رواية ابن ليل بقلم اميرة اسامة ج٢

بهدوء.
كرم......وبعدين جبتيه لروحك يا دره بلاش انا 
رجع ضحك تاني ولف ضهره وبص علي بلكونتها
كرم....يامرحب بيكي يابنت الجمال
وللحديث بقيه........
أبن_ليل
صاحبة_البطل_الواحد
أميره_اسامه
البارت الرابع عشر..
.........................
صباحا في منزل زكريا علي الفطار
بكر....مش بعاده يعني قايمين مظبطين نفسكم ورايحين الجامعه خير ده انتوا مش بتروحوا غير عالامتحانات 
محمد....ما تهدي بقي يا كور هي ناقصه تسخين
مها....قصدك بمين هي يا ولا
محمد....عاجبك كده اديك فكرتها
زكريا.....وماله لما يهتموا بدراستهم وجامعتهم سيبوهم
هيما.... فعلا الدراسه مهمه
هيما.....هو انا ليه ياولا انت وهو حاسه كده خير اللهم اجعله خير انكم مخبين عني حاجه
احمد....يعني هنخبي ايه يا مها
بس رايحين الجامعه عشان نحضروا محاضرات مهمه وبعدين انتي مبقاش يعجبك حاجه ليه يعني نقعدوا تقولوا هتضيعوا مستقبلكم نروحوا تقولوا وراكم حاجه
زكريا....هي امك كده طول عمرها مبيعجبهاش العجب وديما معترضه
مها....احيه عليا حتي انت يابا هتقف في صفهم عليا
زكريا....انا بنقول كلمه الحق
بصت نجوي علي كرم كان بياكل في هدوء لكن باين انه طبيعي
نجوي.....ساكت ليه يا كرم
كرم....بإبتسامه ابدا بنسمع الربع بتاع مها وعيالها اللي مبتحرمناش منه كل يوم
مها.....يلا ماهي كملت بعني مين هيقف في صفي
كرم....بضحك الله وانا قولت ايه بس نجيبلك الناهيه
مها....جيب يا اخويا
كرم.....عيالك مش سالكين بربع جني يا مها وشكلهم كده رايحين الجامعه عشان البنات
بخ هيما المايه من بوئه وضحك
كرم.....مش بنقولك اهو اللي بيداري عليهم ضحك يبقي معايا حق
محمد.....ايوه عليك يا جده ده بيقولوا الخال والد بتبيعنا لمها يا خال
مها....والنبي شكل كلامه صح يا صايع منك ليه وانت يا سوسه بتضحك ليه وعارف ايه انطق
هيما....بنقولك ايه خرجينا من حوارك انتي وعيالك انا في حالي وبعدين يعني هي لو فيها بنات كان زماني سايبهم وقاعد للشغل
كرم....وهو بياكل ومش باصصله انتي مضطر عشان الصنايعيه اللي بيخلصوا الدكان 
هيما....بضحك انا بنقول ننزلوا احسن كرم مش بخير يا عيال اختي هااا مش بخييييير
مها....بأبتسامه والنبي ما مخلي عيني في وسط راسي غير لمتكم علي بعض انتوا التلاته ومحدش فاهمكم قدي انا وكرم
كرم....عيب عليكي اخوكي فهمان
احمد...احممم طيب يا عم الفهمان نقوموا احنا بقي قيل ما تقلب عاركه ماشي يا خااال
محمد....بضحك انا معاك 
كرم.....مش بيقولك الجري نص الجدعنه
بكر.....وانا بنقول اخلعوا بسرعه قبل ما امكم تشغل ابو ورده وخالكم يعلي الڼار عن كده
هيما.....بنقول ايه يا عيال ابقوا احكولي عملتوا ايه هاااا
محمد....الله يحرقك 
مها....ماشي حدفوني لبعض انا مها ياولا منك ليه
زكريا....يلا يا ولاد عشان متتأخروش سيبكم من المخبوله دي
هيما.....انا كمان نازل رايح الدكان يلا سلام
نزل التلاته وسابوهم.
