رواية ابن ليل بقلم اميرة اسامة ج٦

قولي ايه اخبار وشك هدي شويه
عمرو......هدي كتير بس بصراحه حلو الماسك ده ريحني كتير
سونه.....اي خدمه يا سيدي يلا 100 جني بس
عمرو......رفع حاجبه 100 جني وسعي كده
سونه.....بضحك رايح فين
عمرو....اسعارك غاليه مش عامل عندك تاني
سونه.....استني بس ده اقل سعر في مصر
عمرو.....بس بقي بلاش كدب يا نصابه
سونه.....بضحك انا بردوا اللي نصابه طب ادفع ومتعملش تاني
عمرو......مش دافع وهنهرب كمان
سونه.....ماشي هتروح مني فين هنجيبك
عمرو.....بضحك لو عرفتي بقي
فضلت سونه تضحك عليه وهي قلبها طاير من السعاده
أنتهي اليوم وأخيرا هل هلال اكتر يوم كرم استناه اليوم المنتظر
تقريبا من فرحته مقدرش ينام حتي دره معرفتش تنام كويس مشاعرها كانت متخطبه ما بين فرحه وتوتر وعدم تصديق لكل حاجه مرت بيها من يوم ما جات مصر بس الأكيد انها كانت مبسوطه بجد
صحيت من النوم قبل البنات ودخلت تحضرلهم الفطار مكانتش مستوعبه ان ده اخر فطار هيجمعهم اول مره تبعد عنهم يمكن مش هتبعد كتير وهتبقي قدامهم وجنبهم طول الوقت واكيد مش هتسيبهم بس الاحساس نفسه كان غريب وجديد عليها
دخلت المطبخ حضرت الفطار كله وبعد كده راحت صحتهم التلاته غسلوا وشهم وصلوا وبعدين اتجمعوا علي السفره.
دارين......بقي ينفع تحصري الفطار في يوم زي ده بدل ما احنا اللي نحضره يا مامي
دانه....صحيح في عروسه تحضر الفطار وتتعب نفسها
دره......لو مش هتعب عشانكم هتعب عشان مين وبعدين من امته الحنيه دي كلها ما انا كل بوم بنحصره ولا لازم نبقي عروسه عشان نشوف الرضا ده كله يا ولاد دره 
ديما.....الحق علينا يعني عايزين ندلعك انهارده
دره......لا يا ستي بس انا مبسوطه اني بنحضره ويلا افطروا عشان هيبرد وعشان نلحق نمشي
دارين......انتي شكلك منمتيش كويس يا مامي
دره....فعلا انا نايه والصبح طالع يا دوب عيني غمضت شويه لاقيت المنبه بيرن
ديما.....طب وليه منمتيش يا مامي كنتي نمتي عشان متبقيش تعبانه لسه اليوم طويل
دانه.....بغمزه ودي عايزه سؤال يعني عروسه واكيد فرحانه ومتوتره
دره.....يابت هنضربك
دانه.....بضحك الله وانا قولت حاجه غلط انا عن نفسي لو مكانك مش هيجيلي نوم خالص 
دره......لا والله طب بلاش انتي تقولي كده ده انتي بتحطي راسك في لحظه بتنامي فرحانه بقي مضايقه متوتره كله بيختفي وقت النوم
دانه.....بضحك صراحه انا قدام النوم بفصل
دره......هتقوليلي
دارين......بس بقي بطلي رغي مامي قوليلي جهزتي كل حاجتك
دره.....اه كل حاجه جاهزه نفطر بس وهنقوم نلبس علي
طول انتوا ناقصكم حاجه
دانه.....انا مجهزه كل حاجه من قبل ما انام
ديما....وانا كمان
دره....وانتي يا دارين
دارين....بردوا مخلصه كل حاجه بس هقوم اشوف تاني احسن اكون ناسيه حاجه
ديما.....متنسيش بس الشاحن والباور بانك عشان موبيلاتنا هتفضي من التصوير
دارين.....متقلقيش مش ناسيه حاجه.
