بقلم زهرة عصام الجزء الثاني ١

حازم بدأ ياخد عليها و يحبها لحد ما في يوم ماهي جت ل حازم و قالت حازم إحنا بقالنا قد اية مع بعض 
حازم فترة مش قليلة يا ماهي لي بتسالي  
ماهي بلعت ريقها و قالت و الفترة دي محستنش بحاجة من نحيتي 
حازم امم انتي حسيتي
ماهي هزت رأسها بايجاب و قالت أيوة يا حازم أنا حبيتك حبيتك أوي كمان 
حازم بصلها و قال بابتسامة و أنا كمان حبيتك و كلمت ملك عليكي علفكرة
ماهي باستفهام ملك مين مش فاهمه  
حازم ملك مرات أخويا مالك
ماهي بحاجب مرفوع طب و تكلمها ليه عني انت مش راجل و تقدر تاخد قرار منك ل نفسك 
حازم بحزم بصي يا ماهي النقطة دي مخصوص مش عاوز فيها كلام عشان نكون كويسين مع بعض كله إلا ملك دي تعتبر أختي مش مرات أخويا
ماهي اه طبعا مفهوم بس برضوا لازم تحط حد لعلاقتك معاها أنا مقبلش على جوزي يتكلم مع بنات كدا سداح مداح
حتي لو كانت مرات أخوه
حازم بهدوء ممكن تغيري من أي حد إلا ملك و منه دول في حته تانية خالص و كل واحده ليها غلاوة خاصة عندي 
ماهي امممم تمام
حازم علفكرة لو ملك شافتك و حبتك اعتبري العيلة كلها حبتك 
ماهي لية يعني هي عامللهم عمل ما كل واحد ياخد الفكرة اللي تريحة على فكرة أنا هبتدي اضايق
حازم بحاجب مرفوع و اية اللى يضايق في كلامي ملك أنا بثق فيها فوق ما تتخيلي و أنا اللي حكيت ليها عنك
ماهي تمام يا حازم مع إني مش بقتنع بالكلام دا بس طلما هيريحك هعمله
حازم تمام ملك هجيبها بكرة على تتعرفوا على بعض
ماهي اللي أنت عاوزة يا حازم 
بااك
حازم بس و هو دا كل اللي حصل
ملك طب هي مكانتش عوزاني أشوفها ليه يا حازم
حازم معرفش يا ملك انتوا بنات زي بعض و تفهموا بعض لكن أنا معرفش أي حاجة من الحاجات دي
ملك خلاص تمام يا حازم أنا هشوفها بكره و أقولك رأي بكل صراحة أنت عارف إنك أخويا و مصلحتك تهمني
حازم هز رأسه و دي إن الموضوع يعدي على خير
تاني يوم ملك راحت مع حازم تشوف ماهي
ماهي هاي أنا ماهي
ملك في نفسها كملت دي بتقول هاي هاي و رحمة الله و بركاته يختي و بصتلها و قالت بابتسامة أهلا ماهي طبعا حازم قالك إني ملك 
ماهي أيوة طبعا
و قالي إنك حابة تتعرفي عليا 
ملك حست بنبرة غرور في صوتها فقال أنا يا بنتي دا محصلش دا حازم قالي تعالي شوفي ماهي يا لوكا يعني بمعني أصح جاية اعاين البضاعة 
ماهي پصدمة تعايني البضاعة لية شيفاني كراتين سكر و ملح قدامك !
ملك سيبك انتي من الحوار دا تعالي اقعد اتكلم معاكي شوية 
ملك قعدت مع ماهي على انفراد و حست أنها متكبرة أوي و مش هتعمر معاهم
ملك طب يا حبيبتي بعد إذنك بقي عشان الحق مالك الروح و سابتها و ماشية ماهي بصت عليها بغيظ و اتكلمت في التليفون و قالت تمم يا حلمي
ملك ماشية للبوابة فوقف قدامها حلمي و هو بيقول مساء الكريستال على عيونك يا جميل
ملك استغفر الله العظيم يا رب و بصتله و قالت شوف طريقك منين بدل ما يتعلم عليك دلوقتي
حلمي و مين بقي اللي هيعلم عليا عصفورة زيك 
ملك لوت شفايفها بغيظ و قالت العصفور سماعات يتنقر و تطير ف بالزوق كدا ابعد عن طريقي بدل ما تعرف مين ملك و جت تمشي و قف قدامها مشيت من الجه التانية وقف قدامها و مسك ايديها
ماهي واقفة مراقباهم و بتصورهم و بتضحك 
ملك رمت الشنطة على الأرض و قالت مبدهاش بقي و ضر بته تحت الحز ام و هي بتقول انا حذرتك و أنت مصر تطلع أجمل ما فيا و أنا الصراحة بحب اطلعة
حلمي كان پيتألم و ملك مسكتتش ضر بته في جنبه وقعته على الأرض و نزلت تضر ب على الأرض و هي بتزعق و بتقول بقي أنا ياض يا ابن الصر مة تقف
في طريقي و عاوز تمد إيدك عليا اية هي القوالب نامت وإلا اية اصحي يا ننوس عين أمك دا انا ملك اوعي تكون مفكرني عشان باللبس دا ابقي بنت هاي و مش
هقدر اعمل حاجة لا دا انا تربية حواري يلا و كملت ضر ب و شتيمة فيه 
الناس بدأت تتلم و ملك لاحظت بعد ما خر شمت حلمي ضر ب 
ملك عيطت بمسكنة و قالت كان بيتحمر ش بيا يا ناس و ملقتش حد يدافع عني فدافعت عن نفسي كلما مفيش راجل واقف يربية
الراجلة اللي واقفة الكلمة نقحت عليهم أوي و نزلوا فوق حلمي ضر ب اللي لقي بصوت زي النسوان و يقول الله يخربيت اللي كان السبب
حازم جه لقاهم بيضر بوه فراح ل ملك و قال واقفة عندك لية كدا يا ملك
ملك