اسكريبت رائع لهالة احمد

تصبحي على خير يا حبيبة
رجعت لورا خطوة وبعدين نديت عليه
_حمزة
قفل التليفون والتفتلي وبصلي بإستفهام
_دا...دا غطا علشان الجو برد ..تصبح على خير
جريت على أوضتي وأنا مش حزينة ولا جوايا غيرة من حبيبة..أبدا
أخدت زين في حضڼي ونمت وأنا مبسوطة إن أمنيتي اتحققت وبقى عندي طفل حتى لو مش مني بس ربنا عوضني ب زين
تاني يوم الصبح صحيت على ايد زين على وشي شيلته وغسلتله وشه واتوضيت وصليت وأنا بصلي أخدت بالي إنه بيعمل زيي فرحت أوي.
قضينا اليوم لعب وحكاوي وعملنا كيكة وحمزة طول اليوم في الشغل عدت أيام كتيييييييرة أوي وكل يوم تعلقي ب زين بيزيد لحد ما في يوم كان بيلعب في الصالة وأنا في المطبخ ووقع طلعت أجري عليه وقومته وحضنته ودموعي نزلي معرفش ليه لقيته بعد عن حضڼي وقرب من وشي بإيده ومسح دموعي وقالي بحروفه المكسرة
_م..ما..ماما أف
ضميته لصدري وأنا مبسوطة وفرحانة أوي أوي وبيتردد في ودني صوت الدكتور لما قالي للأسف الحاډثة أثرت على الأنسة ولازم نزيل الرحم حالا
_ربنا عوضه حلو...حلو أوي
ساعتها حمزة جه فتح الباب ودخل محستش بنفسي غير وأنا بجري عليه بحضنه
_حمزة..زين قالي يا ماما أنا بجد فرحانة أوي
طال الصمت من جهته فبعدت وأنا محرجة ووشي كله أحمر لدرجة إني حاسة بحرارة طالعة من وشي
_أنا..أنا أسفة مش بقصدي
ابتسملي بهدوء وقالي
_محصلش حاجة..
قرب من زين وقعد يكلمه شويه وبعدين دخل يغير وأنا دخلت أحضر العشا
مرت سنة وتلات شهور
حياتي فيهم اتغيرت جدا بقيت مبسوطة بعد ما كنت حزينة وفاقدة الأمل ربنا رحمته وسعت كل شيء وأنا بفضله كنت شيء نولت السعادة اللي كان نفسي فيها..علاقتي بحمزة اتطورت بقا بيقعد يحكيلي عن حبيبة وقد إيه كان نفسها تكبر زين وحكالي عنه كتير وأنا حكيتله عن نفسي وبقينا بنسهر سوا نتكلم ونشرب نسكافيه
_واقفة في البلاكونة في الجو دا ليه يا حورية..
_مستنياك..أنت جيت امتى..!
_لسه حالا..ادخلي بدل ما تأخدي برد..الجو شتا
دخلت وقفلت باب البلاكونة لقيته بيلعب في شعره بتوتر
_حورية
طلعتله هدوم علشان يغير ورديت
_نعم
وهنا كان لازم زين يصحى ويتدخل
_ماما
حطيت الهدوم على السرير وقربت من زين شيلته لقيت حمزة قرب مننا ورفع تليفونه علشان نتصور صورة سيلفي وأنا مركزة مع كاميرا التليفون مبسوطة أنا وزين لقيته قالي جملة قشعرتني وبعدين خد الصورة
_بحكم العشرة والمودة الشعور الحلو اللي عيشناه معاك...بحبك
صحيح العوض نساي