بقلم زهرة عصام الجزء الثالث

قالت 
هتشوفي ايه اللي هيحصل دلوقتي
بصت حوليها لقت ملوك بتلعت في الألعاب بتاع مالك الصغيرة اللي جاية ليه هدية و مش شايلة هم حاجة كأنها منفصلة عن العالم
مشيت نحيتها و نزلت لمستواها و قالت 
ملوكة حبيبتي
ملوك بصت ليها ف ملك كملت ممكن تسمعي كلام مامي حبيبتك
ملوك هزت رأسها بايجاب و ملك كملت  
هتروحي تسلمي على بابي عشان هو جاي النهارده يصالح ملوك 
ملوك برقت و هزت رأسها بالنفي فملك أخدت نفس و قالت 
مش ملوك عارفه إن ملك بتحبها  
ملوك هزت رأسها بايجاب و ملك قالت 
و بابي كمان بيحبك أوي أوي أكتر من أي حد في الدنيا هو جاي يشوفك أصلا و يصالحك عشان خاطري تروحي تسلمي عليه 
ملوك هزت رأسها بايجاب ببراءة و ملك باست على رأسها و قالت 
يلا يا لوكا روحي جري هو واقف هناك 
ملوك هزت رأسها بايجاب و مشيت پخوف
مالك كان شايفهم و شايف موقف ملك و ضحك جواه و قال 
هي دي ملك اللي أنا أعرفها هي دي ملك أم قلب أبيض
بص ل ملوك اللي جاية نحيته پخوف و أخد نفس و قابلها لحد ما وصل عندها نزل لمستوها و قال  
وحشتيني اوي يا لوكا كدا تغيبي عني دا كله 
ملك بصت ليه ببراءة و مالك شالها و هو بيقول 
بابي بيحبك أكتر حد في الدنيا دي كلها حتي اكتر من نفسه أوعي تخافي منه تاني أو حتي تزعلي وانا وعد مش هزعلك تاني 
ملوك سمعت كلامه و إطمنت و قالت 
و ملوك بتحب مالك أوي أوي بس مالك وحش زعق ليها هي و ملك و ملوك تعبت كتير لما زعلها
مالك برق و بص ل ملك و بص ل ملوك تاني و قال 
إنتي بتتكلمي يا ملوك بجد رجعتي تتكلمي تاني دا أحلي خبر سمعته في حياتي كلها دا 
عيونه دمعت و ملك قلقت و قربت منهم فسمعت ملوك بتتكلم و تقول 
أيوة ملوك رجعت تتكلم تاني 
ملك وقفت مرة واحدة و ضحكت جامد جريت على مالك و أخدت منه ملوك بس حست أنها هتقع بيها فنزلتها على الأرض و نزلت معاها و قالت 
ملوك يا روحي انتي رجعتي تتكلمي تاني انتي أنا مش مصدقه نفسي الف حمد وشكر ليك يا رب ألف حمد وشكر ليك يا رب
مالك نزل لمستواهم و احتوى ملك اللي الفرحة طغت عليها و بقت ملك و ملوك 
الأمور كانت ماشية تمام لحد ما منال جت و قالت 
الله الله اية اللى أنا شيفاه دلوقتي دا قومي يا بنت الصرمة إنتي ناسية أنه مطلقك
ملك استوعبت الوضع و زقت مالك بعيد عنها و قامت وقفت و منال بصت ل مالك بغيظ و بصت ل روزيتا اللي كانت بتبص عليهم باستغراب و قالت 
أري وجوه جديدة في البيت لا و أجانب كمان
كأنها فكرت ملك باللي بيحصل وشها اتغير ١٨٠ درجة و ملوك قالت و هي بتشاور بصباعها على روزيتا 
مين دي يا بابي 
ملك ضحكت جواها و قالت 
والله العظيم بنت أمك يا ملك رد يا أستاذ رد 
مالك ضحك و شالها و قال 
دي صديقتي يا لوكا جاية تحضر سبوع مالك الصغير
ملوك بصت ل روزيتا و قالت 
بس إنت قولت ليا مينفعش اصاحب صبيان انت بتصاحب بنات لية بص ل منال و قالت 
كدا بابي ولد مش كويس صح يا تيتا
منال كانت متنحة و قال 
إنتي بتتكلمي يا ملوك خدي يا بت تعالي هنا و سيبك من الأعداء دول
ملوك نزلت و جريت على منال و مالك قال في نفسه 
بقيت ولد مش كويس و كمان من الأعداء
حازم قرب منهم هو و وليد و حازم ادي مالك الصغير ل مالك و قال 
إنت مش هتعرفنا وإلا اية
مالك بلا مبالاة دي روزيتا و دا حازم أخويا و دا وليد 
روزيتا بفرحه 
أنا مبسوط كتير إني شفتكم 
منه بغيظ  
و هتبقي مبسوطة اكتر لما ترجعي بلدك من غير شعر و ملامح. يعني  
وليد بص ل منه بتحذير و قال 
دي ضيفة عندنا 
و بص ل روزيتا بابتسامة عريضة و قال 
إحنا أسعد روزيتا
و سلم عليها لكن روزيتا استغلت الفرصة و باست وليد 
منه فتحت عنيها و بقها و قالت 
اللي انا شفته دا حقيقة وإلا بجد  
رهف بغيظ  
حقيقي يختي حقيقة
منه مشيت خطوة ف رهف مسكتها و قالت 
إنتي راحة فين إنتي لسة تعبانة 
منه تعبانة اية هو أنا هرتاح غير لما أزرق لها وشها و شفايفها اللي فرحانه بيها و عماله تبوس في اللي رايح و اللي جاي
رهف كانت لسة هتتكلم لكن حازم بص ل روزيتا و قال  
أنا حازم أخو مالك و وليد اللي انتي لسة مسلمة عليه دا 
روزيتا سلمت عليه بفرحه و قالت 
مبسوطه كتير إني تعرفت عليك خازم
حازم بهيام 
خازم خازم دي طالعة من بوقك زي العسل 
منال بصت ليهم بقرف و قالت 
شددهم الفتوشوب و السيلكون مش عارفين إن الطبيعي و المربرب أحلي و يكسب و على رأي الأستاذ نيكول سابق 
البلدي البلدي