امير الجنيناتي ج٢

معايا إن هو هيبني سرايا كبيرة هنعيش فيها لما يخلص تعليمه ونتجوز رفض إنه يعيش معايا هنا ..وبدأ في التجهيزات دي في الفترة دي كان حكم الملك فاروق وفترة الإنقلاب عليه .. لحد ماتم عزله من السلطة وقتها تم مصادرة أملاك كل الأمراء والأميرات في مصر وإلغاء الملكية نهائي وطبعا أنا منهم ..يعني لا بقي فيه ملك ولا أمير رغم حزني علي حالي إلا إن أمير كان أماني جه خدني وإتجوزني علي طول ..ماحسسنيش في لحظة إن أنا فلست ماحسسنيش في لحظة إني مش أميرة ..
هتفضلي في عيوني أميرة طال العمر أو قصر ..إنتي أميرة وست الأميرات
بإبتسامة وإنت كنت ومازلت وهتفضل في عنيا كبير سواء كنت جنايني أو كنت أمير
بإبتسامة بحبك ياسمو الأميرة 
وإنتهت الرواية 
قد إيه الرواية جميلة أوي فيها تفاصيل كتير قصتي مع عبدالرحمن قفلت الرواية وأنا مبتسمة ومنبهرة ومبسوطة ..فهمت هدفه من الرواية والحاجات اللي كنت بعملها معاه وفهمت إنه قرأ رسالة حازم وعرف كمان إني مش بحبه ..وفهمت إني لما كنت بشوفه ماسك موبايله وبيكتب كان بيكتب الرواية دي فهمت مشاعره تجاهي وفهمته وفهمت تفكيره ..وفهمت نفسي كمان ..
صورته حلوة في ضهر الرواية ..قريت الكلام اللي جمب صورته وأنا مبتسمة لحد ماإتصدمت !!! معقووول !!! إزاي !! أكيد دا اللي كانت زينب عايزة تقولهولي وأنا قفلت السكة علي طول ماسمعتهاش !! إزاي طيب !! ..
فضلت قاعدة مصډومة وإستنيته لحد مارجع من شغله عايزة أقوله كلام كتير أوووي ..لحد مارجع جريت عليه ووقفت قدامه ..
بإستغراب إيه دا فيه إيه مالك 
......
مالك ياهدير إنتي كويسة 
هو ..إنت بتحبني 
پصدمة .. إيه لازمة السؤال دا دلوقتي 
رد عليا بتحبني ولا لأ
قعد علي كرسي وقعدت جمبه .. 
هتفرق معاكي الإجابة في إيه مادام هنتطلق بكرة 
هنتفرق هنتفرق كتير ..لإن علي حسب الإجابة ياإما هنتطلق ..ياإما لأ
بإستغراب .....
رد بقا
إرتبك وإتوتر ..زي أمير كان