بقلم زهرة عصام الجزء الثاني ٢

هزت رأسها من غير كلام و شاورت على بطنها
حازم انتبه ليها و لي إنها مش بتتكلم و منال قالت 
عاوزة تروحي الحمام  
ملوك هزت رأسها و بإيجاب و منال مسكت ايديها و جت تاخدنا الحمام شافت مالك إستخبت في منال و بقت ترجع لورا
منال أخدت بالها و بصت ل حازم اللي جري عليهم و شال ملوك و قالها 
تيجي حازم ياخد ملوك الحمام و يجيب ليها حاجة حلوة كتير 
ملوك بصت على مالك پخوف و حازم شالها و مشي بيها من قدامهم
مالك الصدمة غطت على لسانه عيونه دمعت و الموقف كان صعب عليه بنته خاېفة منه بغبائه ضيع كل حاجه من ايده بص ل وليد و قال بصوت مهزوز  
ظهري إتكسر يا وليد ملوك ملوك خاېفة مني بنتي مش حاسة بأمان معايا 
منال كملت بقسۏة 
بنتك مش بس خاېفه منك بنتك مبتنطقش يا بيه بنتك حالتها النفسية زفت و أخوك خدها بعيد عندك عشان متخافش و يأثر عليها اكتر 
سألتهم و مشيت ورا حازم 
وليد طبطب على كتف مالك و قال 
كل حاجة هتبقي تمام يا مالك متقلقش فترة و هتعدي و ملوك هترجع أحسن من الأول يومين بس يا مالك 
مالك دموعه نزلت لأول مرة من يوم ما عرف ملك و قال 
أنا اللي ضيعت كل حاجه من ايدي يا وليد بس مكنش بإيدي حاجة أعملها إتشحنت من السكرتيرة بنت الصرمة دي قبل ما أروح ليهم 
وليد عقد حواجبه و قالت 
إتشحنت ازي يعني مش فاهم 
مالك إتنهد و قال 
كنت رايح ل ملك بعد ما إتصلت بيا و عرفت إنها عملت کاړثة كالعادة
فلاش باك
مالك خارج من المكتب لكن إستوقفه كلام بعض الموظفين عن ملك فوقف يسمع من غير ما حد ياخد باله
زي ما بقولك كدا يا بنتي مراته سوقية أوي تربية حواري تخيلي بتضر ب أي حد و مش بتسيبه غير لما تغير خريطة وشه 
دا إيه المفترية دي و مستر مالك ساكت عليها ليه ما يطلقها و يشوف واحدة تليق بإسمه و مركزة
مش عارفه حقيقي متمسك بالمفترية دي ليه بس شوفتي الحظ يختي واحدة تربية شوارع متجوزة واحد زي مالك و متهنية بتشاور بس و كل طلبتها مجابة إنما إحنا محدش سائل فينا 
معاكي حق أنا فعلا مستغربة ازاي واحدة بطريقتها دي قدرت تسيطر على مالك دي متخل فه يا بنتي دا الحما ر بيفهم عنها 
البنت ضحكت و قالت 
عاملة نفسها بتفهم في كل حاجه و هي مبتفهمش حاجة واحد زي مالك محتاج واحدة تشرفه قدام الناس مش واحدة تعره كل يوم تضر ب حد و تعمل معاه مشكلة دا انا لو منه كنت زهقت 
مالك خرج ليهم و بصلهم و قال 
مشفش وشكم هما تاني مع توصية مني محدش يشغلكم عشان تبقوا تعرفوا تغلطوا في ملك هانم اللي مشغلاكم في شركتها و بتقبضكم في آخر الشهر
يا مستر مالك 
مالك بصلهم پحده و قال 
مسمعش نفس و دا آخر كلام عندي 
مشي كام خطوة و وقف في نص الشركة و قال بحدة
مراتي كرامتها من كرامتي و اللي يغلط فيها مجرد غلط هنس فه من على وش الدنيا عاوز تفضل شغال معايا بتقبض مرتب بيكفيك و زيادة يبقي بإحترامك لكن أي كلمة هتتقال في حق عيلتي مش هيحصل كويس إنتوا هنا عشان تشتغلوا مش تنموا على اللي بيأكلم عيش
ساهم و مشي و هو بيقول 
هي وصلت لكدا يا ملك بعمايلك لازم أشد عليكي شوية عن كدا 
باااك
و أول ما شوفت منظر مدرسة ملوك ركبني مېت عفريت و حصل اللي حصل
وليد بصله بإندهاش و قال 
تصدق ياض إنك محتاج قل مين يفوقوك 
مالك بصله باندهاش و قال 
نعم ! 
وليد رد عليه بغيظ و قال 
عشان إتكلموا عليها و إنت رديت اعتبارها و كرشتهم و إلا عشان المدرسة اللي بنتك قالت إنها بتشد شعرها تشوفه حقيقه وإلا باروكا مسالتش ملك ليه عن اللي حصل يا غبييي مش يمكن الزفته دي عملت حاجه ليهم و إنت عارف ملك مش بتسكت لحد 
طب إنت سالت المديرة اية اللى حصل طب شوفت الكاميرات  
مالك هز رأسه بالنفي و قال 
لا مجاش في بالي أنا أول ما شفت البت و وشها إتجننت مع كلام الزفته في الشركة مقدرتش
أمسك نفسي و طحت فيها هي و البت كان كان في غشاوة على عيني مكنتش لا شايف ولا عارف أنا بعمل إيه
أنا جرحت ملك أوي يا وليد و مش هتسامحني بسهولة
وليد بسخرية 
إنت مش هتعرف تتكلم معاها أصلا يا مالك طول ما منال مش راضية عنك 
مالك بص ليه بقله حيلة و وليد رفع كتافة دليل على أنه لا فائدة
حازم أخد ملوك على الحمام و منال حصلتهم و دخلت معاها
ملوك خرجت و هي ماسكة إيد منال و بتبص ل حازم ببراءة
منال بصت ليها و بصت ل حازم و قالت 
أنا مش هستني أكتر من