رواية ابن ليل بقلم اميرة اسامة ج٦

اقعد شويه
كرم......انا حيلي اتهد فعلا وسړقت روحي من وسطهم وسايب بكر وعبدالله وعمرو والشباب تحت
نبيله.....احييييييه حيلك أتهد فعلا مش هتقوملك قومه يعني يا ابن الموكوسه.
نجوي.....بضحك احيه عليكي يا وليه وعلي لسانك
كرم.....بضحكه جميله رفع حاجبه وبصلها وهو نايم علي رجلها لا بنقولك ايه انا زي الفل انتي بتجرسيني قدام امي ولا ايه يا بلبله
نجوي.....شوف الولا بيعوم علي عومها والنبي انتوا الاتنين عايزين قطع لسانكم..
كرم....بضحك ايووووه مش بنطمنها علي مستقبل بتها
نبيله.....سيبك منها المهم انك زي الفل وإلا انت اللي ساعتها هتجرسنا
كرم....بغمزه لا متقلقيش حديد يا بلبله
ضحكت نبيله ونجوي بصوت عالي
نجوي....والنبي انت ما شوفت ربايه يا كرم طب نبيله وقبيحه من يومها ولسانها متبري منها إنما انت يا ولا جبت منين قلة الادب دي
نبيله.....بضحك تربيتي
كرم.....بضحكه جميله تربيه وسخه
نجوي.....هو صحيح لسانه متبري منه هو كمان بس مبنشفهوش كده غير معاكي
كرم.....ماهي اللي بتنكشني نسكتولها
نجوي.....ودي تيجي قبح يا ولا زيها عيني عليكي يا دره وقعتي في جوز يتفات لهم بلاد لما بيحطوا روسهم في روس بعض
نبيله......احيه عليكي مره مالك مستلماني انا والولا اللي حيلتي ليه.
كرم....بضحك بتلغي وجودك كا ام يا نوجا خدي حقك
نبيله....شوف الناقص بيوقعنا في بعض
نجوي.....والنبي ولا يعرف ماهي امك يا ولا تنكر
كرم....منقدرش دي حبيبتي
نبيله....انت اللي حبيبي يا ولا
كرم.....الشبر ونص سيباكي مدعوك تحت وطالع عيني وهي مقضياها هي والبنات
نجوي.....الله مش عروسه ولا عايزها تنزل تعلق في النور معاكم
كرم....لا يا ختي خليها تعمل عروسه براحتها وكمل بغمزه لنبيله وانا بكره هنعمل عريس
ضحكت نبيله وضړبته علي كتفه
نجوي.....مفيش فايده في لسانه
نبيله.....سيبك منها يا ولا قولي
كرم....اقولك ايه
نبيله.....قولي و أحكيلي إحساسك ايه ياولا فرحان مبسوط حاسس بأيه
كرم....ودي عايزه كلام يا بلبله اكيد مبسوط والدنيا مش سيعاني كمان وحاسس اني بنحلم لدرجه اني مش عارف نعمل ايه بكره
نبيله......احيه عليك لا هو انت يا ولا مش عارف هتعمل ايه بكره ما انا ياما قولتلك يا ولا اتجوز كان زمان عندك خبره وعرفت بكره هتعمل ايه.
بصلها كرم وفطس من الضحك وقام من علي رجلها وهو بيكح من كتر الضحك وفضلت نجوي تضحك علي ضحكه هي ونبيله.
