رواية ابن ليل بقلم اميرة اسامة ج٦

أبن_ليل
صاحبة_البطل_الواحد
أميره_اسامه
البارت الواحد و الخمسين 
تاني يوم صحيت سونه فطرت سماح وبعد كده قامت عشان تعمل الغداء ودخلت سماح تذاكر
خدت سونه موبايلها ودخلت المطبخ تكلم دره وحكيتلها اللي حصل في المكالمه.
دره......بإبتسامه واضح إن قلبك رد عليكي وقالك ردي علي الغلبان ده.
سونه....احيه عليا انتي ده وقت هزار
دره....ومين جاب سيرة الهزار مش ده اللي حصل
سونه......يابت بطلي وخدي الكلام جد قوليلي نعمل ايه
دره....ودي عايزه كلام روحي طبعا قابليه واديله فرصه يتكلم
سونه.....ده انا بنفكر نعتذرله ونقوله اي حاجه ومنروحش
دره....لا هتروحي يا سونه هتقعدي وتتكلمي معاه المقابله اللي فاتت انتي خدتي الكلام علي قلبك ومشيتي وانتي مټعصبه وهو مهما كان وضحلك وشرح مكنتيش هتسمعي انتي الوقت هديتي واكيد هتقدري تستوعبي الكلام بشكل أفضل 
سونه.....انتي شايفه كده
دره....والله بعيدا عن اللي شيفاه بيتهيألي لو انتي مش شايفه كده مكنتيش قولتيله تمام وادتيلوا كلمه وعايزه ترجعي فيها الوقت
سونه.....مش حكايه نرجع في كلامي بس مش عارفه يا دره متلغبطه وبعدين مكسوفه اوي حاسه اني عامله زي المراهقين وانا مليش في الشغل ده
دره....بضحك يا بت ادي روحك فرصه تبقي مراهقه بجد تحبي وتتحبي تدلعي وتتجني بلاش تاخدي كل حاجه في حياتي خبط لزق بقرار غلط ترجعي ټندمي عليه روحي علي المعاد يا سونه اجهزي وظبطي نفسك وحاولي تبقي راحه وانتي هاديه عشان تقدري تفهمي منه
سونه....طيب خلاص هنروح
دره....ايوه كده ربنا يهديكي خلصي معاه وكلميني
سونه....هنكلمك اكيد عشان نحكيلك اللي حصل.
دره.....سونه
سونه....نعم يا دره
دره....اتبسطي هاااا افرحي بالمشاعر الحلوه اللي هتطلع من الراجل ليكي عيشي اللحظه وسيبي قلبك هو اللي يحكم
سونه.....حاضر يا دره ربنا يخليكي ليا
دره.....ويخليكي ليا حبيبتي يلا مش هعطلك بقي وهستناكي تكلميني
سونه....حاضر يلا سلام
دره.....سلام.
اما عند دارين فا كانت في اوضتها اتصل عليها هيما.
هيما.....الوو
دارين....ايوه يا هيما
هيما.....عامله ايه انهارده طمنيني عليكي
دارين.....متقلقش احسن كتير
هيما.....طب يلا اديني التقرير
دارين.....تقرير ايه
هيما.....تقرير يومك عايز اعرف عملتي ايه من وقت ما صحيتي
دارين.....عملت زي ما قولتلي امبارح خدت شاور وخرجت صليت مامي كانت جهزتلنا ساندوتشات كلت وبعد كده دخلت اوضتي لاقيت مامي موزعه الشوكلت عالسرير زي ما قولت
هيما....بضحك والله دره دي عسل وبتسمع الكلام.
دارين.....نمت بعد ما بعتلك رساله علي طول لاني مكنتش قادره صحيت الصبح ظبطت نفسي صليت و فطرت وبعد كده قعدت علي المكتب بعد ما شيلت الكتب كلها طبعا وسيبت اللي هذاكره بس.
هيما....براڤو وبعدين.
دارين......فاضل تقريبا حجات بسيطه وابقي خلصت اول ماده الحمد لله.
هيما....طيب الاهم بقي ايه اخبار اللي ذاكرتيه
دارين....بإبتسامه لا الحمد لله فهمته جدا واللي كان مفروض احفظه حفظته وطبقت عليه اخلص بس الكام صفحه دول وابقي قفلت الماده دي خالص
هيما......طيب الحمد لله شوفتي بقي ان كان معايا حق الهدوء والتركيز وانك تبطلي عياط هيفرق معاكي
دارين......هو فعلا فرق بس والله با هيما كان ڠصب عني انت فاكرني بتدلع
هيما....لا يا روحي انا عارف والله انك مش بتدلعي وعلي فكره مكانش قصدي أشد وأتعصب عليكي امبارح بس مقدرتش نشوفك بټعيطي كده وبصراحه استفزتيني فا متزعليش مني
دارين....علي فكره انا مزعلتش منك والله وعارفه انك خاېف عليا ويمكن كلامك معايا فرق كتير في يومي انهارده
هيما.....وده اهم حاجه اللي عملتيه انهارده بقي تعمليه مع باقي المواد هتخلصي الكام ورقه اللي في ايدك دول وترتاحي شويه وبعد كده تمسكي الماده اللي بعدها خدي منها جزء بسيط وحتي لو حاسه انك متعبتيش بردوا افصلي ونامي بدري عشلن تصحي فايقه تقعدي علي باقي الماده تخلصيها كلها
دارين....اكيد هعمل كده متقلقش ربنا يخليك ليا يا هيما
هيما....ويخليكي ليا يا قلب هيما المهم عابزه اي حاجه اجيبلك شوكلت تاني
دارين....لا شوكلت ايه ده انت جايبلي شوكلت تكفيني سنه قدام
هيما.....خلصيها انتي بس وملكيش دعوه واي حاجه تحتاجيها قوليلي عليها ولو في اي ورق ناقصك عرفيني وهنروح نجيبهولك
دارين....بإبتسامه انت طيب اوي يا هيما بجد
هيما.....انا مش طيب قلب هيما كل الحكايه اني بحبك وعايز اشوفك احسن حد في الدنيا
دارين....وانا اوعدك اني هفرحك وهركز علي قد ما اقدر
هيما.....وانا مستني يا دارين اه وعلي فكره رأفتا بحالك يعني قررت نأجل باقي الطلبات بتاعتي لحد ما تخلصي امتحاناتك
دارين....بضحك انت لسه فاكر انا قولت انك نسيت
هيما....لااااا يا نصابه ناسي ايه ده انا فاكر بس هنديكي فرصه تخلصي بس ونرجع من تاني
دارين.....وانا
اخلص بس ووعد مني هنفذلك اي طلب يا سيدي من غير إعتراض
هيما....اوبااااا اي طلب انتي اللي قولتي
دارين....بإبتسامه اه اي طلب كفايه اللي انت بتعمله معايا يا هيما انا تعبتك وزهقتك ونكدت عليك واستحملتني ودي اقل حاجه اقدر اعملهالك
هيما....لا بنقولك ايه سيبك بقي من حكايه الطلبات دي خالص وسيبك من الهزار ده كله
انا لا تعبت ولا اضايقت منك ولا زهقت واني استحملك دي اقل حاجه اقدر اعملها لا ن ده واجبي انا عشانك مستعد اعمل اي حاجه يا دارين ومش مستني منك اي مقابل لان زي ما قولتلك ده واجب عليا فهمتي
دارين....بحب فهمت يا روحي
هيما.....يا ايه
دارين....بإبتسامه ياروحي
هيما.....والله انتي اللي روحي لا وبقينا نعيد الكلمه تاني عادي من غير اي تردد
دارين.....ايه رأيك في التطور ده
هيما....خليكي متطوره ديما كده 
بنقولك ايه يلا روحي كملي اخر كام صفحه انا فصلتك شويه اهو ارجعي بقي خلصيهم وارتاحي وكلي حاجه
دارين.....حاضر
هيما......بحبك يا احلي بنوته في الدنيا
دارين.....وانا بحبك اوي 
هيما....بسعاده سلام يا حبيبي.
دارين.....سلام
اتصل كرم علي دره يطمن عليها هي والبنات
دره....ايوه يا حبيبي
كرم....ايه الاخبار يا حبيبي
دره.....الحمد لله تمام
كرم....البنات عاملين ايه انت يا ابني صحصح معايا وخد مني اوزن دول.
ابتسمت دره علي طريقته بينسي خالص وهو في الشارع انه دكتور وبيتعامل علي انه جزار بجد.
كرم.....معاكي يا حبيبي
شاب من اللي شغالين انا وزنت يا معلم كرم نوزن دول كمان
كرم....اه اه اخلص متحرقش كتير اوزن كل اللي قدامك وانت يا محمود ارفع كده اللحمه زي الناس ايه تقيله عليك
دره.....بضحك ما براحه شويه ايه داخل خڼاقه
كرم.....نفسي والله بقالي كتير متعاركتش 
دره.....ټموت في اي عاركه انت
كرم....انا ده انا غلباااان
خرجت دره بهدوء البلكونه وهو بيكلمها لمحته من فوقساند الموبايل بكتفه وشغال بايده الاتنين ابتسمت بحب
كرم....انتي روحتي فين
دره.....معاك
بسرعه رفع كرم عينه لفوق وهو بيغمض نص عين عشان الشمس واول ما شافها ابتسم
كرم....اااااه وانا بنقول سكتي ليه بتراقبيني يا بت الجمال ادخلي جوه يا بت
دره......لا مش هندخل انا بتفرج علي حبيبي وهو بيشتغل
كرم.....عاجبك هااا
دره.....صراحه اوي بمۏت فيه وهو شغال قدامي كده
كرم......اممم هو ولا دكتور كرم
دره....صراحه انا لو بنشتغل دكتوره نفسيه هنشخص حالتك بالشيزوفرينيا انت ازاي قادر تفصل كده
كرم....سيبك مني الوقت بتحبي مين فيهم اكتر 
دره....انا بمۏت في الاتنين بس بصراحه
كرم.....امممم
دره......انا بڼموت في المعلم كرم
كرم.....والمعلم كرم بېموت فيكي و دكتور كرم بيعشق أمك
ضحكت دره علي كلامه.
دره.....اتلم بدل ما نقولها
كرم....وانا قولت حاجه غلط ما انا بنعشق امك بجد المهم
دره ......ها قول
كرم.....ايه اخبار البنات
دره.....اهم ربنا هاديهم كملت بضحك او يمكن بيعيطوا في اوضتهم كالعاده 
كرم....معلش واحده واحده عليهم انتي عارفه شدة الاعصاب بتاعت قبل الامتحان دي
دره.....والله يا كرم انا مش بضايقهم انا بس مضايقه عشانهم
كرم....وانتي تقدري تضايقيهم ولا ايه يا شبر ونص
دره.....لا والله ايه المحامي بتاعهم حضرتك
كرم....مش عاجبك ولا ايه دول بناتي يابت الجمال
ابتسمت دره بسعاده بناتك
كرم.....انتي بتسألي بجد يا دره اه بناتي اللي مخلفتهمش ولا يمكن اخلي حاجه تضايقهم او ت علهم طول ما انا عايش حتي لو انتي
دره......امال انا ايه بقي لما هما بناتك
كرم......انتي بنت قلبي بنتي الصغيره اللي بحب دلعها وكلامها وهزارها وعصبيتها وڠضبها وكل حاجه
دره .....بتحب كل ده 
كرم....لا انا بحب حجات اكتر من كده بكتير
دره.....بإبتسامه وايه اكتر حاجه بتحبها
كرم....بضحك اللهم أخزيك يا شيطان
دره.....بضحك انا قولت حاجه انت اللي دماغك شمال
كرم....يابت ده انتي مش سالكه بجني واحد
دره......طب بجد ايه اكتر حاجه بتحبها فيا
كرم......بجد عينك
دره....عيني
كرم....انتي معندكيش مرايات في بيتكم ولا ايه يابت دي عينك دي اللي جابتني ااااااه لو نحكيلك عاللي بتعمله فيا عينك
دره.....بتعمل ايه
كرم....بضحك لا انتي مصممه بقي شيطاني يحضر عموما هنبقي نقولك لما يتقفل علينا باب واحد
دره....ماشي يا قليل الادب
كرم.....بطلي رغي بقي وروحي اديني بناتي اطمن عليهم
دره....لا مش هديك حد ومش هتكلم غيري انا 
كرم.....يلا خلصي بنقولك
دره.....لا مش هتكلم حد غيري
كرم.....بحب يا بت بطلي دلع هنطلعلك هاتيهم وهنقفل معاكي انتي 
دره......ماشي اتفقنا.
راحت ادت الموبايل لدارين
دارين....ايوه يا كيرو
كرم....ايه يا قلبي طمنيني عليكي
دارين.....بخير والله الحمد لله
كرم ...بطلنا عياط خلاص
دارين....بإبتسامه اه خلاص بطلنا
كرم.....واحده واحده علي نفسك متضغطيش علي روحك كل ما نحسي انك مش قادره سيبي كل اللي في ايدك وكلميني بس هنقابلك
وناخدك نمشيكي علي البحر وانا واثق هترجعي تقطعي الكتب من كتر المذاكره
دارين....ربنا يخليك ليا يا احلي واحن كيرو في الدنيا
كرم....و يخيليكي ليا يا احلي بنوته في الدنيا مش محتاجه اي حاجه
دارين....لا والله سلامتك
كرم.....طيب يلا حبيبي مش هعطلك عشان متفصليش بس اي وقت تحتاجيني انا معاكي
دارين.....بسعاده حاضر اكيد هكلمك كرم
كرم......عيون كرم
دارين....انت عارف اني بحبك اوي صح
كرم.....اه عارف وانتي عارفه اني بحبك صح
دارين.....اه عارفه 
كرم....بإبتسامه يلا هطمن عليكي بليل
دارين....ماشي باي يا كيرو
كرم....باي يا قلب كيرو.
ابتسمت دره بحب ولعبت في شعر دارين وحدفتلها بوسه في الهواء وخرجت وسابتها راحت لدانه.
دره خبطت علي الباب.
دانه....ادخل.
فتحت دره وبصتلها دانه كيرو عايز يكلمك
دانه....طبعا هاتي الووو
كرم.....المجنونه بتاعتي عامله ايه
دانه....بضحك المجنونه بتاعتك كانت لسه بتتخانق مع الكتب
كرم....بضحك عارف والله ان عقلك مفوت بس المهم اخبار العقل المفوت في المذاكره ايه
دانه....والله طول ما انا بعيد عن دارين وديما بذاكر كويس جدا غير كده ببقي ناقص اقوم اقطع شراييني واخلص
كرم....بضحك بعد الشړ عنك يا قلبي خليكي بعيد عشان ميأثروش عليكي وسيبيهملي انا المهم انا كل حاجه ماشيه معاكي تمام صح
دانه....اه والله متقلقش الحمد لله انا مقفله اربع مواد وعلي فكره انا اشطر واحده فيهم هما لسه مقفلوش مادتين علي بعض
كرم..... اهو ده الكلام بنت دكتور كرم علي حق بنقولك ايه
دانه....بسعاده قول يا كيرو
كرم....انا مش هنقبل بتقدير اقل من جيد جدا إن مكانش إمتياز عشان مفيش غيرك هيمسك شغل التجاره بتاعي عايزك تبقي وحش في إداره الاعمال
دانه....والله لو بتتكلم جد انا موافقه ومش هجيب اقل من إمتياز يا كيرو
كرم.....يابت عيب هو كرم الرفاعي بيقول غير الجد والله يا دانه خلصي انتي بس ومش هخلي غيرك يمسك شغلي
دانه....خلاص اتفقنا
كرم....ماشي هنشوف المهم مش محتاجه اي حاجه
دانه.....خالص والله سلامتك
كرم....انا مش بنعزم عليكي علي فكره
دانه......وانا عارفه والله انا بس محتاجه حاجه واحده لما اخلص امتحانات.
كرم.....قولي ايه هي واعتبريها حصلت
دانه....امممممم بصراحه انا نفسي اروح ابن ليل واقضي يوم في البحر علي اللانش بتاعك ممكن
كرم....ممكن انتي بجد بتستأذني طيب خلصي انتي بس يا ستي وليكي عليا تاني يوم ما تخلصي انتي واخواتك هاخدك انتي واخواتك ودره ونقضي يوم عليه
وهعيشك احلي يوم في حياتك
دانه....امممم هو ينفع يعني

حد تاني يجي معانا
كرم ....بضحك اه ينفع انتي بس قولي عايزه مين وكل اللي عيزاهم هناخدهم اتفقنا
دانه....خلاص اتفقنا يا احلي كيرو
كرم.....يلا يا قلبي كملي مذاكره واي حاجه تحتاجيها كلميني علي طول
دانه.....حاضر يا كيرو ربنا يخليك ليا
كرم.....ويخليكي ليا يا قلبي يلا باي
دانه....باي.
دره.....ما لسه بدري اقعدي احكي معاه اكتر
دانه....بضحك بتغيري يا دودو
دره....بنت اتلمي ويلا كملي مذاكرتك 
خرجت دره وسابتها
كرم.....بضحك عيب عيب بتغيري من بنتك
دره.....اه عندك مانع كل ده رغي
كرم.....بحب واحد بيتكلم مع بناته انتي ايه اللي دخلك بس
دره....اما اشوفك يا ابن الرفاعي
كرم....طب يلا هاتي اخر العنقود بتاعي
دره....انا انا اخر العنقود بتاعك يا رخم
كرم.....بضحك طب خلاص انتي اول العنقود واخر العنقود ونص العنقود وهما احلي فروع طلعوا من العنقود مبسوطه كده هاتي ديما بدل ما نعلقك يا شبر ونص 
دره....ياباي طيب استني
خبطت دره ودخلت لقت ديما كانت قاعده باصه للكتب ومش طايقه نفسها بتنفخ و باصه للسقف.
دره.....اعووووذ بالله ايه هتعيطي لا والنبي لو هتعيطي قوليلي عشان نطفش ونخلص
ديما....بصتلها وهي الدموع في عينها لا مش هعيط انا كويسه
دره....امال ايه الدموع اللي في عينك دي
ديما....يا مامي انا كويسه والله
كرم....هاتيها طيب يا دره
دره....طيب امسكي كرم عايزك
مسكت ديما الموبايل بسرعه. حطته علي ودنها واول ما كلمته عيطت.
ديما.....بدموع كيرو انا تعبت والله
كرم.....بطلي عياط واسمعيني كويس
ديما....ايوه
كرم.....بطلي عياط الاول
ديما....حاضر خلاص قول
كرم....تسيبي اللي في ايدك الوقت وقومي البسي وانزليلي علي تحت
ديما.....بجد هنروح فين
كرم....ياستي ملكيش دعوه اعملي اللي بنقولك عليه عشر دقايق ونلاقيكي قدامي
ديما....بإبتسامه من وسط دموعها حاضر هلبس بسرعه خدي يا مامي.
دره....خدي يا مامي انت واخدها فين 
كرم.....بضحك يا ساتر علي الحشريه وانتي مالك واحد واخد بنته ونازل
دره....بضحكه غيظ كرم اتعدل بدل ما نروق عليك رايح فين بيها
كرم....ايه خاېفه نخطفها
دره....لا بس عايزه اتخطف انا كمان
كرم.....اااااه قولي كده
دره.....يعني هما يتدلعوا وهما اصلا اللي منكدين عليا
كرم....قولتلك بنات كرم الرفاعي يعملوا اللي هما عايزينه وعموما لو عايزه تيجي معانا تعالي انا هناخدها نمشيها شويه علي البحر
ونخليها تغير جو وتفصل
دره....طيب وشغلك
كرم....ما الكل موجود وبعدين الشغل مش هيطير يلا هتيجي
دره....بحب خرجت منها تنهيده طويله لا يا روحي اخرج انت وبنتك واتبسطوا سوا
كرم.....طب وانتي بجد مش عايزه
دره....اكيد عايزه اكون معاك بس خليها تنزل معاك لوحدها المرادي
كرم.....يعني مش زعلانه مش غيرانه هااا
دره....بإبتسامه انا اسعد واحده في الدنيا يا كرم
كرم.....ولسه هتبقي اسعد واحده في الدنيا بس ديما يا بنت قلبي بحبك يا دره والله العظيم
دره.....وانا بحبك اوي يا ابن الرفاعي يلا روح وانا هشوفها وانزلهالك
كرم....ماشي مستنيها 
دره.....مش هنقولك خلي بالك منها
كرم....لا قولي و وصيني عليها ماشيه مع ابن اخوكي
دره.....حسن هنقوله
كرم.....لا حسن حبيبي يا فتانه يلا يابت امشي.
