رواية ابن ليل بقلم اميرة اسامة ج٦

المهمه اللي يعرفها كرم ومعارف زكريا ورفاعي والكل.
هيما....پغضب بهمس انتي ايه اللي لبساه ده
دارين...ايه وحش
هيما.....ضيق وقصير يا دارين عشان كده مرضتيش تاخديني.
دارين.....لا والله بس قولت تشوفه يوم الفرح مكنتش اعرف انه مش هيعجبك
هيما....بالعكس حلو بس انا بسببك بيتهيألي هنعمل الف عاركه
دارين.....بإبتسامه بتغير عليا يا هيما
هيما......لا بنغير علي منكش 
ضحكت دارين وحاولت تراضيه عشان اليوم يعدي.
اما عند دانه ومحمد
دانه....خلاص بقي وحياتي
محمد....اسكتي بدل ما نتحول عليكي
دانه....بضحك طب انت بتدور علي ايه
محمد.....مش عارف هاين عليا نسأل الخلق معاهم ابره وخيط تخيطي الفاتحه دي. شويه
دانه.....بضحك عايزني اخيط الفاتحه يا مچنون
محمد......طب اسكتي بدل ما نفرجك الجنان اللي علي حق
دانه.....بضحك طيب هسكت خلاص
محمد.....بإبتسامه ڠضب اضحكي اضحكي
دانه....طيب بزمتك شكلي حلو
محمد......يخربيت جمال امك قمر بس بردوا مش طايقك
دانه......خلاص بقي سماح المرادي
محمد.....سماح مع حسن
دانه.....بضحك بتتريق يا رخم 
محمد.....انتي تفضلي جنبي لا تروحي شمال ولا يمين فاهمه
دانه.....حاضر بس فك بقي بلاش نكد
محمد......طيب يا اختي هنفك
دانه.....بس ايه الحلاوه دي
محمد....بضحك وهو بيمسك البدله ايه رأيك البدله طرش هااا
دانه....رفعت حاجبها يعني ايه طرش
محمد.....بضحك لا بنقولك ايه مش وقتك دي كلمه عابزه سنه علي ما تفهميها هنفهمهالك بعدين انجري قدامي.
وقفت دره قدام المرايه تبص لنفسها مكانتش مصدقه كانت اول مره تشوف نفسها بعد ما خلصت لبس وميك اب قلبها كان بيدق بطريقه فظيعه بعد ما كانت رافضه انها تلبس فستان ويتعملها فرح حست نفسها مبسوطه وحست انها رجعت بنت عشرين
الباب خبط قلبها وقع في رجلها كانت عارفه انه ابوها.
وقفت ضهرها للمرايا وبصت
علي الباب الميكب أرتسيت كانت واقفه معاها هي والبنات اللي بيساعدوها فتحوا الباب لزكريا
اول ما لمحها واقفه قدامه بالفستان سكت وفضل باصص عليها قلبه بيدق و مقدرش يتحكم في دموعه
بصتله دره بإبتسامه تأثر وعينها لمعت
المكيب ارتيست.....لا دموع لا الميكب هيبوظ
دره......بنقولك ايه امسك روحك بدل ودين محمد هنعيط و كل ده هيبوظ
ابتسم زكريا وفضل يعيط
الميكب ارتيست.......ايه رأيك يا حاج في القمر بتاعتنا
زكريا......تسلم ايدك يا بنتي اللهم بارك ملاك 
دره......هتفضل ټعيط كده كتير 
زكريا.....ڠصب عني يا بت قلبي
دره.....طب قولي شكلي حلو
زكريا......حوريه من الجنه يا بت الجمال
ابتسمت دره وحاولت تاخد نفس عشان توقف دموعها اللي ھتموت وتنزل وبعدين قربت من زكريا مسكت ايده 
زكريا.. هتوقفي قلبي من الفرحه
دره.....بضحكه جميله بعد الشړ عنك يا حبيبي
زكريا.....ربنا يسعد قلبك واشوفك اسعد خلق الله انتي وكرم حطيه في عينك يا دره الولا بيحبك اوي
دره.....اطمن يا حبيبي متقلقش
زكريا......طيب ايه يلا بقي الكل مستني تحت وكرم نازل علي عينه مش طابق حد وھيموت ويشوفك
دره....بضحك يعني استني كل ده مش قادره يصبر شويه كمان
زكريا.....تصدقي بالله انا خاېف علي الولا لما يشوفك قدامه وانتي زي القمر كده الله يكون في عونك يا كرم.
