رواية شيقة للكاتبة فيروز يحيي الجزء الرابع

له ليان تفاصيل حديثها مع السيد جان فهو سيهاجر الي كندا ليكون مع ابنته وحفيدته جومانه وسيبيع كل ما له بروما وستكون بلا عمل في غضون شهر 
انت ليه مقولتيش علي الموضوع ده 
انا لسه عارفه امبارح وبعدين الموضوع ده يخصني واكيد كنت هتصرف 
هو انا مش اخوكي يعني لو مكنتش جايب ليكي شغل مكنتش عرفت 
كبر دماغك يا فارس المهم الشغل فين ونوعه ايه 
ابتلع فارس ريقه فهو يعلم ان الاعصار قادم حين تعلم بطبيعه الشغل ومكانه هتشتغلي ..هتشتغلي 
مالك يا فارس علقت زي الكاسيت كده ليه هو الشريط سف ولا حاجه 
انا هقول بس بلاش تهور وجنان ماشي علشان انا عارفك 
قول يا فارس وخلصني 
هتشتغلي مصصمه ازياء 
قالت بصوت عالي نعم 
اهو ده الي خاېف منه اهدي كده وبالراحه 
هو الي انت بتقوله ده ينف 
قاطع حديثها قائل طب هتعملي ايه لما تعرفي ان الشغل في مصر 
كمان انت عاوز تشيلني 
قال ببرود ليه بس يا ليو 
بتقول ليه وانت عارف كل ال حصلي هناك انت عاوز تجنني مش كده 
ليه بس يا لارين 
كفايه يا فارس متقولش لارين ..لارين ماټت من زمان دلوقتي انا ليان 
يا لارو لحد امتي هتفضلي خاېفه تواجهي كده لحد امتي هتفضلي سايبه الچرح ېنزف 
ارتفع صوتها الباكي كفاه يا فارس كفايه انا مرتاحه كده مش عاوزه افتكر الماضي الله يكرمك 
طب قوليلي لما الشهر يخلص هتعملي ايه وهتعيشي منين 
متخافش يا فارس مش همد ايدي ليك واقول سلفني 
انتي عبيطه ولا شكلك كده انتي اختي يعني انا المسئول اني اصرف عليكي انتي وابنك واذا كنت سايبك تشتغلي وتعيشي لوحدك فده علشان مزعلكيش بصي يا لارو من الاخر ان الاوان تاخدي حقك من كل الي ظلمك لو سمحتي فكري
يا فارس انا لو ھموت من الجوع مش هرجع مصر 
يعني ده اخر كلام 
ايوة يا فارس
انا هسيبك تفكري تاني وغلاوتي عندك بلاش انا وغلاوة يودي عندك فكري 
هفكر علشانك يا فارس والله هفكر 
 داخل منزل عزت حبيب نفين
كاما تدين تدان فهي خانت زوجها من اجل عشيقها ..فهو ايضا ېخونها ويستغفلها من اجل اموالها واموال زوجها 
لحد امتي يا عزت هتفضل مع الست دي 
انتي ايه يا نهله ما بتزهقيش من الموضوع ده 
[[system-code:ad:autoads]]لا مش هزهق انا تعبت يا عزت ..تعبت 
يا حبيبتي كلها فتره لحد ما جوزها ېموت وهي تورث وقلبها ونعيش يا قلبي 
طب ودي في ايدنا دي حاجة بتاعة ربنا يعني انت ضامن ان عزرائيل ياخد روح النهارده 
قولي يا رب 
يا عزت مش ممكن انت الي ټموت النهارده محدش يضمن ېموت امتي
انتي بتفولي عليا يا نهله 
لا بعد الشړ عنك يا عزت انت جوزي نفسي اعيش زي اي واحده اعيش معاك في النور مش في الضل انا حاسه اني رخيصه اووي 
متقوليش كده يا نهله انتي ست البنات كلها الدور والباقي علي المتجوزه وبتخون جوزها 
طب ما انت بتعلم زيها 
انا يا نهله 
ايوة انت پتخوني عارف احساسي وانا عارفه انك معاها عارف ولا مش عارف .. عارف انا بحس بايه بحس بڼار بتكويني 
طب انتي كنتي عاوزني اعمل ايه وانتي شايفه الحال الي كنت فيه هي كانت جارتي وباعت الحب علشان شويه فلوس واتجوزت راجل علشان تفسح وتصرف هنا وهناك ولما حست انها مش لاقيه الحنان والحب رجعتلي علشان تاخدي اقول لا وهي كانت هتنقلني ناقله تانيه 
بس ده عزر اقبح من ذنب يا عزت ومش مبرر للغلط الي انت بتعمله انا خاېفه عليك انت الحاجه الوحيده الي فضالي في الدنيا انا مليش اهل ولا حد غيرك خاف من ربنا يا عزت حرام الي انت بتعملوا ده 
حرام ومش حرام لما اقعد عشر سنين اشتغل شيال وانا بكالوريوس تجاره وغيري ماشيه معاه حلاوة 
يا حبيبي انا خاېفه عليك 
متخفيش يا قلبي بقولك 
نعم يا عزت عاوز ايه 
قومي طري القاعده بدل ما هي ناشفه علينا كده 
قالت بمياعه واطريها ازاي 
ترقصي 
ايه ارقص 
ايوة يا حياتي 
بس 
قاطعها وحياتي عندك ارقصي 
بس كده من عنيه يا بيبي 
قامت باشغال الفلاشه لاحد الاغنيات الشعبيه وبدأت تتمايل معها واذا بهاتفه يعلن عن اتصال فقالت متزمته 
يوووه هو ده وقته 
اقفلي الاغاني دي بسرعه ومسمعش صوتك خالص 
ليه ان شاء الله 
نفين علي التليفون
يوه بقي هو ايه ده حتي الوقت الي معايا فيه ست زفته تطلعلي زي العفريت 
معلش يا حبيبتي هرد عليها وارجعلك علي طول 
ماشي 
نيفيو حياتي وحشتيني 
وانت يا عزت ..لو مكنتش انا اتصل متتصلش 
ما انتي عارفه يا بيبي لازم الواحد يحرص افرضي الموبايل مكنش جنبك وجوزك رد نروح في داهيه 
ماشي