نبيله.....الله اكبر هاتي يا وليه مايه الولا نفسه هيتقطع
نجوي.....بضحك امسك اشرب يا ولا 
شرب كرم وبصلها وكمل ضحك
نبيله....شوفي الولا بتضحك علي ايه يا ناقص
كرم.....يعني انتي كل اللي فهمتيه من مش عارف هنعمل ايه بكره اللي جه في بالك ده يعني قاعد نقولك من بدري زي الفل وحديد وهنعمل عريس وفي الاخر تفكري فيا كده
نبيله.....بضحك ما انا قولت شكلك من بتوع السيط ولا الغني
كرم.....بضحك والله ما هتوردي علي جنه يا بلبله وعشان خاطر كلمتك دي جبتيه علي دماغ بنتك وهنخلي صوتها بكره يسمع إسكندريه كلها
نجوي....يا ولا أختشي
نبيله.....بضحك أتنيل هتعمل فيها عنتر يا ناقص
كرم.....ويجي ايه سي عنتر جنب كرم الرفاعي يا وليه وبعدين دول عشرين سنه حرمان متخيله هعمل في بنتك ايه
نجوي.....بضحك قامت وقفت لا انا مليش قعاد معاكم انتوا الجوز احيه عليكم اتسحبتوا من لسانكم
نبيله....راحه فين يا وليه
نجوي......هنعمله حاجه دافيه تهديه يمكن يرجع لعقله ويرجع دكتور كرم
نبيله.....احيه حاجه دافيه ايه اللي تهديه لا بنقولك ايه احنا مش عايزين حاجه دافيه تهديه شوفي حاجه تفوقه وتنشطه
فضل كرم يضحك بصوت عالي هو ونبيله
وسابتهم نجوي وهي بټضرب كف علي كف وفطسانه من الضحك
بصتله نبيله وهي بتضحك
نبيله.... احيه قال حاجه تهديه أيش حال إن مكانتش سمعتك وانت بتقول مش عارف تعمل ايه بكره
كرم....منك لله يا بلبله جرستيني وبوظتي سمعتي رجع نام تاني علي رجلها وهو بيضحك
نبيله....يا ولا مش انت اللي بتقول
انا جبت حاجه من عندي
كرم....ايوه قولت بس منقصدش كده كل الحكايه اني مش متخيل اليوم بكره هيمشي ازاي ومش عارف نعمل ايه لما نشوف دره لابسه قدامي الفستان
نبيله.....والنبي انا لو مكانك ناخدها من ايدها ونجري بيها علي البيت
كرم......بجد والله يا بلبله مش قادر استوعب اللحظه دي مع اني. مستنيها من سنين
نبيله.....استوعب يا كرم واتخيل وافرح ده ربك كريم وعوض صبرك خير افرح يا ولا من قلبك
كرم.....فرحان يا بلبله فرحان اوي فوق ما تتخيلي لدرجه اني اقسملك الفرحه اللي جوه قلبي دي مش في قلب بني ادم
نبيله.....بحب عارفه يا كرم من غير ما تقسم حاسه بيك وحاسه بقلبك اللي عمال يتنطط وعينك اللي ڤضحاك وفرحتك دي متتخيرش عن فرحتي يا ولا انا مش فرحانه فرحة ام بتجوز بنتها انا فرحانه فرحة ام بتجوز بنتها وبتجوز ابنها فرحة ام اتمنت اللحظه دي سنين فرحانه فرحة أم راهنت الكل علي إن دره ليك طال العمر ولا قصر حتي انت يا كرم راهنتك ان دره ليك في الوقت اللي كل ما كانت تنطلك في منام تكلمني وانت ڠضبان وتحلف وتقسم انك ھتقتلها وانا كنت نضحك وقتها عليك عشان عمري ما فشلت نقرأ اللي قلبك بيخبيه ولسانك ينطقه.
كرم.......بنحبها يا بلبله بنحبها اكتر من روحي دره هي دقة قلبي والنفس اللي بيخرج مني كل ثانيه نقتلها ازاي وانا روحي متعلقه بروحها كنت كداب وعارف انك عارفه اني كداب بس كان من غلبي بنقول اي حاجه تبرد ڼار قلبي.
نبيله......عارفه يا كرم ان كل كلامك كان وراه ۏجع وعمره ما كان وراه كرهه يا ولا ده لما كانت دره بتوحشني ودين محمد كنت بنحب نشوفك عشان كنت بنشوفها جوه عينك صورتها ساكنه فيها مش بتغيب لحظه.