ابتسمت دره بإحراج وسكتت حطت ايدها في ايد زكريا شكرت الميكب ارتيست والبنات المساعدين علي تعبهم معاها خرجوا البنات كلهم مشيوا ودره وزكريا راحوا مع منظمين الفرح عشان يدخلوا القاعه.
في القاعه تحت كان الكل رايح جاي بيسلموا علي كرم ويباركوا الكل كان فرحان ثواني وبدأ الانوار تنخفض ونادوا علي كرم يروح يقف في مكانه عشان يستقبل ده راح وقف
وراحوا الشباب كلهم وقفوا وراه وقف كرم وسط القاعه مستني نزول دره من السلالم
القاعه هديت وبدأ الكل يستعد لنزول دره دقات قلب كرم كانت مسمعه كل القريب منه وعارف هو حاسس بأيه الوقت
الدخان كان مالي القاعه بشكل رومانسي موسيقي جميله بتعلن عن خروج دره وطلتها عليهم.
نيران بتطلع من تحت الارض حوالين كرم بشكل يجنن سقف القاعه كله بالكامل ورود بيضاء وكريستالات نازله من وسط الورد بشكل ياخد العقل.
الكل عينه كانت علي فوق
اما خلف الباب وقفت دره وزكريا
فستان دره كان ضيق ونازل من تحت علي واسع وليه ديل طويل 
كانت شبه حوريه البحر
ليكم كم شفاف علي أستراس كأن فيه ماس شكلها كان يجنن
زكريا....بصلها برضا مستعده يا عروسه
دره.....برعشه أيدها كانت متلجه لا خالص ما تقولهم يستنزا شوره حاسه اني هنقع علي السلم
زكريا.....بضحك هز راسه شمال ويمين مټخافيش انا ماسكك بس خدي بالك تتلخمي و تاخديني معاكي علي السلم
دره.....بضحكه جميله ربنا يستر
ثواني ومنظم الحفلات قالهم يستعدوا بدأ الباب يتفتح بهدوء قدامهم ضربات قلبها بقت تعلي اكتر كل ما الباب يتفتح شويه
وكل ما الباب يتفتح قدام كرم دقات قلبه هو كمان تعلي وتزيد
بدأ يلمح لون ابيض من بعيد فضل الباب يتفتح لحد ما بدأت دره تظهر قدامه وهي في ايد زكريا في الوقت ده الزغاريط والتصفير والتهليل في القاعه بدأ يعلي والكل كان بيصقف
فضلت دره تنزل بهدوء مع زكريا وهي بتقسم من جواها انها هتفقد وعيها وهي شايفه كل الناس دي باصه عليها بصت علي كرم
كان واقف باصص عليها عينه كلها بتلمع من الدموع كانت مړعوبه عليه وخاېفه بجد فرحته تأثر عليه 
كل ما كانت تنزل خطوه نبيله ونجوي يكبروا ويسموا من خوفهم عليها وعلي شكلها اللي يحبس الانفاس
مها ودعاء واقفين دموعهم نازله ومبتسمين بسعاده متتوصفش
وسونه واقفه جنبهم تزغرط
نزل زكريا بدره اول جزء من الدرج وبعدين وقف واتفضل حوالي عشر درجات كمان 
فضل كرم يقرب بهدوء عشان بطلع ياخدها عينه مكانتش راضيه تنزل من عليها زكريا باصص عليه ومبتسم وعارف انه مش معاه نهائي.
