اسكريبت رائع لهالة احمد

كانت مراته وعشرة سنين
_حورية
عمري ما هفكر أغير منها ولا من مكانتها عند حمزة وخصوصا في قلبه..عمري
_حوووووورية...!!!!
_حمزة خير..
_خير أنت بنادي عليك من بدري..أنت كويسة..
هزيت رأسي بأيوه وسألته
_فين زين.
_بيلعب بره
_هشوفه
كنت عايزة أهرب..أهرب من إيه وليه معرفش بس أنا عايزة أشوف حبيبي عايزة أشوف زين.
خرجت لقيته قاعد على الأرض في الصالة وحوليه لعب كتير قعدت جنبه وقلب دق جامد أوي لما لقيته بيبصلي بعيونه الصغيرة مع عقدة حاجبه الرفيع مديت ايدي أمسك لعبة من ألعابه ضړبني على أيدي وقال
_نأ لأ
شيلته قعدته على رجلي وخليت وشه ليا وقعدت ألعبله في رقبته وهو يضحك
_نأ إيه يأبو نص لسان أنت
_إعبا نأ لعبة لأ
قربت منه بوشي وفضلت أبوسه وأزغزغ فيه وهو يضحك وأنا أقع في حبه أكتر ما أنا واقعة بيتشعلق في رقبتي وأنا برجع برأسي لورا شوفت حمزة واقف ورا باب الأوضة بيبص علينا وأول ما شافني مشى.
شيلته وقومت بيه نروح لحمزة
_تتعشى..
كان قاعد ماسك تليفونه شوفته فاتح على صورة حبيبة قفل التليفون وقالي
_مش بتعشى بس زين...
قاطعته قبل ما يكمل
_أكيد زين باشا لازم يأكل..بعد إذنك
خرجت رايحة المطبخ وأنا فرحانة بيه جدا بقى عندي طفل متعطشة أوي إني أسمع كلمة ماما منه
_هعملك أكله لذيذة يا حبيب ماما
قعدته على كرسي أرضي وفتحت التلاجة جبت قطع فراخ وعملتهاله على شكل كرات وحمرتها وفرح بيها جدا أكلته وخرجنا في الصالة قعد يلعب بألعابه وأنا جنبه شويه ولقيته جه قعد على رجلي وابتسملي إبتسامة عمري هنساها إبتسامة نعسانة شيلته على كتفي وطبطبت عليه علشان ينام بس بعد رأسه وقالي
_ب..بابا
بصيت لقيته بيبص على أوضة حمزة شيلته وقومت روحت عند حمزة لقيتها فاتح اللابتوب وبيشتغل
_هو زين بينام هنا..!
_آه..ليه قالك عايز ينام..
_أيوه..مالك مستغرب ليه..
_أصله مش متعود ينام دلوقتي دا بيفضل صاحي ساعات لحد الصبح على العموم هو بينام جنبي على السرير
روحت بيه على السرير حطيته وقعدت جنبه فضل صاحي وباصصلي فقررت أجيب قصة وأحكيهاله ربعت وقعدته على رجلي وفتحت مجلة في رسومات كرتونية بصلها بإنبهار وقعد يحط ايده على الحيوانات ويضحك
في يوم من الأيام كان هناك أسد قوى لكنه يظلم الحيوانات ولا يرحمهم وكان يأكل الكثير منهم فڠضبت الحيوانات واجتمعو سويا ثم قررو أن يذهبوا لهذا الأسد ويتحدثون معه عن ظلمه للحيوانات..وصلت الحيوانات لبيت الأسد وعندما خرج لهم الأسد قالو في صوت واحد ياسيدى الملك أنت تأكل الكثير منا كل يوم فماذا تحتاج حتى تكف عن أكل الحيوانات فقال لهم بغرور أحتاج لفريسة كل يوم أتلذذ بتناولها وأعد بها وجبة شهية على الغداء.. قالت الحيوانات نعدك بأن نقدم لك كل يوم حيوان واحد مقابل أن تكف عن مطاردتنا وأكل الحيوانات ظلما دون سبب.. وافق الأسد على الفكرة لأنه سيحصل على فريسته دون عناء ثم هددهم