زكريا....يابت براحه علي عيالك دول بقوا رجاله
مها....وانا نطقت يابا 
زكريا.....كابسه علي مراوحهم ليه
مها....ماهو لازم كده عشان عيارهم ميفلتش كفايه عليهم ابوهم اللي مدلعهم
بكر.....والله انتي مفتريه انا مدلعهم
زكريا....وماله مش عيب ابوهم ولازم يتدلعوا علي حسه
بكر....مش حكايه دلع يابا بس زب ما قولت دول بقوا رجاله وطولي وبيني وبينك مها متوصيه بيهم هيبقي انا وهي لازم حد فينا يشد والتاني يرخي
مها....نعم يا اخويا ماهو انت اللي عايز تظهر علي طول ان انا البعبع اللي طول الوقت بيشخط وينطر
بكر.....منقصدش علي فكره بس انتي امهم مهما عملتي فيهم هيتقبلوا منك
مها....طب ما انت ابوهم يا اخويا وواجب عليهم يتقبلوا منك
بكر......الاب لازم يكون صاحب يا مها خصوصا لما ولادوا بكبروا ويبقوا شباب مش عايزهم يخافوا مني وعايز نبقي صاحب ليهم وعلي فكره انا مبنضايقش لما بتقفشي عليهم يعني حاجه كويسه انهم يخافوا من واحد فينا ويصاحبوا التاني
زكريا....جدع يابكر معاك حق الاب لازم يكون صاحب قبل ما يشخط وينطر
مها.....والام لازم تظهر هي البعبع يعني
زكريا....يابنتي مهما الام زعقت وعاقبت ولادها بيتقبلوا منها وعارفين ان كل ده من وراء قلبها الست بطبيعتها احن من الراجل علي عيالها وولادكم مبقوش عيال واكيد فاهمين ومقدرين ده بس ان ابوهم يصاحبهم في الوقت ده احسن بكتير من انه يبقي عامل زي الجلاد وقتها هيخافوا منه وهيعملوا الغلط من وراه ومش هيبقي في بينهم حوار
كرم....اهدي علي عيالك يا مها
مها....احيه علي مها وسنين مها وانتوا شايفني مسكالهم السلاح
كرم....لا بس ولادك طول الوقت تحت عينا ومحدش فيهم بيعمل حاجه غلط سيبيهم علي راحتهم ولازم تتأكدي ان سواء انا او ابوهم اللي مصاحبهم محدش فينا ممكن يسكتلهم علي الغلط يعني ندلعوا ونصاحبوا بس وقت الجد اكيد هيلاقوا وش تاني
نجوي.....معاهم حق يا مها ولادك طول الوقت معاهم في الدكان تحت وبعدين دول شباب سيبيهم يابنتي يعيشوا يومهم
مها....ماشي
يا امي اما نشوف اخرتها معاهم
بكر.....يلا بينا
كرم....يلا يا بكر .
رفاعي....خدوني معاكم يا ولاد يلا سلام عليكم
نجوي مها .....عليكم السلام.
..................
عند دره 
خلصت فطار هي والبنات بعد ما جهزوا كان بالنسبالهم يوم مهم وجديد في حياتهم هما هيبدأوا دراستهم في مكان جديد عليهم حرفيا وحتي بالنسبه لدره كانت اول مره هتجرب الشغل في مصر كانت مبسوطه لكن متوتره شويه خصوصا انها راجعه للطب بعد تلات سنين توقف عن العمل.
نزلت دره هي والبنات علي تحت وقرر تخبط علي نبيله وزكريا تشوفهم وتسلم عليهم قبل ما تمشي.
خبطت ثواني وحسن فتحلهم
حسن....صباح الفل
دره....صباح النور ايه جاهز انت كمان
حسن....اه قولت ننزل انهارده البنات شجعوني بقالي كتير مروحتش الجامعه تعالوا ادخلي كلهم جوه بيفطروا
دعاء....تعالي يا دره احنا هنا
دخلت دره هي والبنات
دره....بإبتسامه صباح الخير
الجميع.....صباح النور
زكريا....ايه مستعدين يا بنات
دارين.....ايوه يا جدو إن شاء الله
زكريا....بالتوفيق يارب
دانه.....بخبث صباح الخير يا تيته
بصتلها نبيله بطرف عينها وهي رافعه حاجبها
دانه....بضحك اقصد يا بلبله
نبيله....ايوه كده لاحقتي روحك صياح الخير يا اختي
دارين....صباح الخير يا خالو
بصلها عبدالله بسرعه ودي. كانت المره الاولي اللي حد في البنات يوجهلوا كلمه
ابتسم عبدالله بهدوء ....صباح الخير يا دارين فطرتوا
دارين....الحمد لله سبقناكم
ابتسمت دره بهدوء وسكتت.
