى حاجة عشان تسامحيني
نورهان طلقنى طلقتى يا انس وارجع ل اولادك
انس انت عارفة انى محبتش غيرك والله بح ........
نورهان تقاطعه اسكت خالص مش عايزة اسمع صوتك بزعيق اسكت
انس انا مش هطلقك يا نورهان انا ما صدقت اتجوزتك
نورهان ماصدقت اتجوزتنى !! انت فعلا انسان انانى مش عايز تخسر اى حد ولا اى حاجه ولا عايز حتى تضحى
انس مش مكفيكي اللى خسرته فى حياتى كلها
نورهان بطل تمثيل بقى انا ذنبي ايه يعنى انك شخصيه ضعيفه او مالكش شخصيه اصلا ومڠصوب على حاجات كتير فى حياتك قولى ذنبى ايه
انس صدقيني انا كنت باخدها على قد عقلها وعمرى ما فكرت فيكي بالشكل ده ولا عمرى كنت هطلقك
نورهان وطبعا انت قولت ل شيرين نفس الكلام
انس صدقيني مبكدبش عليكي
نورهان انت مش قولتلى ان علاقتك ب شيرين مفهاش تطور
انس ايوة
نورهان امال هى حامل ازاى
انس دى اكيد بتشتغلنا 
نورهان شيرين عملت التحليل قدامى
انس باستغراب ايه !!
نورهان عشان تعرف انك كداب 
انس والله انا ..........
نورهان تقاطعه طلقنى يا انس انا مش هعيش معاك يوم واحد بعد اللى سمعته
انس طيب اديني فرصه تانيه
نورهان انا فعلا اديتك فرصه تانيه بس انت معرفتش تستغلها خطوة الانفصال دى كان لازم اخدها بعد رد فعلك لما عرفت انى حامل بس قولت معلش اديله فرصه تانيه
انس ده فخ يا نورهان شيرين كانت عملاه فينا عشان توقعنا فى بعض
نورهان جايز يكون كلامك صح بس هى مش اجبرتك تقول الكلام ده بدموع زى ما قالت فعلا عرفتنى على انس اللى انا معرفوش
انس قصدك ايه
نورهان بدموع قصدى انى تفاجأت بشخصيتك الجديدة وردود افعالك السلبيه او اللى فى صالحك انت لوحدك كفايه بقى لو سمحت اخرج بره ومش عايزة اشوفك تانى وياريت تطلقنى من غير شوشره
انس وابننا
نورهان لما اولد نبقى نتفق اخرج بقى
انس مانت لازم تفهى وتسامحيني
. نورهان مردتش على انس ودخلت اوضتها وقفلت على نفسها انس حاول يفهمها او يفتح الباب معرفش ويأس ومشى .
فى شقة بهيرة وممدوح .....
ممدوح انا اسف
بهيرة طلقنى يا ممدوح
ممدوح والله ما كنت اقصد انا اسف
بهيرة وهتفضل ماتقصدش كده كتير
ممدوح انا عايز اروح ل مستشار علاقات زوجيه
بهيرة انت بتتكلم بجد
ممدوح اه عشان خاطرك بس عشان تعرفى انى بحبك بجد
بهيرة ربنا يخليك يا ممدوح وان شاء الله كل حاجة هتبقى كويسه
ممدوح بس تخليكي جنبى 
بهيرة انا جنبك يا حبيبي لحد ما المشكله دى تتحل ونعيش حياة طبيعيه واحنا مبسوطين جدا
ممدوح يعنى خلاص مش زعلانه منى
بهيرة طالما خدت الخطوة دى اكيد طبعا مش زعلانه ده انا اسعد واحده فى الدنيا
ممدوح ربنا يقدرنى واسعدك كمان وكمان
بهيرة ربنا يخليك ليا
. دخلت بهيرة