رواية هتجنيني بقلم ايمي عبده ج٤

زين باشا بنفسه 
الظابط لاحظ إن شهد قفشه فى دراعه
الظابط هو سعدتك تعرفها
زين أيوه دى أختى ازاى ابنها يتخطف وبدل ما تقبضو على اللى خطفه وترجعو الولد تقبضو عليها هيا
الظابط يعنى الولد ابنها هيا
زين هيا إيه الحكايه
الظابط اتفضل حضرتك وأنا أفهمك ياعسكرى هاتهم
أول ما دخلو المكتب فك كلبشات شهد وساب التانيه متكلبشه
الست آه دا طلع لها سند يا بختى يانا يخطفو ابنى ويحبسونى اهىء اهىء
الظابط بطلى يابت 
الست طبعا ماهو البيه شاكله واصل ماهما العصاپات دى كده
الظابط عصابات إيه يا متخلفه الباشا ظابط
الست بفزع ايييه
زين اقعدى واهدى ياشهد أما أفهم 
شهد يجيبو ابنى الأول 
زين هيا إيه الحكايه ياحضرت الظابط 
الظابط الحكايه إن المدام أخت حضرتك بتدعى إن الولد ابنها والست دى بتحاول تخطفه وفى نفس الوقت الست دى بتتهم أختك إنها بتحاول ټخطف ابنها والولد مټخدر وسواق التاكسى بيأكد التهمة على أختك وهيا ليها حق مكالمه وأنا سببتها تتكلم واتصلت بحضرتك
زين طب فين الولد
الظابط أهوه 
مالك كان نايم فى كنبه جنب الحيطه بس من اللى شهد عملاه زين مخدش باله منه وهو داخل
شهد جريت عليه تحضنه
الظابط لوسمحتى ابعدى عنه لحد مانتأكد أنا آسف يازين باشا بس إنت عارف دى مسؤليه
زين فاهم بس دا ابنها فعلا
الظابط بس مفيش دليل على كده
زين طيب إحنا هنستنى لما يفوق ممكن اتكلم معاها شويه
الظابط اتفضل 
زين فهمينى بقى إيه اللى حصل
شهد كنت راكبه تاكسى معاه راجعين من عند الدكتور والست دى ركبت معانا وطول السكه عماله تحكى مع السواق وأنا واخده الواد فى حضنى وفجاءه السواق خد فرمله جامد اتنطرت أنا والولد وبتعدل لقيتها حاطه منديل على بقه زعقتلها وقلتلها إنتى بتعملى إيه 
الست ولا حاجه أنا كنت بسنده لويقع
شهد قولتلها ملكيش دعوه بيه هه هه
زين بطلى عياط بقى وبعدين
شهد لقيته زى اللى مسورق أهز فيه مفيش فايده خفت وقلت للسواق يقف موقفش وشكلهم مع بعض بدأت أشد فى السواق وأضربه يمكن يقف مبيقفش ولقيتها بتأوم ناحيتى ومعاها المنديل عاوزه تشممنى روحت ماسكه ايديها وقعدنا نتخانق وقدرت أفتح باب التاكسى اللى ناحيتها وزقتها بالرجل وقعت وبقى نصها بره التاكس وقلعت الجزمه وعلى نفوخ السواق وأول ما وقف شديت الواد بره واقعدت أصرخ الناس اتلمت وهيا تصرخ وتقولهم ده ابنى وخطڤاه وأنا اقولهم كدابه هما اللى خطافين وهيا والسواق بقو ضدى والواد زى ما إنت شايف الناس اتلمت والعسكرى قبض علينا وأنا كان ناقص أبوس جزمهم عشان يسيبوا ابنى وكانو هيسيبولها الولد لولا الظابط الله يباركله حس إن فى حاجه غلط وقال الولد اللى هيقرر مين أمه فيكم وبعت يجيب دكتور والدكتور قال إنه كويس بس مټخدر شويه وهيفوق وادينى مستنيه
زين طيب أهدى إنتى بس 
الظابط والله أنا من ساعه ما شوفتها وأنا مصدقها بس دى اجراءات لازم اتخدها وإلا كنت سيبتهم وخصوصا إن مفيش دليل يثبت كلامها
زين فاهم بس السواق
قاطعه الظابط مسبتوش وخليته هنا لحد ما الحقيقه تبان
بدأ مالك يفوق ويقول ياماما
شهد جت تجرى عليه والتانيه بتعمل زيها وفكرت إنها لما تقرب من الولد تخوفه عشان يقول إنها أمه بس ملحقتش
الظابط كل واحده تخليها مكانها تعالى يا ابنى
زين قام وقف يبص على الولد فدارى شهد والولد مشفهاش
مالك أول ما شاف زين خالو وجرى عليه
زين بصى يا حبيبى إنت عارف ماما كويس
مالك ايوة
زين طب هيا فين
مالك بيبص يدور زين وسع من قدامها ومالك جرى على شهد 