دانه.....مامي صحيح هو انتي وكرم هترجعوا علي الشقه دي ولا التانيه
دره.....والله منعرفش يا دانه نسيت نسأل كرم بس انا واثقه اننا هنروح علي الشقه التانيه
ديما......هو حضرتك شوفتيها
دره....انا لا شوفت دي ولا شوفت دي كرم مش راضي يطلعني ابدا قالي خليها مفجأه
ديما.....طلعتلها لسانها احنا شوفنا الشقه وانتي لا
دره....هنشوفها يا رخمه 
دارين.....طب يلا خلصوا هنتأخر لسه هنلبس
دره....لنا كلت خلاص هنقوم نلبس
دانه....كلتي ايه انتي لحقتي
دره.....شبعت والله خليني اقوم اجهز عشان كرم ميطلعش يحدفنا من فوق
ديما.....بضحك ايوه كملي عشان هو ايه قولي قولي وانا هفتن
دره....مش هنقول يا فتانه مشيت دره كام خطوه وبعدين وقفت ورجعتلهم تاني
دارين....بضحك في ايه جوعتي تاني ولا ايه 
دره.....بنظره تأثر لا بس عايزه نتكلم معاكم كلمتين قبل ما نروح نلبس
دانه.....قولي يا مامي
دره....انا عايزه نعرف انتوا ليه مش راضين تعيشوا معايا انا مش حابه نضغط عليكم بس كرم كمان عايزكم وانتوا عارفين هو بيحبكم قد ايه واتحايل عليكم قد ايه بجد انا مش عارفه ازاي هنكمل من غيركم ولا قادره استوعب ان الليله اللي فاتت كانت اخر ليليه لينا مع بعض
دانه.....اخر ليله ايه بس هو حضرتك هتهاجري وتسبينا ولا احنا بعيد عنك متقوليش كده يا مامي احنا هنفضل معاكي وجنبك
دره.....طيب لما انتوا شايفين ان المسافه مش بعيده يبقي ايه لزومه كل واحد فينا يقعد في مكان
دارين.....مامي يا حبيبتي احنا مبقيناش صغيرين ونقدر نعيش لوحدنا صدقيني احنا هنكون مبسوطين هنا مش عشان مش عايزين نكون معاكم بالعكس والله بس كمان من حقكم تبقوا لوحدكم
حضرتك محتاجه تفصلي مننا زي ما قولتي لمها ودعاء قبل كده انهم محتاجين يفصلوا كمان كرم من حقه يتبسط بيكي وتفصلوا انتوا الاتنين شويه كمان احنا جنبك يعني خطوه ونبقي عندك وخطوه وتبقي عندنا فا ملهاش لازمه
ديما.....يعني حضرتك لو بعيد عننا كان ممكن نيجي معاكي لكن فعلا احنا جنب بعض وبعدين متقلقيش احنا في اجازه يعني هنزهفكم مننا ووقت الدراسه وجودنا هنا في البيت هيبقي افضل لينا
دانه......وبعدين الموضوع مش مستاهل قلق يا مامي فوقينا حسن وسماح واكيد طول الوقت هنتبسط مع سماح وتحتنا دعاء وخالوا ومعلما جدو وبلبله يعني مفيش قلق
دره....يا حبايبي انا عارفه بس انتوا هتقدروا علي بعدي يا جزم
دارين.....اكيد لا يا حبيبتي بس انتي مش هتبقي بعيده يا مامي احنا لو بصينا لبعض من البلكونه هنسلم علي بعض 
دره.....اتريقي يا جزمه
دارين....والله مش بتريق انا بس ببسطلك الموضوع
دره......انا زي ما قولتلكم انا مش حابه نضغط عليكم وعيزاكم تعملوا اللي يريحكم بس لازم تعرفوا ان اي وقت تحبوا تيجوا تعيشوا معايا انا وكرم مكانكم موجود واكيد هنتبسط والاهم عيزاكم تخلوا بالكم من نفسكم يمكن الوضع الجديد ده صعب عليا اوي بس انا واثقه انه هيفيدكم انا واثقه فيكم انكم هتبقوا قده 
