رواية ابن ليل بقلم اميرة اسامة ج٢

الاطباق قعد عبدالله وزكريا يلبعوا طاوله
وقفت دره ودعاء ونبيله يظبطوا المطبخ ويعملوا شاي و يجهزوا الحلو
والبنات خرجوا قعدوا في البلكونه مع حسن كان واقف في السر جوه
دانه.....انت علي طول مستخبي كده
حسن....احيه علي الڤضيحه بقي ارفعي صوتك اكتر عشان ابويا وجدي لسه مسمعوش
دانه....انا ڤضيحه
حسن....انتي احيه عليكي ايه مش فاكره لما قولتي لدره حسن بيحب سماح
دانه....انا عملت كده
دارين...اللي عايز يفضح نفسه يقول سر لدانه
ديما....صحيح يا حسن انت ليه مش بتشرب قدامهم
حسن....ايووووه عيزاني نشربوا كده عادي قدامهم
ديما....وفيها ايه 
حسن....لا طبعا مينفعش منقدروش
ديما...ليه هما مش عارفين انك بتشرب
حسن.....لا هما عارفين اكيد وابويا علي طول يقفش الريحه و يذلني من تحت لتحت بس اني اشرب قدامهم مستحيل مش هنعرفوا
ديما.....طيب ليه انت مش صغير واكيد هما عارفين حاجه زي دي
حسن....يا بنتي ملهاش علاقه بصغير وكبير ليها علاقه بإحترام يعني صعبه اقف قدام ابويا ولا جدي
دانه....يعني هما عارفين وانت عارف انهم عارفين ومع ذلك مش عارف تشرب قدامهم
حسن....يابنتي مش هتفهموا بس هي احترام والله مش اكتر بصي هما عارفين اني لما بختفي بعد الاكل وبدخل علي البلكونه اني بشرب بس كمان منقدروش نبقي بجح 
ديما....اممم ماشي فهمت
دارين....صحيح هي سماح مجاتش ليه انهارده كمان اتصلنا عليها مكانتش بترد
حسن....سماح واخده دور برد ابن جزمه ومن الصبح بتقوم وترجع تنام
دارين....الف سلامه عليها احنا قلقنا لما مرضتش
دانه...بس هي امبارح كانت كويسه
حسن....صحيت الصبح عشان تنزل كان جسمها ۏاجعها فقالت
مش هتروح بعدها بشويه تعبت اكتر المهم صحيح خلينا فيكي
دارين...فيا انا
حسن....اه انتي كان مالك وطلعتي في الولا هيما كده ليه علي فكره ده صاحبي واللي يزعله نزعلوا
دارين....ايه بتهددني
حسن....منقدروش لا بجد كان مالك
دارين....مفيش والله بس كنت مخنوقه شويه وهو طلع قدامي وعصبني ومن الاخر هو ابن حلال ويستاهل
دانه...علي فكره بجد بعيدا عن الهزار كنتي قليله الذوق معاه بجد انا فكرت انه هياخد الموضوع بهزار زي كل مره بس المرادي انتي زودتيها وضايقتيه بجد
ديما.....ايوه بجد اضايقت عشانه وحسيت انه اتحرج
حسن...علي فكره هيما طيب ومحترم وبيحب الهزار يعني مش قاصد يرخم عليكي خدي بالك هو بينكشك عشان تتعودي علينا تاخدي علي الجو يعني هو معملش كده مع دانه وديما عشان هما ماشاء الله خدوا علي جونا بسرعه لكن انتي لا او بمعني اصح معاه هو بالذات لانك بتهزري معايا ومع محمد والولا احمد
دارين....مكنتش اقصد والله بس حقيقي كنت مضايقه وطلعته عليه بس يعني بيتهيألي انكم مأڤورنها شويه واكيد هو مضايقش يعني
حسن....بإبتسامه بسيطه هو مش صاحبي وحافظه اكتر من نفسي اسمعي مني هو بجد زعل وحسيت انه اتحرج قدامنا انا قولتله متزعلش واكيد حصل حاجه ضايقتها قالي مفيش حاجه والله بس انا عارف انه بيكدب
دارين...للدرجادي كنت قليله الذوق
دانه....اكتر شويه وانا لو مكانه معبركيش تاني ابدا
ديما....انا من رأيي أي وقت تشوفيه لازم تعتذريله علي طريقتك معاه انتي الكام مره اللي رخمتي عليه فيها كانت طريقتك عاديه بس انهارده انتي بجد طلعتي فيه طالعه مش حلوه وكنتي مټعصبه جدا فا طبيعي يحس ان ده مش عادي ويزعل
دارين.....طب اسكتوا بقي ضايقتوني والله انا أينعم مش بطيقه بس صعب عليا من كلامكم انا بجد مكنتش اقصد 
انا حقيقي كنت مخنوقه وهو اللي طلع قدامي.
