رواية وتين الجزء الثاني نبضات تائهة بقلم ياسمين هجرس
كسرة وذل وخيانه من اعز الناس ..
آه ياجلال .. آه يابن عمرى
قبضت روحى بايدك ياولدى
ياريت الف عدو .. ولا طعنه من يدك
آه .. آه والف آه .. آآآه .. آآآآآآآآه ..
ظل مرتكز على عصاه شارد حزين .. بوجه شاحب .. وعيون ذبلت وانطفى منها الضى .. صڤعة زوجته لولده .. مزقت روحه .. تربيه وإعادة تأهيل على كبر ..
ليحدث نفسه
يابن الشيبه .. اعمل ايه تانى معاك .. كل سنين عمرك دى ومتعلمتش منها حاجه ..
وانتى يافهيمه هتعيشى وتموتى غبيه مش عارفه انتى عايزه ايه من دنيتك .. بټأذى اللى حواليكى وانتى اول واحده بتتأذى ..
تنهد يزفر انفاسه الحارقه التى تكوى فؤاده .. ليطوف بمخيلته صورة ابنه المتوفى محمود ظله لم يفارقه طيلة سنوات مماته .. روحه تزوره من وقت لآخر تؤنس وحشة أيامه ..
ليقف على يمينه ولده الغائب عن مجلسه .. لكن حاضر بطيب أثره .. يتطلع له مبتسما ..
ليسترعى انتباه الحاج محمد كلمات تترد على مسامعه .. ليرفع رأسه من على عصاه .. ليتجسد أمامه وكأنه حى يهاتفه ويحدثه كما كان فى الماضى ..
ليتردد صوته الطروب داخل أذنيه .. ليرفرف قلبه فرحا من حلاوة اللقاء .. برغم كل الحزن المحيط به .. هو وحده كفيل بإدخال السعاده الى قلبه ..
أردف خله الوفى كما كان يلقبه قبل ۏفاته هاتفا
مالك يابا .. ليه موجوع .. شايل هموم الدنيا على راسك ليه .. مش انت اللى كنت ديما تقولى مفيش حاجه مستهله .. كله منفات ياولدى .. سيب اللى يزعلك قبل ما يسيب ندوب فى روحك ټوجعك .. ارمى الحمول ورا ضهرك يابا .. وسيبك من الدنيا وعديدها وتعالى معايا ..
تطلع له بعيون تفيض حب وجنبات تفيض راحه ...
هتف بابتسامه بشوشه مردفا
هاجى ياولدى كله بأوانه .. بس انا لسه ورايا مسؤليات وناس مربوطه فى رقبتى .. خد بأيدي ياولدى وادعيلي اخلص من غرض الدنيا وهمومها .. عشان اجى اتنعم بحضنك اللى افتقده من زمان ..
بينما
هو سارح
فى ملكوت الله يطوف بمخيلته شريط ذكريات عمره الطويل ..
مازلو على وضعهم يتنازعون .. ويتراشقون بعضهم البعض بالكلمات .. وقبل أن يرد جلال على ما فعلته به أمه ..
سمعوا صوت عصا الحج محمد تسقط ارضا ويده ترتخى تمتد جانبه ..
هرول اليه الجميع وجدوه فاقد الوعي ..
أسرعت الحجه فردوس ترتمى جاثيه تحت أقدامه تصرخ بهلع ومنظره ېمزق احشائها ..
پألم وحزن هتفت تنتحب
مالك ياحبة الجلب .. مالك ياضى العين .. رد عليا متستكش .. حسك فى الدنيا ميتقطعش
لم يتلفظ أو يتحرك .. ليهرول له جلال يهتف بصړاخ
بالله عليك يابا متسيبنى وانت ڠضبان عليا .. مش هقدر اكمل حياتى ولعڼة غضبك محوطانى .. فوق ياحج واعمل فيا ما بدالك ..
لېصرخ على الغفير تعالى شيل الحج معايا ..
بعويل صړخت فردوس عند رؤيته محمل على الأكتاف قائله
ياندمى عالرجال الزين .. الجمل برك ياخلق .. جملك برك يافردوس ..
