رواية ابن ليل بقلم اميرة اسامة ج٢

و بتحاولي تربيها احسن تربيه عمري ما شوفتك ست شمال ولا شوفتك حد وحش يمكن مكنتش بنديكي وش عشان منعلقيش بيا اكتر بس انتي غاليه عليا يا سونهوبعدين ابتسم بهدوء وبصلها ويمكن كمان انتي اكتر حد كان ممكن يخليني نضحك في عز ۏجعي لما كنت نبقي مش طايق نفسي ونلاقيكي طالعه من الشباك ترخمي عليا وتقوليلي تعالي اشرب شي ولا قهوه كنت بنبقي عايز نطلعوا نكسروا راسك بس اول ما بختفي من قدامك بنضحك عارف انك طيبه يا سونه وعارف كمان ان العيب عمره ما كان فيكي العيب في الرجاله اللي انتي أتجوزتيهم ومقدروش يخلوكي تحبيهم ولا يكسبوا قلبك اللي مفيش منه
سونه.....انا لا عيزاهم يحبوني ولا يكسبوا قلبي انا عيزاك انت يا كرم حتي لو هنعيش العمر كله خدامه ليك 
كرم...متقوليش كده يا سونه انتي ست الستات وتتشالي علي الراس مش تحت الرجلين انا بس عايزك تفهميني يا سونه وبصي عشان منضايقكيش انا لا هقولك بنعتبرك زي اختي ولا زي امي بس انتي تستاهلي حد يحبك زي ما بتحبيه
سونه....مش عيزاهم يا كرم عيزاك انت
ليه مش قادر تحبني فيا ايه ناقص وانا نكمله 
كرم....قولتلك يا سونه انتي ست الستات العيب فيا انا مش فيكي انتي
سونه.....ليه مش قادر تديني فرصه دره قدرت تديك ايه انا مقدرتش اديهولك
كرم.....هتصدقيني لو قولتلك ان حتي دره ملهاش ذنب في اللي انا فيه اوعي تفكري يا سونه ان رفضي للجواز طول السنين دي عشان أتعقدت ولا عشان لسه بنحب دره كل الحكايه ان قلبي محبش تاني بعد دره مش هنكدبوا عليكي يمكن حياتي وقفت شويه بعد دره بس كمان محدش أجبرني نوقف حياتي انا كنت مرتاح كده ولازم تعرفي ان لو كنت اديت نفسي فرصه كان ممكن احب غيرها وكان زماني معايا عيال طولي بس حتي لو الكل شايف اني رافض الجواز عشان اللي حصل فا ده نصيب ومكتوب بمزاجي او ڠصب عني كنت هنفضل قاعد من غير جواز ومن غير حب فهماني يا سونه
سونه....فهماك بس جه الوقت اللي تدي. روحك فرصه يا كرم وانا بنقولك انا اهو موجوده وصدقني هشيلك جوه عيني وقلبي وهخليك اسعد راجل في الدنيا وعمري ما هنزعلوك
كرم....بتنهيده يا سونه افهميني انا مش رافضك ولا رافض الجواز عموما بس مش قادر
سونه....طيب خلاص اهدي وادي نفسك فرصه وفكر يا كرم وانا هنستناك تفكر بدل اليوم ألف يوم متردش الوقت يا كرم عشان خاطري خد وقتك طيب اقولك
ادي نفسك فرصه تعرفني اكتر احنا صحيح نعرفوا بعض من زمان بس عمرك ما عرفتني من جوايا واقولك كمان مش هنعرفوا اي مخلوق باتفاقنا انت بس حاول تعرفني من جوه يا كرم مش يمكن لو عرفت سونه واللي في قلبها ليك تحبني ربع الحب اللي بنحبهولك صدقني مش هنقولوا لاي حد خالص ووقت ما تحب تتكلم معايا هتلاقيني عايزني نقابلك ونقعدوا نتكلموا كأننا بنتعرفوا من جديد هجيلك متحرمنيش من الفرصه دي يا كرم وصدقني لو مقدرتش هنبعدوا عنك ومش هنضايقك تاني ابدا قولت ايه يا كرم
بصلها كرم وبعدين رفع راسه للسماء وهو بيخرج نفس طويل كله ۏجع وهم وخنقه وحزن
كرم.....مش عايز نوعدك بحاجه ممكن منقدرش عليها يا سونه ولا عايز نقل في نظرك
سونه...أوعدني ولو مقدرتش صدقني مش هنزعلوا و هتفضل في عيني سيد الرجاله
ابتسم كرم بحزن
كرم.....طيب يلا عشان اوصلك الوقت اتأخر بنتك زمانها قلقانه عليكي
سونه...بابتسامه من بين دموعها يعني وافقت يا كرم
كرم.....يلا يا سونه دمااااغنا
ضحكت سونه بحب لكرم وهو أبتسملها وراح معاها علي عربيته ورجعوا.
................
خبطت دره علي باب شقه نبيله فتحتلها دعاء .