دره....سلام يا عمري
كرم.....سلام يا قلب كرم
دقايق بسيطه ولبست ديما بسرعه بنطلون چينس علي تيشرت نص كوم ورفعت شعرها علي شكل كحكه ولبست الجزمه بسرعه
دره....بضحك يابت في ايه مالك بتلبسي بسرعه كده ليه انتي عامله زي اللي عمره ما خرج
ديما.....بضحك بصراحه بقي يا مامي انتي هتتجوزي واحد عليه قلبه ټرعب مع اني بحبه اخاڤ اتأخر عليه يمشي ويسيبني 
دره.....هيمشي ويروح فين هو اصلا اللي جاي معاكي
بصتلها ديما ورفعت عينها لفوق
ديما......جاي معايا فين انا مقولتلهوش تعالي معايا هو اللي قالي
دره.....بت بلاش غباء قال وعايزه تحفظ وتذاكر أقصد يعني هو اللي خارج عشانك فا لو منزلتيش هو مش هيروح هيكمل شغل
ديما....يعني هو هيسيب الشغل عشاني لا حرام خلاص
دره....مش وقت أحساس اخلصي بدل ما يعمل زي ما قولتي ويطلع يحدفني انا وانتي من البلكونه
ديما.....بضحك ايوه صح
دره....ما شاء الله نسينا العياط وبنضحك كمان
ديما.....انا نسيت العياط والمذاكره والخنقه وكل حاجه ده كيرو يا مامي عارفه يعني ايه اخرج مع كيرو
دره....ابتسمت بحزن يعني ايه يا ديما
ديما....بإبتسامه وعيون بتلمع يعني الامان يا مامي يعني احلي هديه ربنا بعتهالي انا واخواتي ودي اول مره هخرج معاه ونفسي اجرب أحساس الخروج مع بابي الجديد
دره....أبتسمت بۏجع وضمتها وباست راسها بحب طب يلا بقي انزلي عشان بابي الجديد ده بلطجي ولو أتأخرتي عليه انا قولتلك هيعمل فينا ايه
ديما.....بضحك هقوله
دره....پصدمه لا اوعي ھقتلك
ديما....وهي بتجري مش هتقدري وهقوله
دره.....بت... انتي يا جزمه ديمااااا يا بنت اللذينه طب تعالي خدي چاكت هتبردي الجو لسه مش حر
نزلت ومردتش عليها
دره... سكتت ثواني وهي بتفكر احييييه يارب ما تقوله
قفلت بسرعه وجريت علي البلكونه تشوفهم.
نزلت ديما جري وهي بتضحك في الوقت ده كرم كان قال لزكريا انه هيتمشي مع ديما شويه زكريا مكانش حابب انه يستأذنه وخلاص بعتبر انه ليه حق فيهم بس كل شويه كرم كان بيكبر في عينه.
فضل كرم واقف مع عبدالله وحسن لمح ديما نازله تجري علي السلم ومبتسمه.
كرم.....بلهفه أب خاف علي قلبها ديماااا بتجري كده ليه براحه
ديما.....بهرب من مامي
كرم....طلوع السلم ونزوله يكون براحه يا ديما كده غلط
ديما....متخافش علي قلبي هو كويس اوي 
كرم.....معلش نخلي بالنا بردوا اتفقنا
ديما.....حاضر
كرم.....سلام يابا سلام يا عبدالله
عبدالله....سلام يا كيرو مين قدك يا دمدوم
ديما.....بضحك مفيش يا خالوا باي يا جدو باي يا حسن.
حسن....باي.
زكريا....سلام يا حبيبتي
بص كرم لفوق لمح دره واقفه مبتسمه وباصه عليهم بسعاده ابتسم ونزل عينه وكمل طريقه.
كرم.....قوليلي بقي كنتي بتهربي من مامي ليه عملتي مصېبه صح
ديما.... لا بس قولتلها اني هفتن عليها ليك
كرم.....اوباااااا عملت ايه قولي قولي
ديما.....هقولك بس اوعي تقولها احسن تحدفني من فوق
كرم.....متقدرش قولي يلا
ديما.....بضحك هي اللي قالت مش انا بتقول عليك بلطجي
كرم....برفعه حاجب اييييه انا ليه
ديما.....بقولها نفسي اجرب الخروج لاول مره مع كرم بأعتبارك يعني بقيت بابي الجديد قالتلي طيب يلا اخلصي عشان بابي الجديد بلطجي وهيطلع يحدفنا من فوق
كرم....بضحك ماشي يا دره ما انا بردوا هستني ايه من شبر ونص لما نرجعلها.
ديما.....هو احنا مش هنركب عربيتك صح
كرم.....لا هنتمشي لو عيزاها ومش حابه تمشي ارجع اجيبها
ديما....لا لا مش عايزه كده احسن.
كرم....ماشي يا ستي خرج بيها علي اول الشارع مسك أيدها عشان يعدوا الشارع.
ابتسمت ديما وبصتله زهو مش باصص ديما كانت مبسوطه وكل حاجه بيعملها شايفه فيها حنيه الاب
عدوا مع بعض وهي بصاله ووشها مش مبطل يبتسم
فضلوا يمشوا شويه حلوين لحد ما وصلوا علي الكورنيش قدام البحر المنظر كان جميل
كرم....تقعدي هنا قدام البحر
ديما....اه ماشي هو ينفع اقعد هنا 
كرم....عالسور ماشي بس خدي بالك هاتي
أيدك واطلعي
مسكت ديما في ايده وطلعت قعدت كانت عامله زي الطفله بجد وكل حاجه او حركه او كلمه كانت بتقولها او تعملها علي قد ما كرم كان بيتبسط بيها علي قد ما كانت بتوجع قلبه هو بيحبها وبيحسها بنته بجد و مشاعرها اللي كانت ظاهره عليها بتأكد قد ايه هي مفتقده الاب.
كرم.....بصي ربعي رجلك بقي عشان توزني نفسك كده
ديما....بأبتسامه واسعه ماشي 
ابتسم كرم بحب لديما
كرم....بصي انا هنا جمبك دقيقه بس ونرجعلك
ديما...اوعي تمشي وتسيبني يا كيرو
كرم.....هسيبك واروح غين انا جاي
ديما.....ماشي
مشي كرم كام خطوه كان في كذا عربيه علي الرصيف واقف عليهم شباب اللي بيبيع فشار واللي بيبيع ترمس واللي غزل البنات واللي زلابيه أشتري كذا حاجه وكل ما يشتري حاجه يروح يحطها جنبها علي السور وهي تضحك لحد ما جاب من كل اللي واقف
ديما....بضحك ايه كل ده ده كتير اوي
كرم.....اللي يعجبك كلي منه المهم سكرك ايه
ديما.....يعني ايه سكرك ايه انا معنديش السكر
كرم.....بضحك حط ايده علي وشه لا منقصدش كده بعد الشړ عليكي انا اقصد بتحبي سكر قد ايه علي النسكافيه
ديما.....معلقه بس ده هتجيبه منين
كرم....شايفه الشاب اللي واقف هناك فاتح شنطه العربيه ده.
ديما....اه شيفاه
كرم....اهي شنطه العربيه دي بيعمل فيها شاي ونسكافيه وقهوه يعني تقدري تقولي انه زي الكوفي
كورنر بقي بس متنقل
ديما.....الله دي فكره حلوه اوي
كرم....لا متنبهريش اوي كده احنا شعب ملهوش كتالوج اللي بيفكر فيه بيقوم ينفذه الصبح 
ضحكت ديما علي كلام كرم.
غاب ثواني ورجع معاه نسكافيه ليها وقهوه ليه.
كرم....النسكافيه بتاعك يا ستي بس خدي بالك عشان سخن
ديما...طيب احطه فين مفيش مكان
كرم....طب هاتي كده خليه جنبي انا لحد ما يبرد
ديما.....طيب انت مش هتقعد
كرم.....ياسلام هقعد طبعا
ديما.....هتعرف تنط
كرم....برفعه حاجب يابت عيب عليكي انا متربي عالرصيف ده
ديما....بضحك طيب اطلع براحه.
نط كرم في ثواني وكان قاعد قصادها
كرم ....ايه رأيك بقي يا ستي في المكان ده
ديما....حلو اوي وشكل البحر جميل علي فكره فاكر يوم ما مامي اتخانقت مع دانه وانت روحت معاها
كرم.....اه فاكر
ديما.....احنا دخلنا هنا جوه بعد ما سيبتونا ومشينا ونطيت السور ده
كرم.....الله يخربيتهم نططوكم ازاي دول دي مسافه
ديما....بضحك لا مش كبيره اوي عرفنا متقلقش علينا
كرم.....بقيتوا اسكندرانيه يعني خلاص وجامدين
ديما.....لا مش اوي كده لسه شويه علينا
كرم.....صحيح انتي واخواتك بتعرفوا تعوموا ولا لا
ديما.....عادي يعني مش اوي الڤيلا بتاعتنا كان فيها بول
كرم....لا هو عوم البول زي عوم البحر انا نقصد البحر
ديما....لا عمرنا ما نزلنا بحر هو احنا ممكن ننزل البحر ده عادي صح
كرم....اه صح طبعا بس لما الجو يتحسن شويه لسه في برد 
بس في العموم في الصيف حتي لو الجو حر مستحيل
ديما....طيب ليه
كرم....عشان بيجي ناس من كل محافظات مصر يصيفوا هنا فا اسكندريه كلها بتبقي علي بعضها
ديما.....اممم طيب يعني مش هينفع نروح بحر
كرم....لا هينفع طبعا بس احنا بقي بنتبسط بالبحر طول الشتاء وهما بيتبسطوا في الصيف
ديما....بس اكيد بتضايقوا
كرم....وليه نضايق
ديما....يعني فكرة ان حد بيقتحم بلدكم وحتي البحر بتاعكم مش بتقدروا تاخدوا راحتكم فيه اكيد بتزعجكم.
كرم.....بصي يا حبيبي هنقولك حاجه أولا مفيش حاجه أسمها بلدنا ولا حاجه أسمها البحر بتاعكم إسكندريه جزء من مصر ومصر فيها 27 محافظه
وال محافظه دول ملك لكل مصري
ديما.....محافظه زي ولايه في امريكا كده
كرم.....بالظبط حاجه زي كده المهم انا الوقت اسكندراني لو حبيت انقل واعيش في القاهره او اي محافظه حد من اهل المحافظات دي هيقدر يقولي لأ او دي بلدنا
ديما....لا
كرم....بالظبط وانا مقدرش اقول لابن بلدي متجيش المحافظه بتاعتنا اسكندريه مش ملك الاسكندرانيه بس يا ديما إسكندريه دي عشق لكل مصري
يمكن في ناس هنا ممكن تكون مش بتحب الصيف بسبب اعداد المصيفين والزحمه وبيقولوا زي ما قولتي كده انهم بيقتحموا بلدنا وفي ناس بترحب بيهم
يمكن أسوأ حاجه في الموضوع إن في فئه كبيره لما بتيجي مش بتهتم بالمكان اي حد معاه حاجه عايز يرميها بيرميها في الشارع بقي في البحر عالشط الدنيا بتتبهدل بصراحه فا بيتهيألي لو الموضوع ده قل شويه والناس اللي جايه اسكندريه دي عشان هي بتحبها حافظوا عليها علي قد حبهم ليها محدش هيضايق بالعكس هنتبسط اكتر
والاهم من كده الناس دي بتيجي بفلوسها محدش في الاسكندرانيه بيصرف عليهم و كمان في ناس هنا بتعتبر
الصيف موسم لرزقهم
الناس اللي بتيجي طول ماهي ماشيه بتشتري وبتنفع الناس يعني اكيد احنا مش بنضايق هي النقطه كلها في موضوع الإهمال
لكن محدش فينا يقدر يقول أسكندريه ملك للاسكندرانيه بس

فهمتي.
ديما.....فهمت بس ليه بتمشوا بقي
كرم.....عشان احنا كمان بنبقي عايزين نصيف وبعدين احنا طول السنه واخدين علي الهدوء فا مش بنعرف ننزل البحر في الزحمه ومنها كمان تغيير
ديما......انت بتعرف تعوم يا كيرو
كرم....بإبتسامه طبعا بس زي ما قولتلك عوم البحر مش زي البول البحر هنا واسع وكل كام شبر ليه عمق
ديما...انا نفسي اجرب اعوم اوي في البحر
كرم.....يجي بس الصيف يا ستي وهخليكي تعومي وتعملي كل اللي انتي عيزاه
ديما.....إن شاء الله
كرم....خدي النسكافيه هيبرد 
مدت ديما ايدها وخدته.
ديما......شكرا صحيح يا كيرو
كرم كان بيشرب القهوه بصلها
كرم....امممم
ديما......هو انت حافظ أسكندريه كلها
كرم.....طبعا حافظها شبر شبر
ديما....يعني مش بتتوه فيها
كرم.....في حد يتوه في مكانه وبعدين هو انتي لسه محفظتيش اي حاجه فيها .
ديما.....لا خالص ولا عارفه اي حاجه 
كرم....يعني لو قولتلك الوقت قومي روحي انتي لوحدك مش هتعرفي ترجعي
ديما.....لا طبعا مش هعرف
كرم....بضحك احيييه انتي بتتكلمي جد
ديما.....والله ما هعرف أصل الشوارع هنا شبه بعضها اوي
كرم.....بس بردوا اكيد كل شارع بيميزه حاجه
ديما....اصل اغلب الوقت بننزل بالعربيه حتي لو مشوار بسيط لحد الماركت مامي بتاخد العربيه عشان نحط فيها الشنط
كرم.....بس انتي لازم تنزلي وتتعاملي عشان تحفظي الطرق وبعدين حتي لو بالعربيه المفروض تركزي ډخلتي ازاي وخرجتي أزاي
ديما......مش بركز بصراحه حتي طريق الجامعه بردوا مش حفظاه اوي ولسه مامي كانت بتقولي علي الاقل احفظي اي رقم عشان لو موبايلك ضاع وحسيتي انك تايهه تعرفي توصللنا
كرم....انتي كمان مش حافظه اي رقم لا بنقولك ايه انتي ملكيش نزول لوحدك واي وقت هننزل نتمشي هخدك في ايدي ونروحوا مشي عشان تحفظي علي الاقل طريق البيت
ديما......ماشي وانا موافقه.
كرم.....خلينا بقي في المهم مش نبطل عياط شويه ونبطل ضغط علي نفسنا عشان نقدر نركز في المعلومه اللي بنذاكرها.
ديما.....بحاول والله يا كيرو بس مش عارفه متلغبطه خالص وبنسي بسرعه
كرم.....يبقي قسمي يومك علي خمس او اربع مرات علي حسب عدد الساعات اللي بتذاكريها يعني لو بتذاكري 8 ساعات في اليوم
قسمي وقت المذاكره ساعتين ساعيتن وبين كل ساعتين خدي ريست
ديما.....انا بذاكر علي طول يعني ممكن اخد ريست مره واحده
كرم....طب وده ينفع ما لازم تكتئبي و تضغطي و ټعيطي وفي الاخر هتلاقي نفسك مش طالعه غير بمعلومه واحده وبالعافيه
ديما.....كيرو هو انت زمان كان بيحصل معاك كده ولا انا اللي غبيه.
كرم....لا يا قلبي انتي مش غبيه ومفيش حد خلقه ربنا وقت امتحاناته و مذكرته ممرش بنفس اللي انتي بتمري بيه كلنا عيشنا نفس الضغط ده
ديما....طيب وكنت بتعمل ايه لما بتحس انك مضغوط
كرم.....بصي لازم الاول تكوني عارفه انتي ايه اكتر حاجه تخرجك من جو الإكتئاب لان طبيعي كل واحد عارف نفسه 
تاني حاجه مش شرط اللي يأثر في نفسيتي يأثر في نفسيتك
يعني انا في العموم مضايق مضغوط محتاج افضي دماغي محتاج افكر بتركيز مبيجيش حاجه في بالي غير البحر
ديما....زي مامي 
كرم....بإبتسامه زي مامي المهم بس مش شرط اللي بيعدل مزاجي يعدل مزاجك كمان الراجل غير البنت كل واحد ليه دماغ
ديما....بضحك دانه بتقوم تاخد شاور وتخرج تعمل ميك أب او تعمل مسكات لوشها
كرم....بالظبط قولتلك اهتمامات البنت غير الراجل المهم نعمل اللي يبسطنا وهي كويس انها عارفه ايه اللي يبسطك في ناس ممكن فنجان قهوه وقاعده رايقه من غير صوت ربع ساعه تظبط مزاجهم في ناس بتقوم تنام في ناس تقوم تبص من الشباك وتفضل باصه للسما فب ناس تنزل تتمشي في ناس تنزل تعمل شوبينج بتختلف من حد للتاني
ديما.....بس انا مش عارفه ايه اللي ممكن يظبط مودي
كرم....بإبتسامه بس انتي مودك اتظبط الوقت صح
ديما.....بصراحه اه اوي هو انا كده زيك انت و مامي بحب البحر
كرم.....مش البحر بس يا ديما هو السبب قاعده زي اللي احنا قاعدينها دي الوقت لو اتقعدت في اي مكان هتتبسطي ومودك هيتغير حاجه تتاكل وحاجه تتشرب مع كام ذكري تسمعيهم من حياة حد وتندمجي فيها هتلاقي نفسك مبسوطه
ديما....يعني انا عشان مودي يتظبط اخلي حد يحكيلي عن ماضيه وذكرياته
كرم......لو عالذكريات مفيش اكتر منها انتي بس
مل ما تحسي انك فصلتي كلميني وسيبي الباقي عليا
ديما.....بإبتسامة حب أنا بحبك اوي يا كيرو
كرم....وانا كمان بنحبك اوي يا ديما 
كرم.....ديما انتي بردانه صح
ديما.....اه اوي مامي قالتلي اخد الچاكت وانا مش خدته كنت فاكره الجو حر
ابتسم كرم وقلع السويت شيرت و ادهولها تلبسه.
ديما.....بس انت هتبرد
كرم....لا متقلقيش مش هبرد
ديما.....كيرو ممكن اطلب منك طلب
كرم....عيوني
ديما....اول يوم امتحان اشوفك الصبح
كرم.....بإبتسامه يا سلام تشوفيني بس انا اصلا كنت هوصلك انتي ودانه ودارين
ديما....بجد
كرم.....اه والله بجد كل امتحان هوصلكم بنفسي
بصتله ديما وهي مبتسمه وبعدين قربت الكوبايه وهي مسكاها بإيدها الأتنين كانت حاسه انها طايره من السعاده وثقتها بنفسها بترجع واحده واحده
بعد وقت مش طويل رجعها كرم بس رجعها وهي طايره من السعاده ومودها متغير 360 درجه واول ما دخلت حكت لدره واخواتها علي اللي عملوا دره كانت مبسوطه والبنات قالوا ياريتنا روحنا معاكم وبعدها دخلت ديما علي اوضتها وهي حاسه انها عندها طاقه كبيره اوي
في توقيت رجوعهم كان نفس توقيت نزول سونه راحت علي المكان اللي قالها عليه واول ما وصلت ودخلت لمحته جوه قربت منه بهدوء ومن غير اي ريأكشن
وقف عمرو وابتسم ابتسامه هاديه وبسيطه ومدلها ايده
عمرو.....ازيك يا سونه
مدت سونه ايدها الحمد لله.
عمرو.....اتفضلي اقعدي
سونه......قول اللي عندك يا عمرو انا مش جايه نقعد
عمرو.....ماهو بردوا مش هنتكلم واحنا واقفين
سونه.....عمرو انا جايه اشوفك خمس دقايق وهنرجع بسرعه عشان سماح
عمرو....ياستي انا عايز دقيقتين من وقتك والله ومش هأخرك متقلقيش بس اقعدي
اتنهدت سونه بقلة حيله وقعدت وهو قعد قدامها
عمرو.....تشربي ايه
سونه....ما قولنالك يا عمرو اني مش جابه نقعد ولا نضايق
عمرو.....رفع حاجبه پغضب بسط اسمعي لما نقولك تهدي كده وتسمعي الكلام انتي جيتي وقعدتي وهتشربي حاجه وهتسمعيني مش عايز اعتراض 
علي اي حاجه
سونه....انت بتزعق
عمرو.....اه بنزعق عشان عنديه وراسك ناشفه ومش بتسمعي الكلام ومبتديش فرصه لأي حد يقول اللي عنده فا متخرجنيش عن شعوري وترجعي تقولي انت بتزعق
بصتله سونه ومعرفتش ترد بس لقت نفسها بتقوم
مسك عمرو ايدها بسرعه وهو بيقف
عمرو....تمام انتي اللي جبتيه لروحك وانا خلاص فهمت دماغك تعالي معايا
سونه.....انت بتعمل ايه يا عمرو
طلع عمرو فلوس من جيبه بسرعه حطها علي التربيزه ومسكها من ايدها شدها وراه وخرج بيها من الكافيه.