منه له .. عليه العوض ومنه العوض
كل هذا تحت نظرات فهيمه التى انزوت بين إحدى جدران الغرفه .. تهز رأسها يمينا يسارا ... تحدث حالها هل ستفقده هو أيضا..
تم نقله لغرفته واتصل جلال على الطبيب للحضور فورا
مرت عدة دقائق حتى أتى اليهم الطبيب .. وبعد ان تم الكشف عليه
هتف جلال بقلق قائلا
ابويا ماله يا دكتور
رد عليه الطبيب قائلا
ابوك الحاج عنده ذبحه صدريه حاده .. ولازم يتنقل المستشفى حالا .. الوقت مش فى صالحه وخصوصا مع كبر سنه .. وانا هكلم الاسعاف تيجي ..
وفي خلال دقائق كان جلال يستلقي سياره الاسعاف بجوار والده .. وتهرول خلفه فهيمه والحجه فردوس التى تهرول مسرعه بخطى متنافيه مع سنوات عمرها .. تدب الارض تود لو تفديه عمرها .. وأمرت الغفير أن يقود السياره بهم وراء سياره الاسعاف .
واخيرا استفاقت فهيمه من حالة التيه التى اصابتها واتصلت علي ورده و ابلغتها لتكون فى الاستعداد هى وطاقم المشفى لاستقبال جدها .
في المستشفى
وصلت سياره الاسعاف الى المستشفى كان في استقبالهما الجميع عندما علموا من ورده ما حدث الى الحج محمد بدون الدخول فى تفاصيل التى هى أيضا لا تعلم عنها شئ .. كل ما قالته فهيمه جدك وقع من طوله .. واخذت تبكى وتنتحب واغلقت الهاتف ..
خرجوا لكي يكونوا في استقبالهم وكانت على راسهم ورده وشغف
اقترب راكان ويونس وزياد يساعدون جلال والطاقم الطبي في اخراج الترولى الطبي من السياره الذي يرقد عليه الحج محمد فاقدا للوعي ..
هرولوا به الى داخل المستشفى وذهب ورائهم احمد وقاسم اما كريمه وابرار ذهبوا الى سياره الحاجه فردوس لكي يصطحبونها الى الداخل
نظرت لهم كريمه قائله
هو ايه اللي حصل ايه اللي تعب بابا الحاج بالشكل ده.
ردت عليها فهيمه بغطرسه واشمئزاز هاتفه
مش وقته الكلام ده خالص .. نطمن عليه الاول وبعد كده ابقى اسألي الاسئله اللي انت عايزاها.
ضيقة ابرار ما بين حاجبيها بتعجب من لهجه فهيمه المتعجرفه على زوجة اخها الاكبر. وامتعض داخلها منها .. لا تكف هذه المرأه عن تسلط لسانها .. حتى فى أحلك الظروف ..
اجتمع الجميع أمام الغرفه الذي يتم الكشف على الحاج محمد بها حتى خرجت لهم شغف قائله بأسف
الحج هيتنقل العنايه المركزه وادعوا له لان حالته متدهوره جدا ..
تصنم الجميع مكانهم ولا يعرفون ما هذه اللعنه التي اصابتهم جميعا.
تهنئه_بمناسبة_شهر_رمضان
كل سنه وانتم طيبين يااحلى متابعين .. وبكده تكون دى الحلقه اللى وعدتكم تنزل قبل شهر رمضان وبعدها هيكون فترة توقف عشان اسيبكم للعباده مشغلكوش عنها باى حاجه .. هو شهر بيجى مره فى السنه فنحاول نغتنم منه اى فرصه تقربنا من ربنا وتمحى اى ذنوب بنعملها طول السنه ماهو احنا مش ملايكه وكل بنى آدم خطأ حتى ولو بنسبه بسيطه .. اتركم فى رعاية الله وحفظه على وعد بتجديد اللقاء بإذن الله بعد أيام العيد .. اتمنى من كل اللى اجى على باله ويفتكرنى يدعي لى دعوه حلوه من قلبه .. بحبكم فى الله
نبضات_تائهة
وتين
ياسمين_الهجرسي
