رواية قصة سلمى الجزء الاول

رواية قصة سلمي الجزء الاول 
من الحلقة الاولى الى العاشرة 
قصه سلمى
الحلقه الاولى
_ الابطال _
سلمى _ واسم الدلع لومى بنوته رقيقه وطيبه جدا عندها 20 سنه وفى اخر سنه فى كلية الاداب قسمه اللغه الانجليزيه 
لينا _واسم الدلع لى صاحبة سلمى الانتيم من عيله غنيه جدا وزميلة سلمى فالكليه ورغم عليتها وغناها بس هى بنت بسيطه جدا وجدعه جدا 
ريهام _ اسم الدلع روما بنت جدعه جدا ولسعه جدا ومجنونه جدا بس طيبه كمان جدا جدا صاحبة سلمى من ايام الاعدادى وسلمى بتعتبرها اختها مش مجرد صاحبه ليها بس
محمود _ طالب فالثانويه العامه ذكى جدا ومتفوق جدا 
عصام _ ابن خالة سلمى مهندس وعنده 24 سنه لسه بيبداء حياته وطموحه عالى جدا وقريب جدا لسلمى وبيعتبرها اخته الصغيره وهى كمان بتحبه وبتحب تتكلم معاه وتسمع نصايحه ليها 
سامى _ اخو سلمى الكبير عنده 35 سنه متزوج وعشان فرق السن بينهم مش مرتبطين اوى ببعض ودايما سلمى پتخاف منه 
سامح _ اخو سلمى الصغير فى الثانويه العامه وقريب جدا منها ودايما بيحكلها على كل حاجه واصحاب جدا
وفى اشخاص كتير هنقابلهم فى القصه هنتعرف عليهم من خلال الحلقات
ونبدأ مع الحلقه الأولى _
مع بداية العام الدراسى الجديد كانت فى بنوته قاعده فى كافتريا كلية الاداب لوحدها و سرحانه وبتشخبط خطوط مش مفهومه فى الكشكول بتاعها 
وفجاءه تلاقى حد بيشد القلم من اديها وهى تبص بسرعه وراها بخضه
سلمى بخضه _ اييييييه
لينا _ لومى وحشتينى يا جزمه J
سلمى _ لى حرام عليكى خضتينى
لينا _ وحشه بدل متقوليلى وانتى كمان انا زحلانه بقى
سلمى بابتسامه _ خلاص متزعلشى بقى وانتى كمان وحشاااانى اوى اوى بقى
لينا _ بجد طب مانا عارفه
سلمى _ هههه ماشى يا لمضة فين اللسعه التانيه
لينا وهى بطلع موبيلها _ مش عارفه استنى هرن عليها
سلمى _ اوك
لينا _ كنسلت عليه اكيد جايه دلوقتى
سلمى وهى بتبص حواليها _ ههههههههه جايه اهيه هناك
البنتين كانو بيبصو على بنت جايه من بعيد بس باين عليها انها بتتخانق مع دبان وشها ومضايقه جدا
سلمى وهى بتبص للينا باستغراب _ هى ما لها 
لينا _ مش عارفه انا مكلمها الصبح وكانت عاديه
سلمى _ خير الله ما اجعله خير
شويه وجات ريهام وقاعدت جانبهم _ السلام عليكم
سلمى ولينا _ وعليكم السلام
سلمى _ مالك يا روما
ريهام _ مفيش بس مضايقه شويه
لينا بقلق _ من ايه بس احكى حصل ليه
ريهام _ اصل اصل
سلمى _ فى ايه يا ريهام متقلقيناش واتكلمى
ريهام _ اصل الدراسه بداءت وووو
وبعدين ضحكت وبصت على سلمى ولينا اللى وشهم بقى اصفر _ وهشوف الخلق دى كل يوم هههههههههه
لينا قامت من مكانها _ سبونى عليها والله لو مۏتها هنرتاح ونريح البشريه من جنانها
سلمى _ حرام عليكى يا روما خضتينى عليكى
ريهام _ ههههههههههههه احسن
لينا _ روما انا مش عاوزه اعرفك تانى
ريهام بتحدى _ متقدريش
سلمى _ يا سلام على التواضع
ريهام _ يا بنتى انا بجرى فى دمكو متقدروش تستغنو عنى
لينا _ وانا هصفى دمى عشان ارتاح منك ومن غلاستك
ريهام بدلع _ انا غلسه برده يا لى
لينا وهى بتسبلها _ لا طبعا ده انتى حبى
سلمى _ هههههههه اجبلكم اتنين لمون وشجره
ريهام _ هههههههه هتغيرى ولا ايه متخافوش الشرع محلل اربعه
سلمى _ هههههههه ده للراجل يا مجنونه
ريهام _ مانا رجالكم برده طب خالى كده اى حد يقرب منكو
لينا _ هههههههه طبعا يا روما بس هو فى راجل امور كده والله لو فيه لتجوزه دلوقتى
سلمى _ والله انا مصاحبه مجانين ياله يا فالحه انتى وهى عشان نجيب الجدول ونشوف علينا محاضرات ولا لاء
وقامو البنات وهم لسه بيغلسو ع بعض ويضحكو مع بعض
بعد كام يوم
كانت سلمى قاعده مع سامح بتشرحله درس مش فاهمه
سلمى _ ها بقى يا سيدى فهمت
سامح _ اه يا لومى فهمته اوى بجد انت شاطره اوى وبتسهلى المعلومه اوى
سلمى _ ومين يشهد للعروسه
سامح _ بجد بتكلم بجد انا مش هروح للمدرس الغبى اللى مش بفهم منه ده وانتى ادينى الانجليش
سلمى _ لا مش هينفع انا السنه دى صعبه اوى ومش فاضيه بجد وانت كمان ثانويه عامه ومينفعشى تعتمد عليه انا برده لسه مش خبره
سامح _ والله انتى بتشرحى احسن من المدرس اللى بياخد قد كده فالحصه يابنتى اسمعى كلامى ادى دروس وانا هجبلك كل اصحابى هخليكى مليونيره فى سنه
سلمى _ هههههههه وانا اسقط مش كده لا يا سيدى كفايه انت خليك انت مع المدرس بتاعك ولو فى حاجه مش فاهمه انا معاك اهوه اتفاقنا
سامح _ اوك بس انتى اللى خسرانه
ولسه بيتكلمو لقت سلمى تليفونها بيرن واسم روما عليه
سامح بفضول _ مين 
سلمى _ روما يا فضولى الو نعم عاوزه ايه
ريهام _ تصدقى انا اصلا غلطانه انى عبرتك
سلمى _ هههههههه بصراحه اه
سامح _ سلميلى عليها وقوليلها تعالى اغلس