شيماء سعيد العازب والاربعينية

زى ما يكون فيه حاجة من زمان تايهة عنى ولقيتها .
تقدرى تقولى كده اعجاب من أول نظرة فأرجوك تقعدى تشربى قهوتك عقبال ما أخلص شغل وبعدين نتكلم ونتعرف على بعض وتسمعينى وأسمعك .
فتلون وجهى بحمرة الخجل وشعرت ببرودة تجتاح أطرافى وتخشبت فى مكانى وكأنى فقدت القدرة على السير .
ولكن جاهدت لأخرج من تلك الحالة وحدثت نفسى ايه مالك يا حياة هو أنت هيخيل عليك الكلام ده هو أنت لسه عيلة بضفاير وهتصدقى كلام واحد عايز ياكل بعقلك حلاوة ويسلى نفسه ويعالم غرضه ايه كمان .
مش يمكن عشان متجوزش لسه عايز وحدة زيك فى سنك
يضحك عليها وياخد غرضه منها عشان عارف انها مش هتخسر حاجة عشان مش بنت بنوت .
ففوقى ووقفيه عند حده يا حياة وعرفيه أن مش كل الطير اللى يتاكل لحمه .
لذا حمحمت لأنظف حنجرتى وغلظت من صوتى وهاجمته بقولى لا أنت شخص قليل الادب بجد وفكرنى عيلة صغيرة هتضحك عليه بكلمتين لا يا أستاذ مش حياة .
وانا غلطانة إنى جيت المكان ده ولو زودت اى كلمة تانية هوصل عند مديرك واشتكيك يمكن يطردك عشان قلة أدبك دى .
فوجدته لمعت عينيه بالدموع وأخرج صوته بضعف قائلا أنا أسف لحضرتك بس يعلم ربنا إنى مش بالوصف اللى قولتى عليه ده لإنى إنسان عارف ربنا وبصلى والحمد لله وكل الحكاية أن اللى حسيته عبرت بيه بس إظاهر انى كنت غلطان واتسرعت .
بعتذر لحضرتك مرة تانية واعتبرينى مقولتش حاجة .
ليصمت بعد ذلك ولكنه رمقنى بنظرة عتاب وأخرى لم أفسر معناها وما عدت أعلم بما اجيبه ولم افكر سوى من الهرب بعيدا عنه حتى لا أضعف وليكن ما حدث ذكرى مضت لا أكثر .
فوجدت نفسى أسرع بخطوات سريعة للخارج وأشعر أن عينيه لم تفارقنى وكأنها أسهم تصيب قلبى .
حتى أشرت إلى سائق تاكسي ليصلنى إلى المنزل فجلست فى السيارة مرتبكة وأكاد أجن من التفكير ولكى أقطع على نفسى ذاك الشعور أخذت ابحث عن هاتفى لأتصل بابنتى لعل كلامى معها يصرفنى عن التفكير به .
ولكن أخذت أبحث عن هاتفى فى حقيبتى ولكن للأسف لم أجده فأخرجت زفيرا غاضبا وقولت استغفر الله شكله نسيته فى أم المكان ده .
أعمل ايه دلوقتى معقول أرجع تانى ليه برجلى ده أنا مصدقت هربت منه .
بس إظاهر لازم أرجع ضروى عشان التليفون ولو كنت حافظة الأرقام اللى عليه كنت سبته والله المهم مشفهوش تانى وان كان على التليفون أجيب غيره .
لكن للأسف مش بعرف احفظ رقم حد وعليه أرقام مهمة وكدا لازم أرجع .
فقولت السواق معلش ممكن ترجعنى للمكان اللى اخدتنى منه عشان نسيت تليفونى ..
فأومأ لها السائق وعاد من حيث أتت وأخذت أنفاسها تتصارع مع كل خطوة تخطوها بداخل ذلك المكان مرة أخرى لتحبس أنفاسها عندما وجدته أمامها بطالته الرجولية الفارهة ويعلو وجه إبتسامة عذبة ويشير إلى بهاتفى الذى بين يديه .
فتقدمت منه على حرج فمد ذراعه بهاتفى وقال أتفضلى .
وبشكرك عشان نستيه عشان يكون ليه الحظ إن أشوفك تانى .
وياريت متكونش دى اخر مرة وأقدر أشوفك تانى .
فوجدت نفسى أخطف هاتفى منه وأهرب مرة أخرى من أمامه طفلة فزعة دون أن أتحدث فما عاد بمقدورى التحمل من محاصرته لى بكلامه المعسول .
وعدت إلى التاكسى مرة أخرى وعدت إلى البيت وألقيت بنفسى على الفراش وحاولت أن أنام لعل النوم ينسينى ما حدث ولكن هيهات وجدت نفسى أشرد فى