بقلم زهرة عصام الجزء الثاني ٢

يعني بتسربي الواد عشان تستفردي بيا
ملك بصتلة و شنجت و قالت استفرد بيك اه يخويا أنا كنت بس عاوزة أعرف مين العرسة اللي كانت بتتكلم جنبك في التليفون
مالك بعد عنها و قال
يخربيت رومانسيتك يا ملك و بعدين خدي هنا انتي مش بنتسي أي حاجة كدا
ملك بسخرية شوف يا حبيبي أنا ممكن أنسي اي حاجه انسي اسمي شخصيا الا أني انسي واحدة سلعوة كانت بتتكلم جنبك و أنا قفشتك
مالك اية قفشتك دي كنت قفشاني معاها في شقة مفروشة
ملك توه في الموضوع توه أنا مش هتكلم دلوقتي عشان عاوزة أنام و اعمل حسابك هاجي معاك الشركة بكرة مش هتختار سكرتيره ل حازم أنا اللي هاجي أختار و سابته و نامت بهدوم الخروج
مالك طب قومي غيري هدوك طب
ملك لا عشان ابقي جاهزة أول ما اصحي نمشي علطول و بطل رغي بقي انت بقيت لكاك كدا من أمتي 
ملك ضړب كف على كف و قال
لكاك مهو الاي يعيش معاكم في بيت واحد لازم يبقي لكاك يا روحي و غير هدومة لهدوم مريحة و نام جنبها بهدوء
رهف كانت بتاكل سندوتش ملفوف في جرنان و لفت انتباهها إعلان الشغل و عنوان الشركه ضحكت بأمل و قالت
يلا يمكن نفلح في حاجة
تاني يوم الصبح ملك صحيت بدري غيرت هدومها و صلت و نزلت تستني مالك تحت
ملك مهو هاجي معاك يعني هاجي معاك يا لوكا أنا مش برمي كلام و خلاص
حازم نازل يشرب قابل ملك في المطبخ بتدور على أكل
حازم انتي بتعملي اية عندك يا ملك
ملك هكون بعمل اية يعني يخويا المطبخ للجميع نازلة أفطر على ما تصحوا نفطر مع بعض
حازم بصلها پصدمة و قال
قصدك إنك هتفطري مرتين
ملك هزت راسها بنعم و قالت و هي بتخمس في وشة 
الحمل و عمايلة كل نص ساعة بجوع هو إبن الجزمة اللي جوه دا المفجوع مش انا خالص
حازم صادقة يا غالية صادقة مش هقطع عليكي خلوتك مع البانية هشرب و أطلع اغير هدومي عشان الشغل
ملك بلا مبالاة براحتك يخويا كدا كدا هنتقابل هناك عشان أختار ليك السكرتيرة
حازم فتح بقوه و قال ينهار منيل هتختارلي السكرتيرة الله أكبر راحت عليك خلاص يا حازم و ملك هتقوم بالواجب تالت و متلت سألها و طلع و هو بيضرب كف على كف و بيقول
ربنا إن شاء الله هيلهمني الصبر عشان مرتكبش جناية النهارده
ملك بقت تاكل بنهم و جوع شديد
مالك خلص لبس و نزل لقي ملك بتاكل و مش في بالها حاجة حاول يتسحب و يخرج من غير ما تحس ملك قالت و هي باصة في الطبق 
فكر تعملها يا مالك و شوف اية اللى هيحصل استني خمسة و جيالك
مالك حط ايده على وشة و قال
نفسي اعرف شافتني إزاي
أكلت باقي الطبق و قامت غسلت ايديها و راحت ليه و قالت
أنا جاهزة مع إني مفكرتش معاهم بس هنفطر في الشركة
مالك خدها و مشي و هو بيدعي اليوم يعدي على خير
حازم جهز و مشي وراهم بالعربية
مالك و ملك و صلوا و طلعوا و حازم وصل بعدهم و طالع وراهم خبط في رهف على باب الشركة
رهف مش تحاسب يسطا خد بالك في عالم عايشة معاك على الكوكب
حازم انتي مين يا بت انتي و إزاي تكلميني كدا انتي اټجننتي !
رهف انا انا اټجننت انا بت أنا دا كله شكرا مش عارفه أقولك اية على كمية المدح دا يسطا
حازم يا ربي انتي يا بت هبلة وإلا فيوزاتك ضاربة
رهف لا اسكوز مي بقي اية فيوزاتك ضاربة دي
حازم يعني هبلة عادي يعني
رهف بقولك ايه يا جدع أنت أنا واقفة ألطف و أقول يا بت مش قاصده
حظك إني مش فضيالك خدلك سكه بقي عشان أطلع أشوف فرقع لوز اللي راعب الكل دا
حازم پصدمة
الفصل الثاني عشر
بقلم زهرة عصام
رهف بقولك ايه يا جدع أنت أنا واقفة ألطف و أقول يا بت مش قاصده حظك إني مش فضيالك خدلك سكه بقي عشان أطلع أشوف فرقع لوز اللي راعب الكل دا
حازم پصدمة فرقع لوز أنا فرقع لوز دا أنت ليلة أبو كي مش فايتة النهارده
و دخل الشركة و هو متعصب جدا من كلامها
الموظفين كانوا أول مرة يشفوه بعد ما سافر و رجع و كانوا لسه هيسلموا عليه لكنهم اتراجعوا بمجرد ما شافوه متعصب أد اية
حازم دخل الاسانسير لقي رهف جوه و عمالة تدعي إنها تتقبل دخل و متكلمش ولا كلمة
رهف أول ما شافته برقت و قالت أنت كمان جاي تقدم على وظيفة
حازم مدهاش إهتمام و مردش عليها ف رهف اضايقت و قالت بصوت واطي
يخربيت الغرور يا أخي كتك نيلة و انت شبه الأتراك كدا
حازم سمع همسها و قال
هتعرفي أنا مين بس مش دلوقتي سلام يا قطة
رهف قطة بيقولي أنا قطة ماشي يا اللي معرفش اسمك اية اخرتك معايا هتبقي