حسن....يبقي تعملي زي ما ديما قالتلك اي وقت تشوفيه قوليله متزعلش وهو طيب هتلاقيه ضحك و كأن مفيش حاجه حصلت
دارين....ماشي تمام هعمل كده
دعاء...يلا يا بنات تعالوا الحلو وصل 
خرجوا كلهم قعدوا بره وشغل حسن فيلم ړعب وكل واحد فيهم كان ماسك طبق في حلويات شرقيه بسبوسه وكنافه وجلاش وعملتلهم دعاء فشار وحطت فاكهه وظبطوا السهره
خرجت نبيله بطبق كبير متغلف
نبيله.....ولا يا حسن تعالي روح عند خالتك نجوي وقولها بلبله بعتالكم طبق الحلو ده
حسن....نروح فين لا وربنا ما قايم من مكاني الجو برد وانا خلاص قعدت وبنتفرج علي الفيلم
عبدالله...هتروح هي يعني 
حسن...مليش فيه انا جسمي ريح خلاص وبعدين لو روحت مها مش هتحلني لا مش نازل
نبيله...ياولا انا قايله لنجوي هنعمل حلاوة الصلح ونبعتولها قوم عيب متصغرنيش
حسن....بنقولك ايه يا ستي انزلي من علي دماغي مش رايح يعني مش رايح
زكريا....ماتقوم ياولا واسمع الكلام
دعاء...نفسي تقول حاضر من مره واحده بدل المناهده دي
نبيله...تربيتك انتي والمحروس ابني
عبدالله...عاجبك اديك جبتلنا الكلام
حسن.....تقول اللي تقوله مش قايم يعني مش قايم بصي بصي يا ستي 
نبيله.....تتسخط زيه يا بعيد ياولا قوم
دارين....احممم هو ينفع اروح انا يا مامي 
حسن...اهو ده الكلام الحوارات دي بتاعت بنات انما راجل يروح ماسك طبق حلو ايه رايح أخطب
دره....تروحي فين لا طبعا انتي تعرفيهم اصلا.
دارين...عادي يا مامي وفيها أيه انا اتعرفت عليهم وبعدين نتعرف تاني ايه المشكله مش خلاص اتصالحتوا بيتهيألي حاجه كويسه ان انا اروح
دره....لا قولت متروحيش هناك لوحدك.