سونه....عمرو يا عمرو انت بتعمل ايه بنقولك سيب ايدي الخلق بتتفرج علينا
عمرو.....ماهو عشان الخلق متتفرجش علينا انا بنعمل كده
عدي عمرو بيها الشارع الكافيه كان قدام البحر نزل بيها كام سلمه وبعدين دخلوا علي الرمل.
سونه....لا لا انا مش هنعرف ندخل في الرمل ده
عمرو....تعالي بس
سونه....طيب انت بتعمل ايه
سحبها عمرو لحد ما وصلوا قدام البحر الدنيا كانت هاديه ومفيش ناس كتير يا دوب كام كابلز من الحبيبه وبينهم مسافات .
عمرو.....بس اقفي بقي هنا
سونه....يعني انت مخرجني من الكافيه عشان تجيبني هنا
عمرو.....اه عشان حسيت انك مش واخده راحتك وعايزه تردي ومش عارفه فا كنتي هتاخدي بعضك وتمشي فا قولت وهلي ايه اجيبك في مكان واسع تتكلمي في براحتك وتخرجي فيه كل اللي جواكي.
سونه.....انت عايز ايه يا عمرو
عمرو......عايز اتكلم معاكي
سونه.....وانا اهو قدامك و سمعاك
عمرو.....مش عايزك تفهميني غلط مش عايزك تشيلي مني علي طلب طلبته في وقت مش مناسب
سونه.....وانا قولتلك خلاص حصل خير في ايه تاني وبعدين فين العيال انت سايبهم لوحدهم يا عمرو
ابتسم عمرو رغم كل اللي بينهم وبتفكر في ولاده
سونه.....بإرتباك اااه انت بتضحك علي ايه مستغرب سؤالي يعني ما اكيد لازم أسألك لما الاقيهم مش معاك وتبقي مصېبه سوده لو طلعت سايبهم لوحدهم عشان تيجي تقابلني 
عمرو....ياستي اهدي وبلاش تظلميني كل الحكايه ياستي ان يمكن ربنا بيحبني واخيرا ريح قلبي حتي لو شويه امبارح بليل قبل ما اتصل عليكي في ست طيبه من جيراني كانت بتحب امي. اوي وهي عارفه اللي حصل وعارفه اني بدور علي حد لقيتها بتخبط عليا ومعاها ست عندها حوالي 57 سنه ست محترمه و باين انها متعلمه عرفت ظروف الشغل بتاعي ووافقت عليه وجاتلي مع جارتي دي هي مش بتشتغل عشان محتاجه بالعكس هي تحسيها شخص راقي
بس ولادها الاتنين مسافرين بره ومتجوزين وجوزها اټوفي من سنتين فا هي مش بتعمل اي حاجه واغلب اهلها من المنصوره فا هي عايشه لوحدها
ومحتاجه الشغل ده عشان تحس انها ليها عيله وعشان كمان تضيع وقتها
عرفتها كل ظروفي وهي وافقت 
بتعرف تسوق وبتعرف تعمل اكل وكل طلبات البيت وقالتلي كمان انها هتهتم بدراستهم وكان شرطها الوحيد انها تروح بليل بعد ما تخلص كل اللي الولاد محتاجينه 
وترجع قبل ما ننزل الشغل
وطبعا انا مكنتش عايز اكتر من كده قالتلي كمان ان هي معاها عربيه يعني سهلت عليا كل حاجه لان انتي عارفه ان عربيه امي لحد الوقت متصلحتش ولحسن الحظ الست بيتها بعد بيتي بحوالي اربع شوارع يعني عشر دقايق ركوب ومشي حوالي تلت ساعه روحت معاها بنفسي شوفت بيتها وسألت عليها بنفسي عرفت انها حد محترم جدا فا وافقت وهي الوقت معاهم في البيت يعني مش سايبهم لوحدهم
سونه....طيب حلو اوي الحمد لله ربنا بيحب عيالك ومش عايزهم يتبهدلوا بس انا بردوا مش فاهمه
عمرو.....مش فاهمه ايه 
سونه.....لما كل ده حصل واخيرا ربنا كرمك انت جاي الوقت واقف قدامي ليه ولما ده حصل من امبارح ليه اتصلت بيا
عمرو....تاني يا سونه لسه حاطه في دماغك اني عايزك عشان الولاد يا سونه افهميني انا لو كل اللي فارق معايا مصلحتي في إن حد يشيل عني الولاد فا بعد اللي حصل امبارح مكنتش هحاول بس انا حتي مرضتش نقولك ولا جيبت سيره عشان عارف انك مش هتيجي وتقابليني
وده المفروض يثبتلك اني بجد عايزك انتي يا سونه عايزك عشان بحبك وعايز اتجوزك عايزك عشان محتاجك في حياتي والله العظيم
بصتله سونه وحست انها متلغبطه كلامه لغبطها وطير من لسانها الكلام حست ان في شبح ابتسامه بيخترق ملامحها حاولت تسيطر عليه قلبها كان بيدق كلام دره كان في بالها لما قالتلها صدقي قلبك
عمرو....متسكتيش يا سونه قولي حاجه عشان خاطري قولي حتي انك صدقتيني.
الخطه اللي هو خطفهلها لغبطتها اكتر ومحستش بنفسها غير وفي دبش بيطلع منها
سونه.....مش مصدقاك ومش هنوافق نتجوزك واطلع من حياتي ربنا رضاك باللي كنت عايزه عايز مني ايه تاني سيبني في حالي بقي انا مش ناقصه لغبطه في حياتي اكتر من كده
عمرو......طلبي للجواز منك لغبط حياتك يا سونه 
بصتله سونه وسكتت
عمرو.....اللي بتقوليه ده ميتفهمش غير بطريقه واحده وهو انك بتحاولي تبعديني فعلا عنك
حست سونه ان قلبها بيدق پعنف وفي حاجه جواها حسستها بالندم والقلق انه يصدقها ويمشي لكن عمرو خيب ظن الصوت اللي جواها
عمرو.....لو حقيقي

طلبي لغبطك فا ده ملهوش غير معني واحد وهو مش اني ابعد عنك يا سونه بالعكس ده معناه انك بتفكري وان الموضوع جواكي وشاغلك ودي حاجه تبسطني مش تضايقني
كتمت سونه تنهيده جواها كانت نفسها تخرجها.
سونه.....ابوس ايدك يا عمرو سيبني في حالي انا مش ناقصه
عمرو.....مش هسيبك يا سونه وهتجوزك وهتوافقي
سونه....هنوافق ڠصب عني يا عمرو
عمرو.....لا برضاكي بس لو مفيش قدامي غير الڠصب اه هتجوزك ڠصب عنك واعتبري روحك يا ستي بتتعاملي مع واحد مچنون.
سونه....ياعمرو افهم انا مننفعلكش
عمرو.....ليه
سونه....عشان حجات كتير انت متعرفهاش ولو عرفتها اكيد مش هتقبلها علي روحك وقتها انا هبقي كسبت ايه غير ۏجع القلب
عمرو.....وليه ۏجع القلب يا سونه الموضوع اسهل وابسط من كده بكتير وبعدين ليه تدي الحق لروحك انك تحكمي علي قراري
مش يمكن انتي اللي لسه متعرفنيش كويس وتكتشفي ان اي حاجه هتقوليها مش هتفرق معايا.
سونه.....بترقب حتي لو عرفت اني كنت متجوزه خمسه قبل كده.
بصلها عمرو وبعدين ابتسم
عمرو.....والله انتي لو عايزه تطفشيني بجد مش هتقولي كده
سونه.....بإبتسامه سخريه مش مصدقني طبعا و فاكرني بنقولك كده وخلاص بس لا يا عمرو انا مش بنطفشك انا فعلا كنت متجوزه خمسه قبل كده اول واحد فيهم كان ابو سماح بنتي وماټ اتجوزت غيره وكل واحد اتجوزته مع الوقت كنت بنكتشف اننا مستحيل نكمل مع بعض وكلها اسباب تخليني فعلا منكملش واديني اهو قدامك اتجوزت خمس مرات قبل كده تفتكر هتفضل مصمم علي قرارك ده 
اكيد لا و انا اخو قولتلك عشان نبقي خدناها من قاصرها لا انا اتعلق بيك ولا انت اتعلقت بيا
عمرو.....انتي بتتكلمي جد ياسونه
سونه....وانت ليه مش مصدق شايف الموضوع كبير صح
عمرو....لا خالص بالعكس انا بس مش مصدق ان انتي رافضه الموضوع بسبب توقعك لرفضي لو عرفت حاجه زي دي
بصتله
سونه پصدمه ومكانتش فاهمه يقصد ايه
سونه.....تقصد ايه
عمرو ....بإبتسامه اللي نقصده لو بتقولي كده عشان تبعديني عنك فا انا مش هنبعد ولو اللي بتقوليه ده بجد انا بردوا مش هنبعد عنك
سونه.....يعني تبقي عارف اني متجوزه خمسه وهتكمل انت واعي للي بتقوله ده انا لو متقدملي واحد وقالي انه متجوز خمس مرات مش هنقبل واول حاجه هتيجي في بالي ان ده طبعه بيتجوز ويطلق و العيب فيه
عمرو....اهو اللي بتقوليه ده يخليني ثابت علي موقفي اكتر ومصمم عليه لاني مشوفتش في حياتي حد ينصح حد قدامه بأنه يفكر ولان لو هو مكانه هيرفض
طب بزمتك عمرك شوفتي صراحه اكتر من كده ريحي روحك يا سونه انا مش هسيبك مها قولتي ومهما عملتي متجوزه خمسه متجوزه عشره مش هنبعد عنك
سونه....بتأثر ودموع في عينها عمرو انت بتقول ايه
عمرو....ما هو اصل انا مش كل يوم هلاقي واحده في جدعنتك وصراحتك وطيبه قلبك وحنيتك انا لو فرق معايا انك كنتي متجوزه وغيرت رأيي ابقي راجل بيتبطر علي النعمه وانا راجل بيحافظ علي النعمه اللي ربنا بيرزقه بيها فوق ما تتخيلي
سونه.....بدموع ورحمة امك يا شيخ ما تضحك علي عقلي بكلمتين انا مش حمل ۏجع يا عمرو
عمرو.....ما عاش ولا كان اللي يوجعك يا سونه زي ما انت واثق ومتأكد انك هتكون سبب فرحتي في الدنيا وعوض ربنا ليا زي ما انا بناخد وعد علي روحي قدامك اني عمري ما هنوجعك وهنخليكي اسعد ست في الدنيا.
ابتسمت سونه من بين دموعها
مسك عمرو ايدها بهدوء وبأيده التانيه مسح دموعها
بعدت سونه ايده عنها بسرعه بصلها بإستغراب مش فاهم حاجه
عمرو...في ايه تاني 
سونه...قولتلك يا عمرو انت متعرفش كل حاجه عني وعشان اوافق علي طلبك لازم من البدايه نكون علي نور انا يمكن حياتي عاديه وبسيطه فوق ما تتخيل جوازي من الخمسه اللي قبلك كان علي سنة الله ورسوله لا عمري مشيت في الحړام ولا عمري اتجوزت في السر يعني جوازي كل الخلق كان عندها علم بيه
بس كان لازم نقولك لان انت متعرفش عني حاجه واكيد مش هنقبل نتجوزك غير لو بقيت زيك زي باقي الخلق عارف بالحكايه دي
عمرو.....وانا اهو عرفت والموضوع مفرقش معايا ولا حتي فرق نعرف كانت ايه ظروف الجوازات دي
سونه.....تمام ودي كانت اول حاجه فاضل تاني واهم حاجه لازم تعرفها
عمرو.....لو ده هيريحك قولي يا سونه مع ان مفيش حاجه هتغير اللي جوايا من ناحيتك
سونه.....بس ريحين واعرفها ومن بعدها هنقولك قراري
عمرو....تمام يا ستي قولي
سونه.....لا لحظه طلعت الموبايل من شنطتها واتصلت علي دره
ثواني ودره ردت عليها
دره.....بقلق انتي لاحقتي ترجعي يا سونه حصل ايه
سونه....لا يا دره انا لسه بره ومعايا عمرو
دره.....طب وسايبه الراجل وبتكلميني في ايه
سونه....دره معلش هنتعبك معايا عيزاكي تيجي الوقت علي طول انتي وكرم علي ابن ليل انا قريبه اوي هنسبقكم علي هناك واستأذني كرم طبعا بس متتأخروش علينا
دره.....في ايه سونه انا مش فاهمه حاجه
سونه....لما تيجي هنفهمك يا دره متقلقيش مفيش اي حاجه بس تعالوا علي طول
دره....بقلق طيب انتي كويسه
سونه....يابت كويسه والله يلا بطلي رغي وتعالي علي طول
دره....طب اقفلي هنكلم كرم ونجيلك علي طول
سونه....تمام يلا سلام
دره....سلام.
بصلها عمرو وهو مش فاهم حاجه
عمرو.....في ايه انا مش فاهم هنروح فين 
سونه.....معلش هنركب عربيتك وانا هقولك هنروح فين وحقك عليا ان قولت لدره تقول لكرم يجي عارفه انكم صحاب واكيد كنت تحب تعرفه الاول
عمرو.....سيبك من كرم الوقت وعلي فكره هو عارف كل حاجه
سونه....انت قولتله
عمرو....اه كرم صاحبي ويبقي جارك واتعرفت عليكي عن طريقه فا ده كان حقه عليا
سونه....طيب ريحتني كويس انه عارف عشان ميتفاجئش وانت تبقي مضايق انك مقولتلهوش.
عمرو.....طيب هنروح فين الوقت
سونه.....تعالي وانا هنقولك
عمرو....ماشي يلا بينا.
ربع ساعه ودره كانت مع كرم في العربيه.
كرم......طيب هي مقالتلكيش اي حاجه
دره....لا والله يا كرم انا اصلا استغربت انها كلمتني وهي معاه ومفهمتش حاجه بس صوتها حساه زعلان تفتكر عمرو لما عرف انها كانت متجوزه اضايق
كرم.....لا يا دره وعلي فكره انا قايل لعمرو كل حاجه من قبل ما يتقابلوا
دره....بتتكلم بجد يعني كده هو بيحبها بجد بقي
كرم....اه بيحبها يا دره وعايزها اول مره خالص فتح معايا الموضوع قولتله ان مش هنقدر نتكلم عن لسانها واكيد
هي هتعرفه كل حاجه عنها بس لما حكالي اللي حصل امبارح اتكلمت معاه وقولتله كل حاجه والراجل مفرقش معاه وقالي انه هيقفل معايا ويكلمها بس مكانتش بترد عليه عمرو كان معايا خطوه بخطوه وعارف كل حاجه ومش فارق معاه.
دره....اوعي يا كرم تكون قولتله ان سونه كانت بتحبك او في مشاعر من ناحيتها ليك
كرم....انتي عبيطه اكيد لا انا قولتله اللي كان لازم يعرفه لانه كده كده كان هيعرفه وقولت اكيد ده سبب في رفض سونه لانه ميعرفش لكن اقوله علي مشاعر كانت جواها مش من حقي طبعي
دره.....ماشي خلينا نروح ونشوف في ايه وربنا يستر
كرم....خير إن شاء الله يمكن وافقت واتفقوا وعايزين يفرحونا
دره....يارب البت دي غلبانه اوي والله وهتبسط عشانها لو وافقت عليه
كرم.....خير إن شاء الله ادينا هنروح ونعرف.
وصلت سونه وعمرو علي اللانش 
بتاع ابن ليل فضلوا واقفين قدامه مستنيهم فات حوالي نص ساعه كرم ودره كمان وصلوا سلموا علي بعض كلهم
كرم...انتوا ايه اللي موقفكم كده مطلعتوش ليه
سونه....عادي قولنا نستناك هنا
كرم.....طيب تعالوا جوه.
دره بهمس لسونه في ايه يا سونه
سونه....هتعرفي الوقت.
وللحديث بقيه.....
أبن_ليل
صاحبة_البطل_الواحد
أميره_اسامه
البارت الثاني و الخمسين  
دخلوا كلهم علي ابن ليل وقعدوا
بص كرم لعمرو بإبتسامه هاديه
كرم......أيه الاخبار
عمرو....تمام بس يمكن الاخبار عند سونه أكتر
كرم....ايه يا سونه الاخبار عمرو اتكلم معاكي
سونه.....ايوه يا كرم وانا جيبتكم عشان نكمل باقي الكلام اللي مخلصش.
كرم.....واحنا اهو موجودين
وسامعين.
سونه كان باين عليها التوتر ومش عارفه تبدأ الكلام ازاي الطالعه بتاعت اول جمله مش عارفه تجيبها ازاي حست دره بتوترها وكانت شاكه ان في حاجه عايزه تقولها
دره.....بهمس سونه انتي هتقولي ايه
بصتلها سونه و أبتسمت و هزت راسها بهدوء وبعدين بصتلهم ووجهت كلامها لكرم
سونه.....عمرو طالب أيدي للجواز يا كرم والمفروض ان هو مستني موافقتي
بصلها كرم بقلق وبعدين ابتسم
كرم.....عارف يا سونه عمرو حكالي كل حاجه وانا مرضتش نكون في الصوره وحبيت الموضوع يكون بينكم بس المهم ردك ايه 
سونه.....شوف يا كرم أنا طول عمري بناخد أي قرار في حياتي من غير تفكير عمري ما فكرت في اي حاجه قبل ما اعملها ويمكن عشان كده كل حاجه كنت بنوافق عليها بنرجع نندم عليها واكتشفت اني كنت غلط طريقتي غلط وتفكيري غلط و قراراتي غلط عشان كده لما عمرو فتح معايا موضوع الجواز مقدرتش نديله كلمه علي طول و مرضتش اخد قرار في الرد عليه غير لما أبدأ بدايه صح وحبيت اننا لو في بينا نصيب تكون كل حاجه علي نور
كرم......كلام جميل وعندك حق أهم حاجه في اي علاقه ان كل حاجه تكون واضحه.
سونه......وده اللي انا عملته يمكن اي ماضي عيشته قبل عمرو هو ملهوش دعوه بيه بس جوازي من خمسه قبله كان من الحجات اللي لازم يعرفها
كرم.....بصي يا سونه لا انا ولا عمرو ولا اي حد يقدر يحاسبك او يلومك علي جوازك
عمرو.....وده اللي انا قولته يا كرم سونه وهي بتحكيلي كانت محسساني انها عامله عامله بس ده جواز تتجوز خمسه تتجوز عشره في النهايه هي الوقت مش علي ذمه اي حد فيهم
سونه.......بس كان لازم تعرف عشان لو حابب تغير رأيك
عمرو.....ياستي وانا قولتلك مش هنغير رأيي انا عارف انا عايز ايه
سونه......تمام وخلصنا من النقطه دي انا فهمتك كل حاجه وانت لسه مصمم علي طلبك بس فاضل حاجه كمان حابه اني نقولها
عمرو.....مش هنقولك يا سونه اني مش عايز نعرفها عشان عارف انك هتصممي تقوليها بس هنقولك أن أيا كان اللي هتقولي انا كمان هنفضل مصمم علي طلبي.
سونه.....تمام بس الاول أعرف وبعدين قول قرارك .
عمرو.....تمام وانا سامعك يا سونه
سونه....شوف يا عمرو مفيش حد فينا حياته كانت ماشيه بالمسطره كلما عيشنا ظروف مش حلوه ومرينا بمواقف صعبه ومتتنسيش
عمرو....اكيد
كرم.....اكيد يا سونه
سونه.....وانا زي اي حد فيكم عيشت وشوفت ومريت بحجات كتير اوي مش حلوه في حياتي
كنت ديما لوحدي وبطولي شيلت امي وابويا وبعد ما ماتوا اتبهدلت كتير كنت بشتغل اي حاجه تيجي في وشي عشان نعرف نعيش معاش ابويا الله يرحمه كان ساندني شويه لحد ما اتجوزت ابو سماح بنتي مكانش غني كان مستور الشقه اللي انا قاعده فيها دي بتاعته كان شاريها ملك ومكانش حيلته غير محل بردوا كان ملكه كان صاحب محل سمك
بعد ما ماټ قررت اني نكمل من بعده ونشيل الشغل عشان نعرف نعيش انا وبنتي حاولت شهر ونص نمشي الدنيا زي ما كان هو ممشيها بس التجار مسابونيش في حالي وحسيت اني مش هنسلك معاهم فا قررت اني نبيع المحل وفعلا بعته وقتها بسعر كويس روحت حطيت

الفلوس في البنك وقولت كده
احسن بدل ما تفضل معايا ونفضل نسحب منها وانا لسه عندي بنت محتاجه تكبر وتتعلم ومحتاجه مصاريف كتير
وبعدها كان كل اللي يتقدملي اتجوزه ويطلع في عيب انفصل عنه ومع كل جوازه كنت بصمم ان اللي هيتجوزني يتجوزني في بيتي عشان يوم ما نحس اني مش مرتاحه يمشي هو ملاقيش روحي انا وبنتي في الشارع عشان كده عمري ما فكرت نبيع الشقه لانها امان ليا ولبنتي.