طلع زكريا محفظه كبيره من جيب جلبابه وفضل يعد فلوس وبعدين مد ايده لدارين
زكريا....امسكي يا بنتي الفلوس دي ليكي انتي واخواتك
بصت دارين لدره وبعدين بصتله
دارين....ااا شكرا يا جدو بس احنا معانا
زكريا......حتي لو معاكم تاخدي مني
بصت دراين تاني لدره وبسرعه دره ابتسمت لدارين وهزت راسها
دارين....بابتسامه شكرا يا جدو
زكريا....تخلوا بالكم من بعض وخلوا بالكم من موبيلاتكم متقفلوهاش
دارين...حاضر قربت دارين منه بهدوء في خده
اتحرك قلب زكريا من مكانه وابتسم وبعدين طبطب علي ايدها
ديما....شكرا يا جدو قربت هي كمان وبعدها دانه
ابتسمت نبيله من غير ما تبين مقدرتش تنكر انها كانت مبسوطه وقلبها طاير من لمتهم وبأحفادها.
نبيله....احممم وانتي ايه جاهزه لشغلك
دره.....جاهزه يا امي وربنا معايا ان شاء الله
زكريا.....بالتوفيق ان شاء الله يبقي يومكم جميل
دره....يارب ايه يا حسن هنسبقك احنا
حسن....لا انا جاي اهو فطرت خلاص
دره....طيب يلا بينا
دعاء....خلي بالك من بنات عمتك ياولا
حسن....في عنيا يا دودو متقلقيش سلام يا جدي سلام يا ستي
نبيله....سلام يا اخويا
خرج البنات ووراهم حسن وقفت دره بعد ما خدت كام خطوه وبعدين بصتلهم بتوتر
دره....ادعولي
ابتسم زكريا بهدوء....ربنا معاكي ويوفقك يا دره
دعاء.....مالك متوتره كده ليه يومك هيبقي جميل مټخافيش
دره....يارب يلا سلام عليكم
الجميع....عليكم السلام
نبيله....في داخلها ربنا يوفقك يا دره يابنت بطني ويوقفلك ولاد الحلال ويحفظك انتي وبناتك من كل شړ
................
نزلت دره وراء حسن واول ما شافها جايه وراه وقف وبعدين ضحك
دره....بتضحك علي ايه يا ولا
حسن.... مقولتليش عملتي ايه مع الموز
دره....وطي صوتك يا خربيتك ايه ڤضيحه وايه مز دي مز في عينك وعينه
حسن.....شكلك معرفتيش تروحي وتيجي معاه قولنالك ومسمعيش الكلام
دره.....بنقولك ايه نقطنا بسكاتك ومتفكرنيش باللي عمله انا مصدقت نسيت 
حسن....أوباااا يعني غلبك 
دره.....هو نكشني ويستحمل بقي 
حسن.....ايوه كده رديها بنتنا متبيتش ليها طار
ضحكت دره وضړبته بخفه علي راسه
دره....انت بتسخني اكتر يا ولا
حسن....ايووووه يعني الحق عليا عايزاه يقول انه حط عليكي مش كفايه قال للبياعين ميبيعوش ليكي حاجه
دره....هي امك لاحقت تقولك
حسن.....طبعا هي دودو بتخبي عني بردو
دره....ومقالتلكش يا اخويا اني ردتهاله في وقتها ودفعته ډم قلبه
حسن....قالتلي مش ساهله انتي بردوا يا دره
دره....بضحك عيب عليك انا دره الجمال يا ولا
حسن....اموت انا
...............