دانه....هروح معاها يا مامي
دره....قولت لأ
زكريا....سيبيها يادره يا بنتي تروح ايه المشكله مالك انتي خاېفه ولا ايه
نبيله....وتخاف ليه ده الباب قصاد الباب
دره.....عارفه ان البيت مش بعيد واكيد مش خاېفه يابابا بس
زكريا...بس ايه يابنتي في ايه
دره....معرفش
بقي يعني قلقانه مش اكتر متنساش ان الصلح بينا لسه حاصل امبارح
زكريا.....احنا مش قولنا بلاش نرجع نشك في بعض تاني
دره....مش شك والله يا بابا بس هما ميعرفوش البنات يمكن ميتقبلهمش يمكن يضايقهوهم بكلمه
نبيله.....كأن غربتك السنين دي كلها يا دره نستك العشره اللي كانت بينا
دره.....خالص يا امي بس كمان اللي حصل امبارح وخۏفي من يجرالهم حاجه مع كلامهم اللي قالوا قبل كده ملغبطني
عبدالله....مټخافيش يادره عليهم سيبيهم يا حبيبتي يروحوا خليهم يعرفوا الناس حواليهم خليهم يتعرفوا اكتر علي عادتنا وتقاليدنا وبعدين هتخافي من مين من نوجا ولا عم رفاعي اكيد مش هيأذوا البنات ولو علي كرم ومها انتي اكتر واحده عارفه انهم بيحبوكي وبيحبونا من قلبهم
دانه.....ومحمد واحمد احنا اتعرفنا عليهم وطلعوا زمايلنا في الجامعه يعني. مفيش حاجه تقلق يا مامي
حسن....وهو بياكل ايه هتوديهم ولا اقوم انا وامري لله
دعاء....بعد ايه يا طفس اترزع البنات هي اللي هتروح يلا يابنات خدوا الطبق من ستكم وروحوا مع بعض
دارين....ايه نروح يا مامي
سكتت دره ثواني وهي بتعض شفايفها
دره....امري لله روحوا ومتتأخروش
دارين....اوك
ديما....انا هاجي معاكم 
دارين.....يلا بينا
حسن...متتأخروش يا بنات الفيلم حلو اوي
دره.....ماشي يا حسن 
زكريا.....قوم يا خسران من قدامي
عبدالله....بضحك مش اوي كده ما انا علي طول بغلبك
زكريا....بس يا خسرااان يلا تعالي يا دره العبي معايا عشان اغلبك ولا نسيتي اللعب
بصتله دره وابتسمت انا العب
زكريا.....ايه نسيتي شكلك
دره....لا طبعا منستش بس بقالي زمن ملعبتش
زكريا.....طب يلا تعالي وريني شطارتك
دره....بلاش انا طول عمري بغلبك انت وعبدالله
زكريا.....والله الطاوله قدامك والجماهير قاعدين هيحكموا
دره....بحب تمام وسع يا عبدالله
عبدالله....الحق دي بتشمر كمها نويالك علي نيه 
زكريا.....لو تعرف تغلبني توريني نفسها
دره.....دودو بقولك ايه ما تعمليلي فنجان قهوه 
دعاء....من عنيا
عبدالله....قهوه كمان ربنا يستر عليك يا معلم 
دره....عيب عليك يا ولا مش اي حد زهر قالوا عليه حريف 
ضحكوا كلهم علي دره وبدأوا اللعب.
.......................
طلعت دارين واخواتها اول دور كان الباب مردود في صوت عالي وضحك
دارين....بصت لاخواتها انا مكسوفه
دانه....مكسوفه من ايه انتي كمان يلا خبطي احسن نتأخر و مامي تفكرهم خدونا راهين 
دارين....اصلا الباب مفتوح اخبط ازاي
ديما....اكيد مش هتزقي الباب و تدخلي رني الجرس 
دارين....طيب حد فيكم يرن بدل ما الطبق يقع مني
دانه....وسعي طيب رنت دانه الجرس وفضلوا التلاته واقفين في الجنب مع بعض.
نجوي....حد يفتح الباب يا ولاد
محمد....قوم يا احمد افتح
احمد....هو مفيش غير احمد ما تقوم انت
محمد.....هو انت لازم تقول لأ ما تخلص
بكر.....ماتقوم ياولا منك ليه حد فيكم يفتح
احمد....يقوم هو انا مش بواب
مها.....ماهو انا معرفتش نربي يا صرمه منك ليه وسع انت وهو اما نفتحوا
رفاعي.....انتوا قاعدين و أمكم بتفتح ليها حق تشد في شعرها منكم.