ديما.....متقلقيش علينا يا مامي المهم انتي بس اتبسطي انتي وكرم
دره......ربنا يخليكم ليا يا حبايب قلبي
دانه....طيب ممكن بقي تروحي تلبسي لحد ما نقوم نشيل احنا الاطباق
دره....ياريت تفضوا الاطباق وتغسلوها
دانه.....بضحك لا بنقولك ايه ده بيتنا ونعمل اللي احنا عايزينه
دره.....طبعا ما صدقتوا بكره أطب عليكم الاقي البيت يضرب يقلب
دارين....متقلقيش يا مامي انا مش هسيبهم وهفضل فوق دماغهم كأنك امتي موجوده بنفسك
دره....اما اشوف سيطرتك بقي يا ست دارين
دارين....اطمني وراكي رجاله
بعد حوالي ساعه نزل كرم وبكر والشباب تحت جهزوا العربيات وفضلوا مستنين دره والبنات والكل عشان يروحوا علي الفندق
نزل عبدالله وحسن بشنطهم خدها منهم كرم وفضلوا واقفين تحت مستنين كل اللي رايح وجاي يبارك لكرم بفرحه وكرم واقف مبسوط.
ثواني ولمحوا عمرو وسونه والولاد جابين عليهم.
عمرو....صباح الفل يا عريس
كرم.....بإبتسامه صباح الفل يا عمرو .
سونه.....احيه هما لسه منزلوش
كرم.....لسه مش عارف بيعمل ا ايه كل ده
حسن......كانوا نازلين ورانا والله
نزلت مها وامه وابوه و ثواني ونزلت نبيله وزكريا
وبعدين سمعوا صوت زغاريط دعاء وهي نازله ودره والبنات معاها.
دره....بغيظ يابت اسكتي اللي يخربيتك 
ردت عليها سونه ومها بالزغاريط في الشارع
دره....احييييييه عليا وعلي الجرسه اللي انا فيها منكم لله
سماح.....بضحك في ايه يا دره مش عروسه
دره....يابت اسكتي بدل ما نطلعه عليكي مش كفايه امك ومها الكلب بيردوا عليها من تحت
دارين....بضحك طب والله نفسي اتعلم ازغرط عشان اساعدهم
دره.....اه ما هي ناقصاكي انزلي يابت
خرجت دعاء وهي بتضحك و وراها البنات ودره اخر واحده نازله باصه لسونه ومها پغضب
مها.....بضحك شوف البت بتبص ازاي طب والنبي لا انا مزغرطه
كرم......بص لدره وضحك في صمت
رفعت دره حاجبها وهي واقفه في المدخل
نبيله....يابت انتي مش ناويه تخرجي
دره.....لما اللي ميتسموا دول يسكتوا ويبطلوا زغاريط هنبقي نخرج
نبيله....ومالها الزغاريط يابت خليهم يفرحوا وراحت هي كمان مزغرطه
دره.....شوف وانا اللي فكراها عاقله وبناخد وندي معاها 
كرم......بضحك ايه هتفضلي
واقفه كده كتير
دره.....بغيظ طبعا كا اللي بيحصل ده علي هواك
كرم.....اه علي هوايا تحبي نقف وسط الشارع ننادي علي حريم الشارع نقولهم ردوا عليهم
دره......وعلي ايه ما اختك واللي ما يتسموا دول قايمين بالواجب
كرم.....بضحك طب يلا قبل ما الناس تخرج من الشبابيك يردوا عليهم
دره....ماشي يا ابن الرفاعي
كرم.....قدامي يا اوزعه مفيش كوتش اطول من ده شويه هتجوز طفله
دره....لو عاجبك
كرم....بحب وهو بيضحك عاجبني يلا تعالي
دره....خدت الشنط من عبدالله
كرم....اه كله تمام يلا بقي عشان منتأخرش
دره.....طيب
ركبوا كلهم العربيات كرم خد دره والبنات والباقي ركبوا العربيات وطلعوا وراء بعض علي الفندق اللي هيتعمل فيه الفرح كرم كان حاجز غرف ليهم يقضوا اليوم كله فيها.