خرج البنات ووراهم حسن ودره قدام البيت اول ما خرجت بصت دره علي كرم كان واقف ولسه بيفتحوا المحل
بصتله پغضب بصلها كرم ببرود وعلي وشه ابتسامه شماته خلت دره تولع في نفسها
وبعدين رفع كرم عينه بص لحسن اول ما حسن شافه بصله 
بسرعه عمل نفسه عبيط
وفي اتجاه اخر كان هيما واقف باصص علي دارين ومبتسم
بصتله دارين بقرف وبعدين ركبت علي طول
كل واحد فيهم كان في وادي وكل واحد حاسس انه ليه خصم
ركبت دره مع البنات و معاهم السواق
وركب حسن عربيته وخرج وراهم.
.......................
بص بكر علي كرم بطرف عينه وسكت وكرر الحركه اكتر من مره
كرم.... قول قول سامعك
بكر....نقول ايه
كرم....حاسس ان في كلمتين محشورين في زورك قولهم وارتاح بدل ما تشرق ما انا عارفك
بكر....ابدا والله بس بعد الكلام اللي دره قالتهولك المفروض تبقي مش طايقها بس اللي انا شايفه غير كده دي بتبصلك بصه
مرات الاب عملتلها ايه يا كيرو اعترف
كرم....بضحك مش انا يا اخويا اللي عملت مراتك
بكر....مها هببت ايه
كرم.....جابت البخاخه وشغلت المدافع علي غسيلها بالكلور
بكر....احيه بوظت الغسيل
كرم.....منقولكش علي احدث صايحه في الالوان
بكر.....وانت الحوار علي كيفك طبعا
كرم.....طبعا وساعدتها كمان 
بكر.....انت هتقولي فرصه وجاتلك عشان تحط فيها جون بعد ما ردتلك حوار البياعين وطبعا هي متعرفش ان مها اللي عملتها
كرم.....لا فكراني انا بس عادي هخاف منها
بكر.....هتردهالك 
كرم....ترد
بكر.....طيب خلينا بقي احنا قاعدين علي الدكه نعد مين فيكم هيجيب اجوان اكتر انتوا كده واحد واحد
كرم....تسد علينا هي بس الشبر ونص دي
بكر.....ايوووه عليك يا جدع انت واختك والله حرام عليكم
كرم...ايه صعبت عليك يا حنين
بكر....باللي بتعملوا ده أه بس كمان انا عارف دماغ دره هي كمان مش ساهله ومش هتسكت
كرم.....خلينا نجيبوا اخرها بت الجمال ونشوف نفسها طويل ولا لا
بكر....المهم نفسك انت يا صاحبي
كرم.....والله انا قعدت عشرين سنه ومفيش اطول من نفسي الدور والباقي عليها
بكر....طيب خد بالك من غسيلك بقي عشان اختك سوحتك انا بنقولك اهو
كرم.... طب تبقي تيجي جنب لبسي
والله نروحوا نحدفها هي وبناتها من البلكونه
بكر..... ولعت
.....................
اتصل حسن علي سماح وهو في عربيته
سماح...ايوه يا حسن
حسن....كنتي بتكنسلي ليه
سماح....مش قولنالك عندي محاضره بدري وهنسبقك
حسن....عارف بس فكرتك خلصتي
سماح....لا كنت في المحاضره بس خلصت خلاص ولسه خارجه انت فين
حسن....انا في الطريق اهو قربت عليكي
سماح.....تمام هستناك في الكاڤيتريا
حسن.....تمام يلا سلام
سماح.....سلام.
.....................
بعد وقت بسيط وصلوا علي الجامعه
دره......بنات خلوا بالكم من بعض عشان خاطري
دارين.....مالك يا مامي قلقانه ليه احنا مبقيناش صغيرين
دره....عارفه يا روحي بس كل حاجه جديده عليكم وخاېفه متعرفوش تتصرفوا
دانه.....متقلقيش يا مامي انا معاهم مش ديما تقولي ان انا الراجل بتاعكم
دره....بضحك طبعا عشان كده مش هوصي الكبيره عليكم هوصيكي انتي عليهم ديما تخلي بالك منها كويس كده كده انتوا مع بعض متغيبيش عنها وتفضلي تتعرفي علي زمايلك وخلي بالك منها لا تتعب
ديما....يا مامي انا كويسه والله ومش تعبانه وزي الفل وكمان علاجي معايا اطمني بقي وبلاش توترينا
دره....مش قصدي اوتركم والله بس انا كده استحملوني 
دارين....مټخافيش يا مامي والله كله هيبقي تمام
دره....إن شاء الله