رواية رائعة للكاتبة رباب سيد الجزء التاسع
المحتويات
ان توافقي على استلام املاكك وتضعى صكك وتختميه بحبك ... فأنا عشقتك ولكنك لست ملكى ... فهل يكون للقدر رأى آخر
كانت ريم تبكى مع كل سطر هو لم ېكذب عليها بأنه يحبها ... هو أحبها من قبل ان يعرف اسمها ... لماذا ضيعت من الشهور وقت وانا انتظر ان أتأكد فيكفى نظرة من عينيه لتجعلنى اصدق ... فسمعت ..
أدهم بحبك ...
ريم انت كاتب الجواب ده ليا انا
اقترب منها وأمسك كلتا يديها بحبك ...
ريم أدهم .. انا
أدهم هششش ماتتكلميش ... والله انا بحبك ومش فارق معايا اى حاجه.... بحبك ياطفلتى ... ريم انتى روحى ... انتى دايما بتقوليلى ياعجوز ... بس العجوز ده ياصغنن ماعرفش يعشق قبلك ولا مسموح له يعشق بعدك
فأرتمت ريم فى احضانه ورفعت رأسها بحبك ياقدرى ...
فلم يستطع أدهم تمالك نفسه وقام بتقبيلها وتجاوبت معه ريما..
ريم أدهم احنا مش في بيتنا
أدهم بنص عين آمال من شويه كان ايه ..
ريم ما انت اخدتنى على خوانه..
أدهم طيب ماتيجى نطلع شقتنا ..
ريم ياسلام بسهولة كده .
أدهم نعم !!!آمال انتى عايزة ايه ..
ريم هو انت مش المفروض تتقدملى من اول وجديد .
أدهم بسيطة ... مسك أدهم يديها ... تقبلى تتحوزينى ...
ريم هفكر
أدهم انتى يابت.... اتلمى
ريم لا انت بتزعقلى ... مش موافقه ..
أدهم وحياة امك ...
فركضت ريم من أمامه ...
ريم لا انت سوفاج خالص خالص ... وانا حبيبى لازم يبقى كيوت
أدهم وهو يحاول اللحاق بها هوريكى دلوقتى
فدخلت حماتها انت يابنى بتجرى وراها ليه
ريم الحقينى ياماما ... عايز يضربنى ...
ام أدهم طيب خليه يقربلك ... كده
ريم حبيبتي ياماما ..
أدهم مابتسمعش الكلام ...
ام أدهم كنت عايز منها ايه ...
ريم ياماما ده زعقلى عشان فتحت كتاب ...
ام أدهم اصل هو مابيحبش حد ېلمس حاجته بس ديه مراتك يا اهبل عادى
ريم هههههههه حلوة اهبل ديه ...
أدهم عحبتك والله لهوريكى ...
فسمعوا جميعآ طرقات على المنزل وهمت ريم لتفتح
أدهم اصبرى هتفتحى ببيجامه كت ...
ريم ده آسر ..
أدهم ولو مش هو ..
ذهب أدهم وبالفعل كان آسر ... واول ما دخل
آسر ماما ... يامامى ...
ريم ايه ياحبيبى فيه ايه..
آسر بصى انا جعان وعندى واجب كتير اوي اوي ..
ريم طيب اطلع مع بابا غير وانزل اكون حهزت الاكل .
آسر لا تعالى انتى ... بابا مش هيعرف ..
ريم لا هيعرف ماتقلقش ..
آسر امرى لله يلا ياسى بابا ...
دخلت ريم وفرشت الغرفة وأخذت جواب حبيبهاولبست اسدال الصلاة وصعدت لتغير ملابسها ....
فقابلها زوجها ع السلم
أدهم طالعة ليه ...
ريم هاخد دش وأنزل
أدهم وهو يهمس فى اذنها آجى أساعدك
فأحمر وجه ريم كح كح ... أدهم انزل عشان انا طالبة سمك وتستلمه ...
أدهم انتى اللى خسرانة ...
ريم هههههه موافقة اخسر
_____________________
يجلس الجميع على السفرة والابتسامة تعلو على شفتيهم ...
ام أدهم مش عارفة حساكوا متغيرين..
أدهم للأحسن ولا للأوحش ...
ام أدهم لا للأحسن طبعآ ...
أدهم طيب الحمد لله ..
ريم ماما ما اتصلتيش باميرة
ام أدهم لا والله يابنتى ..
أدهم هى فين
ريم راحت عند واحده صاحبتها ودبستها فى ريم
أدهم طيب وهى ماقلتش ليه
ام أدهم تلاقيها نسيت ياحبيبى ..
أدهم ماشي ياحبيبتى وكلها شهر وهتروح بيتها وتتشال مسئوليتها ...
ام أدهم ده بالعكس هتزيد..
لم تسمع ريم مايقولون فذهب تفكيرها لموقفها مع عمرو حين ذهبت لتوصيل ياسمين وكان عقابها صفعه دون سابق إنذار....
أدهم ياروما رحتى فين .