دره.....مساء الخير يا دعاء
دعاء...بإستغراب مساء الفل انتي كويسه
دره...اه يا حييبتي بخير امال فين البنات
دعاء......طلعوا من شويه وقالوا عايزين يرتاحوا تعالي ادخلي
دره...لا خليني اطلع انا مش قادره
نبيله....مين يا دعاء
دعاء....دي دره يا بلبله
نبيله وبصت في عينها
نبيله....انتي معيطه
دره.....حاولت تمسك نفسها وابتسمت لا يا امي انا بخير بس مرهقه شويه كان في شغل كتير
دعاء....انتي مش قولتي هتتأخري
دره....ما انا فعلا اتأخرت بس كنت فاكره اني هنتأخر اكتر من كده عشان كده اتصلت بيكي. 
نبيله.....طيب ادخلي واقفه ليه علي الباب مش هتتعشي
دره بلعت ريقها بصعوبه كانت حابسه دموعها وحاسه ان في غصه في حلقها
لا يا حبيبتي انا شبعانه الحمد لله بس محتاجه انام وارتاح يلا تصبحوا علي خير
دعاء....وانتي من اهله
قفلت دعاء الباب وراها وبصت لنبيله
نبيله....البت دي معيطه
دعاء....ولا معيطه ولا حاجه يا بلبله هي بس تعبانه من الشغل
نبيله....وانا بنقولك بنتي معيطه مش هنتوه عن دره يا دعاء
دعاء.....هيكون فيها ايه بس عموما متشغليش روحك نسبوها ترتاح وانا بكره هعدي عليها قبل ما تنزل الشغل ونشوفها فيها ايه
نبيله......ماشي يا دعاء
دخلت نبيله و سابت دهاء واقفه جنب الباب تكلم نفسها
دعاء...فيكي ايه يا دره مين اللي معيطك بالشكل ده .
..................
وصل كرم قبل ما يدخل علي أول الشارع ركن وبص لسونه
كرم.....سونه يلا انزلي وانا هنستني شويه لحد ما تدخلي الشارع عشان محدش يشوفك معايا
سونه....وفيها ايه يعني لا هي اول مره حد يشوفني معاك
كرم....اكيد لا بس محدش متعود يشوفك في عربيتي يا سونه وانا مش عايز حد يلسن عليكي ولا انا ليا دماغ لأي عاركه
ابتسمت سونه بحب.
سونه.....ماشي يا كرم هننزلوا مش عايز حاجه
كرم...بابتسامه لا يا ستي شكرا
سونه.....طيب مش هتيجي نعزموك علي فنجان قهوه
كرم......عدي ليليتك يا سونه 
ضحكت سونه وعينها لمعت من الفرحه
سونه...عديتها يا سيد الرجاله تصبح علي خير
كرم....وانتي من اهل الخير.
نزلت سونه وهي حاسه انها طايره من علي الارض والفرحه مش سيعاها يمكن كرم كالعاده لا طمن قلبها ولا قطع علي نفسه وعد يربطهم ببعض لكن لاول مره تحس انه بيسمعها بجد ومضايق عشانها بجد وكمان مرفضش طلبها
سند كرم راسه علي الكرسي وغمض عينه بحزن خرجت منه تنهيده كلها ۏجع
وثواني و دور العربيه ودخل علي الشارع بتاعه ركن عربيته وطلع علي شقته علي طول.
............
اما عند دره اول ما طلعت سابت شنطتها ودخلت تبص علي البنات 
كانت دارين نايمه ودانه كمان وديما بتروح خلاص في النوم
غطتهم دره بهدوء
ديما.....مامي حضرتك لسه جايه
دره....ايوه يا روحي انتي واخواتك كويسين
ديما....الحمد لله 
دره....طيب يلا نامي عشان النوم ميروحش من عينك
ديما....تصبحي علي خير يا مامي
دره....وانتي من اهل الخير يا روحي باستها دره من راسها وخرجت وقفلت وراها الباب
دخلت دره خدت غيار من اوضتها وبعد كده دخلت تاخد دش عشان تفوق
وقفت دره تحت الدش غمضت عينها ودموعها كانت بتجري بۏجع
وفضل يمر قدام عينها شريط اسود 
كلام كرم ليها وكلام سونه مشاكلها مع نبيله وعبدالله والكل من وقت ما وصلت تهم وكلام يوجع بتحاول تعديها بضحك وهزار وسكوت لكن هي تعبانه بجد كل حاجه حصلت من يوسف ودينا بتمر قدامها قعدت
دره في البانيو وفضلت ټعيط بإنهيار وتحاول تكتم في صوتها عشان البنات ميسمعوهاش
ونفس الوضع كان عند كرم إحساسه بالخنقه كان بيكتم نفسه مش حاسس انه مرتاح كان عامل زي التايه اللي مش عارف يرسي علي بر كلام عبدالله ونبيله مش راضي يخرج من عقله مش عارف يسامح ولا يقسي مش عارف هو صح ولا غلط هو اتظلم من دره زي ما اتظلم من الكل ولا دره مكانش ليها ذنب غير انها مواجهتهوش مش عارف يزعل علي ۏجعها اللي حسه من كلامها مع سونه ولا يجي عليها اكتر مش قادر ينسي ليه رغم خۏفها منه مش قادر ينسي نبرة صوتها وهي بټعيط زي ما شافها في الحلم بنفس المنظر كان تعبان اوي وحاسس انه بيتخنق واللي زود خنقته ۏجع سونه اللي هو كمان ملهوش ذنب فيه بس مقدرش ينكر انه اتوجع عشانها هي كمان قام من مكانه وراح بص علي شباك دره كان النور مقفول والدنيا هاديه فضل كرم واقف اكتر من ساعه عينه علي بلكونتها ومش بيتحرك 
....................