المهم كل جوازه كنت بنخرج منها لا كنت بنخرج كسبانه ولا حتي خسرانه مكنتش بناخد منهم حاجه وكما مبنخسرش لان في النهايه انا قاعده في بيتي وبنتي في حضڼي إلا واحد بس يمكن بكون كان احسن واحد فيهم لما طلقني اداني كل حقوقي كامله مع اني انا اللي كنت طالبه الطلاق بس هو كان بيحبني .
انا بقي بنحكي كل ده ليه عشان نوصل لحاجه مهمه يمكن اللي اتجوزتهم دول مكانش فيهم اي ميزه تخليني اكمل معاهم بالعكس كل واحد فيهم كان في عيب مينفعش اي ست تقبل بيه إلا طبعا اللي كان بيحبني ده.
بس في الحقيقه وسط عيوبهم دي انا كمان كان عندي عيب قوي بيتهيألي أنه لو مكانش موجود كنت قدرت نعيش ونكمل مع واحد من اللي اتجوزتهم وبالاخص اللي كان بيحبني لانه كان حد محترم وراجل و شاريني بجد
عمرو.....عيب ايه
سونه....أوقات كتير يا عمرو قلوبنا بتتحكم في مشوار حياتنا وبتخلينا ماشيين من غير ما نعرف رايحين فين ولا جايين منين لا بنقدر نشوف الحلو ولا الۏحش بنركز علي حاجه واحده قلبنا متعلق بيها و بنلغي حجات تانيه كتير لو ادينا وقتها فرصه لعقلنا هو اللي يتحكم فيها يمكن نطلع كسبانين
وانا معملتش كده انا ركزت علي حاجه واحده بس وعلقت قلبي بيها وهي الحب .
برقت دره عينها وبصت لكرم اللي اټصدم والاتنين بصوا لسونه عايزين يقولولها اسكتي.
عمرو.....مش فاهم
سونه....حبيت يا عمرو بس اللي حبيته ده كان بيحب غيري كل مره كنت بناخد قرار الجواز كنت بناخده عشان فاكره ان بالطريقه دي هنلفت نظره هنخليه يغير ويتحرك هنخليه يحس ان سونه بتروح من ايده و يحس بالندم ويبدأ يفكر فيها او يحس بيها
بس لنا كنت غلط يا عمرو مينفعش نجبر حد علي حبي مينفعش ناخد قرار جواز عشان نلفت نظر راجل كل حساباتي كانت غلط وكل ما كنت نحس بحب الشخص ده لغيري كنت نتجنن ازاي في حد بيحب حد بالشكل ده ازاي في ست تقدر تاخد قلب راجل بالشكل ده وتخليه مش شايف غيرها كنت كل ثانيه مش كل يوم نسأل روحي هي فيها ايه مش موجود فيا حبي للشخص ده بقي باين عليا وعيني ڤضحاني لكل اللي يشوفني والمصېبه ان اوقات الحب بيعميك حتي عن نظره الناس ليك بيعميك عن كلامهم وتلسينهم وبتعمل روحك مش هامك المهم اني اوصل لقلب اللي حبيته لا فرق معايا كلام الناس عليا ولا فرق معايا نظره بنتي ليا
كنت في عين الناس سونه اللي كل شويه تتجوز راجل شكل وسونه اللي عينها علي راجل واحد مبتشوفش غيره
كرم.....سونه خلاص كفايه كده بيتهيألي كل اللي بتقوليه ده حاجه تخصك انتي
دره....سونه تعالي معايا شويه من فضلك.
عمرو كان بيبصلهم و شايف توتر كرم ودره و مبقاش فاهم يمكن كل اللي هي بتقوله ده بردوا لسه مش فارق معاه بس بعد توترهم حس ان في حاجه اكبر من كده وبقي عنده فضول يسمع
سونه....لكرم ودره خلوني نكمل
كلامي اللي بدأته
دره.....معلش تعالي معايا بس
كرم....اسمعي الكلام يا سونه من فضلك.
عمرو ....انا مش فاهم حاجه
سونه....خليك يا عمرو ومتركزش معاهم
حط كرم ايده علي عينه وبعدين مسح بكفه علي وشه بهدوء وبص لسونه وهو نفسه يقوم يكسر دماغها علي غبائها اللي بتعمله.
دره....بهمس لكرم اعمل حاجه
كرم....اتخدت بقلة حيله وسكت مردش علي دره وكملت سونه كلامها.
سونه.....المهم يا عمرو عملت كل حاجه تتخيلها عشان ألفت نظره لدرجه اني خليت الموضوع علي المكشوف وروحت اعترفتله بحبي بس هو رفض ومكانش شايف غير اني اخته وبس لكن مستسلمتش وفضلت نحاول كتير وكل يوم يعدي غيرتي من اللي بيحبها تزيد
لحد ما في يوم رجعت من السفر وقتها حسيت انه كان خلاص بيضيع من ايدي ما الراجل اللي يحب بالشكل ده ويستني سنين من غير جواز عشان رافض يدخل قلبه غيرها اكيد لما هي ترجع هو كمان هيرجع يحن
وده اللي حصل اتجمعوا من تاني وبقوا مع بعض بس انا اكتشفت حاجه مهمه اوي بعد سنين من المحاولات وكلام الناس بعد ما ضيعت عمري علي الفاضي في وهم انا بس اللي عايشه فيه إن الحب اللي كان جوايا ده مكانش حب ست لراجل.
يمكن كان حب للاهتمام اللي بتشوفه في عينه للي بيحبها
حب لصدقه في حبها كان بالنسبالي حاله لا يمكن تتكرر واحد بيحب من قلبه بجد حبيته من حبه لحبيبته حبيت اهتمامه وخوفه وغيرته و صدقه ليها
والاهم اني اكتشفت بردوا ان انا كنت محتاجه الاقي حد بيحب اوي كده كنت فاقده الحب والاهتمام والغيره فاقده الامان
كنت بنشوف في عينه كل ده بس لغيري ومش هنكدب عليك طمعت ان كل مشاعره دي تكون ليا مش للي بيحبها .
كنت فاكره ان لما هي ترجع ويبقوا مع بعض بجد ممكن نحرق الارض باللي فيها بس اكتشفت ان حبي للشخص ده كان حب مرضي مش حب حقيقي انا حبيت فيه كل صفاته وحبيت الطريقه اللي بيحب بيها حبيبته يمكن لحد الوقت انا بحبه بس طريقتي في حبه اختلفت وهي اني بشوفه اخويا بجد اتأكدت من كل كلمه كان بيقولهالي ان انا موهومه بالحب ده ومشاعري مش حقيقيه
وكان معاه حق لان لما بشوفه الوقت مع حبيبته مش بنغير بالعكس لسه بنفرح وبننبهر بحبه ليها وحبها ليه بنفرحلهم من قلبي وغلاوة بنتي ومستنيه اليوم اللي نشوفهم فيه في بيت واحد.
الشخص ده يا عمرو يبقي كرم
بص عمرو لكرم وحس انه اټصدم 
كرم بصله بسرعه وبعدين بص لسونه دره بصتلهم وحست ان كده كل حاجه باظت.
عمرو.....كرم!!
سونه...اه كرم يا عمرو حبيت نقولك الكلام ده قدامه وقدام دره مع انهم عارفينه كويس بس انت كان لازم تعرفه ولازم نكون علي نور من البدايه انا قولتلك عن حكايه جوازي وكان ناقص اهم حاجه واديني قولتهالك
هتسألني بنقولهالك ليه هنرد عليك ونقولك أهم حاجه في الحكايه دي كلها.
أنت ابن حلال يا عمرو وحد طيب ومحترم وأي ست في الدنيا تتمناك ويمكن انا اول مره نحس بإهتمام بجد واول مره نحس اني فارقه مع حد يحاول عشاني ويجرب مره واتنين وتلاته كل دي حجات اول مره نعيشها بجد وحسيت انها طالعه من قلبك فعلا
يمكن اعتراضي كان علي طريقه طلبك للجواز مني بالشكل ده بس كمان مش هننكر ان الكام يوم دول بعيش مشاعر جديده عليا ومخلياني مش هنقولك مبسوطه هنقولك مرتاحه .
عمرو انا قولت كل اللي عندي واللي حاسه انك كنت لازم تعرفه و زي
ما قولتلك كده افضل عشان نكون علي نور
لو معرفتك بكل الكلام ده خليتك تغير رأيك صدقني مش هنزعل منك لان ده حقك بس لو لسه مصمم علي طلبك بعد كل ده
يبقي انا كده ارتاحت و معنديش أي سر في حياتي كلام الناس كتير يا عمرو وانا قولتلك ان وقت ما كنت عايشه في الوهم ده ناس كتير كانت عارفه وانا يا عمرو معنديش اي استعداد ان اخبي عليك وتيجي انت لو حصل بينا نصيب تعرف من حد غيري وقتها لا هتقدؤ تثق فيا ولا هتثق في كرم الراجل الجدع اللي مكانش ليه علاقه بالهبل اللي كنت بنعمله
عمرو انا اتجوزت خمس مرات وانفصلت ولو ليا نصيب معاك مش هنقولك انك هتبقي السادس انا هنعتبرك اول راجل في حياتي
واللي خلاني نعري روحي قدامك عشان عايزه ابدأ علي نور وعايزه اعتبرك اخر راجل في حياتي.
مش حابه انفصل تاني يا عمرو ولا حابه اعيش معاك علي غش عايزه ابدأ بدايه صح لاول مره في حياتي .
وبكده انا قولت كل اللي جوايا يا ابن الحلال حابب تكمل انت عارف مكاني مش حابب امشي في هدوء و هيفضل ليك كل الاحترام
سونه......سلام
دره....استني يا سونه
كرم....رايحه فين استني
سونه....بإبتسامه هاديه معلش خليني اروح عشان سماح يلا سلام.
فضل كرم ودره باصين عليها وعمرو قاعد ساكت لكن ملامحه عاديه مفيش أي ريأكشن يقلق
بص كرم بسرعه لعمرو وهو رافع حاجبه.
كرم.....بص بنقولك ايه الكلام اللي هي قالته ده كله هبل في هبل لو ناوي تزعل مني عشان مقولنلكش اضرب راسك في اتخن حيطه
رفع عمرو حاجبه پصدمه وابتسم بهدوء.
كرم.....ليه بقي ټضرب راسك في اتخن حيطه عشان مهما كان هيحصل مكنتش هنيجي نتكلموا معاك في حاجه خاصه بيها المشاعر اللي سونه حست بيها ناحيتي مشاعر هي حره فيها لا ينفع نقولها اكرهيني ولا نقولها حبيني لانه مش من حقي.
بس انا عندي كلمتين محشورين في زوري الست دي لو انت سيبتها تبقي انت الخسران ولو كملت معاها يبقي امك الله يرحمها دعيالك. ست بمېت راجل جدعه صاحبة مواقف طيبه اللي في قلبها علي لسانها عارف انها غبيه عشان هي لو مش غبيه مكانتش هتقولك كل الكلام ده وتخليك لو حصل بينكم نصيب تفصل ديما شاكك فيها ومحرص مني بس انا بنأكدلك ورب السماء دي ياعمرو
سونه ما في احسن منها كل الحكايه انها اطحنت في الدنيا وانا واحد من اللي شاهد علي عيشتها الست دي كانت محتاجه كلمه حلوه تجبر بخاطرها كلمه تحسسها وتعوضها بالحب اللي طول الوقت بتدور عليه محتاجه تحس بأهتمام.
وخلينا نتكلم بصراحه اكتر يا عمرو كلام رجاله سونه ست حلوه وجميله واي راجل يتمني يتجوزها وده اللي كان بيحصل اي حد يطلب ايدها كان بيتجوزها عشان السببين دول ست حلوه مش ناقصها حاجه لكن مفيش حد حب سونه بجد من قلبه عشانها هي وعشان كده هي طول الوقت كانت بتدور علي الاهتمام ومن حظها وقعت فيا انا او تخيلت انها وقعت فيا انا حبي لدره خلاها تحس انها تستاهله دورت علي نفسها جوه دايره حبي لدره شافت اني بحب دره بجد مستنيها مهما حصل رفضت الجواز عشانها كان بيقع قدامي ستات تحل من علي حبل المشنقه وانا مكنتش عايز من كل دول غير دره وهي عجبها ده وحقها زي ما احنا بنتمني ان الست متشوفش غيرنا ونبقي محور حياتنا الستات كمان بيحبوا يكونوا

محور حياه
الراجل اللي يحبها بجد ميحبش شكلها وتفاصيلها والكلام ده.
سونه محبتنيش يا عمرو صدقني
دره....دكتور عمرو بدون الدخول في اي تفاصيل سونه لو پتكرهني ولسه بتحب كرم مش هتقف معايا في مصېبه كانت ممكن تحصلي الايام اللي فاتت مكانتش هتحاول بكل حب انها تخرجني من المصېبه دي وتقربني من كرم اكتر سونه جدعه اوي و خليني أئكد علي كلام كرم اكتر في حكايه ان سونه طول عمرها بتدور علي الحب . زمان انا ومها اخت كرم ودعاء مرات اخويا كنا اصحاب واخوات وطول عمرنا احنا التلاته واحد زي التوأم سونه قالتلي كلمه من فتره خلتني اضايقت بجد
قالتلي ليه مكنتوش بتقربوا مني ليه كنتوا مع بعض و سايبني لوحدي انا كنت بحبكم وكنت اتمني اكون معاكم زي ما انتوا مع بعض.
سونه لوحدها و محتاجه تتحب من كل اللي حواليها وبجد هي جدعه اوي وعندها استعداد تضحي بروحها في مقابل انها تشوف الناس اللي بتحبهم مبسوطين وعلي فكره انا مش مع كرم في انها كانت المفروض تخبي عليك نقطه زي دي وسونه مش غبيه بالعكس اللي عملته ده عين العقل و يدل علي انها فعلا واخده الموضوع جد لو سونه مش فارق معاها الموضوع كانت سابت كل حاجه زي ما هي بس هي حبت تكون علي نور عشان انا واثقه من كلامها هي حابه انك تكون اول واخر راجل في حياتها.
عمرو.....طيب ممكن تدوني فرصه بقي نتكلم
كرم....اتفضل
عمرو.... مش هنقولكم اني متصدمتش من كلام سونه عن حبها لكرم انا فعلا اټصدمت بس صدمتي الحقيقيه في الحكايه نفسها صدمتي في صراحه سونه
سونه كان معاها حق يا كرم وكان لازم تقولي هي بنفسها لان فعلا لو ده كان حصل بعد جوازي منها وسمعت كلام من اي حد كان ممكن يحصل بينا مشكله كان ممكن اسكت وافضل شاكك فيها وحياتنا مش هتبقي حلوه مكنتش هبقي حابب وجودك في اي مناسبه تجمعنا او اي قاعده عاديه كنت ديما هحاول انك تكون بعيد لان انا في النهايه راجل واي راجل في الموقف ده يا كرم بيكون هو ده تصرفه بس باللي عملته سونه ده هي وفرت علينا اي حاجه ممكن تحصل قدام.
والاهم من كل ده ان انا بجد مبسوط اصل معني كلام سونه في انها تحكي كل ده يبقي هي حابه تكمل معايا حابه ميحصلش بينا مشاكل وتخسرني بعد كده
ابتسم عمرو لكرم وعارف يا سيظي انها ست جدعه وبميت راجل وان امي دعيالي كمان
كرم....بإبتسامه يعني ايه يعني انت مش مضايق ولسه عند كلامك
عمرو....انت شايف ايه بص يا كرم انا سمعت سونه لما حكيتلي عن جوازتها مع اني كنت سامع منك بس سيبتها تحكي وسمعتها تاني لما حكت حكايه حبها ليك وسيبتها بردوا تحكي عشان تخرج كل اللي في قلبها وترتاح وتحس ان نفيش اي حاجه في حياتها تخاف منها صراحة سونه مع روحها قدامنا كلنا تأكد انها فعلا حد كويس وان اختياري ليها مش من فراغ بيتهيألي اهم حاجه في اي علاقه هي الوضوح وسونه كانت واضحه بما فيه الكفايه.
بص يا كرم انا اتعلقت بسونه وحبيتها مش هنقولكم اني حبيتها حب خيالي وحب كبير بس انا من جوايا مرتاح ليها ودي اهم حاجه
كمان مش عايز غيرها يمكن الفتره اللي عرفت فيها سونه مش كافيه عشان تصدقوني بس بجد انا اتعلقت بيها ومش حاسس اني هنقدر نكمل وهي مش معايا الفتره البسيطه
اللي بنتكلم عنها دي شوفت فيها مواقف منها ممكن اللي معاشرهم همر بحاله ميعملوهاش وعشان كده انا لسه مصمم علي موقفي يا كرم
واي حاجه سمعتها من سونه هعتبر روحي اني مسمعتهاش لانها مش فارقه معايا أصلا
دره.....بسعاده بصت لكرم وبعدين بصتله طيب مستني ايه روح وراها
كرم.....استني بس يروح فين تعالي ياعريس نباركلك ابتسم كرم وضم عمرو طبطبوا علي ضهر بعض بحب
دره باركتله وكرم كمان باركله وبعدها جري عمرو وسابهم عشان يحاول يلحقها.
.................
بصت دره بسعاده لكرم
دره....انا مبسوطه اوي عشانهم
كرم....بإبتسامه وانا كمان والله مبسوط عشان عمرو هو محترم ويستاهل ومبسوط عشان سونه كنت قلقان تفضل كده مع اني عارف ان كل المشاعر اللي هي حتسه بيها دي وهم بس كنت هنفضل شايل ذنبها
دره....يلا الحمد لله ربنا يسعدهم ويارب بس يلحقها ويفرحها
كرم....هيلحقها بإذن الله
دره.....بإبتسامه مشيت قدامه خطوه طب يلا بقي خلينا نرجع
كرم....بضحكه شړ نعممممم نرجع يابت الجمال مسكها من ايدها وډخلها علي جوه بعيد عن السلم
دره....بضحك لا وحياة امك انا مس حمل فرهده وبعدين مينفعش نتأخروا بطل شغل العيال ده انت مبتصدق تقفشني
كرم.....صراحه اه مش عارف نتلم عليكي وكملن في حساب لازم نصفيه
دره....حساب ايه انت بتتلكك عشان تستفرد بيا مالكش عندي حساب يا ابن الرفاعي.
كرم...كمان بتنكري مش انا بردوا بلطجي 
دره....بضحك اه يا جزمه قديمه هي فتنت عليا والله لا نأدبها
كرم....طب تعالي بس انتي جنبها وشوفي هنعمل فيكي ايه
دره....طيب هي مقالتلكش بقي قولت كده ليه انا قلبي عليك وعارفه انك مش بتحب تقف كتير وقولتلها لو اتأخرتي كرم هيطلع يحدفني انا وانتي من فوق
كرم.....بس كده يعني مش عشان بلطجي ده انتي ليلتك سوده
سحب كرم الهلب وشد الحبل ودره مستسلمه مش قادره تناهد معاه كانت واقفه تضحك عليه.
كرم....اسمكي نفسك يا اوزعه
دره....بضحك يا كرم خليك طيب بقي واعتبر يا سيدي اني عيله وغلطت 
دور كرم اللانش ودخل بيها علي جوه وهو مبتسم
كرم.....وانا اعيل منك وبصراحه بقي انا ما بنصدق نتلم عليكي وبنتلكك زي ما قولتي
دره....بحب عارفه
كرم.....بإبتسامه طب تعالي فتحلها دراعها ابتسمت دره وقربت منه لفت ايدها علي وسطه ونامت علي كتفه وهو قفل عليها دراعه وفضلوا باصين للبحر وهما بيدخلوا جوه.