وصلوا الفندق وفضل كرم رايح جاي هو والشباب لحد ما سكنوا كل واحد في غرفته
وبدأ يومهم أختفت دره عنه بعد ما وصلت الميكب ارتيست والفريق بتاعها عشان يجهزوها ويجهزوا البنات كلهم.
كان ھيموت ويشوفها بس معرفش
الوقت الاخير كان بيمر ببطئ رهيب جهز كرم واول ما خرج قدام الكل ببدلته وطلته اللي ټخطف نبيله ونجوي ورفاعي ومها وبكر محدش فيهم قدر يمسك دموعه كان بالنسبالهم حلم انهم يشوفوا كرم اخيرا بقي عريس
قربوا منه ضموا بحب وهما دموعهم نازله وهو مبتسم وماسك نفسه بالعافيه وعمال يمسح في دموعهم قرب من ابوه باس ايده وبعدين ضموا بعض بقوه وفضل رفاعي تنزل دموعه طبطب كرم عليه وبعدين قرب من نجوي ضمھا بحب وهي بټعيط وبعدين شد مها ضمھا مع امه وباس راسها
وبعدين بص لبكر لقاه باصصله ومبستم ودموعه نازله واول ما شاف كرم باصص عليه دموعه نزلت بغزاره وراح اترمي في صدره وفضل يعيط ويخبط علي ضهر كرم بقوه
كرم.....بحب ايه يا ولا انا مۏت ولا ايه بطل عياط مراتك واقفه هتقول علينا ايه
بكر.....بضحك من بين دموعه مبروك يا صاحبي مبروك يا اخويا
كرم......الله يبارك فيك يا عشرة عمري
زكريا.....مبروك يا كرم مبروك يا ابني
كرم.....الله يبارك فيك يابا
نبيله....بدموع وسع كده بقي خليني نشوف الولا 
نبيله....قلبي هيقف يا ولا مش قادره نصدق
كرم....بهمس صدقي يا بلبله بنتك ھتموت انهارده
نبيله....بضحك يحقلك يا ولا اعمل فيها ما بدالك
ضحك كرم وطبطب علي كفها بحب وبعد كده قرب منه هيما والشباب باركوله هما كنان دموعهم كانت نازله بفرحه
ثواني وخرجوا البنات كانوا قمرات وشكلهم يجنن 
دارين لابسه فستان اسود قصير وضيق دانه لابسه فستان أصفر جرئ طويل وفي فتحه من قدام لحد فوق ركبتها والحملات نازله علي كتفها
ديما لبست فستان لونه بينك قصير فوق ركبتها من كب شكلهم كان يجنن بص هيما علي دارين پصدمه مكانش طايقها بس مقدرش ينكر انها كانت تجنن
ونفس شهور محمد اول ما شاف دانه يمكن كانوا اول مره يلبسوا حاجه مبينه تفاصيلهم بالشكل ده
واللي اتفاجئ احمد لما شاف ديما اللي كان بيتعامل معاها علي انها طفله فجأه بقت متفجره الانوثه
ابتسم كرم لما شافهم قربوا منه كلهم ضمهم كرم بحب وفضل يعاكس فيهم ويعاكسوا فيه
حاول يعرف اي حاجه عن دره بس بردوا معرفش شويه ونزلوا الكل و سابوا زكريا بس عشان هو اللي هينزل بيها
مكانش حد شافها خالص ولا حتي البنات الميكب أرتيست رفضت تدخل اي حد عليها عشان تكون مفجأه ليهم كلهم نزل كرم وهو عايز يفجرها ويفرج الكل وهيتجنن عشان بس يلمحها 
في الوقت ده قاعه الفرح كانت اتملت بالمعازيم من اهل المنطقه لكل الدكاتره والناس