اسماء حميدة الريان ج٢

أنا نازل تحت .
الحاج زكري تمام يا مصطفى هخلص أنا وأمك المشوار ده وهحصلك على تحت .
مصطفى ماشي يا حج بتفسح المزة انچيهات بقى يا حج بترجع الذي مضى عقبالي يا رب .
وغمزها بعينيه خلسة فتصنعت التجاهل.
خرج مصطفى وهو عازم على معرفة قصة زين مع أميرته متواعدا لها بالكثير .
بعد قليل.
استعد الحج زكري ونجوى للذهاب لعيادة صديقه المړيض الحاج فتحي .
نجوى تعالي يا همس اقفلي الباب بالترباس .
وما ان هبطا درجات السلم فالمنزل دورين البدروم والدور الاول فقط .
همت همس تغلق الباب وجدت من يضع قدمه يحول دون ذلك ومن غيره يستطيع فعلها .
فقد كان فوق السطح يتحين خروج والديه ليرسوا على بر في قصة الأخ زين .
دفع الباب دفعة قوية فتراجعت خطوتين خشية أن تصاب من جراء أفعاله فترتطم بحلق الباب.
همس ايه اللي انت بتعمله ده !
مصطفى وايه اللي أنت بتعمليه ده ! ومين الأخ زين ده كمان أنا هلاحق على جوه ولا على بره ده أنا ضارب واحد من أعز اصحابي النهارده بسببك والتاني لو كنت لمحته كنت شلوحته بس ملحوقة .
همس انت بتقول ايه أنا مش فاهماك وبعدين أنت بأي حق بتدخل في حياتي !! أكلم مين وما أكلمش مين Its not your busines انا لسه شايفاك اصلا من كام ساعة !
تقسم أنها رات طاقة من الحزن والخزلان تلوح بعينينه فهمس لها قلبها رفقٱ .
سرعان ما تحولت تلك النظرة إلى إصرار وتحدي .
مصطفى بحدة بس أنا اعرفك من زمان من قبل حتى ما اشوفك وأنا أديت لنفسي الحق ده وما فيش خطوة برة البيت ده غير بإذني وبرده مش هتغطي بكلامك ده على عملتك .
همس عملتي !
مصطفى السودة .
وكأنه ينهر حبيبته أو زوجته شيئٱ من هذا القبيل وقد قبض عليها بالجرم المشهود وليس فتاة لا صلة له بها سوى حكايات والدته عنها .
مصطفى مين زفت الطين زين ده وايه علاقتك بيه 
همس بقلق من حالته مامي نجوى قالت لك ده ابن صاحب بابي الله يرحمه ورئيس وعد في الجريدة اللي بتشتغل فيها .
مصطفى وليكن ايه علاقتك بيه أنا مش فاهم !.
همس بحيرة أنت ما سمعتنيش يا مصطفى !!
بقى كلا منهما يعرف ثغرات الآخر .
مصطفى وقد لانت حدته استغفر الله العظيم بغض النظر عن مصطفى دي اللي هنرجع لها تاني أنا ما سألتكيش ده مين أنا بقول لك ايه علاقتك بيه 
همس بتركيز ما فيش .
أمسكها مصطفى من ياقة الجلباب الذي ترتديه والذي يعود إلى والدته في الاصل وهو يرجرجها دافعٱ إياها للأمام وللخلف كزجاجة المياه الغازيه .
مرمطي البسكوتة أخص الله يكسفك 
همس بملاطفة على فكره يا مصطفى ما يصحش كده ده مش اسلوب حوار أبدٱ أنا أول مره حد يعمل معي كده قبل كده .
مصطفى بغيظ أنت تسكتي خالص ولما ما فيش علاقه بينك وبينه يعني لا بتحبيه بعيد الشړ يعني ولا بيحبيكي عمالة تدلعي ليه وانت بتكلميه 
همس ما بين رجرجته لها أنا يا درش .
مصطفى ايوه أنت يا قلب درش عمالة بليز طمني وباي ودلع بنات مرق لمي نفسك يا هانم هاه لمي نفسك ورقم تليفونه معك ليه اصلٱ.
إنه لا يعطي لها فرصة للاجابة وإنما قڈفها بالتساؤلات واحدا تلو الآخر.
مصطفى خذي هنا هو أنت أبوكي عنده كام صاحب على كده وعندهم اولاد وكل اولادهم ارقامهم معكي !
همس اسمه بابي .
مصطفى وقد بدأ في التحول نسيب مصايبك ونقعد بقى نشوف هو ابوكي ولا بابي أنا كده مسيري عامل حكاية مع حد بسببك وهتبقى نهايتي على المرجيحة .
همس الله يا مصطفى بليز خذني معك على المرجيحة.
مصطفى بتفولي عليا ده أنا هشوف أيام سودا فين تليفونك يا هانم 
همس ليه يا مصطفى !
مصطفى اسمعي اللي بقوله لك عشان كلامي ما بحبش أعيده تاني.
ناولته همس الهاتف بتأفف مصطفى اففي اففي كله هيطلع عليكي قدام.
مصطفى وقد قام بضغط رقم هاتفه من لوحه الارقام في هاتفها فرن هاتفه برقم هاتفها.
وأرنبنا في منور أنور .
مصطفى رقمي معك لو عوزتي اي حاجه من تحت تتصلي بيا مفهوم نزول من البيت ما فيش . راسك الحلوه دي لو لقيتها طالعه من الباب ولا شباك هاعلقها لك على المرجيحة وامشي إنجري على اوضتك .
وكأنه اعطاها حكمٱ بالبراءة جرت مسرعة تجاه الغرفة .
مصطفى خذي هنا.
عادت اليه سريعٱ كأنه أب ېعنف طفلته المتهورة على أشياء لم يعلق عليها والدها نفسه من قبل كم أحبت اهتمامه برغم من رفضها للطريقة .
مصطفى تعالي اقفلي ورايا وما تفتحيش لحد أيا كان غير أبويا وأمي و لو أمي مش معاه ما تفتحيش .
هزت همس رأسها كعلامة على امتثالها لأوامره .
مصطفى بعجرفة ما سمعتش !
همس اوكي .
مصطفى بحدة وحضري نفسك عشان بكره هخذك افسحك .
همس وهي تقفز كالاطفال وتصفق بيديها بجد