رواية امل الحياة بقلم يارا عبد العزيز ج٣

هنا عشان سواد عيونك هو مخليكي هنا عشان يفضل ديما مفكرك باللي انتي عاملتيه عشان يفضل يذل فيكي و تفضلي تحت عينيه لحد اما يلاقي اللي كان معاكي و يخلصوا عليكوا مع بعض و انا جايه اقولك عشان حفيدي يعيش مبسوط مع ابنه و مراته اخفي و متخليهوش يعرف يوصله و انا فوضت امري لي ربنا فيكوا هو هياخد حق

ابني منكم من غير ما حفيدي يتأذي
قالت كلامها و مشيت تحت نظرات الخۏف الشديد من فريده اللي كان جسمها كله بيترعش و ركبها بتخبط في بعضها 
قعدت على الكنبه و فضلت ټعيط پخوف و بعدين مسكت تلفيونها و رنيت على مجدي 
الو عايزه اشوفك
مجدي بحب لحقت اوحشك ما احنا كانا لسه مع بعض
فريده بدأت تحكيله اللي حصل پبكاء و خوف و مجدي كان بيسمعها پصدمه و مش بيتردد في دماغه غير سؤال واحد و هو عرفت منين 
اتكلم بهدوء منافي لجواها 
اهدي يا فريده اهدي
فريده پخوف اهدا ازاي اهدا ازاي ريان لو عرف حاجه زي كدا لو قالتله خلاص هنبقى انتهينا انا و انت و هو انت لازم تتصرف لازم اشوفك حالا و نفكر هنعمل ايه
مجدي پخوف مش هينفع دلوقتي الست اللي عندك دي مش سهله و لو طلعتي دلوقتي ممكن تطلع حد وراكي يراقبك و يشوفنا هقابلك لما تسيب القصر و ترجع المهم دلوقتي مټخافيش و متظهريش قدامها انك خاېفه خالص و اهدي كدا
هزيت راسها پخوف و دموع و قفلت المكالمه و اتكلمت بهمس في وسط دموعها 
مكنش المفروض اجيب ريان مكنش المفروض اجيبه كل اللي بيحصل دلوقتي بسبب اني جبته ياريتني كنت نزلته و هو في بطني بس انا اللي طمعت في املاك ابراهيم و دي كانت النتيجة
اما مجدي فقعد على الكنبه پخوف شديد و هو بيحاول يفكر في ازاي عرفت كل المعلومات دي و هل فيه ادله في ايديها و لا لأ و ابراهيم كان عارف و لا لأ مليون سؤال بيدروا في دماغه و مش لاقي ليهم اي جواب و دا زود من خوفه و اتوتر اكتر 
خرجت ناديه بالقهوه و اتكلمت بحب 
عملتلك حته فنجان قهوه دوقه و قولي رأيك
بصلها و رمى القهوه من ايديها و اتكلم پغضب مفرط 
مش عايز اشرب حاجه هي رندا فين
ناديه بصتله بدموع و استغراب شديد من غضبه 
انهاردة اخر يوم ليها في الامتحانات
مجدي پحده تمام انا خارج رايح الشركه و لما تيجي خليها تكلمني تطمني عملت ايه
مشي من قدام ناديه اللي كانت بتبصله بحزن و دموع اتنفضت على صوت رزع الباب و وطيت على الارض و هي بتلم الازاز المكسور 
بقلمي يارا عبدالعزيز
ريان كان في الحمام بياخد دش و حياة كانت قاعدة على السرير و ماسكه الجرايد و بتقرأ فيها بتركيز
عينيها وقعت على خبر خلاها تبصله و تتصدم 
الدكتور توفيق جمال اتقبض عليه بتهمه انه بيعمل عمليات مش كويسه
قامت بسرعه و خبطت على الحمام و اتكلمت برقه
حبيبي شوفت اللي حصل مكتوب هنا على دكتور توفيق اللي كان متفق مع روان دا فاكره
ابتسم بحب على طفولتها و اتكلم بحب و هو بيخف المياه عشان يسمعها و تسمعه اكتر 
اكيد فاكره و عارف اللي مكتوب من قبل تقوليه
حياة برقه هو انت قريت الجرايد الصبح فين
ريان ببأبتسامه على طفولتها و برائتها 
لا ما هو انا اللي مبلغ عنه
شهقت پصدمه و من قبل ما تتكلم برقه و حنان
اتكلمت بخجل مفرط و توتر 
ايه!
ريان بحنان و ابتسامه اظهرت وسامته 
ھموت و اعرف بتتكسفي مني اوي ليه كدا! 
هو انا مش جوزك هممم
حياة بخجل عايزه اخرج ممكن
لا مش ممكن
و اتكلم بهمس 
انتي خاېفه كدا ليه!
حاولت تغير الموضوع و اتكلمت بتوتر