في صباح يوم جديد صحيت دره قبل البنات بأكتر من ساعه وقررت انها تحاول علي قد ما تقدر انها تنزل قبل معاد شغلها عشان كرم ما يكونش لسه فتح وترجع متأخر عشان يكون قفل وتحاول متحتكش بيه ولا بأي حد حتي لو بنظره عشان ترتاح وتريحهم كلهم
صحيت دارين من النوم هي والبنات
دارين....صباح الخير يا بنات
دانه...صباح النور هي مامي لسه مصحيتش
دارين.....لا مامي مش موجوده اصلا انا صحيت لقتها محضره الفطار علي السفره وكاتبه ورقه انها نزلت كلمتها قالت عندها شغل كتير
دانه....هي لحقت دي جات متأخره
ديما.....مكانتش متأخره اوي انا شوفتها بليل لما وصلت اطمنت علينا ودخلت تنام
دارين.....انتوا معندكوش محاضرات انهارده صح
دانه....لا مفيش انتي هتنزلي
دارين....ايوه عندي محاضرتين مهمين
ديما......هتروحي مع السواق ولا حسن رايح معاكي
دارين....لا حسن مش رايح هروح مع السواق
ديما....طيب يلا نفطر عشان متتأخريش
دارين....اوك يلا .
.............
نزلت دارين علي تحت وقبل ما تركب سلمت علي جدها وعبدالله وحسن
عبدالله....هتعرفي تروحي لوحدك ولا نبعتوا حسن معاكي لحد ما تخلصي
دارين....لا يا خالوا متقلقش هعرف اكيد
زكريا....طيب خلي بالك من نفسك وانا هقول للسواق ميمشيش ويفضل مستني بره
دارين.....لا حرام انا هتأخر عندي محاضرتين طوال وفي ساعه وسطهم خليه يمشي ويجي قبل ما اخلص
عبدالله....لو احتاجتي حاجه كلمينا
دارين....بابتسامه حاضر يا خالو
حسن......انا موجود هاا لو عوزتيني هنجيلك هوا
دارين....شكرا يا ابو علي يلا باي
بصت دارين بطرف عينها علي هيما كان واقف مع الصنايعيه في المحل وعينه رايحه جايه عليها
دارين...
اما عند كرم فا عينه كانت علي المدخل مستني نزول دره لكن اول ما ركبت دارين
ومشيت عرف انها لسه منزلتش
اليوم كان بيمشي ببطئ فظيع علي كرم طول اليوم حاسس انه ڠصب عنه مهما يحاول يشغل نفسه عقله يرجعه للتفكير فيها كان عايز يعرف هي فين منزلتش ليه ولو نزلت ليه نزلت بدري كان مزاجه مش رايق رفع عينه علي بلكونه سونه لقاها واقفه وباصه عليه
اتنهد تنهيده طويله وبعد عينه وكمل شغله.
اليوم خلص ودره مرجعتش وهو مشفهاش فكر للحظه انها منزلتش اصلا قفل المحل وطلع.
رجعت دره بعد ما قفوا المحلات وطلعت علي فوق اتعشت معاهم كانت بتحاول تبان طبيعيه عشان محدش يلاحظ حاجه وبعدها طلعت علي شقتها
طلعت معاها دعاء عشان تعرف فيها ايه لكن مطلعتش منها بأي حاجه وقدرت دره تقنعها انها مرهقه من الشغل
ديما.....مامي في هدوم بتاعتي مش موجوده
دره....ايوه يا ديما غسلتها بس لسه عايزه تتنشر الوقت اقوم انشرها حاضر
ديما....طيب متنسيش عشان في حاجه محتاجاها من اللبس
دره....حاضر يا ديما
دعاء...خليكي مرتاحه انا هقوم انشر
دره....متتعبيش نفسك با دودو انا هنشر الوقت
دعاء....تعب ايه ما انا قاعده طول النهار خليكي قامت دعاء عشان تنشر
ومقدرتش دره تعترض هي في الاساس ارتاحت عشان متشوفش كرم خالص
خدت دعاء الغسيل وفتحت البلكونه