كرم.....دره مش ساكنه جوه عيني وبس يا بلبله دره ساكنه قلبي والله العظيم مش كلام وبس بنقوله ده يمكن وصف بسيط نقدر نعبرلك بيه عن حبي لدره دره بتجري في عروقي يا بلبله وصدقيني مهما نوصف اكتر بردوا مش هنعرف نوصلك شعوري عارفه يا بلبله دره بالنسبالي عامله زي ايه
نبيله....بحب و إبتسامه رايقه وهي بتمشي ايدها علي راسه زي ايه يا ابن قلبي.
كرم....بص للسقف وابتسم بشرود المدمن ديما بيجي عليه وقت لما بيتأخر في الجرعه بيوصف وصف لحالته اللي اغلبنا نعرفه بيحس ان ضلوعه و عضمه بيتفكك منه بيحس ان في نمل بيجري جوه دمه لكن مهما وصف إحساسه في الوقت ده بردوا مش هنقدر نحس باللي هو بيحس بيه وبيوصف وصف تاني لما بياخد الجرعه
بمجرد ما يسحب السحبه اللي بيشدها هي أحلي لحظه في حياته بيحس ان في حاجه بتجري علي عقله بسرعه رهيبه بتفرز هرمون سعادة غير طبيعي بتخيله في لحظه حاسس بمعني كلمه انا طاير في السحاب ومش لامس الارض .
و رجوعها ليا كان هو السحبه اللي جريت علي عقلي وقلبي و خلتني طاير في السحاب و جوايا هرمون سعاده يتوزع علي الخلق
بإختصار يا بلبله دره إدماني بنتك أفيونه السعاده لكرم الرفاعي
ابتسمت نبيله بحب وهي عينها بتلمع بالدموع 
نبيله......روح يا كرم يا ابن نجوي يجعل كل ايامك سعاده ويجعلك عوض دره اللي اتمناه قلبي ليها من اول ما عينها فتحت علي الدنيا
عند سونه
طلع عمرو بعد ما وقف تحت مع الشباب شويه يساعدهم كان مبسوط اول مره يجرب كل المشاعر دي ديما مساعدته بتتوقف علي علاج المړضي وبس لكن اول مره يجرب شعور مساعده العيله والاهل وولاد المنطقه اللي بسرعه أتعودوا علي وجودوا فكان مبسوط اوي بالوقفه معاهم ومساعدتهم
فتح عمرو بالمفتاح الدنيا كانت هاديه لكن كان في صوت جاي من اوضه الولاد فا عرف انهم جوه
اتسحب بهدوء وحب انه يخضهم راح حط ايده علي الباب وبسرعه فتح واول ما فتح هو اللي اتخض
عمرو......في ايه ابه اللي انتوا عاملينه في روحكم ده
سونه.....بضحك شوفت ربك داخل تخضنا اټخضيت انت 
عمرو.....بضحك ايه المنظر ده
مريم....ده ماسك يا بابا
ياسين....سونه عملتلنا ماسك عشان بكره في الفرح يبقي شكلنا حلو
عمرو......وايه اللي علي راسك انتي وهي ده
سونه.....بضحك ده حمام كريم 
مريم......سونه بتعملي انا وهي حمام كريم عشان شعرنا بكره يبقي نضيف خالص لما نعمله
عمرو.....بإبتسامه سونه مروقه عليكم
ياسين.....تعالي يلا اعمل معانا
عمرو.....بس يا ولا نعمل معاكم ايه اعملوا انتوا اللي عايزينه وملكوش دعوه بيا
سونه....مش عايز تحط ماسك
عمرو......بضحك عابزه تلعبي في
وشي كفايه العيال
سونه....طب تصدق بالله مش هنسيبك غير لما تعمل تعالي
عمرو.....نيجي فين يا مجنونه وسعي كده
سونه.....امسكوا معايا يا ولاد زقته علي الكرسي ومسكوا بسرعه معاها
عمرو.....بضحك يا مجااااانين وسعي انتي وهما هنضربكم
سونه.....قعدت علي رجله وهي بتضحك ټضرب مين انت تحت ايدينا امسكوا ايده