عرفت منين موضوع دكتور توفيق دا!
فهم انها بتغير الموضوع اتكلم بهدوء 
يعني هو دا سؤال يتسأل لريان النصرواي و بعدين انتي مفكره اني هسيب حقك دا موضوع روان دا انا عديته عشانك بالعافيه و الله لو كنتي سبتني لكنت ندمتها ندم عمرها
حياة برقه طب ما هي ندمت خالص انا عشت اللي هي عاشته دا و عارفه هو اد ايه صعب و
قاطعها و هو بيتكلم پحده خلاص يحياة خلاص عشان منزعلش مع بعض
هزيت راسها بدموع اتكلم بندم و حنان
بټعيطي ليه دلوقتي!
خلاص انا اسف حقك عليا
انا خاېفه اوي
همس بحنان و هو بيملس على شعرها 
من ايه يروحي
حياة بدموع الامتحانات فاضل عليها اسبوع قربت اوي! 
حاسه اني مش هحقق حلمي و حلم ابيه
مسكت في ايديها اكتر بخجل و غمضت عينيها و همست بحب 
بحبك
اتكلم بهمس و حب كبير 
و انا بعشقك اعملي اللي عليكي و هاتي اللي تجبيه انتي اصلا مش محتاجه تخافي كدا كدا هدخلك طب اياا كان مجموعك ان شاء الله حتى ابنيهالك انا 
بقلمي يارا عبدالعزيز
ابتسمت ملئ شفتيها و بصتله بحب 
عارفه دا بس انا عايزه اجيب مجموع زي ما ابيه كان عايز
و اتكلم بهمس 
طب تعالي اذكرلك بقى
شالها برفق و حنان و حاطها على السرير فضل باصص لعينها و مش عايز يبعد عنها 
اتكلمت بخجل من نظراته 
روح هات الكتب بس البس حاجه آآآآ
اتكلمت بهمس و خجل 
ريان روح هات الكتب! 
ريان ريان!
عيونه
و اتكلمت برقه 
روح هات الكتب يحبيبى عشان انا مش قادره اقوم!
ابتسم بحب و اتكلم بمرح 
شايفاك بستغلي حملك و تشغلني بس تمام كلها تمن شهور
اتصنعت الحزن و اتكلمت بزعل طفولي مصتنع 
خلاص مش عايزه منك حاجه و روح الشركه بتاعتك يلا انا هروح عند ماما مش هتعقدي تقولي انتي بتدلعي زيك كدا و هتاخد بالها مني
يعني انا مش بدلعك!
اممم الطريق كان وحش اوي!
بصلها پخوف و اتكلم بقلق 
تعبانه ارن على الدكتوره
غمضت عينيها بهدوء و اتكلمت بهمس و هي حاسه بامان كامل جوا حضنه
لا انا كويسه بس بقولك متعب عشان حابه ارتاح و انام ممكن اطلب منك طلب ممكن متروحش الشركه انهاردة و تفضل جانبي يعني حتى لو نمت خليك جانبي متمشيش
اتكلم بحنان ممزوج بخوفه 
حياة فيه ايه متخوفنيش!
انتي متأكده انك كويسه
اتنهدت بحزن و اتكلمت و هي بتاخد نفس و بتمسك فيه اكتر 
مش عايزاك تسبني!
محتاجك اوي و هفضل لاخر عمري محتاجك ممكن متسبنيش
فهم انها قصدها على موضوع انتقامه من فريده ملس على شعرها بحب و اتكلم بحنان و دموع 
مش هسيبك يحبيبتى و هفضل معاكي لاخر نفس فيا
حس بسائل سخن عرف انها بټعيط اتكلم بحزن 
حياة ابوس ايديك متصعبيهاش عليا ممكن تهدي و تبطلي عياط انا جانبك اهو و مش هسيبك
حياة پبكاء 
ياريت يا ريت متسبنيش
همس بحب اول لما تخلصي امتحانات هاخدك و نسافر اي مكان انتي عايزاه هنبقى لوحدنا من غير شغل و لا مذاكره ايه رأيك 
بقلمي يارا عبدالعزيز
هزيت راسها بهدوء و اتكلمت بهمس و هي بتروح في النوم 
ماشي
حط دماغه على المخده برفق