قبل اخر درجتين حاول كرم يتماسك نفسه وبص لزكريا وهو مبتسم مش مصدق نفسه دموعه مستنيه اللحظه اللي يرمش فيها عشان يتفك أثرها وبمجرد ما وقف قدام زكريا ورمش نزلت دمعه سريعه علي خده سحره زكريا علي طول لصدره وفضل يطبطب علي ضهره بقوه وحب
دره كانت ماسكه نفسها بالعافيه مش قادره تتخطي دموع كرم بس بتحاول تجاهد دموعها عشان الميكب ميبوظش
رفع زكريا وش كرم بايده و بصله بحب
زكريا.....مش هنقولك خد بالك منها عشان اللي شايفه في عينك اكبر بكتير من لني نوصيك عليها
بص لدره ومسك ايدها قربها وخلاها واقفه في وش كرم
زكريا.......بس هنوصيها هي عليك وهنقولها تحطك في عينها وفي قلبها بعد ابوكي يا دره مش هتلاقي سند يشيلك جوه قلبه زي كرم حافظي عليه و عوضيه وعايز ديما اشوف السعاده جوه عينه
اوعي تزعليه في يوم او قلبك يطاوعك تخلي اليوم يعدي و هو نايم مضايق انا الوقت لو مۏت يا دره ھنموت وانا مطمن عليكي بجد يلا انا طولت عليكم استلم عروستك يا بطل
بص كرم لدره ابتسم ومال براسه بهدوء وهو عينه في عينها
ضحكت دره ضحكه هاديه وبصتله وهي في دموع في عينها
دره.....خد
بالك الميكب لو باظ مش هيهمني الخلق دي كلها وهنسمعك ربع يا ابن الرفاعي
وسط تصقيف وتهليل وتصفير وزغاريط وبدأوا يرقصوا رقصتهم الأولي لف ايد علي وسطها وهي حطت ايدها الاتنين علي كتفه وبدأ رقص معاها وايده التانيه علي خدها بيحركها بهدوأ كأنه بيحفظ ملامحها وبيرسمها في خياله وتاه معاها في عالمه ونسيوا الناس حواليهم
اسمى يفرق فى ايه وياكى انا حد عاشق ولقاكى
انااااا إنسان
عمرى لو الف عام
فى عنيكى بلاقينى طفل وبلاقيكى دفا وااااامان
انا عندى لعنيكى كلام محدش غيرى فى الدنيا يقولو فى يوم من الايام ليكى او لناس تانية
ولو كل الكلام اتقال عنيكى فى غربتى موال هخلق منه معنى جديد معنى فاق كل الخيال
انا زادى فى هواكى الشوق وزوادى وانا المعشوق
انتى الشمس مهما تغيب تانى تنورى دنيا
وهحكى لكل خلق الله
عن سيرة هواا عاشق
عن تايب الى مولاه
انتى
انتى موجه عالية جداا وبرغم انى فى السباحة مش غشيم بس بأرادتى ڠرقت فيها
انتى
انتى زى الارض تمام وانا منك
شيلانى وانا عايش
منك وليكى بعود
منك وليكى بعود
دموع ومشاعر جميله وفرحه متتوصفش دقت قلب الجميع
انتهوا من رقصتهم وبدأوا يكتبوا الكتاب قعد كرم وحط ايده في ايد زكريا ودره كانت قاعده جنب كرم وايده قابضه علي ايدها بقوه
والبنات واقفين وراهم كلهم
وبدأ زكريا يقول وراء المأذون وكرم يرد عليه ويقول معاه
لحد ما انتهي كتب الكتاب وسحب هيما المنديل بفرحه ومهتمش كرم بأي حاجه بعد اخر جمله نطقها المأذون قام وقف وسحب دره لصدره وسط الكل ضمھا بكل قوته اخيرا اتكتبت علي اسمه حلم طويل اتحقق بعد تعب وۏجع وسنين وغربه