مها....عشان لما نكرشهم محدش يلومني
شدت مها الباب كانوا البنات واقفين يضحكوا واول ما شافوها سكتوا بسرعه 
مها....بإبتسامه ايه ده ايه المفجأه الحلوه دي
دارين....أزي حضرتك
مها....بخير يا
دارين....انا دارين ودي دانه ودي ديما
مها....اهلا بيكم نورتوا اكيد سمعتوا صوتي طبعا بس اعمل ايه ولادي هيجننوني
ضحكوا البنات وبعدين مدت دارين ايدها بالطبق
دارين....ااا تيته باعته ده ليكم 
مها.....تسلم ايدها بس هي عادي بتسمع تيته دي وتسكت
دارين....بضحك هو حضرتك عارفه موضوع بلبله ده
مها....طبعا إلا عرفاه وعلي فكره انا واخده كتير منها ومبنحبوش لا طنط ولا حضرتك انا مها وبس
دارين.....حاضر
مها....تعالوا يلا ادخلوا
دانه...ااا لا لا احنا جينا بس عشان نوصل الطبق
مها....كلام ايه ده تبقوا علي الباب ومتدخلوش دي حتي اول مره تيجوا هنا يلا تعالوا سلموا
بصوا البنات لبعض
مها....يلا تعالوا متبصوش لبعض
دخلت مها وهما دخلوا وراها.
محمد....مين يا مها اتخطفتي ولا ايه
مها....لسه فاكر تسأل يا صرمه
بص محمد علي
البنات 
مها....تعالوا يا بنات أتفضلوا
كلهم بصوا علي البنات ابتسمت نجوي ورفاعي وبكر رفع كرم عينه بهدوء وسكت اما هيما فا ابتسم ابتسامه بسيطه لكن مبصش علي دارين.
نجوي....اهلا ابه المفجأه الحلوه دي تعالوا يا بنات
رفاعي.....ماشاء الله ماشاء الله نورتوا الدنيا يا حبايبي.
مها....طبعا انتوا متعرفتوش علينا اوي دي تبقي امي نجوي بس بردوا كلما بنقولها نوجا
دانه....واضح ان مفيش حد بيحب الالقاب خالص
مها....لا مفيش
سلموا البنات علي نجوي خدتهم في بحب
مها....وده ابويا
دارين...اهلا بحضرتك 
رفاعي....اهلا بيكم يا بنتي
بكر....وانا بقي عمكم بكر ابقي اخو دعاء مرات خالكم
دانه....اه عرفنا حضرتك من احمد ومحمد
بكر....انتوا تعرفوا العيال دي اصلا
محمد...بصوت واطي منك لله
دانه....بضحك ااا احنا اتعرفنا في الجامعه حسن عرفنا عليهم
مها....مقولتوش يعني يا ولاد مها
محمد.....يعني يا مها مش حاجه مهمه اوي اصلا احنا مستطفناهمش
ضححوا كلهم علي محمد حتي البنات
محمد...اضحكي اضحكي 
دانه....بحسبهم عارفين اعمل ايه طيب
محمد....اربطي لسانك
احمد....وده هيما هو خالي بس مش اوي يعني اكيد شوفتوا 
دانه....اهلا يا هيما
ديما...هاي هيما
هيما.....بإبتسامه هز راسه اهلا يا بنات
بصتله دارين كانت مقرره تبتسم في وشه عشان تحسسه انها مكانتش تقصد بس مبصش في عينها ولا ثانيه وتجاهل وجودها تماما
مها.....وده بقي كرم أخويا
بصوله البنات برهبه بسيطه من نظرته واكتفوا بإبتسامه بسيطه
كرم.....بهدوء وأبتسامه هاديه وجميله نورتوا يابنات انتوا مين بقي عشان لسه مش عارف اساميكم كويس
بصوا البنات لبعض مش مصدقين انه ممكن يتكلم معاهم او يبتسم في وشهم او يكون بالهدوء والذوق ده مكانوش مصدقين ان كرم اللي شافوا بېهدد امهم واللي شافوا بيضرب الشابين في الشارع هو نفسه اللي قاعد امهم.
