رواية شيقة للكاتبة فيروز يحيي الجزء الرابع
رواية شيقة للكاتبة فيروز يحيي الجزء الرابع
الفصل الثامن والتاسع
الفصل الثامن
لعوب بألباب الرجال كأنها
إذا أسفرت بدر بدا في المحاشد
شكت سقما كيما تعاد وما بها
سوى فترة العينين سقم لعائد
من البيض لا تلقاك إلا مصونة
وتمشي كغصن البان بين الولائد
كأن الثريا حين لاحت عشية
على نحرها منظومة في القلائد
منعمة الأطراف خود كأنها
هلال على غصن من البان مائد
حوى كل حسن في الكواعب شخصها
فليس بها إلا عيوب الحواسد
داخل منزل فارس رسلان
انتهي من حديثه وهو يشعر بانه في بحر عميق ولا يستطيع العوم كيف يساعد اخاه لتغلب علي هذه المشكله
ايه يا عم مالك سرحان في ايه
مفيش يا فارس مشكله كده عند أيهم أخويا في الشغل
مشكله إيه بس
متشغلش بالك
إيه يا باسل ده هو أنا غريب ولا ايه
ابدا والله يا فارس ربنا العالم انا بعزك وبعتبرك زي أيهم بالظبط
طب قول يا سيدي مش ممكن نلاقي حل للمشكله
يا ريت والله انا مش عارف اعمل ايه اصلا
طب قول وسيبها علي الله
سرد باسل المأزق الذي يقع بيه أيهم وكيف تعرض للخيانه من احد العاملين لديه فهو لم يحترم اسرار عمله ونقلها الي احد منافسيه ومدي تأزم الوضع فقد اڼهارت الشركه ودخل بيها شريك بعد ان ظلت لسنوات ملك لعائله عز الدين اصبحت ملك لناس اخرون ولان عليه العصور علي مصمم لتصميم موديلات جديده حتي يستيد نشاط في هذا الموسم
ضحك فارس حتي ظهرت غمازتيه
نظر اليه باسل باستياء ممكن اعرف بتضحك علي ايه هو انا قولت نكته وانا مش عارف
لا ابد
امال ايه يا فالح
اصل حل المشكله عندي
ازاي يا اخويا
اقولك يا سيدي ليان اختي اصلا كانت شغاله في مصانع للازياء واخدت كورسات كتير وجت اشتغلت فتره اقبل ما تجوز في بيت ازياء هنا في باريس
غريبه ولما هي كده سابت الشغل ليه وقال بحرج وبتشتغل في مطعم بيتزا
ظروف..ظروف يا باسل
ظروف ايه الي تخلي واحد شغاله في مكان ومركز مرموق تتخلي عن كل ده وتشتغل حته طباخة في مطعم
ظروف شخصيه يا باسل واعفيني اني اقولها
ولا يهمك مش مشكله لكنه في قراره نفسه يريد ان يعرف ما هي الظروف التي تجعل بفتاه تضحي بمركز مرموق ووظيفه لا مثيل لها وتعمل في مطعم بيتزا ..يا تري ايه السر الي يخليكي تضحي بكل ده
باسل ..باسل انت يا عم
ايه يا فارس مالك
ماليش سرحت في ايه
مسرحتش كنت بفكر في حاجه وخلاص انت مالك
مفيش
يا راجل مفيش لا فيه
اصل بصراحه كده في مشكله
مشكله ايه هو انت غاوي تعبني
اصل ..اصل
اصل ايه انت بتعلم الكلام ما تقول الكلام مره واحده
اصل ليان ممكن متوفقش ترجع تشتغل تاني في مجال الموضه والفاشون
نعم يا اخويا هو انت بعد ما تديني الامل ترجع تضلمها تاني
والهانم اخت المبجله هترفض ليه
ما قولت يا عم ظروف ايه هي كمياء
ارجوك يا فارس حاول تقنعها ..احنا محتاجينها جدا لو علي الفلوس هتاخد كل الي تطلبه
الموضوع مش موضوع فلوس ليان تحب الشغل ده.. ده حياتها بتحب بشكل مش عادي وسابته علشان الظروف
فارس حاول تقنعها ..احنا محتاجينها جدا بس لازم تنزل مصر
ايه انت قولت ايه
هتاخد كل الفلوس الي عاوزاها
لا مش دي الي بعدها
انها تنزل مصر
مستحيل ليان لايمكن تنزل مصر
يعني ايه مينفعش ارجوك يا فارس اتصرف
فارس بقله حيله ححاول اقنعها بس انا بقولك اهو انها مش هتوافق انا تنزل لو فكرت تشتغل الشغله دي تاني مع رجوعها لمصر هترفض
حاول الله يكرمك
ححاول يا باسل ..حاول
انقضي الوقت سريعا فكان الاطفال يمرحوا اخرجوا ما بداخلهم
بينما ليان وهيا فظلوا يتحدثوا في جميع المجالات وفي كل شئ
وفي صباح اليوم التالي هاتف باسل اخيه حتي يخبره بما توصل له من حل فاخبره بامكانيه مساعده شقيقه صديقه لكنهم سينتظروا موافقتها
ايه يا عم باسل انت شايفني في منامك ولا ايه
تصدق انك بايخ وانا غلطان يا عم حقك عليا
ايه يا عم احنا اسفين بجد حقك علينا يا ابو رهف
ايه ابو رهف لو امك سمعتك كانت اديتك كلمتين في جانبك واديتك دروس في الاتيكيت يا لوكل
انا لوكل يا بيسو
من غير زعل
ايوة يا حبيبي لوكل
كده يا باسل انا زعلان منك اووي
متزعليش يا بيضه يا حبيبه مامي انتي
ايه يا عم انت بدلع سوزي بنت اختك انا ايهم يا جدع
هههههههههههههههههه
هو انا قولت نكته
لا بس افتكرت وانت في المدرسه لما الولاد كانوا بيتريقوا ع اسمك
قال له بغيظ اشمعني يعني
اصل الاسم بصراحة غريب لحصلت آدم ولا أدهم أيهم امك عليها حاجات يا جدع
اتريق يا اخويا مهو انت كمان لا حصلت باسم ولا بسام ايه باسل ده
باسل يعني الشجاع البطل ذو البأس والشدة يا سلام طب يعني ايه أيهم يا فالح ولا انت مش عارف معني اسمك
لا عارفه يا أخويا...أيهم يعني الرجل الشجاع المقدام الرجل الجريء