مالك ماما 
شهد نزلت على الأرض وخدته فى حضنها ودموعها اللى بتكلم 
الكل هدى وقعدوا وشهد واخده ابنها فى حضنها 
والظابط أمر بحبس الخاطفة وسواق التاكسى وجاب عصير للواد وأمه عشان يهدو وزين رفض أى مشروب وقفلو المحضر 
صحيح شهد زى القمر وإيهاب وسيم لكن ملامحهم مختلفه و مالك نسخه من إيهاب ومى شبه شهد عشان كده كان صعب يعرفوا مين الأم واللى خلى الظابط شك شهد نفسها لا شكلها ولا دموعها تقول إنها الخاطفه والست التانيه حتى دموعها واضح أوى إنها كدابه ومبتفتكرش ټعيط إلا لما الظابط يبصلها دا غير إن شهد أدت روشته الدكتور اللى كانت عنده للظابط لكن مفيش دليل إن الولد ده هو صاحب الروشته
زين خد شهد ومالك وخرجو من القسم 
وأول ماشافتهم يارا خرجت جرى من العربيه حضنت شهد وباست مالك وركبو وفى الطريق شهد حكت اللى حصل كله ليارا
زين عشان كده مفيش واحده فيكم تخرج لوحدها
شهد انا كنت فى استشاره وايهاب مسافر
زين اتصلى بينا إحنا لو محدش فاضى بابا يجى معاكى
شهد خلاص الحكايه إنتهت وربنا ستر روحنا بقى البيت
زين لأ طبعا إنتى هتروحى معايا وهنعدى ناخد هدومك إنتى والعيال وإحنا راجعين 
شهد ليه كده
زين أهو كده وطول ما جوزك مسافر تقعدى معانا فاهمه ولا هنعيده
شهد فاهمه على الأقل ألاقى ونس
زين وصل يارا وعدى على فيلا إيهاب خد هدوم شهد والولاد والداده وأم محمد عشان ميبقاش لها حجه وروحهم البيت وأول ما الكل شاف منظرها اټرعبو طبعا عينيها حمرا من البكا وحالها حال
زين حكالهم اللى حصل وفاطمه قعدت تطبطب عليها وعز ماصدق قنبله واڼفجرت فضل يزعقلها ويلومها هيا وفاطمه
فاطمة وأنا مالى
عز إنتى السبب بدل ما تقنعيها تيجى تقعد وسطنا لأ بتشجعيها على اللى فى دماغها وعاجبك المشوره
فاطمه جرى إيه ياعز
عز جرى إنى هطق كل يوم رايح جاى للهانم ولا إنتى ولا هيا عندكم نقطه ډم وتقولوا نريحه لكن هتريحونى أنا ليه ما اتحرق أحسن 
زين أهدى يابابا حصل خير
شهد يابابا وهو أنا قولتلكم تعالو
عز عندك حق ماهى أمك اللى غاويه تطلع عينى وتدلعك على حسابنا
زين حنين والنبى خدى شهد من هنا الساعه دى
حنين حاضر 
زين ام محمد روحى لولادك ونامو وانتى ياداده طلعى العيال
الداده وأم محمد حاضر
يابيه
حنين وشهد كانو طالعين على السلم لما فارس كان راجع من شغله اللى بقى تقريبا فيه على طول ومكتفاش بالجامعه إتصل بايهاب ومسك الشركه على ما يرجع عشان ميبقاش فيه وقت يفكر فى حاله
فارس جرى إيه مالكم
عز حمدلله عالسلامه يا بيه أخيرا شرفت
فارس فى إيه يابابا
عز كنت فين
فارس فى الشغل
عز وهو الزفت طول الوقت 
فارس بيبص لزين هو إيه اللى حصل
زين أبوك بيطلع القديم والجديد عالكل
عز بطل يازفت إنت كمان هتتنيل تتجوز ولا هتمرمطها هيا كمان
زين ناوى طبعا ومن دلوقتى واطمن مش همرمطها دا أنا هظبطها بس اتلايم عليها
عز ولد
زين اتكتمت
عز وانت
فارس أنا مااتجوزت خلاص
عز لا والله بجد
فارس أيوه يابابا إنت مش كنت فى الفرح
عز بزعيق جامد وهو إنت اللى زيك وش أفراح إنت بتاع أموات وبس واحده وماټت والتانية إنت اللى هتموتها
ياترى فارس وحنين هيكون رد فعلهم إيه 
عز وانت
فارس أنا مااتجوزت خلاص
عز لا والله بجد
فارس أيوه يابابا إنت مش كنت فى الفرح
عز بزعيق جامد وهو إنت اللى زيك وش أفراح إنت بتاع أموات وبس واحده وماټت والتانية إنت اللى هتموتها
فارس غمض عينيه بۏجع 
عز إنتبه لكلامه بعد ما خربت والجو كله اتكهرب