و هو بيبصلها بحب و دخل غرفه الملابس لبس سرواله و راح عندها 
فاق من عشقه ليها على صوت هاتفه فتح المكالمه و اتكلم بهدوء 
ايوا يا امجد
امجد باحترام 
ريان باشا الدكتور الالماني هيوصل في الطياره الخاصه على بليل و حجزنله في الفندق زي ما حضرتك طلبت نجيبه الشركه على طول و لا نبعته على الفندق
ريان بهدوء و هو بيبص لحياة 
الطياره هتوصل امتى
امجد الساعه عشره يباشا
ملس على شعر حياة بحنان و اتكلم بأمر 
روح انت هاته و فهمه اللي قولتهولك و هاته القصر الاول و بعدين ابقى وصله الفندق
امجد باحترام اوامرك يباشا
مرر ضهر انامله على خدها بحنان و اتكلم بهمس 
يا رب اللي هعمله دا يجيب نتيجه عشان اشوف الفرحه في عينيكي يروحي
كريم كان قاعد في شقته هو و نرمين و شارد في حياة 
راحت عنده و قعدت جانبه و اتكلمت بهدوء والم
بتفكر فيها!
همس پحده و انتي مالك! 
و بعدين قولتلك قبل كدا لما تلاقيني لوحدي متجيش جانبي و سبلي مساحتي الشخصيه
اتجمعت الدموع في عينيها و اتكلمت پقهر 
لو كانت هي اللي معاك كنت هتقولها كدا برضوا مين دي يا كريم روان!
كريم پغضب مفرط لا مش روان لا انتي و لا روان عرفتوا تاخدوا قلبي انا اللي غلطت لما ضيعتها و ضيعت حبها مني انا اللي بني ادم غبي مكنتش اعرف اني بحبها اوي كدا شوفتها هي حقي انا و بس و ملكي انا و بس و مينفعش تكون لغيري بس مش عارف ارجعها ازاي انا بحبها و مش بس بحبها انا اكتشفت اني بعشقها
حسيت بغصه في قلبها من كلامه و اتكلمت بالم و قهر 
طب و انا انت اتجوزتني ليه يا كريم عشان اجبلك طفل صح و بعدين هتسبني و تروحلها صح
كريم پغضب مفرط
يا ريت اعرف اروحلها و اااه يا نرمين اتجوزتك عشان ابقى اب و متحسسنيش اني ظالمك اوي كدا انا معيشك عيشه مكنتيش عمرك كله تحلمي انك تعشيها
اتكلمت پغضب مفرط بس انا مش عايزة غير انك تحبني انت بتوجعني و انت بتفكر في واحدة غيري بتكون معايا و مش معايا
اتكلم پغضب و انا مش هعرف احب غيرها مهما عملتي
بعدت عنه و اتكلمت بحزن و همس 
قامت بحزن و دخلت الاوضه طلعت شريط منع الحمل اللي كانت خفيها في هدومها و خديت منه حبايه و خبته بسرعه قبل ما يدخل الاوضه و قعدت على السرير بحزن و دموع و هي بتفتكر كلامه و بتتمنى تعرف هي مين عشان تروح ټقتلها و تخلص منها
في كليه الهندسه جامعه القاهره 
رندا كانت قاعدة في الجنينه بتشرب عصير انهاردة كان آخر يوم ليها في الامتحانات و شارده في كل حاجه بتحصلها
احمد راح عندها و اتكلم بدموع 
كنت عايز منك طلب لو سمحتي
بصيت لحالته كان وشه باين مرهق جدا و خاسس و عيونه مليانه بالدموع بصتله بانتباه 
كمل بحزن 
ممكن نأجل موضوع الطلاق دا لحد اما ارجع من البلد امي تعبانه اوي و لازم اسافر و احتمال اقعد اكتر من شهر
شكله صعب عليها اتكلمت ببعض الحده 
نأجله اد ايه يعني
احمد بحزن شهر زياده مع الشهر اللي متفقين عليه لحد بس اما اطمن عليها و

اول ما ارجع هطلقك زي ما انتي عايزه
بصتله بشك ليكمل بنبره صوت حزينه و مليانه الم 
ارجوكي يا رندا موضوع زي موضوع الطلاق مع تعب امي هيقضي عليا افتكرلي اي حاجه حلوه و الله العظيم كان غصبن عني و الله العظيم ما كنت قاصده إذيكي حتى اليوم دا انا مكنتش في وعيي
رندا پغضب هو انت مبتزهقش انا مش عايزة اسمع منك اي تبريرات و مستحيل ارجعلك في يوم
احمد بحزن طب ممكن تستني لحد اما ارجع من البلد شهرين بس و لو مرجعتش بعدهم بلغي ريان انتي عارفه انه يقدر يجبني