ريم معاك ياحبيبى ...
أدهم يارب دائمآ ... انا شبعت الحمد لله ... ريم عايز اشرب شاى جامد وعايز انام ...
آسر وانا شبعت وعايز أذاكر عندى واجب كتير ..
ودخلت اميرة حماتى بتحبنى مع انها مېته
ريم اسمها السلام عليكم الأول ..
اميرة السلام عليكم الاول ... وامسكى بنتك مش هخدها معايا فى حته تانى ... مابطلتش زن... وشكلها عملتها ..
ريم طيب تعالى ياموزتى ... نغير ونستحمى وناكل
آسر طيب وانا والواجب ...
ريم طيب تعالى بقا نطلع ونذاكر فوق وانا بأكلها
أدهم وانا نسيتينى
ريم طيب حاضر ... هتشربوا هنا ولا فوق ..
ام أدهم بالراحة عليها شويه كل واحد عايز طلبه الأول ... هاتى ريم انا هحميها واكلها وانتى يازفته شوفى آسر عايز ايه ... وريم اعملى الشاى لجوزك .
أدهم والله ياحجه انتى بتفهمى ..
ريم ههههههه ... ياسلام
أدهم اه طبعآ مش انا من مسئولياتك ...
ريم احلى مسئوليه فى الدنيا
أدهم يحرك شفتيه بحبك ..
ريم بأبتسامه طيب قوم ساعدنى نشيل الاكل ...
أدهم انت تؤمر ...
اميرة وهى تفتح باب الشقة صحيح الزواج تهذيب وإصلاح ... ده انت عمرك ماشيلت كوباية ميه
أدهم هجليك ... اتلمى ...
اميرة وعلى ايه امشى احسن ..
أدهم لريم عاجبك كده ...
اقتربت منه ريم ومسحت بإصباعها على وجهه مش انت حبيبى يبقى سيبك منهم
أدهم طيب تعالى عايزك فى حاجة جوه
وشدها من يديها ... وأغلق باب الغرفة
وسندت ريم ظهرها على الباب انت عايز ايه ..
فحاوط ادهم ريم بذراعيه عاوز أتجوز
ريم هو سلق بيض ... مش لازم خطوبه
أدهم لأ انسى الكلام ده ... ده انا صابر بقالى كتيير
اوي .. وماصدقت قلبك حس بيا
ريم يعنى انت دلوقتى عايز ايه ...
أدهم اتجوز ...
ريم يعنى انت شايفنا فاضيين ... انت ناسى فرح اميرة
أدهم هو احنا هنحارب ...
ريم ياحبيبى مش لازم اكون مستعده ..
أدهم بس انا بحبك من غير استعداد
ريم فى داخلها تشعر بالخجل بالموافقة هكذا هى لا تعرف كيف توافق ولكنها تريد ان يجبرها أدهم بطريقة ما حبيبى خليها بعد فرح اميرة ... يكون عقلى كله معاك .
فأقترب منها أدهم وضم شفتيها من شفتيه
بحبك ... ومستعد استناكى العمر كله
ريم بحبك ...
فحملها أدهم ودار بها فى الغرفة ثم استلقى بها على السرير
أدهم روما ... ممكن طلب ...
ريم قول ياقلبى
فلعب انفه فى انفها ممكن تنامى جنبى من النهارده
ريم طيب آسر الوضع ده هيبقى غريب عليه ..
أدهم لو سأل نبقى نجاوبه ان ده الطبيعى وياستى بعد ماينام ابقى تعالى مش لازم وهو صاحي
ريم طيب وريما لسه صغيرة وبتنام جنبى ..
أدهم من بكرة نجيبلها سرير صغير .. نحطه عندنا
ريم اذا كان كده ماشي .. يلا بقا قوم
أدهم لأ خليكى فى حضنى شويه .. عارفة انى حاسس انى بحلم ... ربنا مرة واحده كده ادانى حلم كان نفسى احققه
ريم الولاد
أدهم لأ ... انتى ... طول عمرى نفسى قلبى يدق زى مابيدقلك ... ان قلبى بيتخطف اول ما بتبصيلى .. ان أفضل مشتاقلك طول الوقت وما اشبعش منك ... فاكرة لما بقولك ربنا بيسبب الأسباب ... كنت بقصد نفسى ... ان فجأة ربنا عوضنى باللى اتحرمت منه ...
احس أدهم ببلل فوجد ريم تبكى ايه ياقلبى
ريم ده انا اللى ماكنتش متخيلة ان عوض ربنا يكون عليا كبير كده ... انا لو لفيت الدنيا مش هلاقى قلب زى قلبك ... وانا ربنا رزقني بأم تكون حنينه عليا ...
أدهم انتى هتقوليلى ... ده بسببك بحس انى مش ابنها ..
ريم ربنا يخليها ليا
أدهم امين ... ريم
ريم نعم ...
أدهم هو بعد الكلام الحلو ده نفسك ما اتفتحتش اننا
متابعة القراءة