الكل واقف مصډوم ومش لاقيين أى كلام يتقال 
عز أنا أنا مقصدتش يا ابنى بس دى مش عيشه اللى إنت عايشها دى معذب نفسك ومعذبها معاك
فارس بصل لحنين بۏجع عندك حق أنا لا انفعها ولا أنفع غيرها أنا اللى زيى لازم يعيش وحيد لحد مايموت
فاطمه يا ابنى أبوك مش قاصده دا من حبه ليك وخوفه عليك
فارس انا قولتلكم من الأول سيبونى أعيش لوحدى أنا مليش مكان هنا كان لازم تمنعونى لما فكرت اتجوزها أبوها كان عنده حق 
زين وهو بيحاول يلطف الجو جرى يافارس الحاجه قالتلك الراجل ماكنش قصده متحبكهاش بقى
عز يا ابنى دا انت عكازى اللى مقدرش اتحرك من غيره 
زين وأنا الكرسى أبو عجل
الكل ضحك ڠصب عنهم
عز طب تصدق وتأمن بالله
الكل لا إله إلا الله
عز أنا لولاك ماكنتش جوزت هبابه شهد دى لايهاب إنت الوحيد اللى اقنعنى وسمعتله ولا الشويتين بتوع أمك واختك ولا زعل إيهاب إنت وبس
شهد تانى يا بابا إحنا مش قفلنا القصه دى
فاطمة إلهى تقفل على دماغك هو إنتى بلاويكى بتخلص لحد النهارده ممرمطه الواد معاكى وومرمطانا إحنا كمان
شهد الله مش آخر العنقود
فاطمه عنقود دا إنتى قطعتى العنقود كله ونزلتى
شهد كده ياماما دا أنا بنوبونايه البيت
زين آه عشان كده كلنا هيجلنا السكر
شهد انت رخم أنا اللى عامله للبيت دا روح مش زيكم خناشير
زين ياشيخه أجرى كده وانتى شبه أبو حلموس
الكل داوا الچرح بالفرح 
لكن فارس كان بيضحك قدامهم وقلبه ڼار وحنين حاسه بيه
حنين حاولت تقربله كتير ماامكنش بعد اللى حصل آخر مره وهو فاكر إنها بتقضى واجب أو إن أمه كلمتها
زين طلع مهمته وفات شهر واتنين ومفيش خبر عنه 
ويارا خلاص عقلها طار من غيابه وأبوها سافر هو كمان حنين كانت جابت آخرها يعنى استحملت اللى فات دا كله وفى الآخر هيا اللى بتراضيه وهو اللى رافض دا إيه المرار الطافح ده
فؤاد ويارا راحو يزوروا حنين لكن بعد ما دخلو الجنينه يارا رفضت تدخل الفيلا وفضلت قاعده تفتكر حفله الخطوبه ماهما كانو عملينها فى جنينه فيلا عز عشان حنين متضطرش تركب مواصلات 
يارا كانت أعصابها محطمه بسبب غيابه وقاعده فى الجنينه حزينه
حنين اومال فين يارا 
فؤاد مرضيتش تدخل وزين مش موجود 
فارس ودا كلام أنا هروح لها 
فى الجنينه
فارس يارا إيه مالك فى حد مزعلك 
يارا هه لأ أبدا 
فارس اومال مش عايزه تشوفينا ليه
يارا أبدا والله بس لقتنى مش قادره أدخل 
فارس نخرجلك إحنا 
يارا مش عايزه اضايق حد
فارس إيه الكلام دا إحنا مش اخوات ولا إيه
يارا آه بس أنا تعبت من أخوك وأفعاله 
فارس ماله مانا عارف طول عمره حلوف
يارا متشتمش
فارس هههههه طب يا ستى مش هشتم
يارا اااه غيابه طول أوى
فارس مش بايده دا لو يقدر ميسبكيش لحظه
يارا هه آه تصدق أنا ساعات بحس إنه مبيحبنيش
فارس مين دا دا زين بيعشقك مش بيحبك بس
جوه الفيلا 
فؤاد روحى يا بنتى شوفيهم لتكون يارا خبطت معاه وزعلته
عز ويمكن هو اللى معرفش يتصرف
حنين حاضر
وخرجت لهم الجنينه لقتهم قاعدين جنب بعض على كنبه خشب وراهم شجره كبيره قربت منهم ومحدش كان حاسس بيها
فارس روقى بقى
يارا انت متأكد انه بيحبنى
فارس طبعا
يارا هو قالك
فارس بصى انا هحكيلك اللى حصل قبل ما ترتبطو ببعض رسمى لما كان مهمته حمايتك وانتى احكمى بس لو عرف إنى قلتلك عمرى ما هساعدك تانى 
يارا لأ اطمن
فارس أنا كنت بصحيه اتاريه صاحى ومغمض بيفكر
يارا آه بيعملها كتير
فارس وأنا بنده لقيته بيرد باسمك
فارس يارا مين ياعم متصحصح 
زين هه آه طيب
فارس هيا