رواية دانة وماسة بقلم عادل عبدالله ج٢

ايه 
اخرص خالص متكملش 
وقومت حاولت امشي لكن لقيته مسك دراعي وبيشدني قولتله انت اټجننت !!! أنت ايه اللي بتعمله ده !!
حاول يمسكني ويتحرش بيا لكني ضړبته بالقلم وجريت وقدرت انزل من مكتبه بسرعة 
دخلت عيادتي وانا حاسة اني في كابوس مش مصدقة اللي حصل منه !!!
عمري ما كنت اتوقع انه يعمل كده او يفكر فيا بالطريقة دي ابدا 
بعد اللي حصل ده انا مستحيل اعيش في نفس الفيلا ابدا وهو موجود فيها انا اخاڤ علي نفسي منه اوي 
بعد حوالي ساعة وصل مروان علشان يستلم العيادة وياخد الشفت بتاعه والمفروض اني كنت همشي علشان اروح لكن كنت متضايقة اوي من اللي حصل فقولت لمروان انا هروح عند ماما وتيتا اقعد معاهم كام يوم 
مروان فجأة كده مش المفروض كنتي قولتيلي قبلها !!
معلش بقي كنت لسه مترددة بس فعلا لقيتهم وحشوني اوي وعاوزة اشوفهم وكمان محتاجة اغير جو 
محتاجة تغيري جو في حاجة مضايقاكي يا ماسة وانتي مخبية عني 
لا ابدا مفيش 
لا شكلك متغير وكلامك وراه حاجة وانا لازم اعرف اللي مضايقك 
صدقني مفيش 
طيب براحتك روحي عند تيتا بس بكره هستناكي تروحي البيت 
لا عاوزة اقعد كام يوم هناك 
بردو مش هتقولي ايه اللي مضايقك 
صدقني مفيش 
طيب روحي وسلمي علي تيتا وماما وهطمن عليكي في الفون 
مشيت وروحت عند تيتا وقعدت هناك كام يوم مع تيتا وماما وكل يوم مازن يتصل علشان يعتذر
ويبعتلي رسائل واتس باعتذاره وبيطلب مني اني اسامحه ومقولش لمروان وانه مش عارف اتهور كده ازاي وانه زعلان من نفسه و تصرفه وكلام كتير بنفس المعني !!
طلبت من مروان انه ياخد شقة بعيد عن الفيلا لكن مروان قالي انه مستحيل يعمل كده لأن باباه ومامته مستحيل يوافقوا !!
كان لازم ارجع الفيلا مفيش بديل تاني خصوصا لما مازن اعتذر كتير جدا وحس بغلطته 
لما رجعت الفيلا اتعاملت مع الجميع نفس المعاملة ماعدا مازن الا تقريبا كنت مش بكلمه