بقلم زهرة عصام الجزء الثالث

مترجمين و مهندسين متمكنين و مش شرط الخبره نهائي كدا هتوفر مرتبات و هتاخد مجهود زيادة
الشباب الخرجين دلوقتي مش لاقيين شغل و قاعدين على القهاوي طب لية و حضرتك ممكن تشغلهم و هيبقي مرتب تلاتة منهم بمرتب واحد من مهندسين أجانب مع إن لو بصينا للموضوع هنلاقي إن إحنا نقدر ننتج زيهم بالظبط بالعكس هيبقي أعلي كفاءة المشكلة الوحيدة اللي هتقابلك هي الخبرة و دي ممكن يكتسبها معاك كدا لو كل الشركات وفرت فرص عمل للخريجين المصريين حتي لو بمرتب قليل في الأول و إنك تحمسهم إن اللي هيطور من نفسة هياخد زيادة في الراتب هيدوك تفكيرهم و طاقتهم 
المدير بص ل ملك بإعجاب و قال  
إنتي خريجه كلية الآداب قسم اللغة التركية و واخدة كورسات كتير فيها يعني متمكنة منها 
ملك بثقة دا غير الإنجلش يا فندم و الايطالي لأني بحبه 
المدير بإعجاب اكتر  
واحدة زيك بتفكيرك و الشهادات اللي وخدها دي مشتغلتش قبل كدا لية 
ملك إبتسمت و قالت ببرود  
نصيب يا فندم 
المدير هز رأسه و قال 
تمام حضرتك معانا تقدري تبدئي شغل من بكرة 
ملك بصت لية و قالت 
لا بكرة لا سبوع ابن أختي تقدر حضرتك تشرفنا و العنوان أهو
المدير هز رأسه بمجاملة و ملك خرجت من المكتب و قالت 
بوم تك بوم تك بدأت اللعبة و الشاطر اللي يسلم في الآخر يا مالك 
تاني يوم في الأسبوع الكل متجمع و رهف شايلة مالك الصغير فحازم قرب منها و قال 
عبال ما تشيلي ابننا
رهف لسة هترد عليه لقوا مالك داخل و معاه روزيتا فرهف فتحت بوقها و قالت 
البكيني الأحمر بذات نفسيه عندنا 

السادسبقلم زهرة عصام

تاني يوم في الأسبوع الكل متجمع و رهف شايلة مالك الصغير فحازم قرب منها و قال 
عبال ما تشيلي ابننا
رهف لسة هترد عليه لقوا مالك داخل و معاه روزيتا فرهف فتحت بوقها و قالت 
البكيني الأحمر بذات نفسيه عندنا  
حازم تنح لما شاف مالك داخل مع روزيتا فرهف شالت مالك الصغير بإيد واحدة و ضړبت حازم في بطنه بكوع اديها التانية 
حازم پألم قال 
والله ما شفت حاجة مهو طبيعي قدامك أهو
رهف بصت ليه بقرف 
رجالة ميملاش عينيها غير البكيني الأحمر
اديته مالك الصغير و هي بتقول 
خد يا بتاع البكيني يا فلاتي خد الواد هو دا تمامك أصلا تقعد بيه 
حازم قلب شفايفه و أخد الواد و قال في نفسه 
ربنا يسترها عليكي يا موزة كنتي طيبه و مش واحدة لا دول سته عشان رهف بتلاتة لوحدها 
رهف وقفت جنب ملك اللي متمالكة أعصابها جدا و بتضحك ببرود و بصت على روزيتا من فوق لتحت و قالت 
و دا من اية دا إن شاء الله مفيهاش أي شئ لافت خالص هما بس شوية العظم اللي مبيناهم
ملك بصت ل رهف و إبتسمت و قالت 
و إنتي مفكراني غيرانه من دي تؤ يا رهوفه أنا هفرقع من الغيرة هي أي نعم مش زوق مالك نهائي بس برضوا همووت
رهف ضحكت بسخرية عشان متلفتش الإنتباه و قالت 
يختي اتوكسي أومال أنا أعمل اية أيوة متبصليش كدا سي حازم البلوة اللي ربنا ابتلاني بيها أول ما لمحها تنح 
ملك ضحكت و قالت 
استني عشان شكل منه هتنضم لينا دلوقتي
رهف بصت عليها و وقفت مع ملك تتفرج
.....
منه قربت من وليد اللي بيبص ل روزيتا و متنح ضړبته في كتفه بس هو هشها زي الدبان 
منه برقت و قالت پغضب  
ما تروح تاخدها و تدخل بيها على أقرب أوضة يا أستاذ اية أيام الرمرمة وحشتك  
وليد بلع ريقة بصعوبة و قال 
اي اللي إنتي بتقوليه دا يا منه بس هو في حد غيرك في قلبي  
منه بغيظ  
الكلمتين اللي المفروض تثبتني بيهم خلاص بح خلصم تعرف يا وليد أنا غلطانة إن سبت بيت أمي بعد ما الناس تمشي عشان الڤضيحة بس هروح معاهم و ابقي روح يخويا اقعد مع أخواتك و البت الصفرا دي 
منه سابته و مشيت ل ملك و رهف اللي كانوا كاتمين الضحكة بالعافية على منظرها
منه بسخرية 
طلعيها يختي إنتي و هي لحسن يجرالكم حاجة
ملك ضحكت جامد و قالت 
خليكي زينا روحك طويلة متبقيش قفوشة أوي كدا و ضحكت تاني 
مالك كان مركز معاها أوي و سرح في ضحكتها و ڠصب عنه ابتسم عليها 
ملك لفت وشها فجأة لحد ما عيونهم اتقابلت و كان الزمن لوم و عتاب من كلا الطرفين للآخر لحد ما ملك حست أنها هتعيط بعدت نظرها عنه و بصت قدامها تستعيد نفسها 
روزيتا اتكلمت بفرحة و قالت 
مالك خبيبي روزيتا شكرا كتير عشان جبت روزيتا هنا أول مرة روزيتا تروح حفلة كتير حلوة 
ملك همست جواها بغيظ  
مالك خبيبي يختي حبك برص و عشرة خرس يا معفنه يا صفرا انتي 
منه ضحكت پشماتة و قالت 
دي بتقوله مالك حبيبي ملك يا روحي خلي روحك طويلة يختي متعمليش في نفسك كدا
ملك بصت ليها و رفعت حاجب و