دارين....انا دارين الكبيره
دانه....انا دانه ديما....وانا ديما
محمد..متركزوش في الاسامي 
مها.....والنبي لسه هقول ايه الاسامي دي مع ان يعني اساميهم جميله زيهم
دانه....بلبله كانت بتقول علي اسامينا زي أسامي الدواء
نجوي....والنبي ليها حق بس بردوا اساميكم حلوه عاشت الاسامي
رفاعي...اقعدوا يابنات واقفين ليه
دارين...معلش يا
عمو بس مش عايزين نتأخر احنا بس جينا نوصل الطبق ده بلبله عملته مخصوص عشانكم
نجوي....تسلم ايدها بس بردوا مش هتمشوا قبل ما تشربوا حاجه هاتي عصير يا مها
ديما....مش عايزين نتأخر عشان مامي
نجوي....ملكوش دعوه بأمكم هي عارفه انكم هنا واكيد عارفه اني مش هسيبكم يلا اقعدوا
بكر....ما تقوم ياولا انت وهو
احمد....ما المكان واسع اهو
بكر....خليك مؤدب بلاش تتهزق
قدام البنات هيبقي شكلك وحش
احمد...لا وعلي ايه
محمد....فين حسن صحيح مجاش ليه
دارين....مش راضي بيتفرج علي فيلم واحنا جينا بداله
محمد...احسن بردوا 
بصلهم كرم بهدوء ووجه كلامه لدانه وديما
كرم.....انتوا توأم
دانه....بإبتسامه بسيطه ايوه انا اكبر بخمس دقايق
بكر....تصدق صح فيهم من بعض
محمد....بس مش شكل بعض اوي يعني
رفاعي....لا فيهم من بعض كتير فعلا
كرم....بتدرسوا ايه 
دارين...انا هندسه
دانه...انا وديما إداره أعمال
كرم.....براڤو وانتي هندسه ايه يا دارين 
دارين....انا هندسه معماريه
كرم....حلو اوي و ماشيه فيها كويس بقي
دارين....اه الحمد لله انا دخلتها بإرادتي
كرم....جميل ان الواحد يحقق حلمه بنفسه
دارين....هو في البدايه خالص كان حلمي اكون دكتوره زي مامي 
سكت كرم شويه وبعدين الاسم بهدوء
كرم....وليه معملتيش كده.
دارين....مع الدراسه حبيت المواد الرياضيه اكتر و اكتشفت يعني ان حلم الدكتور ده مجرد حلم طفوله مش اكتر بس انا حبيت الهندسه اكتر
كرم.....ودي اهم حاجه انكم بتحبيها عموما ربنا يوفقك فيها إن شاء الله
دارين....ميرسي يا ..
كرم...بإبتسامه كيرو تقدري تقولي كيرو زي ما الكل بيناديني.
دارين.....ميرسي يا كيرو
مها...اتفضلوا يابنات اشربوا
بصت دارين بطرف عينها علب هيما كان ساند ايده علي خده وأيده التانيه ماسك بيها الموبايل ورجله بيهزها شمال ويمين اتأكدت دارين انه فعلا زعل منها لان دي مش طبيعه هيما.
فضلوا يتكلموا معاهم ويتعرفوا عليهم وفضل كرم يتكلم مع البنات بطريقه جميله
وهاديه البنات كانوا مستغربينه لكن كانوا متجاوبين معاه.
قام هيما من جنبهم بهدوء دارين عينها كانت عليه لمحته فتح الباب ونزل.
عدت دقيقه وبصت دارين للبنات
دارين...يلا بابنات كده هنتأخر
نجوي....لسه بدري ده الباب قصاد الباب
دارين...معلش يا طنط خليها مره تانيه
رفاعي....سلموا علي جدكم
دانه...حاضر
نجوي....قولي لبلبله شكرا
دارين....حاضر هقولها
سلموا البنات عليهم قام كرم وقف بإحترام وهو مبتسم
كرم ...وصلوا البنات يا محمد انت واخوك
محمد....تمام يا كيرو .
خرجوا البنات ونزل معاهم محمد واحمد يوصلوهم
دانه....ايه زي حسن بردوا مش بتشرب قدام بباك
هيما...بإبتسامه جميله نعملوا ايه طيب أتعودنا علي كده
شافت دارين دانه وديما بيهزروا ويتكلموا مع محمد واحمد من هيما
دارين....هيما
بصلها هيما وابتسم إبتسامه بسيطه ايوه.