رجعوا تاني لرقصهم وفرحتهم الحقيقيه الكل كان مبسوط طول الفرح كرم مش سايب كف دره لحظه
البنات والشباب مبسوطين مع بعض سونه وعمرو والولاد بيرقصوا بسعاده مع بعض
نجوي ونبيله مقعدوش لحظه من فرحتهم دعاء ومها رايحين جايين وراء دره يظبطوا في الفستان وشويه ويرقصوها ويرقصوا معاها
بكر صوته راح من التعب والرقص والفرحه مع الشباب والبنات كان عامل زي الشاب الصغير اللي فرحان وطاير من السعاده وكأن الفرحه دي تخصه عبدالله مكانش قاعد ورايح جاي يشوف الناس وطلباتهم
الفرحه كانت كبيره بجد وبعد وقت طويل انتهي الفرح وبدأوا يخرجوا من القاعه بعد ما أتزفوا
قرب كرم من بكر وعبدالله بهدوء
كرم....بنقول ايه
عبدالله....ايه يا كرم قولي
كرم......انت ا عارفين اني هنروح الشقه التانيه بس طبعا احنا طالع ورانا خلق كتير مش عايز حد يعرف مكانها فا همتكم معايا عايز نتوه منكم وسط الزحمه مش عارف هتعملوها ازاي بس حاولوا
عبدالله....اطمن سيبها علينا دي
بكر.....هو انت مش هتروح المنطقه هناك الاول
كرم....اه هنروح بس لو جيت طلعت تاني هيطلعوا ورايا واما مش عايز حد يجي عالشقه هناك
بكر....طيب سيبها دي علينا بعد ما نخلص في المنطقه هنخليك تخلع بهدوء انت خد دره وامشوا
عبدالله.....وكده كده انتوا مش محتاجين لينا في اي حاجه دعاء ومها نزلوا قبل ما نروح الفندق الصبح ودولكم العشاء وظبطوا كل حاجه في التلاجه يعني مهمتنا خلصت
كرم.....طيب حلو اوي يعني مش ناقص غير اني نخلع منهم
بكر.....سببها علينا ويلا بقي عشان منتأخروش لسه هنروح نلقوا شويه في المنطقه
كرم....يلا بينا.
ركب كرم دره والبنات ظبطولها الفستان وبعد كده راح ركب وكل واحد فيهم ركب العربيه بتاعته خد هيما دارين ودانه ركبت مع محمد وديما ركبت مع احمد وحسن وسماح لوحدهم والباقي ركبوا مع عبدالله وهيما ووراهم شباب كتير من اهل المنطقه واصحاب الشباب وطلعوا وراء بعض كلهم عملوا احلي زفه عالطريق وعلي الكورنيش.
دره.....كرم براحه بلاش جنان متعملش زيهم
كرم.....بإبتسامه غمزلها جمدي قلبك يا بت 
دره.....بضحك انا قلبي هيقف من عمايلك انت وهما والله
كرم.....بضحك مټخافيش امسكي روحك
دره.....براااااحه يا مجنوووووون
وصلوا اخيرا علي الشارع بتاعهم واللي عملوا هناك كان جنان بجد كانوا بيلفوا الشوارع بسرعه ويدخلوا من شارع لشارع ويرجعوا لشارعهم كأنهم في مطارده صواريخ بتفرقع و زغاريط واغاني عاليه من العربيات الشارع كله صاحي وبيتفرج اللي راح واللي مرحش واللي وصل قبلهم بشويه وكأنهم في عز الضهر من اللي عملوا
اتصل بكر علي كرم
كرم.....ايوه يا بكر
بكر....بضحك بنقولك ايه انا وراك ادخل الشارع اللي جاي يمين واطلع عالشارع وطير اخلع يا