وقف كرم اللانش بعد ما بعدوا وبصلها
كرم.....اختاري عقابك
دره.....كماااان عايزني نختار ده ايه الكرم ده كله
كرم....طبعا اسم علي مسمي 
دره.....قولتلك بقي كنت عامله حسابك ومش عيزاك تقف
كرم....اختااااري عقابك 
دره.....بضحك يعني مفيش امل تسامحني
كرم....لو عليا انا مسامح بس شيطاني مش قادر يسيب حقه
وبعدين مش كنتي عامله قدام امي اسد وبتقولي مش هتعرف تعملي حاجه ووريني و بتشككي في رجولتي يا شبر ونص
دره....بضحكه جميله وإحراج وانت يعني. بتسمع كلام شبر ونص وبعدين ايه عايز تثبتلي رجولتك هنا انا يا سيدي واثقه فيك
كرم.....ثقه من غير تجربه متنفعش
دره.....پخوف من جنانه رغم ثقتها فيه ضحكت وبصتله كرم متبقاش مچنون انت عايز ايه
كرم....بضحك انتي خاېفه يا دره
دره....خاېفه من شيطانك
كرم....ده لا هو ولا عشيرته كلها يقدروا يجوا جنبك يا قلب كرم
دره ...بحب يعني خلاص سامحتني
كرم....لا مش اوي كده علي الاقل عقاپ صغير
دره....بنقولك ايه انت قليل الادب وانا هنروح نرمي روحي في البحر احسن ونجيبلك مصېبه
مسكها كرم من ايدها بسرعه وهو بيضحك وشدها
كرم.....هتسوقي عليا الجنان هنوريكي جنان مشوفتيهوش في عمرك
دره....بضحك طب ابعد عني وسيبني وخليك مؤدب 
بعدت عنه دره وهي باصه في عينه ومبتسمه وبعدين نامت علي صدره وهي بتتنهد بحب
ضمھا كرم بكل قوته وفضل يمشي ايده علي ضهرها بحب 
.................
جري عمرو وراء سونه ولمحها من بعيد مكانتش ركبت كانت ماشيه براحه وبتتمشي وهي باصه للبحر
عمرو.....سونه سونه
فضلت سونه مكمله وهي شارده ومش مركزه
عمرو.....سووووونه
وقفت سونه وبصت بسرعه وراها لمحت عمرو جاي بيجري وبينهج اول ما شافته وقف حط ايده علي ركبه وهو بياخد نفسه وبعدين رفع وشه ليها وهو مبتسم
سونه....عمرو
عمرو....وقف وقرب منها وهو نفسه بيطلع وينزل اه عمرو اللي جرتيه كل ده وراكي وبعدين لاحقتي تمشي كل ده حرام عليكي نفسي اتقطع
سونه....بإبتسامه بسيطه وانت ايه اللي جراك كل ده
عمرو.....عشان نلحقك
سونه....طب كنت اتصل عليا وانا هنستناك
عمرو....بزمتك كنتي هتردي اصلا
سونه....اه والله كنت هرد وهنستناك كمان
عمرو.....مش مهم حصل خير المهم اني لحقتك
سونه.....في ايه
عمرو.....هو ايه اللي فيه ايه انتي لاحقتي تنسي
سونه....انسي ايه
عمرو.....رفع حاجبه وبصلها تردي عليا وتقوليلي مواققه ولا لا
بصتله سونه وابتسمت بعدم تصديق.
سونه......انت بتقول ايه احنا اتكلمنا وقولنا ان موافقتي او ردي عليك واقف علي موقفك من اللي سمعته
عمرو.....ايوووووه عليكي لا بنقولك ايه شكلك دماغك علي قدها وهنتعب مع بعض يعني انا جاي بنجري كل ده عشان لسه بنفكر في اللي سمعته ميمشيش معاكي يعني اني جاي وانا مش فاكر. اي حاجه من كلامك اللي قولتيه ولسه مصمم نعرف ردك
ابتسمت سونه ولمعة الدموع ظهرت في عينها ومبقتش عارفه تقول ايه من فرحتها
عمرو....لا بنقولك ايه هتعيطي هناخدك من ايدك ونحدفك في البحر هتسكتي بردوا هناخدك من ايدك ونرميكي انا عايز نسمع رد الوقت 
سونه.....بأبتسامه مكانتش عارفه تتلم علي نفسها طيب مش تدي نفسك فرصه تتأكد
عمرو....يابنتي انا عايز نفهم انتي نوعك ايه بالظبط علي طول كده مصممه تطفشيني كا عريس قوليلي طيب لو في حاجه مش عجباكي فيا نغيرها يمكن توافقي من غير ما تطلعي روحي
سونه....بضحك لا مش كده والله بس
عمرو....مفيش بس سمعيني ردك
سونه.....بإبتسامة إحراج والله انت كنت قايل اني بمزاجي او ڠصب عني هنوافق وانا مش هنقدر نقول حاجه بعد كلامك ده ولا نكسرلك كلمه
عمرو....بأبتسامه بصلها انتي بتتكلمي جد يعني موافقه
ابتسمت سونه وهزت راسها بسعاده.
عمرو......ياشيخه حرام عليكي الفرهده اللي انا فيها دي ومخلياني نجري وانا صحتي علي قدي.
سونه....بضحك اه واضح ان صحتك علي قدك
عمرو....ابتسم ورفع حاجبه لا بنقولك ايه انا صحتي مفيش زيها هاااا خدي بالك يعني
ضحكت سونه وبصت بعيد
عمرو.....بصي انا مبسوط ومش لاقي كلام نقوله سبيني بس كده نتلم علي روحي واكيد هنرجع نتكلم ونتفق بس كل اللي عايزه منك الوقت تفاتحي سماح في الموضوع وتاخدي رأيها والباقي كله سيبيه عليا.
سونه.....حاضر يا عمرو
عمرو....هظبط كل حاجه مع كرم و اول ما تقوليلي ان سماح موافقه هنتفق وهاجي اطلب ايدك من والد كرم ووالد دره عشان انا عارف انك بتعتبريهم في مقام والدك الله يرحمه
سونه....بس يعني انا كنت بنقول نستني شويه لحد ما الامتحانات تخلص مش عارفه رد فعل سماح هيكون ايه وخاېفه لو فتحت الموضوع ده معاها يأثر علي مذاكرتها.
عمرو....اللي انتي شيفاه صح اعمليه وانا معاكي فيه اتفقنا
سونه....اتفقنا.
عمرو....والوقت بقي شوفتي كل المسافه اللي جرتيهالي دي
سونه....بضحك اه شوفتها
عمرو.....بأبتسامه هترجعيها تاني معايا عشان ناخد العربيه و بعد كده هنوصلك اتفقنا.
سونه....ماشي اتفقنا 
عمرو.....يلا بينا يا احلي عروسه
بصتله سونه وهي مبتسمه ومحرجه وبعدين مشيت جنبه ورجعوا تاني امكان العربيه.
وللحديث بقيه.
عشان مخليكوش تفضلوا مستنين كتي
اللي عدلته هنزله وباقي البارت واللي هو اهم جزء هينزل بعد ما اخلصوا اتفقنا مش هتأخر عليكم بعد الفجر هيكون عندكم بأمر الله
أبن_ليل
صاحبة_البطل_الواحد
أميره_اسامه
البارت الثالث و الخمسين 
الروايه حصريه لمدونه ايام نيوز
الحياه بتتغير في يوم وليله أوقات كتير كتر الضغوط والمشاكل والمصاعب والمواقف البشعه اللي بنمر بيها بتخلينا نفقد

الأمل والشغف ونفقد شعورنا للحياه عموما بنستسلم للحزن والۏجع والدموع بنستسلم للوحده والضلمه وللإكتئاب وبنعيش جوه قوقعه حزن مبنعرفش نخرج منها
بنميل للاوضه المقفوله والسرير اللي مبنبقاش عارفين امته اخر مره رتبناه بنميل للشباك المقفول اللي بنخاف نفتحه وبنحبس نفسنا جوه اربع حيطان ووقتها ميولنا الانتحاريه بتزيد اكتر واكتر لان الضغوط اللي استسلمنا ليها أخر طريقها ديما بيكون معروف.
بس لو كل واحد فينا كان عنده يقين من جواه إن كل حاجه ليها أخر وإن الحزن والضغط والمشاكل مهما فضلوا مطولين في النهايه لازم يكون ليهم أخر.
واخرهم ديما بيجي بأيدنا احنا أحنا اللي نقدر نغير الواقع اللي مش قادرين نعيش فيه لازم منستسلمش لازم نحاول ونعافر لازم نحس من جوانا أننا نستحق نفرح لازم نعرف نوصل للفرح بأيدنا لازم نكون عارفين ان الاڼتحار ضعف وفي ايدك تختار تكون بني ادم ضعيف ولا بني ادم قوي مفيش مشكله في الدنيا ملهاش اي حل حتي لو أتقفلت في وشك كل ابواب الدنيا.
مديون وعليك فلوس والدنيا كلها أتخلت عنك ومفيش أي حل وكل الابواب اتقفلت ومفيش غير لا الدفع لا للحبس أختار واحده منهم واوعي تحد بديل تالت من راسك وتفكر ټنتحر وتظهر بدور الضحيه واجه المشكله اللي حطيت نفسك فيها بكل طاقتك وقوتك قدرت تدفع وتحمي نفسك من السچن يبقي نجحت مقدرتش يبقي مفيش غير السچن واعتبره درس ليك لكن متسودش حياتك في عينك لدرجه انك ټنتحر عيش مسجون لكن اوعي ټموت كافر.
خلي عندك يقين ان حتي لو السچن هو اللي منتظرك لكن في ربنا اللي قادر يغير الكون في طرفه عين
يمكن ده اللي حصل مع أغلب ابطالنا شافوا وعاشوا تجارب ومواقف مروا بۏجع وحزن ودموع
اتعرضوا لإنكسارات مش سهله لكن في النهايه محدش فيهم استسلم حتي لو وصلوا لأقوي مراحل الإنهيار.
وكانت النتيجه العوض 
العوض اللي بيجي بعد رحله تعب 
كفيل يمحي اي لحظه ۏجع مرينا بيها في حياتنا كفيل ينسينا دموعنا و حزننا كفيل يبدل الحال من حال لحال.
واخيرا أتغيرت الحياه في يوم وليله وزي ما فرقهم الۏجع قدر يجمعهم الحب
أحداث كتير حصلت قبل أسبوع الأمتحان وكان أبرز الاحداث دي
خبر طلب عمرو الجواز من سونه
دره قالت لعيلتها في عشاء جمعهم مع بعض وزكريا ونبيله فرحولها بجد كانها بنتهم ودعولها بكل خير هي وعمرو واستنوا المعاد اللي هيجي يتقدملها فيه.
وكرم قال لعيلته في عشاء جمعهم مع بعض وكان نفس الوضع ميختلفش كتير الكل فرحلها من قلبه ودعولها هي وعمرو واستني رفاعي المعاد اللي هيجي عمرو يتقدملها فيه بحكم انها ملهاش غيرهم.
عمرو فاتح ولاده في الموضوع في البدايه جابها بطريقه هاديه مان خاېف يضايقوا ويزعلوا خاېف يرفضوا وحبهم ليها مش لدرجه انها تيجي تاخد مكان امهم
لكن سعادة عمرو اتضاعفت اكتر لما مريم وياسين فرحوا ورحبوا بوجود سونه في وسطهم.
اما سونه فا قبل ما اي حد فيهم يحكي وينشر الخبر طلبت منهم محدش يتكلم غير لما تقول لسماح عشان الكلام ميوصلهاش وتزعل كانت حابه تعرف رد فعلها في البدايه هيكون ازاي.
قعدت معاها وبدأت تحكيلها وهي مرتبكه ولأول مره سونه تقعد تحكيلها حاجه وهي باين عليها الإحراج والسعاده في نفس الوقت
سماح كانت قاعده بصلها مصدومه وفي نفس الوقت مش مبينه أي ريأكشن.
سونه
انا قولتلك كل اللي حصل وحكيتلك كل حاجه عمرو الوقت مستني ارد عليه واقوله إذا كنتي موافقه ولا لأ
سماح .هو انا ممكن أسالك سؤال
سونه اكيد يا سماح
سماح .هو انا لو قولتلك اني مش حابه الفكره خالص هتعملي ايه.
سونه .بقلق بسيط أبتسمت ابدا ولا حاجه هنقفل علي الموضوع وهنعتبر انه محصلش.
سماح .هترفضيه عشاني 
سونه نرفض اي حاجه في الدنيا مش علي هواكي يا سماح
سماح حتي لو كنتي انتي عيزاها
سونه حتي لو كنت ھنموت عليها اي حاجه في الدنيا تتعوض وحتي لو مش هتتعوض مش مهم المهم انتي انا مليش غيرك يا بت وقولتهالك كتير اي حد هيدخل في مقارنه معاكي عمرك ما هتطلعي خسرانه
سماح بإبتسامه هاديه بتحبيني اوي كده يا سونه
سونه مش هنقولك بنحبك قد ايه لان حب الام لعيالها لا ليه وصف ولا ليه مقياس ولا حتي ليه تشبيه حب الام لعيالها حب غريب مش شبه اي حاجه في الدنيا
الام تبقي ضاړبه عيالها ومتعاركه معاهم واوقات تدعي عليهم واوقات تحس انها زهقانه منهم ونفسها تطفش واوقات وهما صغيرين من كتر البهدله اللي بيعملوها تحس انها نفسها تسيبهم وتفصل كام يوم من غيرهم.
بس مع اول ااااه يقولوها تنسي زعلها منهم وعراكها معاهم وتقعد تحت رجليهم تخدمهم بقلبها اللي مېت من العرب لا يصيبهم مكروه
تبقي ضرابهم و اول ما ينامو والبيت يكون هادي يبقي هاين عليها تروح تنكش فيهم عشان يصحوا ومش مهم يبهدلوا او يطلعوا عينها ويتعبوها المهم حسهم يكون معاها
تبقي داعيه عليهم من ڠضبها لكن دعاها مش زي اي دعوه ممكن تخرج من القلب وقت غضبه دي بتبقي دعوه اللسان مجبور يقولها والقلب مخرجها بالعافيه والعقل مش مستوعبها وتبص لربنا وتكلمه بقلبها تقوله يارب متسمعش مني انت عارف انهم مهما يعملوا هما حته مني متاخدش علي كلامي
بتبقي حاسه بتعب وحاسه ان الضغوط بتاعتهم زادت عن طاقتها وتقول نفسي تجيلي فرصه بس ابعد عنهم يومين و أفصل من غيرهم واول ما تجيلها الفرصه 
قلبها ميقدرش يطاوعها ومتقدرش تخرج او تتبسط من غيرهم عشان مش بيهونوا عليها وعارفه ان سعادتها مش هتكمل غير بسعادتهم.
بإختصار يا سماح الام هي كل حاجه وعكسها في علاقتها مع عيالها حبها ليهم مش زي اي حب
واللي بنقوله ده حتي لو فهمتيه كويس مش هتقدري تحسي بيه غير لما تبقي أم عشان كده يا سماح انتي عندي مش زي اي حد وحبي ليكي مينفعش يتقارن بأي حب عشان اللي هيتساوي بيكي مهما كان مين هو خسران.
سماح .دموعها كانت نازله وهي مبتسمه وسعيده انا بحبك اوي يا سونه انتي احلي واحن واطيب ام في الدنيا
سونه .بحب مسحت دموعها وانا كمان بحبك اوي يا سماح
سماح .قولتيلي بقي هيجي يتقدملك امته
بصتلها سونه ونزلت دموعها وبعدين سحبتها وضمتها لصدرها
سونه .اوعي تعملي اي حاجه انتي من جواكي مش راضيه عنها اوعي ترضيني علي حساب قلبك انا عارفه يا سماح ان موضوع الجواز ده كان بيضايقك ويوجعك وانا مس عايزه لا نضايقك ولا نوجعك لو مش عايزه قولي انك مش موافقه وانا وغلاوتك عندي ما هنزعل.
سماح .احيه عليكي هو احنا كل يوم بيخبط علي بابنها دكتور انا موافقه طبعا دكتور عمرو محترم وطيب وذوق وظروفه شبه ظروفك هو محتاجك وانتي محتجاه انا محتاجه اطمن عليكي مع راجل يحبك من قلبه ويصونك واكيد ولاده محتاجين انهم بطمنوا عليه وعلي نفسهم ويلاقوا ام ليهم زيك يا سونه
وبعدين
انا شويه وهتجوز تفتكري يعني انا كام مره عدت عليا كنت بنفكر فيكي ازاي هتبقي لوحدك وازاي هقدر اسيبك من غير ما نطمن عليكي دكتور عمرو يا سونه جه في الوقت المناسب .
عارفه يا سونه من بعد ما الحاډثه حصلتلنا كنت كل شويه اقول لنفسي اللي اعرفه ان ربنا مش بيعمل اي حاجه غير لما يكون وراها سبب والحقيقه ان الحاډثه اللي حصلت كان ليها سبب انتي لقيتي عوضك في دكتور عمرو وهو كمان ربنا وقت ما خد منه امه بعتك ليه ولما كان هياخدني منك بعته ليا عشان ميوجعش قلبك عليا انقذتي ابنه من غير ما تعرفي وحافظتي علي بنته
ومش بس كده نظرتك للامور اختلفت بجد يا سونه قدرتي تعرفي انتي عايزه ايه ومش عايزه ايه قربتي من دره بعد ما كنتي حاسه انها خصم ليكي وقربتي من كرم لاول مره علي انه اخوكي بجد جمعكم كلكم في نفس المكان عشان تصفوا اللي بينكم وتجتمعوا وتبقوا ايد واحده علي اللي اسمه يوسف وقدرتوا تعملوا ده .
الحاډثه يا سونه علي قد ما هي وجعت الكل علي قد ما هي قربتنا من بعض من غير ما نحس ربنا كان عايز كده يا سونه كان عايز يبعد عننا طريق ويقربنا من طريق تاني احلي واجمل
ومش بعد ما ربنا اختارلك الطريق الصح وجمعكم بدكتور عمرو هنيجي انا ونقولك مش موافقه لا يا سونه انا موافقه وموافقه جدا كمان.
زمان لما كنت بنزعل من جوازك وبنضايق منك كان بيبقي عشانك والله لاني كنت بنبقي عارفه انك مش مبسوطه وانك بتعملي كده بس عشان فاكره انك هتقدري توصلي لكرم كنت بنزعل عشان بنشزفك بتظلمي نفسك لكن المرادي انا موافقه ومبسوطه وفرحانه عشانك من قلبي لان دكتور عمرو مش شبه اي حد في اللي اتجوزتيهم وسنه تقريبا قريب من سنك يعني انتوا الاتنين لايقين لبعض بجد افرحي يا سونه من قلبك وقولي لدكتور عمرو اني موافقه عليه ومستنيه اخلص امتحانات بفارغ الصبر عشان نفرح بيكم
ضمتها سونه بحب وباست سماح أيدها وانتهت قاعده الصراحه بسعاده
أحداث الاسبوع اللي قبل الامتحان متوقفتش علي خبر طلب جواز عمرو من سونه .
لكن كان في خبر ابرز و أسعد للجميع وخصوصا دره وهو بيع نصيبها في الشركات وبدايه إستلام حقها .
اتصل چاك بيها عشان يبلغها عرفها ان في مستثمر كبير قرر انه يشتري نصيبها او نصيبها هي ويوسف بعد ما خدت كل املاكه منها في البدايه ديما رفضت بس رفضها كان مجرد كلام اعتراضي متملكش غيره لان كده كده نصيب دره كان هيتباع إلا لو هي اللي هتشتري كل حاجه وبما انها مكانتش تقدر تشتري فا وافقت في البدايه حبت انها تعطل البيع في انها ترفض وتقول إن لو المستثمر حابب يشتري يبقي يشتري كل حاجه حتي نصيبها
واتفاجئت من قبوله لطلبها بأنه يشتري كل حاجه وميبقتش ليه شريك وطبعا دينا أضطرت توافق لانها خاڤت من شراكة حد متعرفهوش وقررت تاخد نصيبها وتبعد.
اتصل چاك بدره وقالها انه عنده خبرين ليها في الاول بلغها كل اللي حصل وان الشركات هتتباع ونصيبها قربب هيتحولها علي حسابها اجزاء.