دارين....يعني مسلمتش عليا زي ما سلمت علي دانه وديما ولا اتكلمت معايا كلمه واحده وكمان نزلت وسبتنا ودي اول مره نيجي بيتكم ولا بتهزر زي ما كنت بتعمل واضح بقي انك زعلان مني بجد 
هيما....انا زعلان منك لا خالص ربنا ما يجيب زعل
دارين....انت متأكد يعني انت كده طبيعي وطريقتك عاديه انت حتي مش بتضحك زي ما اتعودت اشوفك
هيما....خالص انا زي الفل .
دارين....بصتله شويه وسكتت فصل هيما باصللها وهو بيشرب سيجارته من غير ما يتكلم ولا حتي يبتسم
اتوترت دارين من نظرته
دارين....ااا طيب اوك بس انا جيت هنا مخصوص مش عشان حسن مرضيش يجي عشان قولت انها فرصه لما حسيت اني ضايقتك حبيت اجي بنفسي واعتذرلك انا عارفه اني زودتها سويه بس مكنتش اقصد كنت مضايقه شويه وانت طلعت قدامي تهزر في وقت مش حلو فا ڠصب عني اتعصبت فا انا بعتذر متزعلش 
هيما....بهدوء قولتلك اني مزعلتش وربنا ما يجيب زعل وانتي كان معاكي حق انا فعلا زودتها و اديت نفسي الحق اني اخد عليكي اوي فا انا اللي بعتذر
دارين....انت مصمم بقي تفضل زعلان عشان اصالح فيك
هيما....بإبتسامه ولا مصمم ولا حاجه قولتلك حصل خير معلش انا مضطر اطلع عشان انام تصبحوا علي خير يا بنات
دانه..ديما....وانت من اهله باي يا هيما
هيما....بإبتسامه جميله باي يلا با صايع منك ليه سيبوهم يروحوا بص لدارين بصه سريعه وبعدين طلع وسابها
دارين.... يلا يا بنات اخلصوا.
محمد.....يلا باي يابنات
سلموا البنات عليهم وجريوا علي المدخل فضلوا واقفين لحد ما دخلوا وبعدين طلعوا هما كمان.
دانه....دارين صالحتي هيما
دارين....بني ادم قليل الذوق وانا غلطانه اني عبرته
ديما....قالك ايه
دارين طلعت ومردتش عليهم.
دخلوا علي الشقه بصت دره وراها وهي بتلعب
دره....كل ده بتعملوا ايه
دانه....طنط نوجا مرضيتش تخلينا نمشي غير لما نشرب عصير
نبيله....مش قولنالك 
ديما....بتقولك شكرا يا بلبله وعمو بيسلم علي حضرتك يا جدو
زكريا....الله يسلمه
كسبت دره زكريا في الطاوله
دره.....كسبتتت
عبدالله....اه يلا وريني فرحتك بقي يا معلم 
زكريا....بس يا ابن الكلب 
حسن....شوف جدي يا عيني زعل
دره...طول عمري يا ابني بنكسبه 
زكريا....بنسيبلك الدور عشان منزعلكيش
دره....متبقاش تخاف علي زعلي وفرجني هتكسب ازاي
زكريا.....بقي كده ماشي يا ست دره 
ابتسم زكريا بحب وكملوا قعدتهم مع بعض
دره من دارين بهمس.
دره.....عملتوا ايه هناك مها قالتلكم ايه وكرم قابلكم ازاي
دارين.....ولا حاجه كانوا لطاف جدا والله والكل رحب بينا وعلي فكره كرم كان غريب اوي
دره....عمل ايه
دارين....بالعكس معملش خالص كان لطيف اوي اتعرف علينا وعلي اسامينا وسألنا بندرس ايه سأل دانه وديما انتوا توأم فضل يتكلم معايا عن الدراسه حسيته غريب يعني مش ده الشخص اللي شوفناه اكتر من مره هنا وهو بيزعق وفي الشارع وهو پيتخانق حتي اسلوبه متغير أسلوب واحد متحضر وهادي وكمان مثقف بجد يعني بإختصار تحسي انه 
ابتسمت دره بهدوء وبعدين بصت قدامها وسرحت.
وللحديث بقيه......