رواية شيقة للكاتبة فيروز يحيي الجزء الرابع

باسل زوج ليكي علشان يعوض ابنك حنان الاب 
وبعدين انتي حره وعارفه مصلحتك يا لارين 
هو ده الي ربنا قدرك عليه يا فارس 
متزعليش مني يا لارو محدش هيقدر يواجهك بالحقيقه غيري العمر بيجري وابنك مسيره يعرف ابوه ومهما عمل هيكرهك لانك خبيتي عنه الحقيقه خبيتي اسم عيلته انتي قبل ما بتنقمي من طليقك بتنقمي من نفسك وابنك فكري يا لارين شويه 
انت عاوزني اكرر مأساتي تاني عاوزني اجيب جوز امي زي ابويا ما عمل وكان كل شويه يجيبلي واحده
لا انتي هتكوني زي ابوكي ولا باسل هيكون زي الستات الي كان بيجيبهم ابوكي وبعدين انتي بتدوري علي مصلحتك ومصلحه ابنك يا حبيبتي وبعدين باسل مش وحش
انا مقولتش وحش 
لسه بتحبيه يا لارو 
ايه ....انت بتقول ايه 
بقولك لسه بتحبيه 
اڼهارت لارين في البكاء ايوة لسه بحبه ارتحت يا فارس انا معرفتش معني الحب غير معاه هو كان احلي حاجه في حياتي عارف لما طول عمرك تدور علي حاجه تايهه منك وفاجأة تلاقيها اجمل شعور في الدنيا لما تحس انه في شخص بيعمل كل حاجه علشان يشوفك مبسوط عارف هو كان كل حاجه ليا ابويا الي اتحرمت منه ..الاخ الي مكنش موجود في حياتي عوضني عن حنان امي الله يرحمها كان السند والامان والحمايه معاه بحس اني طفله عندها اربع سنين كل همها تفضل في حضن ابوها ومتطلعش منه علي قد الحب والحنان والدفء الي اخدته منه علي قد الجراح والعڈاب والظلم الي اتظلمته منه اكبر چرح في حياتي و بعدي عنه انا من غيره دلوقتي ولا حاجه شويه ريح ممكن يكسروني بحاول ابان قويه ومش بيهمني حاجه بس من جوايه اضعف مما يكون هو الي كان بيقويني الدنيا غدرت بيا يا فارس علي قد الحب الي حبيته ليه علي قد ما بقيت بكره وپحقد عليه دلوقتي انا بټعذب وانا بشوف يحيي كان الدنيا مش عاوزه تسيبني في حالي وبتعاقبني الشبه الي بينهم بيوجعني يمكن مش شبه الملامح لكن الطباع كل حاجه هو كان بيعملها يحيي بيعمله زي ما يكون ربنا بيعاقبني علي حاجه معملتهاش ليه ..ليه يا فارس كل ده بيحصلي
جلس بجوارها راخذها بين احضانه وحاول تهدئتها ياااه يا ليو كل ده جواكي وساكته ازاي مستحمله يا بنتي كل ده ده لو كنتي جبل كان اتهد 
عاوزني اعمل ايه 
استغفري ربنا يا لارو ..واهدي وكل حاجه هتحل ان شاء الله
استغفر الله العظيم 
ايوة كده قومي اغسلي وشك كده وفوقي شكلك يبقي ايه وانتي معيطه قدام العيال 
لا مش مشكله انا نازله دلوقتي 
لا هو ايه انتي هتغدي معانا 
لا يا فارس مش هينفع والله 
بس يا بت هي كلمه هتتغدي يعني هتتغدي بس فكري في موضوع شغلك الجديد وموضوع باسل
هفكر يا فارس ..هفكر 
عوده لمنزل أيهم عز الدين
منذ علمها بان ابنها يريد الزواج مرة اخري والسعاده تحفو في المكان فقررت اعطاء الخدم مكأفاه لهم فهي علي يقين ان الفرح سيطرق بابهم من جديد ..دلف ايهم الي نزل وجد والدته تخبر مديره المنزل بمنح باقي الخدم مكأفاه ماليه 
لا ..لا امي مع داده سعاد وفيرو بتديها فلوس لا ..لا يا لهوي انا لازم اخد بتاري يا ناس لازم اغسل عاري بايدي 
قامت فريد بضړب ايهم ع زراعه بقوه ايه يا ولد الكلام قليل الادب ده 
وقع ايهم علي ارض وقال بتمثيل بتضربيني يا فيرو علشان بقول الحق اخص عليكي انتي وسعاد مكنتش اتوقع منكو كده 
قالت سعاد في استنكار في ايه يا سي ايهم هو ايه الي حصل 
ايهم يعني مش عارفه يا سوسو 
سعاد وانا هعرف منين يا اخويا 
ودي تيجي بردوا يا سوسو يا قمر هو في حاجه في البيت تخفي عليك يا جميل 
فريد بس يا ولد ايه سوسو دي بتلعب معاك في الشارع 
ايهم اي يا فيرو سوسو مش بتزعل صح 
ضحكت سعاد علي برائته ايوة طبعا يا حبيبي ده انتي ابن من ساعه ما شيلتك وانت لحمه حمرا وكنت بغيرلك كوافيلك وانت صغير 
ايهم بسخريه ايه يا حاجه سعاد كوافيل ايه بس انتي قديمه قوووي اماال البامبرز راح فين 
سعاد بسخريه لاغاظة ايهم هو فيه زي الكوافيل بامبرز ايه بس يا اخويا 
أيهم روحي يا سعاد شوفي وراكي ايه انا غلطان ان هزرت معاكي 
فريده بس يا ولد انا معرفتش اربيك 
ايهم بعدما بقي عندي 30 سنه ومتربتش طب ما الغلط عليكي يا فيرو تسيبيني من غير تربيه 
فريده بس يا ولد انت ايه 
ايهمالا قولي يا فيرو مالك مبسوطه ليه 
فريده هقولك يا ايهوم 
قاطعهم دخول مايا وهي تقول هاااااااي ازيك انطي فريده ازيك ايهم يا حبيبي