امير الجنيناتي ج١

وماينفعش أخون جوزي
في إيه ياهدير إنتي عايزة تفهميني إنك بتحبيه
وهو يعني عشان مش بحبه أخونه ! أنا دلوقتي في عصمته أنا دلوقتي شرفه وعرضه ..ماينفعش أخونه عشان مابحبهوش في النهاية هو

ماعمليش حاجة وحشة هو إتغصب زيي زيه ..ويكون في علمك طول مانا في عصمته عمري ماهخونه ولا أبهدل شرفه
وسيبته ومشيت كنت متعصبة أوي أوي أوي متعصبة من العيشة اللي أنا فيها ..متعصبة عشان بقول لحبيبي لأ .. خلص الأسبوع الدراسي روحت البيت وأنا في قمة ڠضبي قررت أواجهه ..قررت أتطلق كنت قاعدة في الصالة مستنياه يرجع من شغله عايزة أطلع ڠضبي فيه .. شوية ولقيته جه .. أول ماشوفته قومت وقفت ..
بفرحة هدير حمدالله علي سلام...
مقاطعة طلقني !
بإستغراب إيه في إيه إيه اللي حص...
مقاطعة پغضب مش قادرة أكمل مش قادرة أعيش معاك أنا مش بحبك .. ذنبي إيه أتجوز واحد مش متعلم وفلاح ذنبي إيه أتجوزك وأنا دكتورة ذنبي إيه أتجوزك وأنا مش بحبك دا كله عشان إيه عشان الورث مش عايزاه ..أقولك ! خده وطلقني قول لجدو أنا مش عايزة ورث ياخده ياخده بس يسيبني أعيش براحتي ..يسيبني أعيش مع واحد في نفس مستوايا مش واحد أقل مني !!
كنت بنهج وأنا بتكلم ولما خلصت كلام ..حسيت ببشاعة اللي قولته ! عنيه كانت مليانة ڠضب ..كنت حاسة إنه هيمد إيده عليا أو هيطلقني حالا ..
أنا كنت جايب في الثانوية العامة 97 كان حلمي أدخل كلية الطب ..بس بابا إتوفي وجدو رفض أكمل تعليمي ولإني أكبر إخواتي فاماكنش ينفع حد يشيل الحمل غيري حطيت حلمي تحت رجلي عشان ماخليش حد من إخواتي يتنازل عن حلمه زيي ..أو أخلي الظروف تمنعه من دة يبقي إيه ذنبي ذنبي إن أبويا ماټ ولا ذنبي إني شيلت مسئولية إخواتي وأمي ولا يكون ذنبي إن أبويا فلاح وأنا بقيت زيه فلاح ذنبي إيه .. بتعايريني علي إيه إنتي ! أنا هطلقك ..بس زي ماإتفقنا بعد سنة الطلاق مش هينفع دلوقتي مش هينفع أطلقك بعد تلت شهور من الجواز
وسابني ودخل أوضته ..إيه اللي أنا قولته دة ..
دخلت أوضتي وقعدت مش هروح أعتذر ..مش عايزة أعتذر مع إني عارفة

إني غلطانة هو أكيد متضايق جدا ياتري بيعمل إيه ..خرجت من أوضتي بحجة إني راحة المطبخ عشان أعدي من قدام أوضته وأشوفه ..هو مش بيقفل بابا أوضته غير وهو نايم بس ..عديت من قدام أوضته ..شوفته قاعد عالمكتب موبايله وبيكتب وأنا راجعة لاوضتي لقيته برده لسة بيكتب هو فيه إيه بيكتب وماحدش بيرد عليه ولا إي
عدا تلت شهور كمان ..كدا عدا علي جوازنا ست شهور وفاضل كمان ست شهور .. ماأقدرش أنكر إني كنت شايفاه بشكل مختلف في