دره .مش قادره نقولك فرحتي عامله ازاي يا چاك ومهما نشكرك مش هنقدر نوفيك حقك
چاك انا معملتش غير واجبي دره ومفيش بينا شكر
دره طيب قولي في بدايه كلامك قولت انك جايبلي خبرين واحد حلو وواحد ممكن يكون حلو وممكن
بكون وحش ايه هو بقي
چاك شوفي دره الخبر الحلو كنت اقصد بيه بيع الشركات وتحويل المبلغ علي حسابك
اما الخبر التاني قولتلك انه ممكن يبقي حلو او وحش وده لاني واثق من اللي بنقوله

من معرفتي بيكي يا دره الخبر ده ممكن يزعلك بس لو انتي حد تاني غير دره اكيد الخبر ده كان هيخليها طايره من السعاده.
دره قلقتني چاك قولي في ايه
چاك .يوسف!!
دره .بترقب وهدوء ماله
چاك .قدرت اوصله
سكتت دره ومعلقتش ولا حبت تسأله بس كان عندها فضول تعرف راح فين بعد اللي حصل معاه هو ودينا.
چاك مش عابزه تسأليني لقيته فين
دره لو هنسألك يا چاك هيبقي سؤالي ليه علاقه بالفضول لكن مش هيبقي ليه علاقه بالاهتمام ولو اللي هتقوله ده فيه ۏجع ليوسف اكيد هفرح فيه اطمن
چاك .وانا بقولك دره اللي انا عارفها وعارف قلبها واثق انها هتزعل عليه
دره اتكلم چاك في ايه
چاك قدرت اوصله يا دره وعرفت انه بيشتغل عامل في محل ورد
دره .پصدمه عامل في محل ورد
چاك ايوه دره يوسف مقدرش يتقبل اللي حصله ومرضيش يقدم في شركات ليها علاقه بشغله لانه معروف في مجاله ده زكرامته مسمحتلوش أشتغل بوم ونص في فندق صغير بيغسل صحون بس مكملش ومش عارف ايه السبب بس غالبا مقدرش بتحمل الشغل
وبعد كده اشتغل في محل ورد مجرد عامل بسيط بيحاول بتحصل علي فلوس تعيشه ياكل ويشرب ويسكن هو مشافنيش انا بمجرد ما عرفت مكانه روحت من بعيد شوفته بس اللي شوفته يا دره مش يوسف اللي تعرفيه ده شخص مذلول ضايع جسمه بقي هزيل واضح انه مش بينام كويس هدومه عاديه جدا عارف انه يستاهل وانا مبسوط فيه بس كمان عارف ان انتي ممكن تزعلي عليه.
شبح حزن وتأثر ظهر علي ملامح دره وردت علي جاك بهدوء.
دره .ربنا يصلح حاله هو اللي وصل نفسه للحاله دي كل حاجه حصلت چاك كانت بإختياره هو انا كنت مجرد رد فعل مش اكتر
هتسألني فرحانه فيه ولا زعلانه عليه.
سكتت دره ثواني ودموعها نزلت
دره .هنقولك اني زعلانه چاك زعلانه عشان انا اكتر حاجه بكرهها واتعرضتلها وجربت احساسها هو الذل والإنكسار ويوسف عملها فيا ومصعبتش عليه ومش بس كده ده كان ناوي لو فقد الامل فيا ېقتلني بس انا والله چاك مضايقه بجد وزعلت عشانه يوسف من زمان ملهوش في البهدله واللي بيحصل غيه ده الوقت يكسر اي حد وزعلي عليه مش عشان هو يوسف بالعكس هو ميستاهلش بس انا زعلانه علي ابو بناتي مش اكتر
چاك .عارف دره وكنت واثق ان الخبر ده مش هيبسطك بس عموما انسي وخلينا في الخبر الاهم افرحي دره واتبسطي بكل خطوه جديده في حياتك حابب كمان اقولك ان اول جزء من التحويل هيتم اول الاسبوع الجاي انتي عارفه ان المبلغ كبير وهياخد وقت مش طويل اوي يعني ايام وكل حاجه تبقي في حسابك
دره خد وقتك چاك واعمل اللي انت شايفه صح
چاك تمام دره وعموما كل حاجه هتخصل خطوه بخطوه هكون معرفك ومخليكي في الصوره اتفقنا
دره اتفقنا چاك.
قررت دره انها تسكت ومتقولش حاجه عن تحويل الفلوس لحد ما كل حاجه توصلها معرفتش غير كرم بس هو اللي كان عارف كل حاجه وعرف كمان اللي حصل ليوسف لكن معلقش أكتفي بالصمت لا كان ظاهر عليه الشماته ولا ظاهر عليه العطف.
الاسبوع كان بيجري البنات والشباب طول الوقت بيذاكروا نفسيتهم هديت كتير خصوصا دارين وديما
اللي كانوا طول الوقت بيعيطوا حالتهم النفسيه اتحسنت وقدروا يلموا المنهج
الجو العام اللي كان عامله كرم وكل اللي حواليهم مراعاة لظروفهم اللي مروا بيها كان جو جميل وبسهوله قدروا يتخطوا اي حاجه حصلت من كميه الحب اللي شافوها
الوحيد اللي كان هيتخرج فيهم هو حسن كانت اخر سنه ليه كان بيذاكر وبيشد حيله عشان يخلص لكن هو الوحيد اللي خبر جواز سونه ضايقه اكتر ما فرحه وكان ليه اسبابه لكن اكتفي بالصمت وعدم الكلام في الموضوع ده لحد ما يخلصوا امتحانات.
وأخيرا بدأت الأمتحانات اللي كانت مدتها ثلاث اسابيع
وفي كرم بوعده لديما وكان حريص ان كل امتحان يكون معاها هي واخواتها كل واحد فيهم سواء البنات او الشباب كان ليه جدول مختلف وايام مختلفه ديما ودانه بس اللي كانوا زي بعض لانهم في نفس قسم إدراه الاعمال وكان ديما معاهم دره كانت بتروح معاهم لكن اوقات كانت بتضطر تروح شغلها كرم كان بيسيب اب حاجه في ايده ويروح يوصلهم ويفضل قاعد بره لحد ما يخلصوا ويطمن عليهم ويرجعهم.
اما دارين فا كانت بنروح معاهم في الايام اللي عندهم في نفس اليوم امتحانات والايام المختلفه كان هيما بيوصلها ويفضل يشجعها.
حسن كان حريص يروح مع سماح عشان كانت دبما متوتره وخاېفه لان دراعها لسه متفكش وكانت علي طول خاېفه لكن وجوده كان بيطمنها.
محمد واحمد علي غير العاده كانوا بيذاكروا من قلبهم لاول مره من غير ما يغلبوا مها وبكر وجود البنات معاهم ودعمهم وتشجيعهم ليهم خلاهم يذاكروا ويهتموا بجد
وفضل الوضع ماشي بكل هدوء في كل امتحان لحد ما اخيرا الكل خلص وكرم اطمن عليهم كلهم مفيش حد كان بيخرج من اي ماده مضايق وانتهت الامتحانات علي خير والكل كان في انتظار النتيجه.
في خلال الثلاث اسابيع بدأت دره تسترد حقها و تم البيع بنجاح وبدأ چاك في تحويل مبالغ البيع اللي كانت بتتم بالتدريج علي حسابها
بيع الڤيلا والعربيات وفروع الشركه وحتي المبالغ اللي أتحصل عليها من الشغل اللي كان في السوق دره مكانتش عارفه تعمل حاجه لوحدها وفي الفتره دي مرمطت معاها كرم لحد ما اخر مبلغ وصلها كانت في قمة سعادتها وكرم كان طاير من الفرحه عشان شايف فرحتها في عينها وحاسس بإنتصارها الحقيقي
وفضل ساكت زي ما هي طلبت منه ومقالوش لاي حد لحد ما تخلص فتره الامتحانات
وانتهت الامتحانات علي خير ولكن قبل ظهور النتيجه وصل الجميع لاهم مرحله الكل مستنيها بفارغ الصبر وخصوصا كرم وهي جوازه من دره .
قرر كرم انهم يتجمعوا كلهم في بيت زكريا يحتفلوا بنهايه الامتحانات بتاعت البنات والشباب
واتفق مع زكريا ورفاعي ان عمرو هيجي ويطلب منهم ايد سونه
وكالعاده كان حابب يفاجئ دره بقرارته ويتفقوا ويحددوا معاد الجواز الكل تقريبا كان عارف إلا هي.
اتصل كرم علي عمرو اتفق معاه علي كل حاجه وسونه كانت علي علم بإتفاقهم وعرفت انه هيطلب ايدها منهم .
وحددوا اليوم ده يوم أجازتهم
قبل تجمعهم بيوم دره وكرم كانوا في المستشفي كانت قاعده دره في مكتبها بتفكر. والتفكير هيموتها مش عارفه تعمل ايه بالفلوس مستحيل تسيبها مجرد رصيد في البنك وخلاص وفي نفس الوقت مفيش اي حاجه في دماغها تعملها كانت حاسه انها تايهه ومش عارفه تفكر فقررت تروح لكرم
طلعت علي مكتبه وخبطت وقبل ما يقول ادخل كانت فتحت ودخلت.
كرم .اعوذ بالله ايه دخلة المخبرين دي في ايه
دره اسمع بقي لما نقولك انا دماغي ھتنفجر من كتر
التفكير وانت سايبني كده لوحدي
كرم في ايه يا بت المجانين سايبك ايه وبتفكري في ايه مش فاهم
دره .الفلوس يا كرم
كرم تاني يا دره انا قولتلك ان اخري معاكي كانت اخر خطوه إتحولك فيها اخر مبلغ بعد كده انا مليش دعوه ده مالك ومال بناتك وانتي اللي تقدري تفكري وتتصرفي فيه براحتك
دره هتسيبني لوحدي في نص الطريق يا كرم انت عارف اني مليش في البيزنس ووقت ما كنت بشتغل في امريكا علي قد ما كنت شاطره في شغلي علي قد ما انا مش هعرف اعمل ده لوحدي انا لما اشتغلت مع يوسف كنت داخله علي شغل هو اصلا موجوده فكرته لكن انا الوقت مش عارفه هعمل ايه بالفلوس دي كلها وكمان مش هفضل سايبه الفلوس مجرد رصيد في البنك بيطلع عليه ارباح وخلاص انا اسهل حاجه عندي اني اعمل كده يا كرم اقعد واحط رجل علي رجل والارباح اللي بتطلعلي بس كفيله تخليني عايشه انا وبناتي مش شايلين هم اي حاجه بس انا مش عابزه اعمل كده
كرم تمام قوليلي عايزه تعملي ايه وانا هنفذلك اللي انتي عيزاه كله بالحرف واكيد مش هسيبك زي ما انتي فاكره بس الفكره تبقي طالعه منك انتي مش مني انا
دره وانا وانت ايه يا كرم
كرم واحد يا عمر كرم بس في الفلوس اللي تخصك مش واحد
دره .يعني ايه يعني انا وانت في الفلوس مش واحد
كرم لا متستغبيش انا وفلوسي واي حاجه تخصني دي ملكك قبل ما تكون ملكي احنا الاتنين واحد فيها
دره واشمعني فلوسي انا با كرم مش واحد فيها
كرم .عشان اتربينا كده يا دره الراجل فلوسه تحت رجل الست لكن الست فلوسها ليها هي ودي فلوسك وفلوس بناتك مش هقدر يا دره.
دره .انت ليه مصمم توجعني يا كرم ليه مصمم تضايقني وتخليني نكرهه اليوم اللي الفلوس جات فيه
كرم اسمعي يا دره هتقولي اللي تقوليه هتعملي زعلانه هتعيطي هتطنطتي موقفي مش هيتغير ولا هعمل غير اللي قولتلك عليه فا اختصري علي روحك وعليا كل الكلام اللي ممكن يزعلنا من بعض ده وزي ما قولتلك أخري كان مع اخر تحويل ليكي في الفلوس وبكده انا ابقي نفذت مهمتي علي اكمل وجه ومتخلتش عنك ولا سيبتك ومش معني كلامي ده اني هسيبك تطيري الفلوس من غير تفكير لا هكون معاكي في كل اللي هتعمليه بس الفكره تطلع منك انتي كل اللي عليا نقولك إذا كانت فكره في صالحك انتي والبنات ولا بلاش منها يعني مبقاش ليكي عندي في موضوع فلوسك ده غير النصيحه واني انفذلك اللي انتي عيزاه فهمتي.
دره .فهمت ومش موافقه
كرم بإبتسامه شابفه مكتبي في ادي حيطه التانيه التالته وادي الرابعه وراكي اختاري اللي تعجبك واضربي راسك فيها
دره پغضب. بسيط انا هنقوم ضړب راسك انت فيها با ابن الرفاعي عشان نكسر راسك الناشفه دي
كرم فداكي يا ست الناس 
دره بإبتسامه حب يا كرم وحياتي بلاش تعمل كده انا بجد محتجالك
كرم وانا رهن إشارتك يا بنت قلبي بس عشان خاطري خليني بعيد عن النقطه دي بالذات
دره هو انت ليه محسسني اني جايه نقولك خد فلوسي صدقه ليك انا كل اللي بنقوله ان فلوسي دي بقت ملك ليك زي ما هي ملك ليا انا والبنات
كرم لا يا دره فلوسك انتي وبناتك ملك ليكي انتي وهما بس وعشان نكون علي نور من الاول بعد جوازنا انتي والبنات مسؤولين مني ومفيش
مليم هيتصرف من الفلوس دي عليكم طول ما انتوا مسؤولين مني.
دره .طب ما اروح اوزع الفلوس دي في الشارع وأخلص ولا اقولك اروح اقف علي اي كوبري ونعملهم عصافير الجنه ادام مش هيبقي ليهم عازه
كرم بضحك لو ده هيبسطك يلا

نعمل كده
دره .هزعلك 
كرم بحب وانا راضي
دره كرم حبيبي انا عارف ان اخر همك الفلوس وعارفه انك مش محتاج وعارفه كمان انت عندك ايه وبتملك ايه واكيد مش هتبص لفلوسي بس اللي انت بتقوله ده نظام انجليزي انا بكرهه واحنا هنبقي واحد يعني انت عايز تقنعني انك لو احتاجت اي حاجه انا هبقي اخر حد تطلب منه لا يا كرم انا مش موافقه
كرم .دره احتياجي ليكي وضع و احتياجي لفلوسك وضع تاني انا عايزك انتي زي ما انتي كده
دره .وافرض في يوم احتاجت اي فلوس مش هتقولي ياكرم
كرم إن شاء الله مش هنحتاج لان انتي عارفه ان اللي معايا لو فضلنا نصرف منه كل ثانيه لحد ما ڼموت مش هيخلص دره انا معايا ماليه خاصه من شغلي مع ابويا
معايا فلوس ابن ليل اللي زودتها اضعاف بعد ما بقت في ايدي غير الحجات اللي لحد الوقت سايبها مستخدمهاش زي اراضي وعقارات وحجات تانيه كتير
دره .يا حبيبي ربنا يزيدك اكتر واكتر واشوفك احسن حد في الدنيا بس انا بقولك افرض ليه مستخسر حتي تسمعني انك ممكن تطلب مني
كرم .لو دي هتريحك يا دره فا يوم ما اخسر كل حاجه واحتاج فلوس مش هفكر غير فيكي
دره بحب طيب ادام المبدأ موجود يبقي ليه الرفض الوقت
كرم يا الللللله دره صدقيني هتعصب عليكي انتي قافله دماغك في نقطه مش حابب انها تكون نقطه خلاف بينا
دره .بزعل تمام يا كرم اللي انت شايفه بس ادام كده كده انا اخر محطه ممكن تلجأ انك تقف فيها يبقي متشيلش همي خلاص ولا تنصح بقي ولا تنفذ انا لا عايزه نصيحه منك ولا عايزاك تنفذ اي حاجه اطلبها ليها علاقه بالفلوس
قامت دره وقفت ومشيت ناحيه الباب وهي مضايقه بجد
كرم قام وقف بسرعه وراح وراها مسك أيدها قبل ما تقفل الباب ممكن اعرف قلبتي ليه
دره .مفيش يا كرم انا تمام سيبني نخرج
كرم لا يا دره مش هنسيبك و بمزاجك او ڠصب عنك هننصحك في اي حاجه هتحبي تعنليها بالفلوس وهنفذلك طلباتك لاي حاجه تطلبيها
دره .وانا مش عايزه يا كرم لا نصيحه ولا تنفيذ منك ادام قررت اننا اتنين مش واحد يبقي كل واحد فينا يعمل اللي يريحه.
كرم .وانا اكيد مش هسيبك تضيعي فلوسك انتي وبناتك من غير ما افكر معاكي دره انا كل اللي قولته ان فلوسك دي بتاعتك بس انت مش هسيبك في اي قرار تاخديه ايه اللي مزعلك الوقت
دره اللي مزعلني انك عامل فرق بينا اللي مزعلني انك مصمم تحسسني اننا اتنين مش واحد اللي مزعلني انك لو بجد يا كرم احتاجت اي حاجه انا هبقي اخر حد ممكن تلجأله كرم انا لما رفعت القضيه علي يوسف في البدايه كنت عايزه حقي اللي خده مني انا بس مش حقه هو وقبل ما اخد كل فلوسي واديهم ليه في شركته كان وقتها رصيدي في البنك من شغلي كا دكتوره جراحه في امريكا مليون دولار سحبت كل حاجه وحطتهم قدامه واشتغلنا والشركه بقت اتنين وتلاته وكل ده باسمي انا وهو بالنص في كل حاجه رجعت فلوسي في الحساب اكتر من
الاول وفضل نصيبي في الشركات بالنص بيني وبينه
كرم انا متوقعتش لما اخد حقي وحق يوسف ان تمنهم يكون ملايين انا فلوسي في الحساب الوقت مش عارفه عددهم من كتر ما الرقم صعب وكبير عليا وعلي إستيعابي انا بكلمك في ملايين يا كرم في اكتر من 200مليون وانت جاي تقولي اتصرفي وانا عليا التنفيذ صعب يا كرم صعب بجد مش هقدر ولا هعرف ولازم نكون مع بعض في كل خطوه.
كرم .طيب ما انا قولت اني هنكون معاكي
دره .لا ياكرم تبقي معايا بتنفذ وبتنصح مينفعش في مبلغ زي ده لو مش هتبقي معايا وانت معتبر نفسك انا يبقي مش هينفع
كرم .بقلة حيله طيب قوليلي عايزه ايه
دره .عايزه انا وانت نبقي واحد عيزاك تيجي تقولي دره انا في فكره في دماغي وقبل ما تحكيلي عن تفاصيلها تطلب مني المبلغ اللي هتتعمل بيه
كرم حتي لو انا مش محتاج يا دره الفلوس اللي هنطلبها واقدر اعملها بفلوسي
دره ماهو اللي انا بحاول اشرحه من الصرح واللي لازم انت تفهمه ان مبقاش ينفع نقول فلوسك وفلوسي لازم نفكر مع بعض ننفذ مع بعض نصرف مع بعض من غير ما نقول فلوسي وفلوسك
كرم طيب خلينا نتكلم في الموضوع ده بعدين وفي هدوء لما بتقفل علينا باب واحد وصدقيني هحاول اقتنع بس الوقت انا حاسس ان في حاجه كنتي جايه تقوليها وډخلتي في حاجه تانيه.
دره صراحه اه كنت جايه اخد رأيك في كام حاجه كده قبل التجمع بتاع بكره ده.
كرم .تمام تعالي بقي اقعدي وقوليلي عايزه تقولي ايه وتعملي ايه.
دره .عايزه افرح اهلنا يا كرم هما لسه ميعرفوش ان الفلوس كلها اتحولت وعايزه لما نقولهم كل واحد فيهم يتبسط بحاجه بسيطه واولهم بكر وسونه وحسن اللي وقفوا معايا من البدايه في رجوع حقي واللي لولاهم مكانش حقي هيرجعلي غير بوجودهم
يعني بنفكر بمناسبه جواز سونه وخطوبه حسن من سماح اني اقدملهم حاجه بسيطه تفرحهم وبكر كمان بس انا مس عارفه نعمل ايه
كرم .طيب تفتكري هما هيقبلوا ياخدوا تمن وقوفهم معاكي.
