امير الجنيناتي ج٢

ياأمير البنت اللي إنت حكتلي عنها قبل كدة ..البنت اللي إنت بتحبها دي
مالها سموك !
ماجربتش تقولها قبل كدة 
پصدمة أقولها إيه 
إنك بتحبها
پصدمة يانهار أبيض !!
بضحك إيه يعني إيه المشكلة ! ما يمكن ..يمكن تطلع هي كمان بتحبك
پصدمة تحب مين تحبني أنا !
أيوة ..إنت ليه شايف نفسك قليل كدة 
سموك أنا جنايني
بإبتسامة وهي ! ..أميرة !
إتصدم أوي لما قولتله كدة إتأكد إن أنا فهمت إن هو بيحبني كان هيمشي من قدامي بس وقفت قدامه منعته ..
لأ ماتمشيش إستني !
أنا ..أنا آسف سموك أنا والله....
مقاطعة أنا مش زعلانة أنا ..أنا بحبك
إتصدم أكتر الصدمة كانت مالية عيونه ..فجأة لقيته دموعه نازلة ..
بتحبيني أنا ! ..أنا أنا جنايني
بإبتسامة إنت أمير
بفرحة ......
كنت فرحانة أوي أول مرة أحس بالفرحة من تاني من بعد ۏفاة باباه وماماه ..
پصدمة يعني إنتي رفضتي الأمير حازم خلاص 
أيوة نهيت العلاقة خالص
پصدمة ليه سموك دا كله عشان الجنايني 
أيوة عشان أنا بحبه ..بحبه أوي يادادة
هو الجنايني دا عملك عمل ولا إيه
بضحك إيه اللي بتقوليه دا بس يادادة
ماهو مش معقول تسيبي الأمير وتحبي الجنايني
الموضوع لا هو موضوع جنايني ولا أمير الموضوع إن أنا ببقي سعيدة مع أمير مش حازم حازم ماعرفش يخليني مبسوطة ماحستش معاه بالحب ماحستش معاه بأي إحساس حلو ..رغم إن هو أمير لكن أمير عرف يخليني سعيدة من غير أي مجهود منه ..خلي عيوني بتفرح لما بتبص عليه من بعيد حتي الورد حبيته منه .. خلاني أحس إن أنا أميرة عشان هو أمير ..رغم إن هو جنايني السعادة مش مرتبطة بمكانة أو طبقة إجتماعية أو أي حاجة يادادة بالعكس السعادة مرتبطة بالإنسان والسعادة بالنسبالي أمير
_ يابستاني الحديقة هل أسقيت فؤادي يا تري 
هل حال الورد كما نري 
كيف كنت ربيعي في الخريف 
كيف كنت أماني وأنا ضعيف 
أنا آسف سموك