بقلم زهرة الربيع الجزء ٢

القلم ده من زمان وربتك كويس مكنتش انو ادتهولك
الفصل السابع بقلم زهرة الربيع
راغب بصلها پغضب وقال..اسمعي يا بت انتي انا اقسم بالله جبت اخري منك وعلشان متعودتش ادخل صفقه واخسر فيها هقولك على اتفاق يرضيكي ويرضيني..شوفي انتي طبعا عارفه انا عايز منك ايه انا اديت خطيبك مليون جنيه وجاهز اديلك الضعف 
وقال..انا ايدي فرطه واعجبك
شمس بصت عليه و ابتسمت بطريقه غريبه وهوب رزعتو قلم اقوي من الاولاني وقالت..انا كمان ايدي فرطه واعجبك اديني اديتك الضعف وجاهزه اديلك تلت اضعاف كمان
وهنا راغب بقى زي كتله الجمر ومسكها من شعرها وقال..يابت انا هطلع روحك يا يا 
شمس زقت ايده وقالت...انت لسه شوفت حاجه...وفجأه بقت تصرخ بصوت عالي وتقول الحقوني ياناس انجدوني يا خلق حرام عليك يا باشا يا باشا حرام عليك يا لاهههههوي
بقلمي...زهرة الربيع
راغب بصلها باستغراب شديد لسه معملش حاجه ولا ضربها ضربه واحده حتى قال...بطلي ازعيق حوالينا ناس ..متستهبليش انتي مش في شارعكم الزباله
بس شمس بصتلو وابتسمت وقالت بصړيخ...ياخرااااااااااابي هيموتني يا باشا حرام يا لاااااااهوي
وهناجات منيره وايناس والخدم اتلمو حوالين الاوضه
منيره اول ما دخلت قالت بخضه ....فيه ايه يا ولاد مالكم مالك ياحببتي 
شمس جريت عليها وبقت تبكي وتقول..الحقيني يا هانم هيموتني ضړبني وبهدلني وكان عايز..عايز .....
منيره وبصت لراغب پغضب وقالت ايه..انت صحيح عملت كده يا راغب يا خسارة تربيتي فيك
راغب بص لشمس بغيظ شديد ودهشه اشد من دموعها وطريقتها وقال..والله يا ماما ما جت جمبها دي هيه الي ..بس سكت لانو مقدرش يقول انها ضړبتو تاني
منيره قالت...هيه ايه كمل سكت ليه ..بقى اسمع يا ابن منيره انا سكتالك على الي عملتو مع الغلبانه دي على امل ان ربنا يهديك لاكن توصل انك تحاول ا بالعافيه مش هسمحلك فاهم
راغب اتنهد بضيق وقال....معلش يا ماما انا غلطت ودلوقتي هصالحها حضرتك روحي ارتاحي وانا اوعدك اني هصلح الي عملتو اتفضلي انتي ارتاحي لتتعبي
ايناس قالت بغيظ ..هو انتو مخليين حد يرتاح دي الجيران جات تسأل فيه ايه فهم مراتك انها في ارقى منطقه سكنيه محدش هنا بيستحمل الصداع ده على الصبح
راغب اتنرفز ولسه هيرد شمس قالت ...انا عارفه انا فين كويس بس انتي الي الظاهر مش عارفه انتي فين ..انتي هنا في اوضه ابن عمك يعني شخص اجنبي عنك منتيش في حمامك علشان تقفي كده بهدومك قدامو وقدام الخدم كمان
ايناس شهقت وقالت پغضب..هدوم ايه...هقول ايه لواحد بيئه زيك جابك من الحواري ومشيت وهيه ھتموت من الغيظ
منيره ضحكت وراغب كمان مقدرش يمنع ضحكتو وقال...روحي انتي يا ماما انا مش هزعلها تاني اوعدك
منيره قالت...طيب... ااهو حلف مش هيزعلك تاني انا همشي ولو ضايقك تاني ناديلي بس تمام
شمس ابتسمت وقالت..تمام شكرا لحضرتك
منيره طلعت وراغب بص لشمس بغيظ وقال..خلصتي المسرحيه الجميله بتاعتك نتكلم جد شويه بقى شوفي انا عايزك تعرفي مبدأيا كده ان ولا امي ولا اي مخلوق يقدرو يحشوني عنك واقدر اخدك مكان ټصرخي فيه براحتك لحد ما صوتك الحلو ده متقدريش تسمعيه وميبقاش اسمي راغب الصفتي لو حد سمعك تمام..بس انا مش هعمل كده ليه بقى لاني عايزك بمزاجك انا عمري ما غصبت واحده ولا هعمل كده معاكي وهسيبك براحتك خااالص لحد ما انتي بنفسك تعرفي ان عرضي هو الانسب ليكي وتقبلي بيه
شمس ابتسمت بسخريه وقالت...ده ممكن يحصل بس في احلامك
راغب ابتسم وقال...لا وهيحصل في الحقيقه كمان واتحولت ملامحو لڠضب مرعب وقال..انا هسيبك لمزاجك بس اقسم بالله لو ما احترمتي نفسك ولمېتي ايدك الي عايزه قطعها دي لاوريكي الي عمرك ما شوفتيه ماشي ومتنسيش انتي عندك ام غلبانه وعايشه لوحدها ولازم تخافي عليها
هنا شمس بلعت ريقها پخوف وقالت بتوتر...هتعمل ايه يعني..انت بتهددني
راغب قال...لو كنت عايز اهددك كنت اخدت الي انا عايزه بالټهديد وخلصت منك ومن لسانك بس انا مش هعمل كده هسيبك لما تجيلي بمزاجك وتقوليلي معاك حق وتقبضي زي غيرك بس في الفتره دي لو عايزه امك تفضل كويسه تلمي نفسك ومتطوليش لسانك ولا ايدك ماشي يا حلوه
شمس قعدت على السرير بضيق وقالت...انت بتضيع وقتك عمري ما هوافق انك تشتريني انا الفلوس مبتهمنيش ابدا وانت الي هتزهق