دره بنقولك ايه بلاش النغمه دي عشان لو هما سمعوها مش هياخدوا فعلا اي حاجه وبعدين ليه تسميه تمن وقوفهم جنبي يا كرم الناس دي وقفت معايا بحب وساعدوني وانا حقي رجعلي تفتكر بعد ما حقي رجعلي وحاسه اني اسعد حد في الدنيا منفرحهمش زي ما فرحوني دول حتي المبلغ اللي اداهولهم يوسف وقت الخطه اللي عملناها سلموهولي ومخدوش اي حاجه
كرم وده اللي بنقوله هما مش مستنين منك حاجه يا دره غير انهم يشوفوكي مبسوطه
دره وانا ياسيدي مبسوطه وعايزه ابسطهم ايه غلطت
كرم لا مغلطتيش ومبسوط انك بتفكري بالطريقه دي وعايزه تفرحيهم زي ما فرحوكي بس نلاقي بقي طريقه كويسه لما تعمليها ميفهموكيش غلط
دره امال انا هنا عشان ايه ما انا جيالك بنفسي اهو وعيزاك تفكر معايا.
كرم ماهي النقطه دي بالذات مش هقدر احددها كل واحد ليه طبع وشخصيه ومش عارف ممكن يفهموا ازاي اللي هتعمليه ده
دره يفهموه بطريقتهم بقي المهم يوصلهم اني مبسوطه وعايزه افرحهم وابسطهم معايا.
كرم طيب عشان بس يكون في علمك لو فكرتي تعرضي عليهم فلوس بجد هيزعلوا وانا بننصحك اهو واخده بالك بننصحك اهو ان ده مش صح
دره مش هعرض عليهم فلوس اكيد بس هنعمل حاجه تانيه وعايزه اخد رأيك فيها
كرم وانا سامعك ياللي مغلباني معاكي
دره بضحك اسمع يا سيدي.
وللحديث بقيه 
ده كده تاني جزء من البارت الجزء
التالت والرابع بكره بأمر الله اتفقنا يا حلويييين البارت طويل جدا والله عشان كده ريحت دماغي وقسمتهولكم عشان بردوا متفضلوش مستنين فتره طويله
بحبكم اوي
أبن_ليل
صاحبة_البطل_الواحد
أميره_اسامه
البارت الرابع و الخمسين 
الروايه حصريه لمدونه ايام نيوز
دره .أسمع يا سيدي أكيد طبعا مش هنروح نقولهم خدوا فلوس وإلا طبعا هيفهموا الحوار غلط انا بجد مش عايزه اديهم حاجه عشان وقفوا جنبي بس انا حابه افرحهم مش اكتر.
كرم جميل سمعيني أفكارك الفظيعه
دره .بضحك ماشي اتريق براحتك بص بالنسبه لسونه انت عارف ان عمرو جاي بكره وهيطلب ايدها وتقريبا هما الاتنين متفقين علي حجات كتير وربنا يسعدهم يارب اكيد صعب اني ادي سونه مبلغ بس انا شايفه بما ان هي هتكون مسؤوله عن ولاد عمرو وعن كل حاجه تخصهم فا فكرت اني نجيبلها عربيه منها تكون هديه الجواز و منها حاجه بسيطه يعني فرحة رجوع حقي
وكمان حاجه تانيه سونه مكانتش عامله حسابها في الجواز خالص واي فلوس كانت بتجيلها كانت بتتشال عشان جواز سماح فا انا حابه افرحها واخدها من ايدها اخليها تجيب كل حاجه اي ست بتحتاجها في جوازها عشان تفرح وتحس انها عروسه فعلا وتدخل علي دنيا جديده بحجات كلها جديده ايه رأيك
كرم بإبتسامه والله هي فكره حلوه والاهم انها مش محرجه
دره بالظبط اما بالنسبه لحسن فا انا حابه ان اي حاجه هيجيبها لشقته انا اللي اجيبها هديه مني ليه هو وسماح يختاروا كل حاجه وانا اللي هدفع ودي تبقي هديه جوازهم باذن الله وفي نفس الوقت مش هديله مبلغ في ايده عادي يعني. عمته مبسوطه بيه وعايزه تفرح بيه بطريقتها وفلوسه هو اللي كان هيجب بيها كل حاجه تفضل زي ما هي هو مهما كان لسه شاب وداخل علي مسؤوليه كبيره واكيد الفلوس دي هتنفعهم في حجات كتير
كرم حلو اللي بعده.
دره .بكر انا مش عارفه ممكن اعمل معاه ايه بصراحه انت عارفه اكتر مني
كرم .بكر صاحبي وعشرة عمري وانا عارف انه مش هيقبل اي حاجه صدقيني
دره .محدش بيرفض الهديه يا كرم
كرم اكيد بس ده علي حسب الهديه نفسها وطريقة تقديمها يعني مثلا لا ينفع تديله مبلغ ولا ينفع تروحي تغيريله العربيه مثلا ولا ينفع تعملي كل ده انا نفسي والله ما عارف المفروض يتعمل معاه ايه.
دره .لا ماهو انت لازم تفكر معايا متسبنيش كده المشكله ان بكر مش محتاج اي حاجه عنده كل حاجه لا هو زي سونه داخل علي جواز اقدر اهاديه بأي حاجه ولا هو زي حسن لسه شاب وداخل هو كمان علي جواز وممكن انا اللي اجيبله كل حاجه هديه مني ليه فا الموضوع بالنسبالي صعب
كرم ابتسم وبصلها لقيتها
دره طب قول بسرعه ساكت ليه
كرم شوفي يا ستي من فتره طويله بكر اشتري حتت ارض وسابها ومن وقتها معملش فيها حاجه وهو كان متعود كل ما يكون معاه مبلغ يشتري بيه حتت أرض ويركنها ويقولي مع الوقت سعرها بيغلي واهي فلوس متشاله ملهاش عازه والارض دي بالذات كانت غاليه عنده وبكر من زمان عنده حلم صغير نفسه يحققه بس هو شايف انه محتاج فرصه ووقت فاضي يعمل ده فيه
دره طيب وايه هو الحلم ده.
كرم .بكر كان حلمه يزرع الارض دي فاكهه وخضار و جزء منه يعملها مزرعه دواجن كنت لما بنسأله ليه يعني كل ده خصوصا انك مش هتستغل ده ولا انت تاجر كان يقولي انا نفسي اي خير يطلع من الارض دي يطلع لأهل الله المحتاجين فاكهه بقي خضار طيور بيض كل حاجه تروح لأصحاب نصيبها وهو كمان يستمتع بشكل الارض دي ويروح يقضي فيها وقت واحنا معاه فا لو حابه تعملي معاه حاجه هو هيتبسط بيها بجد حققيله حلمه
اللي مش لاقي وقت ينفذه .
دره معنديش

مشكله طبعا وفكره حلوه اوي يعني هنجيب حد يهتم بالارض ويزرعها بكل حاجه هو نفسه انها تكون موجوده في الارض دي بس موضوع الدواجن دي انا معرفش ازاي اعمله
كرم سبيها عليا انا دي انا اعرف حد ممكن يعمل كل ده بسهوله
دره .طيب حلو اوي وبما ان الموضوع كله طالع لله فا ممكن زود حاجه بسيطه تربيه المواشي دي لعبتكم ممكن نزود فيها حاجه زي دي زي ما بتعملوا في مزرعتكم وزي ما بابا وعبدالله بيعملوا في المزرعه بس الفرق ان اللي فيها مش هيبقي للشغل هيبقي طالع لله حتي اللبن وكل حاجه بتطلع منها تخرج هي كمان
كرم .تمام يبقي حوار الارض بتاعت بكر دي سبيها عليا انا
دره اهو كده ما انت حلو اهو وبتفكر
كرم .المشكله ان بكر صعب شويه في الحجات اللي زي دي بس انا واثق انه هيفرح بحوار الارض .
دره طيب بس في حاجه كمان هو هيفرح اكيد بس كل حاجه في الارض هتروح لله وانا لسه مصممه اني ابسطه بجد هو ومها
وانا عارفه انهم مش بيخرجوا ولا بيروحوا اي مكان فا كنت حابه احجزلهم في مكان يسافروا فيه مع بعض لوحدهم ويتبسطوا بجد ويفصلوا من العيال والشغل وكل حاجه ويقضوا يومين مع بعض
كرم .بإبتسامه شهر عسل يعني
دره .بضحك اه حاجه زي كده
كرم تمام بسيطه دي كمان وفكره حلوه.
دره ..وهنعمل ده كمان مع عبدالله ودعاء هما كمان وضعهم زي وضع بكر ومها
كرم .تمام يبقي شهر عسل جماعي وانا من رأيي يكونوا مع بعض ويتبسطوا اكتر
دره .طيب نيجي لاهم حاجه بقي امي وابويا وامك وابوك
كرم مالهم دول كمان .
دره  من حقهم يفصلوا هما كمان ويتبسطوا بجد من قلبهم
كرم .بضحك ايه عيزاهم يروحوا يعملوا شهر عسل في الجونه ولا في شرم
دره لا مش للدرجادي ده ابوك وابويا كانوا علقوني علي باب الدكاكين
كرم امال ايه طيب
دره .عايزه نطلعهم عمره مع بعض 
كرم .بحب حلو اوي وانا موافق اوي بس دي هنشرتك فيها سوا
دره لا يابابا انت بره عن فكرتي مش احنا اتنين مش واحد يبقي انا افكر وانت تنفذ
كرم .بقي كده الوقت بقينا اتنين
دره اه في دي اتنين متسرقش افكاري وبعدين انا اللي عايزه نفرحهم انت بقي حابب فرحهم بطريقه تانيه
كرم .كاشي يا ستي اللي تشوفيه هي بقت كده يعني.
دره انت اللي اخترت يا ابن الرفاعي
كرم بإبتسامه وحب تمام اللي تشوفيه يا دره هانم المهم في حاجه تاني
دره بيتهيألي انت فهمت دماغي خلاص وعارف اني عايزه نفرح الكل فاضل احمد ومحمد وهيما
كرم .عايزه تعمليلهم ايه دول كمان
دره اللي هما بيحبوا اللي انت عارف انهم بيحلموا بيه يعني انا اللي عرفته ان هيما بيهتم بالعربيات وبيحبها واكيد اي حاجه في العربيه هتفرحه وكنت يعني بنفكر نجيبله عربيه جديده
كرم لا يا دره مش هينفع
دره وانت مالك بتقاطع في هديه الولا ليه
كرم .يعني اسمعي بس كلامي وبعدين هنلف وندور ليه انتي عارفه وانا عامل نفسي عبيط ومستني تتكلمي معايا
دره .بضحك اه عارفه ان هيما بيحب دارين ودارين بتحبه ومقولتش عشان انت مفتحتش الموضوع
قام كرم من مكتبه وراح عليها مسكها من قفاها
كرم .طيب وبما انك فتحتي الحوار تعالي بقي يا بت نبيله عشان تتروقي
دره بضحك في ايه بس انت قافش حرامي
كرم .بتفتحي الباب للولا بليل يا دره بتدخليه عندكم كمان ده انتي ليله اهلك سوده
دره بضحك اسمع بس هنفهمك
كرم تفهميني ايه ده انا هنفخك
دره .بنقولك ايه هيما اه اكبر من ولادي بس يعني في مقام ابني وبعدين ده اخوك
كرم .مقام ابنك ايه يا شبر ونص يابت ده كف منه يرقدك ده انتي لو خرجتي معاه في شارع الخلق
هتفكرك الجو بتاعه 
دره بحب وهي بتضحك انت بتغير من اخوك يا كرم
كرم انا نغيير من أبويا ذات نفسه ودي الاصول انا عديتهالك وعديتهاله هو اصلا جه حكالي كل حاجه بس ودين محمد يا دره لو اتكررت هننفخك و أكتر من ابوكي واخوكي وحسن ميدخلش عليكي وانتي لوحدك مفهوم
دره .حتي لو حصل نصيب بينهم وبقي جوز بنتي بجد
كرم لما ده يحصل نبقي نشوف وبردوا طول ما انا مش موجود وهو ولوحده من غير دارين ميدخلش مفهوم
دره .طب خلاص اهدي شويه 
يا باي عليك
كرم .هنعديها هاااا بس ده مجرد إنذار وهو مش هيكررها تاني متقلقيش
دره قولتلك خلاص خلينا في المهم الوقت قولت لا ليه علي العربيه ده هيبقي جوز بنتي المستقبلي
كرم ماهو عشان كده مينفعش لما يبقي جوز بنتك ابقي هاديه زي ما انتي عايزه انما الوقت ملهاش مناسبه وبعدين لما يبقي يصرف ډم قلبه علي دارين وقتها نبقي نكافئه ونهاديه كمان غير كده لا اخرك معاه هديه بسيطه خروجه حلوه توافقي علي حاجه تخصه هو ودارين وكده تبقي عملتي معاه اجدعها واجب
دره امممم انت شكلك هتبقي حما صعب
كرم اه اوي اتقلي عليا بس والكلام هيمشي علي محمد واحمد فهمتي اخرهم موبايل جديد سفريه حلوه يفصلوا بيها بعد الامتحانات بس كده
دره اوووووف عليك طيب ماشي المهم ده بالنسبه للهدايه اللي انا عايزه افرحهم بيها بمناسبه رجوع الفلوس ليا باقي المبلغ يا كرم هشغله في ايه
كرم .مش عارف الوقت انتي حابه تعملي ايه
دره هقولك ومتقلبش
كرم ربنا يستر اتفضلي
دره ..انت تشغله بطريقتك في المستشفي نعمل مكان تاني نوسع المكان نعمل جزء خيري لاي حد غير قادر اي حاجه
كرم .كل ده انا بعمله ولو شايف اني محتاج اكبر الجزء الخيري ده بنعمل كده من غير ما نقول
دره .علي فكره بقي انت دماغك دي صعبه وناشفه ومش هتمشي معايا وانا هنصبر عليك بس لحد ما نتجوز وهنكسرلك راسك دي بأيدي 
كرم ..بضحك ماشي موافق يتقفل بس الباب ابن الكلللللب ده واللي عايزه تكسريه ابقي كسريه انا راضي
ضحكت دره وحطت ايدها علي وشها وبعدين بصتله أتلم شويه
كرم .حاضر يا ستي هنتلم بس نتكلم جد بقي شويه
دره ماشي
كرم .بصي يا قلب كرم انا مقدر فرحتك برجوع حقك ومقدر أنك حابه تفرحي كل اللي حواليكي زي ما انتي فرحانه كل ده حلو اوي وانا مش هنقولك متعمليش كده لا هنشجعك وهنقولك افرحي وفرحي الكل بس في حجات لازم تتعمل بالعقل وأولهم حكايه تشغيل الفلوس .
ده مبلغ مش بسيط يا دره واكيد عشان تعملي حاجه تكون ناجحه لازم تعمليها وانتي درساها من كل النواحي متبقيش ماشيه فرحانه بالفلوس وراحه جايه تبعتري فيها شمال ويمين لازم الهدوء في الحجات اللي زي دي عشان تقدري توصلي لنجاح كبير متفكريش انك تشغلي في فلوسك وتحطي مثلا مليون تكسبي قدامهم مليون عشان تكوني بيزنيس وومان بجد تفكري ان المليون لما تحطيها ترجعلك عشره .
فا عشان تعملي ده يبقي لازم تاخدي اطول وقت ممكن في التفكير
دره .يعني هنسيب الفلوس في الحساب من غير ما نشغلها
كرم وهي مضيقاكي في ايه كده
بالعكس انا شايف ان حاليا كده افضل وبعدين انتي سيباها في مكان بيطلعلك ارباح مش قليله ارباح تعمل في السنه مبلغ محترم يعني. في كل الاحوال انتي اللي كسبانه .
دره طيب ريحني حتي وقولي ان الفلوس دي انت اللي هتتصرف فيها وانت اللي هتقولي اعمل ايه ومعملش ايه
كرم .حاضر يا دره هنريحك وانا يا ستي هاخد وقت حلو وهنيجي بفكره تضاعف الفلوس اللي معاكي دي وهنقولك علي حاجه تأمن مستقبل
البنات عشان بمجرد ما يخلصوا دراسه يبقي عندهم مشاريعهم الخاصه تمام كده
دره لو كده يبقي تمام اتفقنا المهم بقي تنفذ معايا اللي قولتلك عليه عايزين نفرحهم
كرم .حاضر اعتبري كل حاجه حصلت خلاص وبالنسبه لعربيه سونه لو حابه انهارده نروح بعد ما نخلص شغل للمعرض اللي بنتعامل معاه نروح
دره .اه ياريت طبعا
كرم خلاص يبقي اتفقنا.
في صباح يوم جديد الكل كان مبسوط عمرو وسونه الاتنين مبسوطين بجد بخطوه جديده في حياتهم سونه كانت متلغبطه ومكسوفه حاسه انها بتعمل ده لاول مره في حياتها واللي كان مفرحها بجد ان دي اول مره هتلاقي حد يقف معاها في جوازها الاول كانت بتاخد القرار وبسرعه تنفذه والكل يتفاجئ بخبر جوازها لكن اول مره تحس ان هي ليها كبير وليها عيله وليها ناس تفرحلها عشان كده مشاعرها كانت مختلفه اتحولت من دور الست المسؤوله اللي بتاخد اي قرار وقت ما تحب من غير ما اي حد يحاسبها لبنت عشرينيه اهلها هما اللي بياخدوا قرارات تخصها وهما اللي واقفين في ضهرها والاحساس ده لوحده كان كفيل يضاعف فرحتها 
طول اليوم سماح كانت رايحه جايه تغنيلها وتعاكس فيها عارفه انها مكسوفه فكانت حابه ترخم عليها وفي نفس الوقت تبسطها.
اما دره فكانت متحمسه تقولهم علي الخبر وتفرح الكل باللي هي بتعمله من وراهم لكن مكانتش تعرف ان كرم بالاتفاق مع الكل عاملنلها مفجأه
حسن كان مخڼوق ومش علي بعضه بقاله فتره كان بيحاول ميبينش لكن سماح كانت حاسه انه في حاجه وسألته كتير بس كان بيقولها مفيش اي حاجه.
نزل حسن وقف علي باب البيت يشرب سېجاره كرم كان في الوقت ده في شقة امه تحت ودخل البلكونه يشرب سېجاره فا لمحه ابتسم ومسك مشبك حدفه بيه.
بص حسن بسرعه واول ما شاف كرم ضحك.
حسن طب ليه كده طيب كنت لسه هنشتم
كرم طب جرب يا حيلتها كده
حسن بضحك والله فكرت عيل اللي حدفه بس يلا في بيتها يا عم كيرو
كرم بتهبب ايه عندك ياولا
حسن .ولا حاجه بنشرب سېجاره
كرم والسېجاره مينفعش تتشرب في البلكونه فوق
حسن عادي بقي
كرم مالك ياولا
حسن بصله شويه وسكت وبعدين هز راسه مفيش
كرم .عليا طب خليك مكانك انا جاي.
هز حسن راسه واستناه
نزل كرم كان لابس بنطلون رافعه لحد ركبته وشبشب وشكله ميحويش انه دكتور ابدا شكله شاب عادي نازل الشارع بتاعه وسط اهل منطقته بكل تواضع.
قرب منه ووقف جنبه.
حسن بضحك انت كنت بتغسل سجاد البيت ولا ايه
كرم بضحك عشان البنطلون يعني لا كنت بنتوضأ من شويه وكسلت ننزله
ضحك حسن عليه وبعدين سكت
كرم .فيك ايه حاسس انك مش مظبوط
حسن لا والله ابدا عادي
كرم .لا مش عادي وعلي فكره حقك انا لو مكانك هنفكر بطريقتك
بصله حسن ابتسم وهو بيركز بعينه
كرم مالك ياض باصصلي كده ليه مستغرب يعني اني فاهمك طب ده انا مفيش حد نعرفه بنبص في عينه غير لما نعرف ايه اللي بيفكر فيه
حسن .عراف يعني طب ماشي قولي ايه اللي بنفكر فيه ومضايقني
كرم جواز عمرو من سونه ووجود سماح معاهم في نفس المكان.
حسن بصله پصدمه وضحك احيه يا جدع

انت مخاوي ولا ايه ده امي وابويا نفسهم معرفوش
كرم عيب عليك انت بتتكلم مع راجل لحس تراب الاسفلت بلسانه
حسن .طيب قولي نعمل ايه وعندي حق ولا لا بص يا كرم دكتور عمرو كويس ومحترم وانا حبيته والله بس انا ڠصب عني مش قادر نتقبل الفكره عمرو صغير مش زي اي حد اتجوزته سونه كمان اخر جوازه ليها سماح كانت لسه صغيره بس الوقت انا كبرت و الحجات دي اختلفت جوايا وسماح كبرت انت فاهمني
كرم فاهمك واول كلامي
معاك قولتلك ان انت معاك حق واني لو في مكانك هنعمل زيك وهنضايق
حسن طب قولي يا كرم انت بقي لو مكاني بعيدا عن انك هتضايق هتعمل ايه وتتصرف ازاي
كرم حجات كتير بس انا يهمني نعرف اللي في دماغك
حسن انا لو عليا منقدرش نقول سونه تتجوز ولا لا دي مش بتاعتي هي حره بس كمان مش هنقدر نقولها تأجل الموضوع لحد ما نتجوز بنتها انا لو عليا والله مستعد نتجوزها انهارده قبل بكره 
بس
كرم بس ايه ايه اللي يمنع لسه مش مستعد
حسن لا قولتلك اني مستعد نتجوزها الوقت حالا
كرم طيب مش جاهز
حسن ولا دب كمان يا كرم الشقه موجوده والعفش وكل حاجه تتجاب علي طول ادام الفلوس حاضره
كرم امال فين المشكله مش فاهمك
حسن المشكله ان انا خلصت دراسه بس سماح لسه في تالته.