عمرو.....طب خلاص والله استسلمت
سونه.......مش هنسيبك بردوا اقفل بوئك
عمرو.......يابت هنعضك
سونه......بضحك مش هنسيبك برددوا
فضلت تعافر معاه هي ومريم وياسين لحد ما ساب نفسه وحطوله الماسك علي وشه
عمرو......بقي كده بتتفقوا معلها عليا ماشي محرومين من المصروف اسبوع بحاله
سونه.....انا هنديهم ولا بيهمنا
عمرو.....بقي كده عامله عليا حزب انتي والعيال ماشي يا سونه
سونه.....الحق علينا عايزين وشك ينور
عمرو......ااااه ده بېحرق يخربيت سنينك انتي حاطه في ايه
سونه.....بضحك انت حلقت صح
عمرو......انا حالق دقني الصبح
سونه....عشان كده اصل ده ماسك نعناع
عمرو.....حرام عليكي يا مفتريه ده ۏلع وشي
سونه.....عشان انت لسه حاطه بس وبعدين هو مش بېحرق هو ساقع
عمرو.....ساقع ماشي يا سونه انا تكتفيني التكتيفه دي مش هنعديهالك
سونه......بدل ما تقولي شكرا
عمرو......طب بنقولك ايه كملي جميلك معكيش قصافه
سونه....ياسلام عندي طبعا
عمرو.....الضفر ده مكسور وبيتخبط كل شويه هيجنني
سونه....طيب مقولتليش ليه انا لسه مظبطه ضوافر الولاد استني انا هنعملهولك
قعدت سونه جنبه ومسكت ايده
سونه.....وريني يلا
عمرو.....لا هاتي انا هنعمله عشان بيوجعني اوي
سونه.....هات بس متخافش
عمرو.....طيب براحه
سونه....حاضر والله
ياسين....سونه فات ربع ساعه اغسل وشي
سونه....اه يلا جري انت ومريم ولا اجي انا
ياسين.....لا هعرف
مريم....وانا كمان هعرف
جريوا الاتنين يغسلوا وشهم
فضل عمر باصصلها ومبتسم بسعاده وهي مش واخده بالها من نظرته ومركزه في ضوافره.
شويه ورجعوا الولاد وهي خلصت ضوافر عمرو
سونه....تعالوا بقي وروني كده
مريم.....هتحطي حاجه تاني
سونه....ايوه طبعا كريم مرطب عشان يهدي وشكم
فضلت تحطلهم كريم علي وشهم وكف ايدهم
سونه.....تعالي بقي يا مريومه اغسلك شعرك
مريم.....حاضر
دقايق ورجعت بمريم نشفتلها شعرها كويس وسرحته بالفرشاه مريم كانت فرحانه بنعومه شعرها
مريم.....شعري بقي ناعم اوي يا سونه
سونه....ايه رأيك بقي عارفه كام مره كده نعمله مع كام مره حمام زيت سعرك هيطول ويبقي جميل
مريم....زي روبونزل 
سونه.....احلي من روبونزل بكتير
خلصت سونه مع الولاد وعمرو قاعد متابعهم ومبسوط
سونه......هروح اغسل وشي وانت تعالي يا عمرو اغسل بعدي
عمرو.....حاضر
سونه....لسه بيحرقك
عمرو.....لا خلاص خدت عليه بس ساقع اوي
سونه......الوقت احطلك كريم مرطب هيهدي وتحس بالفرق
راح معاها غسل وشه وحطتله كريم مسك كف ايدها
عمرو......ربنا يخليكي ليا يا احلي ست في الدنيا
سونه.....ويخليك ليا يا حبيبي
عمرو.....انا بحبك اوي يا سونه
سونه......ده ايه الرضا ده كله
عمرو.....ده ميجيش حاجه جنب اللي بتعمليه معايا انا والولاد
سونه....انا مش بنعملش حاجه يا عمرو كل اللي بنعمله حجات بسيطه لجوزي وولادي ولا انت بقي شايف اني غريبه ومحتاجه شكر
عمرو.....لا يا روحي انتي مش غريبه بس بجد انا بحبك اوي
سونه.....وانا بحبك اكتر بس