رواية رائعة بقلم سوما العربي بطل من رواية

حازم ده... عيل يا ساااااتر... كله نفخ.. حتى مخه نفخ.. كلمه تجيبه وكلمه توديه مشغل عصافير ليه فى كل مكان وانا مش بحب جو الشغل اللي كده خالص.. انا كده احسن كتير وهو اصلا مابقاش طايقنى من بعد الى عملتيه معاه وان انا كنت متصدرلك فتمام.. كده احسن الحمد لله.
فاطمه الحمدلله.
انتفض من على مقعده مره واحده فاتسعت عينيها تقول ايه ده فى إيه!
عماد انا قاعد معاكى اعمل ايه.. انا لا طايقك لا انتى ولا امك ولا اختك أقعد معاكى بتاع إيه... انا ماشى.
فاطمه طب ما تمشى.. حد ماسكك.. امشى يالا ماتبقاش تيجى تشتكيلى تانى.. يالا امشى.
عماد همشى طبعا عادى على فكره.. ولو على الشكوى.
صمت بهيام يقول هبقى اتصل بعاليا.
فاطمه هو القط مايحبش الا خڼاقه امشى امشى.
غادر سريعا وهى ابتسمت عليه متمتمهربنا يهديكى يا عاليا.
فى المحل عند عبد القوي
جلس عبد الرحمن يرتشف قهوته التى طلبها له والده يقول خير يا حاج.. كنت عايزنى ضروري واحضر حالا فى ايه لكل ده
عبد القوى جايلك اكلمك عن فاطمه بنت عمك لطفى المحمدى.
بمجرد الحديث عنها ڠضب قليلا يقولتانى يا حاج
عبد القوى اسسسمع بس.
صمت ينصت لحديث والده الذى قال بقا انا البت دخلت دماغى وعششت.. سبحانك يارب فى ف وشها القبول... قعدت مع لطفى وبصنعة لطافه كده واحدة واحدة سحبته فى الكلام لحد ما عرفتلك الزتونه.
عبد الرحمن بسخرية زتونه! وطلعت ايه الزتونه بقا يا حاج... اخوها فى الرضاعة!!
عبد القوى لا يا خفيف.. اتكلم عدل بدل ما اناولك على وشك.
عبد الرحمن تناولنى على وشى... هى حصلت يا حاج.
عبد القوى استغفر الله العظيم... مانت إلى بتعصبنى.. اسمع بس.. الجدع ده الى كانت معاه واحد منهم كان متقدم لها وهى ماكنتش مرتاحه وراحت تخلص معاه الموضوع بهدوء كده مش عايزه ټجرح محسوسياتو... والتانى ده واحد عايز يتجوزها عافيه.. وطلع تاجر سلاح وبلاوى سودا.. مانت شوفت بنفسك عمك لطفى قالى انك كسرت غضمه.. براوه عليك يا ولا.. ابن عبد القوى شديد بحق.
صمت قليلا بحيرة شديدة فانتهز والده الفرصة يقول بمكرصراحة البت حلوه وتدخل القلب..انا ابنى وعارفك وحافظك... البت عجباك...انا قاريك.. بص احنا ننزل بردو عندهم منطقتهم ونسأل عنها ونجيب تاريخها كله.. مايمكن ياخويا يكون ابوها بيدارى عليها ولا حاجة نعرف احنا الفوله... قولت إيه
يشعر بالتخبط ثم قال يابا... يابا ده انا لسه شايفها قاعده فى المحل مع واحد.
ضړب عبد القوى كف بآخر يقول لا حول ولا قوة الا بالله العلي العظيم... يابنى انت ليه دماغك دايما حادفه شمال كده... دى قاعده في محل يعنى سوق والسوق فيه العاطل والباطل مايمكن زبون انت ايش دراك.
اخذ نفس عميق يهز رأسه برأس مذبذب جدا يرددلأ يابا لأ.. الواد ده هو نفس الواد اللي شوفته موصل اختها يومها انا فاكره كويس.
عبد القوي بنفاذ صبرماقولنا هنروح ونسأل واديك قولت متزفت داخل مع اختها مايمكن فى خطوبة ولا قرى فاتحه فى ايه
عبد الرحمن انت فى ايه يا حاج مالك.. متمسك بيها اوى كده ليه!
عبدالقوىعشان زى ماقوليتلك انت ابنى وانا قاريك والبت عسل وانا حبيتها.. وامك كمان.
اتسعت أعين عبد الرحمن يقول انت لحقت يابا!!!
عبد القوي اعذرنى يابنى.. احنا كلنا بناكل عيش.. بكرا تبقى زيى كده بردوا
ضحك بخفه فقال عبد القوى أدام ضحكت كده يبقى معادنا بكره ان شاء الله نروح انا وانت منطقتهم نسأل عليها... قوم يالا امشى قلبت دماغى وطيرت النفسين.... قووم.
مرت ايام كثيره على الجميع
ولا يعلم من متى ولا كيف يجلس الان بصالون بيتهم لخطبتها.
كل مايعلمه انها تعجبه كثيرا... بل كثيرا جدا وقد ارتاح قليلا لما سمعه عنها وعن سيرتها الطيبه هى والدتها وشقيقتها قاتخذ القرار وتقدم لخطبتها وقد رحبت امها كثيرا به.
بالفعل الان نعيمه لا تسعها الدنيا من الفرحه وهى ترى نفس الشاب الذى برح ذلك المچرم ضړبا يتقدم لخطبة ابنتها.. تراه شاب أكثر من جيد.
وفاطمه... تتقدم بجسد متوتر للداخل يعرفها والدها على العريس وابيه وامه مع شقيقاته.
لا تلعم ماسر كل هذه الفرحه التى بداخلها الآن.. ولا تصدق انه وبعد كل ماحدث ومرت به من أجل قصة عشق أسطورية ستتزوج هكذا والأكثر انها سعيده ولم تعترض.
بعد تعارف بسيط وراحه كبيره من الطرفين تمت قرأت الفاتحة ... واتفقت الاسرتين على ميعاد للخطبه بعد اسبوعين.
ولكن بعد أيام ذهب إليها كى يذهب بها لشراء فستان للخطبه.
يذهب لها وهو يقود سيارته يدخل هواء شديد من نافذه السياره ينعش قلبه وهو دندن مع صوت الأغانى.. سعادة غريبه تغمره وهو ذاهب فى اول
لقاء له معها بمفردهم.
صف سيارته يترجل منها ويذهب باتجاها يتحول وجهه من الفرحه للڠضب وهو يرى رجل يقف بالقرب منها يمعن النظر بها وهى تقم بعرض إحدى الهواتف له ولكن تركيزه بها وليس بالهاتف.
لم يشعر بحاله إلا وهو يضرب سطح المكتب يقول بغيرهاى خدمه يا باشا.
رفعت انظارها له