كرم والله لو بتحبها بجد مش هتخلي الجواز يأثر علي مستقبلها وهتكون اول واهم داعم ليها هتخليها تكمل وهتشجعها وتكبر حلمها كمان وتقضوا اخر سنه مع بعض
حسن تفتكر امها هتوافق
كرم لو علي سونه ميتهياليش هتعترض ودي سيبها عليا ولو علي اللي عندك كلهم مش هيمانعوا انت مخلص دراستك راجل بتشتغل كل حاجه عندك يبقي ناقصك ايه
حسن ..يعني انت رأيك كده
كرم انا رأيي انك تطلب أيدها للجواز مش لفاتحه ولا شبكه
حسن .طيب قولي نفاتحهم يعني انهارده
كرم .انت شايف ان الموضوع محتاج تأجيل بص يا حسن عمرو هيطلب ايد سونه وهيتفقوا علي كل حاجه واكيد هيتفقوا علي المعاد وبيني وبينك كده اللي عرفته منه انه حابب يبيع شقته ويجيب شقه تانيه تكون جديده ويبدأوا كل حاجه علي جديد
فا هيحصل حاجه من اتنين يا سماح هتروح معاهم وطبعا انت مش حابب كده واكيد مش هتتحمل تبعد عنك يا هترفض وتقول انها هتعيش في شقه ابوها وبردوا ده ميصحش انها تبقي لوحدها فا الصح في الحوار ده كله انك تتكلم وتطلب ايدها للجواز الوقت مبقاش محتاج تأجيل ده ظرف ولازم يتحل بطريقه صح بس كمان لازم يا حسن تكون قد الكلمه اللي هتديها جوازك من سماح ميعطلهاش عن باقي دراستها تقف معاها تخليها تكمل والافضل انكم تأجلوا حوار الاطفال لحد ما هي تخلص عشان ميبقاش ضغط عليها هتقضوا السنه دي بالطول والعرض مع بعض لحد ما تخلص دراستها
وكده هتبقي عملت اللي يريحك ومش هتيجي علي سونه وعمرو ولا هتيجي علي سماح
حسن وانا مستعد والله يا كرم واكيد مش هنخلي سماح تضيع مستقبلها علي اخر سنه وهنعمل كل اللي نقدر عليه عشان تنجح وبتقدير كمان
كرم وانا واثق فيك ياض
حسن طيب تفتكر اني اعرف ابويا وامي قبل قعده بليل دي عشان نحطهم في الصوره ولا انت شايف ايه
كرم اه عرفهم عشان يبقوا معاك علي الخط ومتقلقش انا كمان بليل مش هنسيبك
حسن اه بالله عليك يا كيرو متسبنيش نتكلم لوحدي.
كرم .بغمزه عيب عليك ياولا قولتلك متحملش هم اي حاجه كرم الرفاعي بيدخل فيها بتبقي خلصانه.
حسن بإبتسامه وسعاده يا جدع انت طلاق تلاته مافي اجدع منك في الدنيا كلها 
كرم .حبيبي ياولا ده انت ابني اللي مخلفتهوش روق كده بقي وفك اللي انت عايزه هيحصل واجهز يا عريس
حسن هنجهز بس بنقولك ايه حاول تخليهم ميستعجلوش في حوار جوازهم عشان نلحق نخلص الشقه انت عارف هتاخد وقت
كرم ولا وقت ولا حاجه نتفقوا احنا بس علي كل حاجه ومن بكره نجيبلك صنايعيه تشتغل فيها ليل ونهار وانت وسماح تروحوا تختاروا العفش مسافه ما الشقه تخلص تكون استلمت وفرشت ولو علي حاجه سماح اطمن اسبوع وتكون مخلصه
حسن اسبوع ايه بس هي البنات بتخلص في يومها دي عيزالها
شهرين بالمېت خصوصا ان سونه هي كمان هتبقي مشغوله بجوازها
كرم .دره والبنات ومها وامك لا هيسيبوها ولا هيسيبوا سونه اطمن انت بس اتفقنا
حسن اتفقنا يا اجدع كرم في الدنيا بحالها بنقولك ايه انت خدت من وقتي كتير وانا عريس ومش فاضيلك
كرم بضحك اه يا ناقص ما حقك خدت اللي انت عايزه ابقي شوف مين وحياه امك هيقف معاك
حسن بضحك وربنا حبيبي
كرم بحب يلا اطلع يا ولا
جري حسن علي فوق عشان يبلغهم بقراره.
وللحديث بقيه..

أبن_ليل
صاحبة_البطل_الواحد
أميره_اسامه
البارت الخامس و الخمسين 
الروايه حصريه لمدونه ايام نيوز
........................
طلع حسن بسرعه علي فوق يتكلم مع عبدالله ودعاء وفضل كرم في الشارع شويه وبعدين هو كمان طلع.
...............
عبدالله....أيوه يا ابني بس تفتكر أمها هتوافق
حسن.....وهي هترفض ليه انتوا بس رايكم ايه
عبدالله....انا معنديش مانع اللي انت عايزه و شايفه صح اعمله
حسن....وانتي ياما
دعاء....بسعاده الاجابه باينه علي وشي يا ولا اكيد طبعا معنديش مشكله ونفسي افرح بيك انهارده قيل بكره وعلي فكره انا كنت حاسه بيك من يوم ما عرفت من دره علي موضوع عمرو وانت لا قاعد علي حامي ولا علي بارد بس قولت اسكت
حسن......طيب خليكم معايا انهارده بقي انا حبيت نعرفكم ونحطكم في الصوره
عبدالله....اتكل علي الله وانا في ضهرك يا حسن واللي فيه الخير يقدمه ربنا
حسن....يارب يابا
.............
اليوم كان بيجري بسرعه الكل مبسوط عشان دره وكرم وأغلبهم بيجهزوا دره الوحيده اللي مكانتش عارفه ولا حتي كانت شاكه في التغفيله اللي هيغفلهلها كرم كانت فاكره انها هتفاجئ الكل بس طلع الكل اللي هيفاجئها.
وصل كرم وعيلته وبعد شويه وصلت سونه وسماح سونه كانت داخله مش علي بعضها ولا في طبيعتها مكسوفه ومحرجه وفي نفس الوقت حاسه بسعاده.
دعاء....ايه يابت يا سونه القمر ده
مها.....احيه مش عروسه
سونه....بهمس وڠضب بسيط بنقولك ايه انتي وهي ودين محمد لو مفكرين انكم تطلعوني مسرح لا هنسمعكم ربع متلبسوش عليه هدوم
دعاء.....بضحك لمها احيه هو احنا قولنا حاجه.
قربت منهم دره وحطت ايدها علي مها وسونه
دره.....بضحك في ايه مالكم مزعلين عروستنا ليه دي الليله ليلتها
سونه....حتي انتي يا دره انا كان لازم نعرف ان لمتكم انتوا التلاته دي فيها حفله ومسرح
مها.....بإبتسامه يابت بننكشك عشان تفكي وبصراحه بقي مش متعودين عليكي مؤدبه كده ومكسوفه.
سونه.....أن جيتوا للحق انا مش بس مكسوفه انا حاسه اني عامله عامله انا ذات نفسي مستغربه الادب اللي نازل عليا ده
ضحكوا كلهم علي سونه.
سونه....بضحك اه والنبي حاسه كده اني ملزقه وشغل النحنحه ده مش لايق عليا بس هو اللي طالع لوحده.
دره.....يابت مره من نفسك يعني بزمتك ينفع الشكل والجسم يبقي لست والفعل دكر
مها....احيه مين دي اللي دكر يابت دي كلها انوثه
سونه....يا اختي نشالله تنستري اول مره تقولي في حقي كلمه عدله
مها......بضحك من نفسك بقي يا عروسه
سونه....انتي تاني بنقولكم ايه روحوا اقعدوا في حته مش ناقصه توتر وبعدين لما عمرو يجي إن شالله تنستروا بلاش المسرح قدامه مش هنعرف نرد وبعدين لو رديت الراجل هيطفش
دره....احنا نعمل كده لا طبعا
سونه....تصدقي بالله مش خاېفه غير منك انتي واللي تنشك مها
مها.....بضحك يابت ده انا ما صدقت تيجي تحت ايدي
دعاء.....مټخافيش يا بت انا هنحوشهم عنك
سونه....حبيبتي يا دعاء انتي العاقله اللي فيهم.
الباب خبط في الوقت ده اول ما رن الجرس سونه اتوترت ومسكت في ايد دعاء
دعاء...في ايه يابت لاااا ده انتي حالتك صعبه وحقهم يطلعوكي مسرح
دره....اهدي وروحي اقعدي يا مصېبه
سونه....شكلي حلو طيب
مها....يابت وربنا قمر الله يكون في عونك يا عمرو
دره....بضحك بطلي قلة ادب هي ناقصه لغبطه
مها....سبيني انا ما صدقت نشوفها مزنوقه
فتح عبدالله الباب واستقبله كرم اول ما مريم شافت سونه من بعيد جريت عليها ياسين فضل جنب عمرو كان مكسوف.
سلم عمرو علي كرم وعبدالله ودخل سلم علي الكل رحبوا بيه وقعد بعد ما سلم علي سونه اللي بصتله ثواني وبسرعه بعدت عينها
نبيله.....نورت يا دكتور
عمرو.....الله يخليكي يا ست نبيله البيت منور بأصحابه
نبيله.....القمر الصغير عامل ايه الوقت.
عمرو....لا بقينا احسن كتير الحمد لله
عبدالله....عملت ايه في الامتحانات يا بطل
ياسين....الحمد لله كانت سهله.
عبدالله....الحمد لله يا حبيبي بالنجاح إن شاء الله.
زكريا.....والقمر الصغير اللي دخل جري علي سونه ومسلمش علينا.
كرم.....خلاص بقي لقت صحبتها
عمرو.....مسلمتيش علي جدو يا مريم.
مريم....بإبتسامه نسيت
عمرو....طيب يلا مش نسلم كده ونعرفهم ان احنا بقينا كبار وبنسلم.
راحت مريم قربت من زكريا بحب
زكريا.....عامله ايه طمنيني عليكي
مريم....الحمد لله كويسه
نجوي.....ايه اللبس الحلو ده يا مريم
مريم....بابا اللي اختاره
نجوي....جميل وانتي اللي محلياه
مريم.....شكرا
سابتهم مريم وجريت تاني علي سونه.
زكريا....بضحك الله كده بردو.
عبدالله....بضحك هي جايه محدده هدفها من الاول
عمرو.....بابتسامه جميله بص لسونه وبعدين بص لعبدالله ايوه صح هما صحاب نطلع احنا منها بقي.
سماح....طب وانا يا مريومه مش هتيجي تقعدي جنبي
مريم.....انا خاېفه علي ايدك
سماح....بضحك ده حملة فكرهم ونكد عليهم دي خلاص يا ستي قربنا نفكها
مريم....خلاص لما تفكيها

هبقي اقعد جنبك
سماح....انتي پتخافي ولا ايه
مريم.....لا اخاڤ اخبطك فيها
سماح....ياروووحي والله فكرتك خاېفه مني
هيما بهمس قرب من دارين
هيما....ايه القمر ده
دارين.....انت اللي شكلك حلو اوي
هيما.....بجد
دارين....اه والله وعلي فكره وحشتني
هيما.....يا نصابه ده انا مزهقك في عيشتك
دارين....لا والله ابدا وبعدين انا مبسوطه انت مالك
هيما....خلاص يا ستي هنطلع منها بنقولك ايه
دارين....قول
هيما.....دره محستش بأي حاجه
دارين....لا متقلقش بس لو دانه كانت طولت معاها شويه كانت حست
هيما....بضحك دانه لا يبقي حست عملت ايه المصېبه دي
دانه.....كانت بتختار لمامي فستان تلبسه ومصممه عليه ومامي تقولها هو انا رايحه فرح ومرضيتش تلبسه
هيما.....مش مهم المهم انها محستش بحاجه انا كان قلبي حاسس ان المصېبه دي هتفضحنا
دارين.....كل ما افتكر كيرو وهو بيأكد عليها هي بالذات افطس من الضحك
هيما.....بضحك وانا والله اوعي يا دانه اوعي تقعي بلسانك هنعلقك
دارين.....والله لو كانت غلطت كان علقھا وصراحه كان هيبقي معاه حق
هيما....بصي بس تحسيها كده قاعده مش علي بعضها عشان كاتمه السر
دارين.....بضحك اه اوي والله بس علي فكره دانه والله مش فتانه هي مشكلتها انها مش بتعرف تخبي تلقائيه وبتحب تتكلم بطبيعتها
هيما....عارف والله هي مجنونه بس طيبه اوي
دارين....طيبه خالص والله 
هيما.....بضحك ديما بقي قاعده علي الله حكايتها لازقه في كرم مش راضيه تسيبه
دارين....بإبتسامه تأثر ديما بتحب كرم اوي هي كانت متعلقه ببابي اوي عشان كده الوقت بقت ماسكه في كرم علي طول بحسها بيبي في نفسها وكيوت واوقات كتير بضايق عشانها
هيما.....متقلقيش عليها ادام مع كرم هتبقي ديما مبسوطه
دارين....يارب يا هيما.
استمر الكلام والترحيب وفتح المواضيع اللي ملهاش اي لزوم لمدة ساعه زي اي بيت مصري بيحصل فيه مناسبه سعيده الكلام اللي مش مترتب والمواضيع الغريبه لازم تتفتح.
دره بصت لكرم وضحكت بهدوء وشاورتله بهمس بمعني اتكلم لانهم مش هيسكتوا.
ضحك كرم وهز دماغه شمال ويمين وبعدين عدل نفسه.
كرم....احمممم طيب يا جماعه نسيبنا بقي من المواضيع الشيقه دي وندخل في المفيد ولا ايه يا دكتور.
عمرو....بإبتسامه أيه الخطفه دي
كرم....لا ما هي لازم تيجي بخطفه كده وبعدين عندنا شويه كلام عايزين نقوله بردوا
نجوي....بضحك الله ما براحه عالجدع يا ولا.
ابتسمت سونه بإحراج وفضلت باصه للارض وهي بتلعب في شعر مريم بإرتباك
كرم....انا جيت جنبه انا قولت نغير المواضيع وسيرة المستشفي والجو الحزين ده.
عمرو.....بتنهيده طيب يا جماعه كرم معاه حق وخلينا ندخل في المفيد حاج زكريا حاج رفاعي اكيد انتوا عارفين انا هنا ليه انا هنا عشان نطلب منكم ايد سونه
والحقيقه هي كانت مصممه علي ده لانكم عيلتها وانا جاي لحد عندكم عشان نطلب ايدها منكم.
زكريا....تشرف وتنور يا دكتور واكيد مش هنلاقي احسن منك كفايه شهادة كرم فيك.
عمرو.....تسلم يا حاج كرم ده اكتر من اخ وربنا يعلم.
رفاعي.....لو علينا يا ابني فا زي ما قال المعلم زكريا مش هنلاقي احسن منك لبنتنا بس الاصول بتقول اننا نسمع رأي عروستنا ولا ايه يا سونه.
سونه....بهمس احيييييه عليا
دره ومها ودعاء فطسوا من الضحك وبدأ الكل يضحك عليهم بهمس.
نبيله.....مالك يابت يا رخمه منك ليها بترخموا عليها ليه..
مها....احنا اتكلمنا يا بلبله
سماح....خبت وشها وكانت فطسانه من الضحك معاهم
رفاعي.....سيبك منهم يا سونه وسمعيني ردك.
سونه.....بإحراج كان نفسها الارض تتشق وتبلعها وتقتلهم موافقه
نبيله.....سمعونا زغروطه يا بت انتي وهي
الكل فضل يزغرط وسونه بصالهم وهي مبتسمه ومحرجه سماح ضمتها من كتفها وهي مبسوطه 
طبطبت سونه علي ايدها وفضلت ساكته مش عارفه تنطق.
عمرو......طيب انا في حاجه حابب اقولها لو تسمحولي.
سكتهم زكريا وبص لعمرو.
زكريا....قول كل اللي في نفسك يا ابني .
عمرو....طبعا مش هقولكم متقلقوش علي سونه وانها هتبقي في عيني واني هعاملها معاملة الإسلام وكل الكلام ده لان بيتهيألي الفعل مع الوقت هيثبت كلامي وسعادتها قدامكم هي اللي هتثبتلكم اني بتقي ربنا فيها
وبردوا مش هنقول لسونه قدامكم اني عايزها اهم حاجه تعامل ولادي بطريقه كويسه ولا تعبترهم ولادها لان لو انا من البدايه مش واثق في النقطه دي مكانش زماني موجود هنا بالعكس سونه من قبل اي حاجه حبت ولادي واعتبرتهم زي سماح فا مش محتاج اوصيها عليهم انا واثق فيها.
رفاعي....كلام جميل ومبشر
عمرو.....انا بس ليا طلب لسونه حابب نطلبه منها قدامكم
زكريا......قول كل اللي في نفسك يا ابني
عمرو....انا عرفت من سونه انها تحت اي ظرف مش بتسيب بيتها عشان خاطر تكون حاسه بآمان

هي وسماح طبعا حقها ومفيش حد فينا بيرتاح غير في بيته
رفاعي.....اكيد طبعا يا ابني
عمرو.....بس كمان انا ليا طلب انا حابب ابدأ بدايه جديده في حياتي كلها مع سونه ومش حابب اننا نتجوز في البيت بتاعها مش عشان اي حاجه بس هتكون تقيله عليا كراجل اني اعيش في بيت مش بيتي البيت ده بيت سماح بيت والدها واللي مش من حق اي راجل يشاركها فيه وده حقها
وطبعا انا عارف ان سونه مرتبطه ارتباط قوي بالمكان هنا فا عشان كده انا قررت نبيع شقتي وناخد شقه قريبه من المكان هنا منها سونه تكون في وسطكم ومنها محدش يتعدي علي خصوصيه سماح في بيت والدها
وكلامي ده مش معناه ان سماح مش هتبقي معانا لا سماح هتفضل معانا زيها زي مريم وياسين
انا وسونه هنكون ضيوف عليهم 
والشقه الجديده هتبقي بتاعتهم هما التلاته مش بتاعتنا احنا.
زكريا....بإبتسامه صراحه عداك العيب يا ابني
رفاعي.....ولو عالشقه في بدل الواحده تلاته في المنطقه هنا
عمرو....مش هتفرق سونه وسماح والولاد يختاروا الشقه اللي تعجبهم لان هما اللي هيقعدوا فيها علي طول انا هنكون مجرد ضيف عليهم
نبيله.....ايوه يا ابني اللي بتقوله ده صراحه كلام زي الفل بس سونه هتقفل شقتها بس هتفضل موجوده انت هتقدر تبيع الشقه بتاعتك اللي ليك ذكريات فيها انا بنتكلم بس عشانك وعشان ولادك ميضايقوش.
عمرو.....بصي يا ست نبيله اولا الشقه بتاعتي مش بعيده عن المكان هنا كرم هو اللي عارف مكانها يعني بينا حوالي تلت ساعه فا لو علي ارتباطي بالمكان انا والولاد مش هيفرق كتير اما بقي بالنسبه للشقه انا ذكرياتي الحقيقيه موجوده في شقه ابويا وامي الله يرحمهم ودي مقفوله وموجوده زي ما هي في سيدي بشړ امي جات قعدت معايا بعد ۏفاة مراتي الله يرحمها عشان تاخد بالها من الولاد والشقه دي كانت تاني مره نغيرها من بعد جوازي اول جوازي كنت قاعد في شقه كذا سنه بس سيبتها لانها كانت بعيده عن الشغل وخدت الشقه اللي انا فيها دي قبل ما مراتي تتوفي بحوالي سنتين
يعني بإختصار الشقه دي